Thursday, June 30, 2011
مؤقتا بوقف بوستات عن "اماكن رحت لها" بالسفره لانه في صور يدد بتدزهم لي بنت عمي فماتسوى انزل شي ناقص :\

بتكلم عن شغلات عامه سويته بالسفر..

بالطياره ومن الملل شفت جم فيلم بس مااكملهم لانه بايخين قبل لا نوصل بساعه لقيت هالفيلم ومن زمان خاطري اشوفه , وماقدرت اشوف الا نصه وبس بردتنا كملته ومن كثر ماسولفت لبنت عمي عنه شوقتها وشافته خخخ..

من زمان مو منزله بوست كامل عن الافلام العاده استعين بسايت السينما :\

بطولة :
زينه , صبا مبارك ..

قصته :

عن بنتين تجمعهم صلة قرابه (بنات عم) وصداقه, صبا بدور دكتوره اسمها داليا عمرها 32سنه , اما زينه فامينة مكتبة وعمرها 30 ..
من خلالهم يعرض الفيلم العديد من المشاكل اللي تخص الشباب وتمس المجتمع , مثل الفساد و البطاله و الهجره والخوف من تاخر الزواج .. الخ ..

لمشاهدة تريلر الفيلم (اضغط هنا)

رايي :

بداية الفيلم كانت برتم بسيط وبطئ بعض الشي وعاديه , منتصفه بدات تتسارع لاحداث واغلبها بطابع درامي حزين , النهاية صدمة توقعتها بتكون اقوى واحلى بس كانت مفتوحة ..

10 comments:

Anonymous said...

الحمدالله عالسلامة نورتي الديرة.
لقيتج بالتويتر وسويت لج فلووو

وين هالغيبة افتقدناج

يابختي

Anonymous said...

كتبت رد ماادري وين ضاع

المهم
الحمدالله عالسلامة افتقدناج وايد

ولقيتج بالتويتر وسويت لج فلو ماادري عرفيتني ولا

يابختي سابقا

رورو الشخبوطه said...

بخ بخ..

الله يسلمج وبعد عمري منوره بوجودكم وفقدتج وفقدت بتي من غير شر ..

موجوده :)

وماتفقدين غالي يارب..

رورو الشخبوطه said...

بخ بخ 2 ..

موجود بس لانه مسويه اشرف ع الردود فما ينزل ع طول..

شسمج بتويتر خل لحقج :)

نزهاويه said...

الفيلم ما شدني لما شفت بوستره خصوصا اني مو زود احب صِبا

بس قررت انزله الحين دامج مدحتيه ;)

daloo3a said...

ما حب النهايات المفتوحه

عسل said...

لاااا ما أحب النهايات المفتوحه أحب إن يكملونها أجزاء ثانيه :)

رورو الشخبوطه said...

نزهاويه..

ان شدتني دعيته احب الافلام البناتيه :)

اذ شفتيه قوليلي رايج..

اهو زين مو وااو..

رورو الشخبوطه said...

دلوعه..

اي بياخه حلاتها نهايه سعيده خخ..

رورو الشخبوطه said...

عسل..

انا احبها تكون سعيده لانه اجزاء وايد بيخورونها غالبا..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads