Tuesday, March 22, 2011
وصلنا ل 3 يوم بالسفره الصبح رحنا دبي مول و العصر رحنا القرية ..

واهي اقتراح بنت عمي الي كسرت خاطركم صحبة اقتراح اتلانتس..

بس هالمره اضبطت  اشوه..

المدخل ..

كله محلات..
خذيت منه العاب لليهال :)
 داخلها مقسمينها اكثر من قريه ..

اول وحده دشينها قرية التراث ..
صندوق مبيت XXXXXL  لكل الفريج خخ ..


وفي صوب لحياة البادية ..


وصوب للاكل ..

خذيت منه القيمات ..
عندهم تكون مع دبس اوعسل..


اخترت مع عسل وسعر 15 درهم ..

وحبيتها :)
وعندهم خبزرقاق مع جبن او بيض قبل لا نطلع خذيناه بس ماذقته :\

عقب رحنا صوب الحضر..


وفي بيت مكتوب عليه نقش حنا ..

سالت اذا في قالوا لا بس بالمهريان :(
بس لقيت عندها برقع وشريت لي ولبسته وصورت و ويولي اجانب بيصوروني بعد :\  يقول  نخليج ستار خخخ بس مارضيت حلاتي مرتزه خخخ..

وتميت افتر فيه لما اختي زفتني خخخ..

واللي تبيع قالت لي برقعي مال حضر والبدو برقعهم غير اعرض ..

ورحنا تغدينا بهالمطعم ..

التفاصيل عقب ان شاءالله..
 واخر شي رحنا ..
 لقطات منها..



كنا هنا :)

الدخول مجاني :)

وايد اسمتعت فيها سويت شغلات وايد بخاطري اهم شي البرقع وذقت الاكلات الشعبيه وشفت جزء من تراثهم ..
واتوقع بتكون وايد احلى بالمهرجان ..

عيبها عيزنا ننطر تاكسي :\اخر شي  لما اتصلنا بواحد كان صغير وتقلقصنا فيه طول الطريج ميتين ضحك خخ تذكرت اشكالنا :P


12 comments:

شاي الضحى said...

حدي مضيعه عبالي القريه العالميه قلت شفيها تغيرت

توني استوعب لوول

عليكم بالعافيه :)

Sami said...

اعشق دبي ..الله يونسكم بالعافيه

daloo3a said...

حبيتها

اهم شي استمتعتوا ^^

AM.SA.CHANNEL said...

وي من زمان عنها قرية الترااااث .. و غيروها وايد شكلهم ..

وايد أتغصص من اسعار الأكل برع يعني القيمات 15 وايد غالي .. القرية أعتقد 10 ..
لو جربتي الرقاق بيض و جبن لذيذ أو جبن و عسل.. شكلي انا المرة الياية بطرشلكم الفندق ههههه ..

بس زين سرتولها غيرتوا عن المراكز ..


--------
و على فكرة البرقع .. ترا أنواع
يعني براقع دبي غير عن بوظبي و عن الفجيرة، يعني مثلا أنا أعرف هالحرمة من وين من برقعها ساعات، و حد يحب يلبس براقع دبي و ممكن من دبي يلبسون من أبوظبي ..

ربيعتي يوم يت دبي كانت تبا برقع بس يبين بوزها يعني البرقع يستر لين آخر الخشم .. بس قلتلها جان تبين عند يستر لين آخر الفم و يبتلها من عند يدوه ..

و ما كنت اعرف هالشي إنه قياسات البراقع ههه لأنه يدو ظحكتني قالتلي عندي وايد يداد مفصله، بس ظعفت شوي وإستون وساع عليه هههههه ظحكت هني ..

المهم إستانستوا و غيرتوا جو .. و لفيتي بالبرقع هههههه

Made n Q8 said...

حلوه مشالله صج قريه تراثيه

ودي من زمان اروحلها

يسلموو عالصور

رورو الشخبوطه said...

جايونه..

لا حسافه مالحقت عليها :(

الله يعافيج يارب..

مرسي..

رورو الشخبوطه said...

اخوي سامي..

عجيبه دبي ماشاءالله..

واجمعين يارب الله يعافيك ..

رورو الشخبوطه said...

دلوعه..

الحمدالله وايد استمتعنا :)

مرسي..

رورو الشخبوطه said...

شانيل..

10 الصغير ..

خخ ترا نطرج خخ انتوقعت اصادفج :\

خذينا جبن بروح وبيض بروح بس ماذقتهم :\

اي لازم نغير ونجرب شي يديد مو موجود عندنا بالكويت\

--------
اها حسبالي 1 ..

ماتوقعت انواع واحجام ومقاسات..

بصور لج مالي وقوليلي لاي اماره خخ..

اهو شسمه بالامارتي ؟؟

اي الحمدالله وايد استانسنا..

خخ استانست عليه واختي لكبيره لما شافته قالت لي ليش مايبتيلي منه خخخ..

ومشكوره :*

رورو الشخبوطه said...

مدمد..

ان شاءالله تروحين لها قريب..

والله يسلمج يارب..

مشكوره..

خاتون said...

السلام عليكم....

شكلها تجربة ممتعه
عليكم بالعافية وان شاء الله تكررونها
؛)

رورو الشخبوطه said...

خاتون..

وعليكم السلام والرحمه ..

الله يعافيج يارب..

ان شاءالله بس حزت المهرجان بتكون امتع :)

ومرسي..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads