Saturday, February 12, 2011

postheadericon نارنج (عيد ميلادي ج1)

9:08 PM
من الحين اقولكم بحط فوق 1000 بوست عن عيد ميلادي :)

مثل ماقلت لكم بالبوست اللي فات ..

اول شي سويته بعيد ميلادي رحت تغديت مع خواتي بهالمطعم ..


اول صدمه لما دشينا ولا اغلبه محجوز يعني اللي بيروح له الافضل خصوصا اللي ما يحبون الشيشه :\
خخ قالت تشيشون قلت لا وي جان تقول ماكو الا طاوله صوب المدخنين قلت اوكي خخ بس كان المكان فاضي عقب يو الناس ..

المنيو :
تصفحته ع طاير لاني عارفه طلبي من بوستات البنات وخصوصا جايونه قلدتها بجم طبق :)

المقبلات المجانيه ماذقتها ..

شوربه عدس ..
(زينه)

حمص باللحمه ..
(هم زين)
 (بطاطس )

فتة داود باشا..

الذ شي جربته عندهم يمي يمي..

مشاوي مشكله ..

وهني لما وخرت الخبز ..

ماذقت الا تكه وشويه من الكباب  هم زين ..

عرايس باللحمه والجبنه شي جذي اسمها ..
زينه ..
 كبه باللبن ..

ذقت وحده حسيت جنها اللي سويتها برمضان وفشلت :\ مع انه قايلين لي انها لذيذه :(
 معاها عيش ..
عادي ..

وعقب لما خلصنا قلنا نبي ناااخذ الاكل سفري اغلبه جنه مانجاس ع عداله :\ قال ماعندنا هالخدمه @@ ياااني تحلطمت عليه خخخ بالله شيبي التيك اوي !!

عقب عطونا ضيافتهم صينية حلو ..

اللي جنه كيك مادري بسبوسه ماحبيتها حسيتها مو فريش, اللقيمات و اللي مثله طواليه يابسين ماقدرت اكلهم ..

ااما اللي عجبني المعمول اللي حاطه عليه توقيعي ..

ميوه :)

ااالاسعار..

الخلاصه :
في شي ماحبيته غير انه ضيج والشيشه حاطينه داخل المفروض برااا بمكان مكشوف :\ وانه ماكو تيك اوي ..

القرسونات وايد يلزقون :\ حاولت اوخر كنت بقلب من الكرسي :\ تحلطمت نافخت وانتفخت الدخنه طلعت من خشمي واذوني وطنقرت ومديت بوزي ماكو محلك سر :\

في حل اخير ماقدرت اسويه خخخ..

اللي حبيته اكلهم عموما زين وضياافتهم تونس ومميزه ..

عنوانه ..

السالميه - مجمع اولمبيا - جبال المركز العلمي يعني بشارع الخليج او البلاجات ..



Labels: , | 20 comments
Friday, February 11, 2011

postheadericon احتفالي بيوم ميلادي المجيد :)

10:47 PM
الحمدالله كان يوم حلو ومتروس مفاجات مع انه ولا شي من اللي خططت له صار خخخ ..

نسيت اقول امس انه التاريخ ميلادي هالسنه مميز خخ ..

11-2-2011 م ..

وانه دور السنه ان شاءالله بنصير انا وامي كبر بعض :p

نبلش باحتفالي باختصار لاني دايخه بعطيكم الموجز والتفاصيل في البوستات اليايه ان شاءالله ..

اول شي ونسني انه اختي الكبيره يتنا وطلعنا مع بعض :)

بما انه كنت حاجزه صالون بالسالميه واستحيت اكنسل كنت ابي مطعم حوله يعني بالبدع وصوبه :\

رحنا :


تغدينا فيه (عزيمة ااختي الوسطيه)..

وعقب رحت الصالون ولو مطنشتهم احسن اول مادشيت هفتنا ريحة زفر زين ماسدحتنا خخ و يصفر ماكو ال زبونه وعامله ورسبشن فاضي عقب لما أحد عبرنا طلعت لنا وحده ماتدري وين الله قاطها استغفرالله اقولها ابي جلسه شعر ؟ تنحت :\ قالت لي كريم  قلت حمام زيت  والخ..  ولا زالت الاخت متنحه قلت لخواتي خل نروح قالت فيه جرجير قلت مو اي شي تحطينه شوفي شعري اول شيحتاج ورتني ورقه تبيني اختار :\ رديت ورقتها وقلت لخواتي مشينا :\

وماسويت شي كنت ابي كورس بس هونت :)

ورحنا الافنيوز بداله مرينا السينما مافي افلام سنعه :\

وانا كنت احوس بماكس شفت منو ؟؟

مدمد جان اقولها طحت عليج خخخخ
(خيره ماسويت شي بالصالون ولا لقيت فيلم سنع :)

عاد شيشتني نروح مكان نحلي ويغنون لنا فاخترنا جوكلت بار :)

 كيكتي وغنوا لي وصروعنا بعد خخخ ..

وصورنا صور عبط خخخ ..

هذا فرنش هوت جوكلت لمدمد لما شفناه انصدمنا وايد كبير خخخ ..

الكيكة من مدمد ..

وتمشينا وشريت كريمات وخرابيط وقلنا بنرد البيت :)

ودعنا مدمد عقب اختي قالت خل نتعشى جان اتصل ع مدمد مرتين ماكو جان ادرعم ع سبا واشوه حصلتها ورحنا تعشينا هني ..


عزيمة اختي الكبيره لنا :)

يوم خفيف منوعه الهدايا فيه بين عزايم و هدااااايا بيوتي ..

مشكورين ع الاحتفال مدمد وخواتي ..

مشكوره جايونه ع المفاجاءه ..

مشكوره سوسو ع الهديه..

ومشكورين اللي هنوني  سواء هني او بايميلي :)

Labels: , , | 36 comments

postheadericon كل عام وانا بخير ياااااااااااارب :)

12:00 AM

to me

اممم بعد جم ساعه يعني 8 الصبح بكمل ال24 بالضبط ان شاءالله ..
شعور غريب :\

بس يارب تكون سنة خير علي يارب :)

وباي باي 23 حبيتج كنتي خفيفه ولطيفه وسويت شغلات فيج من زمان خاطري فيها :)

واهلا اهلا  24 حدي احاتيج من شهر 4 اللي فااات وانا حلم فيج خخ ..
Labels: , | 62 comments
Thursday, February 10, 2011

postheadericon لقيت بديل لصبغ اظافر بوبا

10:09 AM
قبل فتره نزلت بوست عن صبغ اظافر بوبا (هني) وعيزت ادوره ماحصلته لي الحين ..

بس قبل جم يوم كنت احوس مع اختي الكبيره تبي مكياج بطلعتنا عقب ماحاسبنا جان اشوف اظافر نفس طريقة بوبا سالتهم وين هالنوعيه ومامداني اشوف اختي تلتني حصيلتي الاوليه كانت لونين بس ..

احمر رقمه 04

وادعم (بني) 03 ..


اهو عباره عن 3 اصباغ اظافر:

1- الاول البيس كوت اهو القاعده ولونه ابيض ..
2- اللون وفيه الفكره اهو اللي يتقشر..
3-واخر شي الشفاف اهو التوب كوت ويحافظ ع اللون ..

طريقته :

1-تحطين الابيض ..
2-عقب اللون .
3-اخر شي الشفاف بدونه بسرعه يخترب ..

براويكم صور للاحمر بس الباجي ماصورتهم ..

شوف لونه يشوق اكثر واحد حبيته هاللون ..

قبل التضبيط الصبع الاول بلش ينشف اهو اللي ع اليمين اما ال2 اللي ع يسار توني حاطته ..

هني ال2 بلش ينشف ..

والابهام النتيجة بالصج احلى :(

وماكنت حاطه التوب كوت ..

تجاربي :

جربت 3 الالوان ادعم وبنفسجي واحمر ..

جربتهم باكثر من طريقه :

مع توب كوت وبدونها :\

مع قاعده اللي اهي البيس لون غير الابيض كان لون ذهبي من سالي هانسن وماضبط :(


رايي فيه :

حبيت انه حصلته وبسعر رخيص , بس مااحس بمستوى بوبا حبيت بوبا اكثر ..
مو وايد عملي :\
ويبيله معابل بالمسح خصوصا اذا كنتي مكثره ..

سعره :

مثل ماهو مكتوب عليه 900 فلس واحتمال كبير تحصلونه ارخص ..

وين تحصلون؟؟

المكان اللي حصلته فيه الالوان السنعه خلصت دزيت السايق اول امس صدمني كنت ابي كميه لرفيجاتي كل مااختار لون يقولون خلص واخترت تراكواز يابت لي بنفسجي :\


Labels: , , , | 18 comments
Wednesday, February 9, 2011

postheadericon شسوي بعيد ميلادي ؟؟

11:15 AM

بعد يومين ان شاءالله عيد ميلادي ..

وصارلي فتره اخطط شسوي فيه ؟

مااحب يكون يوم عادي احبه يكون مميز لانه بالنسبه لي اهو احلى يوم بالسنه ..

الاحتفال كالعاده بيكون انا وخواتي وهالسنه بعد عمري سمسم معانا ان شاءالله واميمتي طبعا ..

قاعده ادور سبا سنع عنده فيشل سعره معقول ابي شي 2 غير سباتايم وماي سبا ويكون بمستواهم بالدلع :)

سبا تايم جربته العام ومااحب اكرر المكان اكثر من مره ..

وماي سبا كلمتهم ماعندهم الا وحده تسوي فيشل لا وتشتغل بمكانين والاحلى انه بيوم ميلادي اجازتها اتقولي تبين السبت قلت لها خلص العيد ميلاد شالفايده :(

بجربه عقب لانه عندهم عروض ويمدحونه :p

وهم مابي مساج لاني مااحب احد يجسني ولا احب اتكشف :\ ولا ابي لاظافري لانه مليت :\

وحاليا مختاره مطعم وهم محتاره بس بجربه ان شاءالله لانه مو وايد اروح مطاعم برا مو بمجمعات ..

شنو بعد السينما مابيها واسا سا ماكو افلام يديده :\

شسوي :(

لا حد يهنيني تو الناس عليه خخخ ..


Labels: , , , | 17 comments
Tuesday, February 8, 2011

postheadericon تيستي منقوشة

7:29 PM
امس قبل لا انام شفت بوست من اكون عن هالمطعم (هني) فقلت يبيله اجربه ..

اليوم جربته <<ريوقي بالداوم ..


منقوشة لبنه ..

اكستر تيستي سويت..

الاسعار :
اكستر تيستي سويتي ب 1.250
منقوشه لبنه وزعتر بـ 750
عصير برتقال ب850

 عنوانه :
رايي فيه:

طول يالله وصل ولما وصل كان بارد :( من جذي ماستمتع فيه كليت شويه وانغثيت مااحب كل شي ميصص :\
وحبيت الحلو اكثر من اللبنه ..
ونسيت اقول يابولي سلطة معاه ومخلل جنه بس ماكليتهم بس شكلهم نظيف وفرش..
وطلبت عصيير برتقال زين :)
Labels: | 14 comments
Monday, February 7, 2011

postheadericon احلى كبة باللبن :)

2:29 PM
كل انزلكم بوستات عن حلو احبه (كوكيز -فوندو-مولتن)

اليوم بنزلكم بوست عن طبق رئيسي احبه :)

كبة باللبن

واحب اجربها باي مطعم لبناني ..

(1)
ليلى من لبنان

من زمان مجربتها قبل سنه وشي ..

رايي فيها :

الكبه لذيذه بس لبن في طعم حمص شي جذي بس زين مو وااو مثل الكبه ..

سعرها :
ماذكره !

المطعم موجود بالافينيوز :)

بوست المطعم(هني)



(2)

صبح ومسا



رايي فيهاا:

طعمها مثل طعم اللي بفيلا فيروز (زين), ويقدمونها مع عيش ابيض لذيذ احبه :)

سعرها :

هم ماذكر :\

المطعم موجود بـ360
بوست المطعم (هني)

(3)

فيلا فيروز



رايي:

جربتها اكثر من مره وكانت زينه , اخر مره جربتها متغيره الكبه حجمها اصغر ومقدمينها بدون عيش :\ مو مثل كل مره ..

سعرها:
3.950 د.ك

المطعم له فرعين (بالشعب البحري , الافينيوز)

بوست المطعم (هني)

(4)
ايامي




رايي :

هالمطعم لاحظت اكله اغلبه شويه , بس يشبع الحمدالله :)
الكبه تقدم مع عيش بيض , اممم زوينه :\

سعرها:
3.250 د.ك

المطعم موجود بالمارينا كريسنت ..

البوست اللي نزلت عنه كان ريوق ومو نفس المره اللي جربت فيها الكبه و بالنسبه لي ريوقه الذ :) (هني)

(5)

رايس ..

زووووم

رايي :

حبيت طريقه تقديم المطعم اللي هي صينيه وفيها طبق رئيسي (عيش ومرق)وسلطة واجار او مخلل\طرشي ولبن وعقب جاي وحلو <<بس عيبه الشيف يختاره :\

بالنسبه للكبه ماحبيتها وايد ماراح اجربها مره 2 :\ برياني الربيان بو ريحة واايد الذ :)

سعرها :

ب6 وشي او قل او كثر مو ذاكره بالضبط :\

المطعم موجود بالافنيوز صوب المطاعم ..

نزلت عنه بوست عن اطباق 2 (هني)

(6)
الخالدية

زوووم



رايي:

هالمطعم احبه اهو نظام بوفيهات وهم عنده توصيل طلبات صغيره , احبه كبته بس عيبها مو كل مره تضبط :( مثل الصوره كانت ناشفه شوي :(
والحلو بالمطعم انه الطلب يك زهب كل شي فيه حتى القفشه بس بطل واكله :)

سعرها:

بدينار وربع << الله يديم الرخص ..

لا وتعتبر ااكثرهم ككميه :)

سايت المطعم (هني)

هذي تجاربي اللي ذكرها ومصورتها في تجربه فاشله كبه انا مسويتها استحيت احطها خخ
Labels: | 22 comments
Saturday, February 5, 2011

postheadericon Aero hot chocolate

9:52 PM
الاسبوع اللي فات مريت محل كاكاو لندن عاد شفت هالمنتج البنات متكلمين عنه اعتقد بنوته (بنت الكويت) وفشونه (فيشه)..

عاد خذيته اجربه ..


اهو عباره عن جيس في 8 قلاصات ..

والكاكاو موجود فيه بالقاعده تحت القصدير ..
 هني اوضح بس وايد اكثر من لازم :\

عقب الاضافه ..

رايي :

مثل ماقلت البودره وايد جربته مره مع ماي ومره مع حليب بس طعم البودر طاغي , ماحبيته بس مع الحليب ارحم :\
Labels: | 24 comments
Friday, February 4, 2011

postheadericon Whitening Soap

10:39 PM
حاليا استخدم هالصابونه ومابقى شي وتخلص ..

من Herbal Skin Doctor

مكتوب عليها :

تركيبه تحتوي عى مكونات طبيعيه نقية 100% , صابون تبيض  ممتا (الظاهر قصدهم ممتاز :\ ) يناسب جميع أنواع الجلد .

بذور العنب وفيتامين سي والتوت والشاي الاخضر والمكونات الفعالة الاخرى التى تعمل مع بعضها البعض من اجل تناغم وتبييض الجلد .
  فهو ينظف الجلد بشكل ممتاز ينعش ويقلل من الزيوت الزائدة .

كما انها تساعد بفاعلية على الرعاية اللازمة من اجل رعاية حب الشباب والنمش والتجاعيد والرؤوس السوداء وخطوط التقدم بالعمرومختلف مشاكل الجلد ..

استعمليها على كامل الجسم من اجل معالجة خاصة فائقة لرائحة جسمك

توجيهات:
دلكيها بلطف على وجه وجسم رطب ومن ثم اشطفيه.

وين تحصلونها وبجم ؟

بالكويت مادري اذا موجوده و لا , حصلتها بالسوق الصيني بدبي .

بالنسبه لسعرها :

ماله سعرها ثابت شريتها من محل بـ10 درهم لقيتها بكشك بـ 20 درهم ويعني بترعيني قالت ب15 قلت لها خخ عندي مثلها ارخص :)

رايي :

كتبيض او بالاحرى تفتيح ماشفت نتيجة باهره بس حبيت ترطيبها وانها ماتنشف الايد (ستخدمتها ليدي بس الكفوف).

 
  *مصدر الصوره قوقل



Labels: , | 11 comments
Thursday, February 3, 2011

postheadericon صاج ..

3:21 PM
اليوم ريوقنا كان من ..


طلبت بيتزا نقانق ..

صاج مسحب دياي بالجبن ..

ورفيجتي كانت طالبه صاج حلوم كامل << ذقت قطعه , وصاج جبن بالسبانخ :)

رقمهم ..

اسعارهم مادري جم بالضبط بس بحدود نص واقل و ازيد شويه ..

رايي فيه :

زين مو وااو :)
Labels: | 10 comments
Wednesday, February 2, 2011

postheadericon طبقوه ولا بعدهم ؟

7:21 PM
بسالكم قبل كنت قارية انه احتمال نقدر نغير شركة الاتصالات لي وحده 2 مع المحافظة ع الرقم نفسه مايتغير ؟!؟

صار هلشي او لا ..

لانه حدي منغثه من الشركة النهيبة اللي مشتركة فيها وبنفس الوقت مابي اغير رقمي أحبه من ألثانويه عندي ..

وبالمره اي احسن شركة لخدمة البي بي ؟
Labels: | 16 comments
Tuesday, February 1, 2011

postheadericon تجربتي لمنتجات beauty seeds

1:51 PM

السلام عليكم ..

قبل فتره نزلت لكم بوست عن مشتريات من beauty seeds (هني)

 




 نبلش بالسنفرات بس الموضوع راح يقتصر على رايي بس اي تفاصيل 2 موجوده بالبوست الاولي (الرابط فوق)..

(1)

خلطة فيري داست Fairy dust



بتحجى عنها من ناحيه التاثير الاولي من نعومة وريحة :
تعطي نعومه بسيطة بس ماحبيت ملمسها حسيتها ناشفة شوي وحبيبتها مثل حبيبات السكر ..
وبالنسبه للريحة وايد حبيت ريحتها , بس الظاهر دخلها ماي ونشفت واختربت وريحتها صارت مخمره ويع اخر مره تفركت فيها هفتني الريحه ع طول وخرتها وماكملت وغسلت ويبت سنفره 2 ترقع الموقف :(




(2)

خلطة ويك آب Wake Up

 ريحتها قهوة تونس جنه داشه كافيه مع اني ماحب هالريحة بس حبيت هذي :)


ملمسها مثل الاولى بس اشوه هذي خلصتها وماختربت :)
(3)
Cotton Candyكوتون كاندي


كلش ماحبيته لا من ريحة ولا ملمس ..


انا احب ريحة شعر البنات هذا ريحته مو اهي اللي احبها :(


وماترغي حطيتها ع ليفه فركتها بايدي ماكو جنها علج :( مادري بس انا اللي صارلي جذي ولا كل اللي استخدموها ..


اساسا من اول ماشفتها انصدمت توقعتها مثل صورة شعر البنات الحاطينها صابون لزج اخففه بماي ..


بس استفدت من غرشتها سويت فيها خلطة :)
(4)
الصابون الفوار
Bath BomBs

اسمه :إن لوفin Love


ماجربته ماعندنا لا جاكوزي ولا بانيو بنات اللي عندها تعزمني واعطيها نصها خخخ..

(5)
Lip Scrub


هوليوود لبسhollywood lips


وايد حبيتها احلى سنفره استخدمتها احلى من مالت لاش ..

و وايد حبيت نتيجتها تعطي لون ونعومة و ترطيب مايحتاج احط وراها زبدة كاكاو ..
Labels: , , | 18 comments
Subscribe to: Posts (Atom)

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

انستغرام المدونة (roroalk)

follow me

follow me

My Blog List

Show All

Ads

Meenakon Design Templates