Friday, September 18, 2009
هاي ..
شلونكم..
اممممممم لما كنت صغيره امي كانت تعذبني..شلون ..اقولكم...لما كنت بالابتدائي كانت لما تمشطني وتسويلي عجفه امبيه عذاب كنت مارمش من سبتها لو احد يجيس عجفتي تطيح بيده وكنت ماقدر انام الا لما اشيل الشباصه اللي فوق..ورفيجتي واختي مثل الحاله ..واتوقع وايد بنات جذي ..لانه مره طارق العلي يقلدنا..البنت تقول بس يما خلاص تقول الام عشان الابله تحبج ..خخخخخخخخ..
كاهو الفيديو تقريبا بالدقيقه ال4..
عاد قبل جم يوم قلت حق رفيجتي عرفت السر ..انا ورفيجتي خدود ..فلما نضحك خدودنا ترتفع فتغطي ع عيونا..فامهاتنا الله يطول باعمارهم يارب ..شيسون ..يعجفونا العجفه العجيبه يتلونا شعونا فتنشد جفونا فنضحك بدون لاتغطي خدودي ع عيوني ..
صور توضيحيه..
هذي انا واختي :)
من ورا ..
انتو جربتوا هالطريقه؟؟

امممممم الموقف الثاني اسمه القذف العشوائي..
متى؟؟بيوم التفوق وبحفله تكريمنا..امهاتنا الله يطول باعمارهم كل وحده معاها قوطي مكانتوش او سله فيها حلاو بو بقره خخخخخخ مادري اللي اذكره ماكنتوش :)
احبه الككاوه الحمرا والبرتقاليه وانتوا :)<< سوال خارجي..
نكمل ..
وشيسون فيه..شنو يوزعونها ع الاوادم !!!!!!!!!يعطونها ابلاتنا !!!!!!!!!!لالالالالالالالالالالالالالالالا..ماحزرتوا بنوب ..الحين ينادون الاسامي ...رورو الشخبوطة1-4..امي قووووووووووووووووووووليليش..
سوال خارجي 2 بنات تعرفون تيبوبون انا ودي اتعلم عشان لعيالي تفوقوا خخخ..




تمسك سلاحها الفتاك قوطي الماكنتوش ...وانا اكون امشي باخذ الهديه ..و ماوعى الا بالحلاو ع ويهي ..:tomato2:اي اح يما ..ماو اوصل للناظره الا انا متكفخه لين قلت بس ..خطر لا اطيح ع طاوله ..مفروض البس خوذه ..خخخخخخخخخخخخ..
صار فيكم اي موقف من هذول ؟؟
واو اي موقف سولفتوا فيه وطلع اكثر من رفيجه ماره فيه معا امها او ابوها؟؟
اتوقع الصبيان مروا بالموقف ال2 بس الاول قويه خخ..
هالموضوع قديم جداجدا قبل لا اكمل الواحد وعشرين بجم يوم :)
بس ضفت وعدلته ..
_____________________________________________
وبسمعكم انشوده احبها..
بس حسافه مو واضحه ..

44 comments:

شاي الضحى said...

الحمدلله ما حاشني هالتعذيب انا كنت ما ارضه اربطه كله فاله شعري واذا كلش كلش حطيت تاج لما وصلت المتوسط بديت اربطه بروحي :)

والفيديو يموت من الضحك اندمجت وقاعده اكمل باجي الأجزاء هههههه


وهم سالفة الماكنتوش امي ما كانت تسويها بس تصفق هههه وما تعرف تيبب

والماكنتوش احب البنفسجيه والصفره الطويله والمدوره الي على توفي بعد وايد اشياء احبهم بس هذوله من ابطل العلبه احجزهم على طول هيهيهي


وانا بعد ما اعرف ايبب .. واذا تفوقوا عيالج وانتي ما تعرفين حطي معاج مسجله صوت وحده تيبب وشغليها لما يقولون اساميهم لوووول


------------

توهها يت امي وسألتها قلت لها يما قبل كنتي تربطين شعري؟!

جان تقول انتيييييييي؟! منو يقدر يجيس شعرج لوووووووووول تقولي زين كنتي ترضين امشطه ومن اجيسه ينيتي وفضحتينه زين كنتي تحطين تاج


وانا قبل كان كله شعري قصير كاريه ماحب الطويل من يطول شوي احن على امي لما توديني اقصه

اما الحين العكس تمااااااااااماً شعري كله طويل ووايد احوس فيه وما يبقه شباصه ما احطها براسي لما اكون بالبيت


مشكووووره رورو والله يخليلج ماماتج :)

رورو الشخبوطه said...

هلا شايونه..

خخ انا كنت احط تاج بعد وبرابعه بتدائي قصيته ..

اي يونس ع ابو ادور المقطع شفت نص المسرحيه خخ..

امج شكلها صغيره الله يخليها لكم يارب..

عيل بعزمج ع ماكنتوش خخ احنا التوفي محد ياكلهم وهم الطويله نعطيهم ابوي :)

خخخخخ خوش فكره مرسو..

خخ يعني باجي خواتج استلمتهم :)

زين مريحتها ع الاقل :)

الطويل ماشاءالله احلى لتفنتق بس شكلي بقصره اهي اهي..

العفو لو حياج الله..

امين يارب ويخليج اميمتج يارب..

نمووول said...

الحمدلله اني رجل
الحمدلله اني رجل بس شفت
هالعذاب بعيوني وكان كافي
انه يكرهني بالعنقوصة وشد الشعر هههههههههههههههههههههههههههههههههههههههههههههههههههههههههههههههههههههههههههههههههههههه

انا احب الاصفر الطويل عرفتيه :)

صاجة الموقف الثاني صار بس مو ماكنتوش عاد على ايامنا كانوا يوزعون درابيل (قوية دزها النملة)

بوست جميل وممتع
شكراً ..

daloo3a said...

الموقف الاول كلنا جيه كنا لين عيونا يستون نفس اليابانييين خخخخخخخخ

و لا الثاني الصراحه عجييييييييج ههههههههه

رورو الشخبوطه said...

هلا اخوي نمول..

اي هذي ميزه للصبيان ..

شكل خواتك يعانون مثلنا :)

اي احنا محد ياكلها نخليها اخر شي ياناكلها اذا يعنا او نعطيها ابوي :)

خخ شدعوه درابيل اذا داش ع عمرك المدرسه يعني اكبر مني بسنتين دراسيه..

والدرابيل تتفتت قبل لا توصل لراس والله ميزه :)


العفو ولو ..

حياك الله اخوي..

رورو الشخبوطه said...

هلا دلوع..

طلعت التسريحه لمستوى عالمي خخ..

اي عجيب انها تمطر شوكلاته خخ..

حياج الله خيتو..

سعد المحطب said...

الموقف الأول ..
طبعا ما حاشني ..

أما الثاني ..
مفروض أكون جربته

بس للأسف إني ما جربت التفوق إلا بأولى إبتدائي :d

وما أذكر إن أبوي حذف شي علي

لأنه كان لاهي بالتصوير ..
جنه يدري إن هاللحظة ماراح تتكرر أبد

رورو الشخبوطه said...

هلا اخوي اجتماعي..

لو امك اللي موجوده جان سوتها متاكده من هالشي..

ام الابو بالتفوق ماعمري جربتها..

الله يخليك ابوك يارب..

وحياك الله..

princess adadi said...

لووووووووول

كلنا نعاني نفسج
الصورة بالضبط نفسي .. ههه
الظاهر كانت موضة على ايامنا

وتحذف الحلاو خو هذا لازم
اخر مرة صار فيني الموقف لما تخرجت
فلعوا راسي لين قالوا بس

خوش بوست ونستينا لوووول

يعطيج العافية
وعيدج مبارك مقدما ^^

رورو الشخبوطه said...

هلا برنسس..

وي اح انتي 2 انا وحده اشوه خخ..

اي صح احس انقرضت هالحركه الحين بس انا راح اسويها لبنتي لازم اعيد امجادنا:)

بس وناسه هالحركه مالت القذف العشوائي بس لما تكون بدون اصابات :)

الله يعافيج يارب..

وايامج سعيده..

ميمة السبيت said...

** تخيلي انا كنت اقعد امي من النوم عشان تسوي شعري يعني تمشطني و اهي نص عين فلاتشوفين العجفة مالها ملامح خصوصا و انا كان شعري طويل على قولتهم شعر بطن ..

اما الماكنتوش فكلنا نتهاوش عالحمرة و المنحس احطون بالعلبة بس ثنتين :(

** وناسة اليباب اذا عرستي قوليلي ايبب لج بالمدونه :)

رورو الشخبوطه said...

هلا ميمه ..

وي عادي صارت فيني لما احن ع امي الا تسويلي حركه يديده بشعري وهي عاد تسوي عجفه تلوع الجبد خخ..

اي انتي مثلنا مادري ليش مايحطون وايد منها او حتى لو كبيره مثل البنفسجيه امبيه لذيذه حدها..

خخخ مرسي ماتفصرين..

وحياج الله خيتو..

Anonymous said...

ماشالله صج هذي أنتي واختج بالصرة؟؟ :)

bokeh of magic * said...

كاااااااااك
ذكرتييني بايام الرووضه كانت امبي تلعب بشعري لعب بس من دشيت الابتدائي و انا احب الشعر القصير فالله رحمني من هالعذااب لووول
بس الموقف الثاني ما مرييت فييه لووول
شكرررا

رورو الشخبوطه said...

هلا غير معروف..

خخ اي مجازا طبعا :)

شكرا ..

رورو الشخبوطه said...

هلا بيقن ..

الاغلب مر بالموقف الاول ..

عاد تذكرت قصيت شعري مرتين مره باولى ابتدائي بوي ولما صار كاريه ام استلمتني عناقيص حتى الابله قالت لها عنهم والمره 2 برابعه ابتدائي..

يعني انا طويل ولا قصير مافرقت خخ..

العفو ولو ..

حياج الله..

Fishah said...

ههههههههههههه يا حلوها الوالده .. الله يخليكم لها ويخليها لكم يارب

شوفي موقف العجايف مريت فيه واااااااااااااااايد .. لازم عجفه مشدوده .. بس كانت يدتي لما تعجفلي شعري كانت تشدها حيييييل احس حواجبي تغيرت مكانها لوول
امي كانت عجفتها اهون .. احب عجفة امي كانت تسويها لي مقلوبه عرفتي؟ اللي ليه داخل .. لول ماعرف اشرح
وطبعا لازم شرايط :>

عاد تدرين انا شاكه من هالتسريحات .. من جذي صاير فرق بالنص دائم بشعورنا .. اذكر مال الصالون بلبنان يقولي شووو هالهايي
وييي لووول
(ماحبه) :(

الموقف الثاني مامريت فيه لا بتحذف حلاو ولا تيبب :)

بوست حلوو :)

رورو الشخبوطه said...

هلا فشه ..

امين يارب ويخليج اهلج يارب..

خخ عيل انا عكسج يدتي الله يرحمها لي مشطتني احس شعري خوص يصير ..

اي اعرفها المقلوبه امي ماكانت تسويها لي وانا احبها احس تحلي الشعر :(

خخ شيبي هذا جان قلتيله فرء تءبرني مامر عليك من قبل خخ..

اي اشوه :)


اللي محلي ردودكم خيتو..

حياج الله ..

ميمة السبيت said...

** كل عام و انتي بخير و عيدكم مبارك بالغالية

fatto said...

لووووووول .. انا اتصدقين ابهالعمر انا اوله على العجفه :) بس موعجفه اول .. عجفه الحين الراخيه :)

وانا احب اللون الوردي الي بالماكنتوش:)


عيدكم مبارك وكل عام ونتو بخير وصحه وسلامه :)

Mamloo7a Q8ia said...

عيدج مبارك
وكل عام وانتي بالف خير

اقصوصه said...

كل عام وانتم بخير

تمنياتي بقضاء عيد سعيد:)

Anonymous said...

السلام عليكم ورحمة الله وبركاته
كل عام وانتم وبخير ...عيد مبارك
مدونة رائعة
بارك الله فيك
دمتي بخير
ياسر ابو الريش
www.ypress.blogspot.com

رورو الشخبوطه said...

هلا ميميه..

وانتي خير وصحه وسلامه يارب..

وايامج سعيده..

وتقبل الله طاعتج ..

مشكوره :)

رورو الشخبوطه said...

هلا فاتو..

اي الراخيه عادي نسويها باي وقت وتونس عكس مالت اول عذاب خخخ..

وانتي بخير وصحه وسلامه يارب..

وايامج سعيده..

وتقبل الله طاعتج ..

مشكوره :)

رورو الشخبوطه said...

هلا مملوحه..

وانتي بخير وصحه وسلامه يارب..

وايامج سعيده..

وتقبل الله طاعتج ..

مشكوره :)

رورو الشخبوطه said...

هلا اقصوصه..

وانتي بخير وصحه وسلامه يارب..


وتقبل الله طاعتج ..

مشكوره :)

رورو الشخبوطه said...

هلا اخوي ياسر..

وعليكم السلام والرحمه..

وانت بخير وصحه وسلامه يارب..

وايامج سعيده..

وتقبل الله طاعتك ..

مشكوره :)

وان شاءالله ازور مدونتك قريبا..

حلم جميل بوطن أفضل said...

الحمرة و البرتقالية حلوين

لكن لا شئ يعلو على علامة المرسيدس الخضراء

شئ يفوق الخيال

عالية الثرايا said...

هههههههههههههههههههههههههههههههههههههههههههههههههههههههههههههههههههههههههههههههههههههههه

اسميني ضحكت ضحك

والله العظيم اني من اشوف هالمسرحيه واشوفه يتكلم عن حال البنات اول ما يصحون اتم اتخيل كيف كنت اعاني نفسيا

صدقيني ي فلانه بعض الاحيان اهرب من امي عشان ما تسرح شعري

بموووووووت

ههههههههههه بس ايام حلوه ما تنسى

الله يعطيج العافيه خليتيني اضحك واتذكر ايام حلوه




وبعدين انا ايام الابتدائيه كنت شاطره بشئ واحد الرياضه اما الدراسه بعيد بعيد عنها هههههه

ما ادري اذ عندكم رياضة الجمباز اسمها


<< كانت مع الفريق الاماراتي وكله تدريب ونروح مدارس للمسابقه

رورو الشخبوطه said...

هلا اخوي حلم..

اي الخضرا زينه لي خلصت من البرتقاليه والحمرا كليتها والحلو ان سوو منها كبيره ..

وحياك الله..

رورو الشخبوطه said...

هلا عاليه..

خخ كلنا كنا نعاني ..

والله يعافيج يارب..

زين ماشاءالله الجمباز مو هين واحس يبله مرونه بالجسم حاولت اطبق جم حركة كنت بتكسر :)

وحياج الله اختي..

بانوراما said...

الموقع الأول ..

اشوه اني ولد ..

الموقف الثاني ..

تصير وايد خاصه لمن بيسوون نوون


مسكين الياهل بيونسونه يفلعون راسه ..

لا ولا يكون فيها خرده

عـآدي اليهال يستلمون الياهل بكسات علشان يحصلون لهم جم بيزه

رورو الشخبوطه said...

هلا اخوي بانوراما ..

اي احنا تعذب اكثر منكم :(

واي النون احس تعذيب ليش يعني وزوعه ع الناس بجياس او علب او حتى لو تفرون السله عليهم واهما يخمطون ولا هالحرب خخ..

وحياك اخوي..

كاريكاتير said...

عيدج مبارك

اشوه انا صبي لا احط لا شباصات ولا هالسوالف

صج لما كنت صغير كنت الوحيد اللي شعره ناعم وكنت مظلوم!!

بنات خالاتي ينتهزون الفرصة ويقبضون علي ويجربون فيني شباصاتهم لغاية ما على يوم بجيت وفضحتهم عند يدتي الله يرحمها وقامت وربطتهم كلهم بالحوش وحذفت عليهم كل محتوى كبت الجواتي "عزكم الله"

رورو الشخبوطه said...

هلا اخوي كاريكتر ..

ايامك سعيده..

اح ماسوتك عليك الشعر الناعم..

خخ وماقصرت فيهم يدتك الله يرحمها ..

وحياك اخوي..

Q8~Touch said...

شحلات بوستج ما شاءالله
خوش ذكريات والله ..

وايد استانست على سايتج ..
وبوستج ..

=)

رورو الشخبوطه said...

هلا كويت تج..

الاحلى مروركم :)

مشكوره ..

وحياج الله..

hsber said...

هههههههه

لازم تسوي فيكم جذي

عشان تركزوون بالدراسه

وما تضيع عليكم ولا كلمه


....
التعليقات عجيبه صراحه

Made n Q8 said...

هلا رورو شنو هالذكريات المؤلمه خخخ

بس تدرين انا عكسج امي ترخي شعري وانا الي اشده عاجبتني الصنديحه ههه

ولا عاد كلش ولا لي قمت اسويلها حركات تعطيني ذيك الكفخه بالمشط على قمه راسي احح

بس سالفه التيبب هذي ما اتذكرها خل اسال أمي واقولج

رورو الشخبوطه said...

هلااخويhsber..

خخ اي من عذرك تقول جذي خو ماحشك اللي حاشنا ..

وانتوا شلون تركزون :)

مشكور..

رورو الشخبوطه said...

هلا ميد..

اي اح للحين اذكر عوارها ..

وي امهاتنا ماعندهم حل خخ..

اي اح تمشيط الشعر ارتبط بالعوار :)

اوكي ناطرتج :)

ومرسو..

hsber said...

رورو : احنى ما نركز
نفهم المعلومات بدون تركيز .. شنسوي اذا الله خلقنا شطار :P

رورو الشخبوطه said...

هلااخويhsber..

اي صح شطار بس تخربون ع عمركم من جذي شويه اللي بالجامعه ..

يبيلكم شباصات تركدكم :P

حياك الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads