Saturday, November 28, 2009
السلام..
اليوم بالنسبه لي الحمدالله ممتع..
الجو بديع ماشاءالله مطر كنا بنروح المارينا بس لانه قوي رحنا الافنيوز..
وكنا نبي سوالف لحفلة بسيط فمرينا بروي وع حظنا كان تنزيلات :)
طبعا الحفله لبيبي صبي عمره سنه مو اليوم ميلاده لا 24-11 بس اختي ماراح تكون عندنا فاجلناه لي العيد..
كلشي خذينه ع رقم 1..


الصحن..


الكلنكس وهم القلاصات والشمعه والكبوس بس ماصورتهم ..




صدريه له..



وطبعا اليوم بسيط مثلا حفلاتنا قبل ايام ديده الله يرحمها كنا نحط كيك وفطاير والعشا ونطفي الليتات ونشغل الشموع ونغني عقب ناكل وبس..









الكيكه الاولى..



ال2 بالنت كانت جذي واحنا قلنا له اكتب عليها هبي بيرث دي سمسم اهو لما كلم امي قال ماراح يزينها قالت عادي ع ابو جاهزه ومايقدر يضيف اسم سمسم..

الصدمه انها صارت جذي جنه بيت بنوه لي الحجر الاسود والمقاول باق فلوسهم ونحاش اهي اهي..


طالبينهم من بترا ..
وعشانا مزه بارده..


ومشويات..




المعازيم ماكو الا انا وخواتي وامي والجاليه الاثيوبيه :)
وكل عام واهو بخير ..

26 comments:

Made N Q8: said...

وااي يا حلاته اسم الله عليه

كل عام واهوا بخير وان شاء الله تفرحون بتخرجه :)


و زين سويتوا خليتوا حفلته بالعيد عشان تصير الفرحه فرحتين :)

رورو الشخبوطه said...

هلا مدمد..

وانتي بخير وصحه وسلامه يارب..

ان شاءالله ونفرح بعرسه بعد ;p

اي احسن ع اقل نحس بالعيد :)

مشكوره..

وحياج الله..

Shaikha said...

حفلاتكم نفس حفلاتنا p; !
LOOOOOL
ضحكتيني عالكيكه ، مقاول منحاش عيل ..

Happy birthday smsm
Cha Cha Cha ....

بس صج الحفلات بسيطه ، بس تترك طابع حلو بنفس الواحد ، مو ؟

Ļa ƒéммé said...

الله يديم عليكم الأفراح والليالي الملاح إن شاء الله
وهابي بيرثدي سمسم , وشكل ايمعه اتونس وكوزي الله يسعدكم دووووووووم آمين

Hope said...

يحليله
كل عام و اهوا بألف خير يا رب
عئبال ما تفرحون فيه معرس ان شاء الله

بس امبي من صجهم مبدعين بالكيكه الثانيه
قلنا ما يزينها بس مو جذي

عليكم بألف عافيه ... الله يديم عليكم الافراح

رورو الشخبوطه said...

هلا شيخه..

خخ زين في احد مثلنا وجنه رفيجتي بعد جذي بس الفرق احنا نغني اهما لا ..

مرسي مرسي..

انا عن نفسي افضل البسيطه و وجود الجمعه الحلوه حتى لو بس شمعه ع كب كيك وحده نتقاسمها :)

وحياج الله ..

رورو الشخبوطه said...

هلا لافييم ..

اجمعين يارب جزاج الله خير..

جني عرفتج :p

ومرسي..

وحياج الله..

رورو الشخبوطه said...

هلا هوب..

وانتي بخير وصحه وسلامه يارب..

امين ..

مشكوره..

اي امبيه انصدمت ماتوقعتها جذي توقعتها مثل الصوره قلت كيوت لبيبي صغير..

الله يعافيج يارب..

واجمعين يارب جزاج الله خير..

وحياج الله..

شاي الضحى said...

كل عام والحلو بخيير وانشالله تشوفونه معرس


افا بس افا وانا وين رحت؟؟؟؟ ليش ما ناديتيني ازين لكم الكيكه؟ :q

من صجكم يابوها لكم جذي ليش ما قلتولهم؟؟ هذا غـــــش الصوره غير وبالصج غير

اشوه البيبي ما يفهم جان اخترع منها لووووول


وعليكم بالعافيه والله يديم هالوناسه بينكم :)

الوتيــــــــــن said...

كل عام والعنونو بخير وتفرحون فيه معرس ان شالله يا رورو :)

رورو الشخبوطه said...

هلا جايونه..

وانتي بخير يارب ان شاءالله :)

خخ لو طالبين كيك منج احسن لنا :)

ع الطاري الكيك من زمان عن كييج اشتقناله ..

اهما يابوها الصبح مانشفناه الا المغرب واهو عشتوا معطينا خبر انه ماراح تتزين بس كلش ماتوقعتها جذي:(

والاهم انه مايتكلم والله جان فشلنا خخخ...

الله يعافيج واجمعين يارب وجزاج الله خير ..

وحياج الله ..

رورو الشخبوطه said...

هلا الوتين..

وانتي بخير يارب..

ان شاءالله :)

مرسوو..

شاي الضحى said...

اي والله من زمان مو مسويه كل مره اقول ودي اسوي واهون لاني انا رديت على الرجيم وامي واختي ما يشجعون انطر زعفرانه ترد عشان اسويلها انا اسوي واهيا تاكل لووووول

Faith said...

واحلاته اسم الله عليه الله يحفظه ويخليه لكم يارب

يتربى بعزكم ويكبر انشاله **

كل عام واهوه بخير

عليكم بالعافيه
خوش صور ماشالله
بس عاد المره اليايه عزموني =p

رورو الشخبوطه said...

ولكم باك جايونه..

عاد مو من متنج :)

اي تعالي انا اشجعج بالنيابه خخخ عن زعفرانه الله يردها بالسلامه يارب..

رورو الشخبوطه said...

هلا فيث..

الله يسلمج يارب جزاج الله خير ..

ان شاءالله..

وانتي بخير ..

الله يعافيج يارب..

مشكوره..

اي ان شاءالله :)

وحياج الله اخيتي ..

شاي الضحى said...

لوووووووووول رورو ضحكتيني ليش انتي شايفتني؟ :q

رفعتي من معنوياتي لوووووووووول


انتي بتخربيني مو بتشجعيني :q

رورو الشخبوطه said...

ولكم باك ..

جايونه من الهدوم ومن تقرير دبي حسيت انج مو متينه عاديه :)

خخ انمي مواهبج :)

My Books & Me ... said...

الله يخليه لكم ان شالله

كل عام وانتو بخير

رورو الشخبوطه said...

هلا موم..

امين والله يسلمج يارب..

وانتي بخير..

مشكوره..

sweetya said...

الله يطولكم بعمره ويخليه لكم وتشوفون عيال عياله :)

رورو الشخبوطه said...

هلا سويتيه..

امين يارب..

الله يسلمج..

ومشكوره..

Hanan said...

الله يحفظه و عقبال تخرجه ان شاءالله :)
الكيكة صراحة صدمة !ليش جذي عاد؟
بس اهم شي طعمها ..شلون كان ؟
و تدرين توني ادري ان عندج مدونتين من منتدى كويتيات !! تبين تعرفين انا منو هناك ؟ :p

رورو الشخبوطه said...

هلا حنان..

امين يارب الله يسلمج ..

اي امبيه مادري مقرعين خخخ..

ماكليت منها الا لقمه ماقدر احكم بس اهلي يمدحونها واني عندها الككاو انطع من الثانيه ولي اليوم ياكلون منها وامي تقول جنها يديده عاد مادري تقص علي لاني احبطت او صج خخخ..

اي توني حطيتهم بتوقعي ..

اي بليز :)

بس انا ماعرفج بالمنتدى عدل مو ؟؟

وحياج الله اخيتي ..

خاتون said...

كيفيك أدري صباح الخير بالليل متأخرة
لكن عسى الله يخليه لكم و يطرح فيه البركة
و كل عام و أهو أحلى يختي عليه باين منه نقطه بس يبين كتكوت حطي صورته ...خنشوف>>>لقافة *_^
مغسي على المشاركة

رورو الشخبوطه said...

هلا والله خاتون..

لا خخ حياج الله باي وقت ..

امين الله يسلمج يارب..

وانتي احلى كنت بحطها بس اخر شي هونت :)

دوغيا ..

وحياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads