Saturday, August 22, 2009
السلام ..
شلونكم..
اول شي مبارك عليكم الشهر والله يتقبل منكم صيامكم وقيامكم يارب ويغفرلكم ذنوبكم و يعينكم ع ذكره وشكره وحسن عبادته دوم يارب..

وكل عام وانتوا بخير .
طبعا بنفقد بهالشهر ليزي وستار وراح نشتاق لهم بس ان شاءالله بنشوفهم عقب العيد وناطرين بوستاتهم الحلوه.
شنو بعد ..
اي نبلش..
طبعي لي طلعت احب احوس واروح اكثر من مكان مره وحده لانه درب وهم ماتسوى اتعنى لمكان واحد ..
انا رحت هالمره الري (سنتر بوينت) وكنت بمر ترفاليو و النصر بس قلت عقب..

وانتقلت لحولي ورحت (سيرز - المهلب -سناء-لاند مارك - مجمع البحر)

ع طاري سيرز في وحده كانت سالتني عن حزائي الابيض الموجود بوست اللي عن المحل ترا رحت ولقيت ياين منه مقاس 8 ولونه ابيض وب3 وشي ولون اصفر جنه ب7..
وكنت بروح الرحاب و شسمه فاشن مل بس اختي داخت كانت سهرانه ..
الزبدة :)

بسناء زغت مو زعت ويع تفرق ع اغراض اليها ل حلوين وارخاص وع الشخصيات اللي يحبونها وانا كنت امشي واصور في شغلات عجبتني لنا احنا كديكور بس ماصورتها اختي تلتني اهي اهي..

الصور ترارا..
خخ احلى شي سيقان خواتي ..
عجبوني بس احس لي قعد البيبي بيتفججون..


هذا الحلو انه طقم الحمام والخايس الميزان نفس النقشه..






اقروا كفي :) هذول تاجات عجبوني حلوين للبنوتات ورخاص جنه بدينار وشي هالحروه الاثنين مع بعض..








اطقم اكل في ع اشهر الشخصيات مثل ميكي وميني واميرات ديزني وكارز وسبايدر مان وسعرهم جنه 4و200..





















جناط ع العاب يونسون..












جنطة اهداء لي يابختي بخ بخ عندي صور وايد لج اليوم اختي صورتهم ان شاءالله بحطهم لج..









كنبل خفيف ع سبايدر مان..









بجايم ع ستربوري جيز كيك تقليد توته في المريخ اللي كل ماقول لاحد عن توته مايعرفها انتوا تعرفونها؟؟










وفي اكثر من موديل وتقريبا نفس السعر..








هذي ميد اللي اقولج انها لجوجو توقعت ماصورتها هذي غرامي ايام الابتدائي جربت اركبها بالجامعه مادري الثانوي زين مانبطت خخ وماقدر سليحط صغيره خخ انا فجاءه طلت :(








ام كماس خخ هم لجوجو بس راح تتلفكم بالوان وتغرد بالمايك وهم في شغلات ثانيه وجني لمحة طبل ..


















هذي شخصية بور مادري المهم جنه مشهور ذكرني بلعبة سوتها لي ديده الله يطول بعمرها ويشفيها يارب من مغطاة بيبيسي خخ..

















البرنسيسه هذا حق برنسس خخ يشوقون..










(في براويز - ابجورات - بلورات وسوالف الديكور)

















لولو كاتي الدعله..وهلو كات..












يونسون ليوم ميلاد..









هم الدعله مره اخرى..







كانت معكم مراسلتكم رورووووووووو..
من ارض الحدث ..
الصور ع الطاير يااتقلقص يا اختي تلني ياحد بيمر :)
بس تفي بالغرض ..
اي اهو موجود باغلب دول الخليج جنه ماعدا عمان ..
وبالكويت اهو ورد تاغ واحد وموجود بحولي- السالميه- الري - الجهرا هذي الافرع اللي اعرفها ..

34 comments:

Made n Q8 said...

يه يه شهالزين

خووش تقرير يعطيج العافية

والي على دورا يونس شكلي باخذه حقي مو حق جوجو خخخ

رورو الشخبوطه said...

هلا ميد..

الله يعافيج يارب مرسي..

اي حده تونس خخ..

مشكوره ..

وحياج الله..

Hanan said...

ماشاءالله .. هذي البلوقات السنعة .. كثري منهم، يا حلو السوق و البلعة :)
سناء أنا أحبه .. صج مرات أحس ما فيه شي بس هم أحبه :)
مشكورة و ماقصرتي على الجولة:)

Chaotic pOsha said...

حدها جوله مكوكيه لول
بس خوش شي
البراويز والأطقم خوش هداياواسعار زينه
يبيله اطق فره على جم مكان

كان في سناء يم مركز سلطان الدائري الرابع بس صكوه مادري ليش

يعطيج العافيه خوش صور ومره ثانيه لاتاخذين اختج لول

رورو الشخبوطه said...

هلا حنان..

اي حتى انا احب هالسوالف خخخ ..

كنت بصور غدانا بس اختي قالت ماراح نحطهم قلت اي صح !! تحسف الحين خخ..

حتى انا احبه يونس ورخيص وكويس ..

والعفو ولو حياج الله خيتو..

رورو الشخبوطه said...

هلا بوشه ..

اي بس ترا ماخذت وقت وايد تقريبا اللي بحولي من 1 لي 4ونص ..

اي صح حلوين الهدايا وبيكيفونا عليهم واساسا مو مبين عليهم سعرهم تعطينهم اكثر..

اي صح ليش عاد كان قريب يمنا :( انا قلت يمكن لانه جباله تقريبا فتحوا رد تاغ ؟؟

والله يعافيج يارب مشكوره..

خخ اهي اختي الصغيره وياها بالمحل احساس انها الكبيره فينا و خاطرها يصير جذي..

اما الثاني عادي بس تتعب بسرعه وكنت اصورها واصور الاغراض بعد خخ والكاميرا مالتها..

بس ماشاءالله لما شفت الصور شكثر قلت مالومهم خخ ..

حياج الله :)

ميمة السبيت said...

** مساء الورد يا ام الفناتق شلونج ها شلونج مع لصيام

- مشكوره عالحوسه و صج اشكال اغراض اليهال وايد تونس

رورو الشخبوطه said...

هلا ميمه ..

مساء النور والسرور..

الحمدالله بخير دامج بخير..

والحمدالله سهالات الله يتقبل منا يارب..

العفو ولو اي ودي ارد يهال بس يمشبلي معاش خخ..

وحياج الله..

شاي الضحى said...

الللللله حلوييييين

ابي الصحون حقي ههههه


مشكووووره وتقبل الله طاعتج :)))

mo3ath said...

كل عام وانتي بخير ومبارك عليكم الشهر

لووول انا مو زين اودي اختي اهني والله تعفسني P:

عندي دلول بنت اخوي ام سنه بروح اشتري لها هدوم بس بنت الاكابر ماتستانس إلا على الافنيوز XD

رورو الشخبوطه said...

هلا شاي ..

اي يشوقون انا عندي بس ع اسبونج بس سليحط غالي بروي مقارنة بهذول ..

العفو ولو ..

حياج الله ..

ومنا ومنكم يارب..

رورو الشخبوطه said...

هلا اخوي معاذ..

وانت بخير يارب وعلينا وعليك ..

مشكور..

لا تحاتي عادي مدام رخيص خخ اغراضهم ع دينار ودينار ونص ماشفت شغله اغلى من 3 ..

الا الاطقم 4 ولا الباجي رخاص..

اي الله يخليهم لكم يارب..

ماشاءالله البنات يشوقون وهناك تحصل شغلات حلوه لهم واسعارهم رخيصة بس كجوده ماجربت سوالف البنات ماعندنا بنوتات صغار..

ولا تعودونها ع هالسوالف اول كنت كله بالمباركيه واستانس بس فرق بين وبينها 21 صح الجيل اليديد غير خخ..

حياك لله اخوي ..

Fishah said...

خوش جوله رورو

عجبوني شغلات الديكور الورديه

شكلي بخمط حق مكتبي .. بقلبه وردي :>

رورو الشخبوطه said...

هلا فيشه..

اي بس رطوبه كان..

خخ اي حلو ولبسي نفنوف كشكش وتاج ملكه..

حياج الله..

Yin مدام said...

ماشاءالله جولة مكوكية وشاملة

يعطيج العافية :)


مبارك عليج الشهر
وكل عام وأنت وكل أحبابك بأتم صحة وأفضل حال


:)

joy said...

تقبل الله طاعتج
خوووووووووووووش تقرير
بروح اطالعبس ضعت انتي الحين بسناء كل هالسوالف مو؟

رورو الشخبوطه said...

هلا مدام ين..

الله يعافيج يارب..

وعلينا وعليج يارب..

واجمعين يارب وانتي بخير وصحة وسلامة ..

مشكورة وحياج الله..

رورو الشخبوطه said...

هلا جوي ..

منا ومنكم يارب..

مشكوره..

اي كل الصور بسناء حولي ..

وحياج الله..

قلب طفله said...

مبارك عليج الشهر :)

فز قلبي يوم طريتي توته بالمريخ
اي و الله ياوخيتي اعرفها عز المعرفه و كله اقول لخواتي الصغار ترا ستروبري مالتكم تقليد توته مايعرفونها بس طلعتها لهم من اليوتيوب :P

و الجوله حلوه يعطيج العافيه :))

Chiwiti said...

Hii
YaRait TmreeNa o Tgoleen RayeCh dAmch T7been El FashiOn

TakE CarE

يابختي said...

رورو... ثامكيو على الهداء يا حلو...

ونستيني...


خخخخخخخخخع...

لو تدرين شنو محصلة انا..بتضحكين...

وثانكيو على الجولة المكوكية..تعويض..ماقمت اروح سوق...

رورو الشخبوطه said...

هلا قلب طفلة ..

علينا وعليج يارب..

مشكوره..

اي خخ بس لما شفتها وانا كبيره ماحبيتها بس كشكل تونسني كيوت..

تسلمين والله يعافيج يارب..

رورو الشخبوطه said...

هلاChiwiti ...

ان شاءالله ..

مشكوره..

رورو الشخبوطه said...

هلا يابختي...

حتى انا صارلي فتره مارحت السوق يمكن 3 اسابيع..

ولكم خيتو ..

Fishah said...

لووووول

لا مابي اصير ورديه انا بعد

كافي المكتب :P

بس عشانج بلبس باند وردي :>

رورو الشخبوطه said...

ولكم باك فشونه ..

خخ عيل لبسي مال سندريلا ازرق او مال سنوايت ..

اول مال اول اللي نلبسه بالعيد الوطني ع علم الكويت خخ اح كان يغزز ..

وعز الله شانج بس باند مايبن تحت الملفع :)

خخ مو قنوعه..

:)

حياج الله..

abLa Noura said...

خوش جوله رورو

وفرتي على الي عنده شغل الفراره

kazmawy said...

لوووووووووووووول
ماشاءالله عليج
اخاف اصكج عين
شنو عشرمية مجمع مرة وحدة
لا اله الا الله
لا لا ديرى بالج على روحج
لاتسولفين حق الناس جذى
لوووووووووول
عليج بالعافية
وسالف اليهال بسناء عجبونى
تصدقين ببروى الى بمجمع دسكفرى
يبيعون بجامات يهال مواليد
الثنتين ب300 فلس
اى والله
لا وبربع دينار
مسوين عرض يكسر الصخر
لا يطوفج اذا تحبين سوالف يهال روحيلهم
:)
وبعدين مبارك عليج باجى الشهر

رورو الشخبوطه said...

هلا ابله نوره..

حياج الله..

رورو الشخبوطه said...

هلا اخوي كظماوي..

خخ شدعوه الله الحافظ واغلبهم يم بعض :)

الله يعافيك يارب مشكور..

هالمره صادف كل الاغراض اللي عجبتني ملوت يهال والحين عندنا يهال او لا ..

حسستني اني جعصه خخ عاد صج لو صج ماتوقع يخلونهم اكيد خلصوا ..

قلت اخمط لليهال ل10 سنين جدام :)


علينا و عليك يارب مشكور..

وحياك الله ..

Sweety said...

LOOOOOOOOOOOOOOOOL Walla tha7aaktinii .. aham shay il deee3la mara thanyaa LOOOL .. walla il aghrath wa7eid 7eilwa oo ya36eich il 3afyaaa oo maga99aty :DD .. oo ay shay itshofinaa besog gooliliinaa oo mashkora ;**

daloo3a said...

والله الاشياء اللي حق اليهال واااااايد حلوه ^^

وين نحن كنا نرزق نفسهم :(


تسلمييين ع الموضوع

رورو الشخبوطه said...

هلا سويتي ..

مااحب الدلع الزايد فيها من جذي سميتها دعله خخ..

الله يعافيج يارب والعفو ولو..

اي ان شاءالله بصور اول باول ..

وحياج الله..

رورو الشخبوطه said...

هلا دلوعه..

اي حلوين احنا نادر يبون لنا شغلات حلوه ..

الله يسلمج يارب مشكوره..


وحياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads