44 comments:

شاي الضحى said...

الحمدلله ما حاشني هالتعذيب انا كنت ما ارضه اربطه كله فاله شعري واذا كلش كلش حطيت تاج لما وصلت المتوسط بديت اربطه بروحي :)

والفيديو يموت من الضحك اندمجت وقاعده اكمل باجي الأجزاء هههههه


وهم سالفة الماكنتوش امي ما كانت تسويها بس تصفق هههه وما تعرف تيبب

والماكنتوش احب البنفسجيه والصفره الطويله والمدوره الي على توفي بعد وايد اشياء احبهم بس هذوله من ابطل العلبه احجزهم على طول هيهيهي


وانا بعد ما اعرف ايبب .. واذا تفوقوا عيالج وانتي ما تعرفين حطي معاج مسجله صوت وحده تيبب وشغليها لما يقولون اساميهم لوووول


------------

توهها يت امي وسألتها قلت لها يما قبل كنتي تربطين شعري؟!

جان تقول انتيييييييي؟! منو يقدر يجيس شعرج لوووووووووول تقولي زين كنتي ترضين امشطه ومن اجيسه ينيتي وفضحتينه زين كنتي تحطين تاج


وانا قبل كان كله شعري قصير كاريه ماحب الطويل من يطول شوي احن على امي لما توديني اقصه

اما الحين العكس تمااااااااااماً شعري كله طويل ووايد احوس فيه وما يبقه شباصه ما احطها براسي لما اكون بالبيت


مشكووووره رورو والله يخليلج ماماتج :)

September 18, 2009 at 6:41 AM

رورو الشخبوطه said...

هلا شايونه..

خخ انا كنت احط تاج بعد وبرابعه بتدائي قصيته ..

اي يونس ع ابو ادور المقطع شفت نص المسرحيه خخ..

امج شكلها صغيره الله يخليها لكم يارب..

عيل بعزمج ع ماكنتوش خخ احنا التوفي محد ياكلهم وهم الطويله نعطيهم ابوي :)

خخخخخ خوش فكره مرسو..

خخ يعني باجي خواتج استلمتهم :)

زين مريحتها ع الاقل :)

الطويل ماشاءالله احلى لتفنتق بس شكلي بقصره اهي اهي..

العفو لو حياج الله..

امين يارب ويخليج اميمتج يارب..

September 18, 2009 at 6:48 AM

نمووول said...

الحمدلله اني رجل
الحمدلله اني رجل بس شفت
هالعذاب بعيوني وكان كافي
انه يكرهني بالعنقوصة وشد الشعر هههههههههههههههههههههههههههههههههههههههههههههههههههههههههههههههههههههههههههههههههههههه

انا احب الاصفر الطويل عرفتيه :)

صاجة الموقف الثاني صار بس مو ماكنتوش عاد على ايامنا كانوا يوزعون درابيل (قوية دزها النملة)

بوست جميل وممتع
شكراً ..

September 18, 2009 at 3:14 PM

daloo3a said...

الموقف الاول كلنا جيه كنا لين عيونا يستون نفس اليابانييين خخخخخخخخ

و لا الثاني الصراحه عجييييييييج ههههههههه

September 18, 2009 at 6:10 PM

رورو الشخبوطه said...

هلا اخوي نمول..

اي هذي ميزه للصبيان ..

شكل خواتك يعانون مثلنا :)

اي احنا محد ياكلها نخليها اخر شي ياناكلها اذا يعنا او نعطيها ابوي :)

خخ شدعوه درابيل اذا داش ع عمرك المدرسه يعني اكبر مني بسنتين دراسيه..

والدرابيل تتفتت قبل لا توصل لراس والله ميزه :)


العفو ولو ..

حياك الله اخوي..

September 18, 2009 at 10:11 PM

رورو الشخبوطه said...

هلا دلوع..

طلعت التسريحه لمستوى عالمي خخ..

اي عجيب انها تمطر شوكلاته خخ..

حياج الله خيتو..

September 18, 2009 at 10:13 PM

سعد المحطب said...

الموقف الأول ..
طبعا ما حاشني ..

أما الثاني ..
مفروض أكون جربته

بس للأسف إني ما جربت التفوق إلا بأولى إبتدائي :d

وما أذكر إن أبوي حذف شي علي

لأنه كان لاهي بالتصوير ..
جنه يدري إن هاللحظة ماراح تتكرر أبد

September 18, 2009 at 11:09 PM

رورو الشخبوطه said...

هلا اخوي اجتماعي..

لو امك اللي موجوده جان سوتها متاكده من هالشي..

ام الابو بالتفوق ماعمري جربتها..

الله يخليك ابوك يارب..

وحياك الله..

September 18, 2009 at 11:17 PM

princess adadi said...

لووووووووول

كلنا نعاني نفسج
الصورة بالضبط نفسي .. ههه
الظاهر كانت موضة على ايامنا

وتحذف الحلاو خو هذا لازم
اخر مرة صار فيني الموقف لما تخرجت
فلعوا راسي لين قالوا بس

خوش بوست ونستينا لوووول

يعطيج العافية
وعيدج مبارك مقدما ^^

September 19, 2009 at 12:39 AM

رورو الشخبوطه said...

هلا برنسس..

وي اح انتي 2 انا وحده اشوه خخ..

اي صح احس انقرضت هالحركه الحين بس انا راح اسويها لبنتي لازم اعيد امجادنا:)

بس وناسه هالحركه مالت القذف العشوائي بس لما تكون بدون اصابات :)

الله يعافيج يارب..

وايامج سعيده..

September 19, 2009 at 12:57 AM

ميمة السبيت said...

** تخيلي انا كنت اقعد امي من النوم عشان تسوي شعري يعني تمشطني و اهي نص عين فلاتشوفين العجفة مالها ملامح خصوصا و انا كان شعري طويل على قولتهم شعر بطن ..

اما الماكنتوش فكلنا نتهاوش عالحمرة و المنحس احطون بالعلبة بس ثنتين :(

** وناسة اليباب اذا عرستي قوليلي ايبب لج بالمدونه :)

September 19, 2009 at 1:11 AM

رورو الشخبوطه said...

هلا ميمه ..

وي عادي صارت فيني لما احن ع امي الا تسويلي حركه يديده بشعري وهي عاد تسوي عجفه تلوع الجبد خخ..

اي انتي مثلنا مادري ليش مايحطون وايد منها او حتى لو كبيره مثل البنفسجيه امبيه لذيذه حدها..

خخخ مرسي ماتفصرين..

وحياج الله خيتو..

September 19, 2009 at 2:43 AM

Anonymous said...

ماشالله صج هذي أنتي واختج بالصرة؟؟ :)

September 19, 2009 at 3:10 AM

bokeh of magic * said...

كاااااااااك
ذكرتييني بايام الرووضه كانت امبي تلعب بشعري لعب بس من دشيت الابتدائي و انا احب الشعر القصير فالله رحمني من هالعذااب لووول
بس الموقف الثاني ما مرييت فييه لووول
شكرررا

September 19, 2009 at 7:05 AM

رورو الشخبوطه said...

هلا غير معروف..

خخ اي مجازا طبعا :)

شكرا ..

September 19, 2009 at 10:29 AM

رورو الشخبوطه said...

هلا بيقن ..

الاغلب مر بالموقف الاول ..

عاد تذكرت قصيت شعري مرتين مره باولى ابتدائي بوي ولما صار كاريه ام استلمتني عناقيص حتى الابله قالت لها عنهم والمره 2 برابعه ابتدائي..

يعني انا طويل ولا قصير مافرقت خخ..

العفو ولو ..

حياج الله..

September 19, 2009 at 10:32 AM

Fishah said...

ههههههههههههه يا حلوها الوالده .. الله يخليكم لها ويخليها لكم يارب

شوفي موقف العجايف مريت فيه واااااااااااااااايد .. لازم عجفه مشدوده .. بس كانت يدتي لما تعجفلي شعري كانت تشدها حيييييل احس حواجبي تغيرت مكانها لوول
امي كانت عجفتها اهون .. احب عجفة امي كانت تسويها لي مقلوبه عرفتي؟ اللي ليه داخل .. لول ماعرف اشرح
وطبعا لازم شرايط :>

عاد تدرين انا شاكه من هالتسريحات .. من جذي صاير فرق بالنص دائم بشعورنا .. اذكر مال الصالون بلبنان يقولي شووو هالهايي
وييي لووول
(ماحبه) :(

الموقف الثاني مامريت فيه لا بتحذف حلاو ولا تيبب :)

بوست حلوو :)

September 20, 2009 at 12:53 AM

رورو الشخبوطه said...

هلا فشه ..

امين يارب ويخليج اهلج يارب..

خخ عيل انا عكسج يدتي الله يرحمها لي مشطتني احس شعري خوص يصير ..

اي اعرفها المقلوبه امي ماكانت تسويها لي وانا احبها احس تحلي الشعر :(

خخ شيبي هذا جان قلتيله فرء تءبرني مامر عليك من قبل خخ..

اي اشوه :)


اللي محلي ردودكم خيتو..

حياج الله ..

September 20, 2009 at 8:07 AM

ميمة السبيت said...

** كل عام و انتي بخير و عيدكم مبارك بالغالية

September 20, 2009 at 3:19 PM

fatto said...

لووووووول .. انا اتصدقين ابهالعمر انا اوله على العجفه :) بس موعجفه اول .. عجفه الحين الراخيه :)

وانا احب اللون الوردي الي بالماكنتوش:)


عيدكم مبارك وكل عام ونتو بخير وصحه وسلامه :)

September 20, 2009 at 11:01 PM

Mamloo7a Q8ia said...

عيدج مبارك
وكل عام وانتي بالف خير

September 20, 2009 at 11:51 PM

اقصوصه said...

كل عام وانتم بخير

تمنياتي بقضاء عيد سعيد:)

September 21, 2009 at 3:44 AM

Anonymous said...

السلام عليكم ورحمة الله وبركاته
كل عام وانتم وبخير ...عيد مبارك
مدونة رائعة
بارك الله فيك
دمتي بخير
ياسر ابو الريش
www.ypress.blogspot.com

September 21, 2009 at 6:58 AM

رورو الشخبوطه said...

هلا ميميه..

وانتي خير وصحه وسلامه يارب..

وايامج سعيده..

وتقبل الله طاعتج ..

مشكوره :)

September 21, 2009 at 7:37 AM

رورو الشخبوطه said...

هلا فاتو..

اي الراخيه عادي نسويها باي وقت وتونس عكس مالت اول عذاب خخخ..

وانتي بخير وصحه وسلامه يارب..

وايامج سعيده..

وتقبل الله طاعتج ..

مشكوره :)

September 21, 2009 at 8:01 AM

رورو الشخبوطه said...

هلا مملوحه..

وانتي بخير وصحه وسلامه يارب..

وايامج سعيده..

وتقبل الله طاعتج ..

مشكوره :)

September 21, 2009 at 8:02 AM

رورو الشخبوطه said...

هلا اقصوصه..

وانتي بخير وصحه وسلامه يارب..


وتقبل الله طاعتج ..

مشكوره :)

September 21, 2009 at 8:03 AM

رورو الشخبوطه said...

هلا اخوي ياسر..

وعليكم السلام والرحمه..

وانت بخير وصحه وسلامه يارب..

وايامج سعيده..

وتقبل الله طاعتك ..

مشكوره :)

وان شاءالله ازور مدونتك قريبا..

September 21, 2009 at 8:05 AM

حلم جميل بوطن أفضل said...

الحمرة و البرتقالية حلوين

لكن لا شئ يعلو على علامة المرسيدس الخضراء

شئ يفوق الخيال

September 21, 2009 at 9:03 AM

عالية الثرايا said...

هههههههههههههههههههههههههههههههههههههههههههههههههههههههههههههههههههههههههههههههههههههههه

اسميني ضحكت ضحك

والله العظيم اني من اشوف هالمسرحيه واشوفه يتكلم عن حال البنات اول ما يصحون اتم اتخيل كيف كنت اعاني نفسيا

صدقيني ي فلانه بعض الاحيان اهرب من امي عشان ما تسرح شعري

بموووووووت

ههههههههههه بس ايام حلوه ما تنسى

الله يعطيج العافيه خليتيني اضحك واتذكر ايام حلوه




وبعدين انا ايام الابتدائيه كنت شاطره بشئ واحد الرياضه اما الدراسه بعيد بعيد عنها هههههه

ما ادري اذ عندكم رياضة الجمباز اسمها


<< كانت مع الفريق الاماراتي وكله تدريب ونروح مدارس للمسابقه

September 21, 2009 at 11:56 AM

رورو الشخبوطه said...

هلا اخوي حلم..

اي الخضرا زينه لي خلصت من البرتقاليه والحمرا كليتها والحلو ان سوو منها كبيره ..

وحياك الله..

September 21, 2009 at 4:53 PM

رورو الشخبوطه said...

هلا عاليه..

خخ كلنا كنا نعاني ..

والله يعافيج يارب..

زين ماشاءالله الجمباز مو هين واحس يبله مرونه بالجسم حاولت اطبق جم حركة كنت بتكسر :)

وحياج الله اختي..

September 21, 2009 at 4:55 PM

بانوراما said...

الموقع الأول ..

اشوه اني ولد ..

الموقف الثاني ..

تصير وايد خاصه لمن بيسوون نوون


مسكين الياهل بيونسونه يفلعون راسه ..

لا ولا يكون فيها خرده

عـآدي اليهال يستلمون الياهل بكسات علشان يحصلون لهم جم بيزه

September 21, 2009 at 5:56 PM

رورو الشخبوطه said...

هلا اخوي بانوراما ..

اي احنا تعذب اكثر منكم :(

واي النون احس تعذيب ليش يعني وزوعه ع الناس بجياس او علب او حتى لو تفرون السله عليهم واهما يخمطون ولا هالحرب خخ..

وحياك اخوي..

September 22, 2009 at 2:11 AM

كاريكاتير said...

عيدج مبارك

اشوه انا صبي لا احط لا شباصات ولا هالسوالف

صج لما كنت صغير كنت الوحيد اللي شعره ناعم وكنت مظلوم!!

بنات خالاتي ينتهزون الفرصة ويقبضون علي ويجربون فيني شباصاتهم لغاية ما على يوم بجيت وفضحتهم عند يدتي الله يرحمها وقامت وربطتهم كلهم بالحوش وحذفت عليهم كل محتوى كبت الجواتي "عزكم الله"

September 22, 2009 at 5:05 AM

رورو الشخبوطه said...

هلا اخوي كاريكتر ..

ايامك سعيده..

اح ماسوتك عليك الشعر الناعم..

خخ وماقصرت فيهم يدتك الله يرحمها ..

وحياك اخوي..

September 22, 2009 at 10:23 AM

Q8~Touch said...

شحلات بوستج ما شاءالله
خوش ذكريات والله ..

وايد استانست على سايتج ..
وبوستج ..

=)

September 26, 2009 at 3:03 PM

رورو الشخبوطه said...

هلا كويت تج..

الاحلى مروركم :)

مشكوره ..

وحياج الله..

September 26, 2009 at 6:53 PM

hsber said...

هههههههه

لازم تسوي فيكم جذي

عشان تركزوون بالدراسه

وما تضيع عليكم ولا كلمه


....
التعليقات عجيبه صراحه

September 27, 2009 at 2:21 AM

Made n Q8 said...

هلا رورو شنو هالذكريات المؤلمه خخخ

بس تدرين انا عكسج امي ترخي شعري وانا الي اشده عاجبتني الصنديحه ههه

ولا عاد كلش ولا لي قمت اسويلها حركات تعطيني ذيك الكفخه بالمشط على قمه راسي احح

بس سالفه التيبب هذي ما اتذكرها خل اسال أمي واقولج

September 27, 2009 at 8:40 AM

رورو الشخبوطه said...

هلااخويhsber..

خخ اي من عذرك تقول جذي خو ماحشك اللي حاشنا ..

وانتوا شلون تركزون :)

مشكور..

September 27, 2009 at 5:01 PM

رورو الشخبوطه said...

هلا ميد..

اي اح للحين اذكر عوارها ..

وي امهاتنا ماعندهم حل خخ..

اي اح تمشيط الشعر ارتبط بالعوار :)

اوكي ناطرتج :)

ومرسو..

September 27, 2009 at 5:04 PM

hsber said...

رورو : احنى ما نركز
نفهم المعلومات بدون تركيز .. شنسوي اذا الله خلقنا شطار :P

September 27, 2009 at 5:54 PM

رورو الشخبوطه said...

هلااخويhsber..

اي صح شطار بس تخربون ع عمركم من جذي شويه اللي بالجامعه ..

يبيلكم شباصات تركدكم :P

حياك الله..

September 29, 2009 at 10:56 PM