شخبوطة كويتيه: Grand President hotel

Monday, June 27, 2011

Grand President hotel

11:05 AM

اول بوست عن السفره بتكون عن فندقنا ..

نسيت اقولكم كنا رايحين تايلند وتحديدا بانكوك ..

مدة السفره تقريبا 10 ايام من 16- 6 الى 26 -6..

الفندق مكون من 3 ابراج بالصوره اللي فوق مبين برجين :

اللي ع اليسار اهو الرئيسي رقم 1 , اما اليمين فهو رقم 2 وفيه كانت شقتنا , وال3 مادري وين بالضبط بس حسب العلامات اهو اللي بالشارع المقابل مو يمهم بالضبط ..

بالبرج 1 ما صورت الا هالطاوله خخ غرامي السبا ..

والحين ننقلكم للبرج ال2 ..

اول ماتدشون بتشفون هالصاله ..

وهذي الجزء ال2 منها..

شقتنا كانت بالدور ال5 ..

ومكونه من غرفتين (ماستر + غرفة مزدوجة) وحمامين وانتوا بكرامه كل حمام داخل غرفه وصاله و مطبخ ..

منظر عام للشقه ..

المطبخ ..

وفيه كل الاحتياجات (جوله وثلاجة وغساله وماكرويف وتوستر , وقلايه )

الصاله..

ماصورت الا غرفة نوم وحده اهي المزدوجة ..

والحمام وانتوا بكرامة ..

واهم شي واحلى شي انه في هوز :)

وفي بالفندق 3 حمامات سباحة بكل برج حوض ..

صورت 2 اللي بالبرج الاول وال2 بس..

البرج 1 ..

احلى واكبر من ال2 ..

البرج ال2 ..

الريوق :

ماصورت الريوق لانه بس رحت اتريق مرتين او 3 وبدون كامرتي :\ ريوقهم مو ذاك الزود ومو بين اذا الاكل حلال و لا ..

بس شفنا عايله اماراتيه كل صيف تنزل بهالفندق يقولون العاده يفصلون بين الكل الحلال والعادي ويوضحون هالشي بعلامات بس هالسنه يين ابجر فماسو لي لحين :\

لانه اغلب اللي الفندق اجانب وهنود شوي العرب ..

سعره :

500 وشي متوسط لا غالي ولا رخيص ..

رايي :

الفندق وايد مريح وصغيرون ونظيف وحلو للعوايل والموظفين حليوين(ودودين) ..

عنوانه :

بانكوك , سوخومفيت -سوكومفيت مقارب لشارع العرب ..

لمشاهدة صور اكثر واوضح عن الفندق بالاضافه لخريطة توضح موقعه (اضغط هنا)

Labels: spa, تايلند, سفر, فندق

8 comments:

نزهاويه said...: الحمدلله على السلامه و الله شكله خوش فندق :)
و سعره زين; June 27, 2011 at 5:19 PM
i-Found said...: حمدالله عالسلامه
مريتي المطعم الهندي ؟; June 27, 2011 at 11:21 PM
رورو الشخبوطه said...: نزهاويه..

الله يسلمج يارب..

مشكوره..; June 28, 2011 at 10:25 AM
رورو الشخبوطه said...: اي فوند..

الله يسلمج يارب..

مشكوره..

لا والله لانه ماشفت تعليقج الا باخر يوم سفره :(; June 28, 2011 at 10:35 AM
Anonymous said...: الفندق شكله نظيف ومرتب

واحلى شي صج انه فيه هوووز :>

لان هذي مشكلة مليقة بالسفر :/; June 30, 2011 at 12:39 AM
رورو الشخبوطه said...: هديل..

حده معاناة :\

وحياج الله..; July 1, 2011 at 6:40 PM
Anonymous said...: شكلها نظيفة الشقة
الحمدلله على سلامتكم :); July 2, 2011 at 2:19 AM
رورو الشخبوطه said...: حنان..

اي والله وايد نظيفه..

الله يسلمج يارب..

مشكوره :*; July 2, 2011 at 11:07 AM

Grand President hotel

8 comments:

About Me

ايميل المدونة :)

Labels

Followers

Blog Archive

انستغرام المدونة (roroalk)

follow me

My Blog List

Ads