Saturday, August 8, 2009
السلام..
امس وانا اقرق على راس رفيجتي ميد ان كويت عن البلوق والبوستات حتى البنت راحت تصلي وماردت عقب مالومها خخ المهم قلت لها انا ميمع صور تنفع للرمضان بس افضل المواضيع اللي تكون تجارب شخصيه ..
سواء انا اسويها او اقرا غير حاطها ..
المهم قبل لا انام مادري وانا نايمه ومادري عقب ماقعدت المهم كنت بفراشي وطرت ع بالي مشط البف ..
قلت فكره اكتب عنه..
اتوقع الاغلب يعرفه ..
هو موجود بكل مكان نت (منتديات - سايتات -يوتيوب ) و بالسوق و بالجرايد وبالمعارض << ميمه مارحت والله شفت صورهم بمعرض خخ..
حتى بيتنا لقيته وطبعا جربته :)
اهو مال اختي الصغيره وفي هم الاختي الكبيره بجم خذوه مادري لانه من رفيجة اختي الكبرى..
شوفو صورته ع مابلع ريجي :)
بلعته ..
هو اكثر من قطعه تقريبا خمسه 2 وسط و2 صغار ووحده كبيره (جنه في بعضهم بس قطعتين وفي 4)..
وفي منه الوان ع ابو يوالم كل الوان الشعر في ادعم واسود وشفاف ومشوقر..
كا القطع بشكل اوضح..

هني وحده حاطه طريقته هالصوره موجود بوايد منتديات فمادري منو المرجع الاساسي ..




تجربتي :
فاشله وبجداره اول مره جلب بشعري وكون شعري كثير خخ باالاحلام احس دشت بقمة راسي و جربته تحت البف هم مانفع ياحلات الحشوه وايد احسن منه..
هم عيبه ماحسه ثابت وحسيت انه صغير وماعرفت اركبه عدل يعني بجميع الحلات ياتعور يا يصير عوي يا مايغطي كل الشعر اللي ابي اسوي فيه بف ..
وترا كل ماله يرخص لو زين ماصار جذي قلت الميد انطره ينباع في بو اميه :)
اول ماهبو في كان بالتعش واخرها بعد الحين وصل 3ونص ..
واي ع فكره في بعد من تقليدي خخ ..
نسيت احط روابط :(
وفي بعد غيره ..
سايته :
وبس اللي جربته تقول رايها..
اي برايفت ميمه :
رديت عليج بخصوص الدراريع اللي شفتهم بالمعرض مادري اذا شفتيه ولا لا وترا مو ميولي دراريع عندي وحده ايام عديل الروح اذكر اختي عيبت علي ومالبستها تقول جنج شجون ..
وعقبها كلش ماشريت..
ميمعه صور ملابس تقليديه تنفع دراريع اذا تبين البوست الياي بيكون عنهم ان شاءالله ..
والاهم انا قاطعت المعارض لاني مفلسه :(


30 comments:

lazy dazy said...

مشكووورة على التجربه وانا اايدك حلوه البوستات على التجارب الشخصيه اتفيييد واااايد .. اما سالفة شجون خخخ تحففففففه
اتوقع ينفع لك الدراريع القصيره الي هابين فيها بس يكون موديلها سامبل وكلاسيك هذي اتم عندك سنيين وما يروح موديلها

Fishah said...

انا ماقدر اجربه لان توني قاصه شعري وصاير وايد قصير :<

وسالفه الدراريع انا مالبس .. عندي جم وحده بس .. ما يجذبوني مادري ليش :<
عندي وحده موديلها فنتك لوول تلبسين تحتها مثل ليقينز خخخخخخ

ماااعلييييييييج من اختج لا تتعقدين .. انتي احلى من شجووون :)

:)

Dark angel said...

wow !


from where can get it ?

رورو الشخبوطه said...

هلا ليزي ..

العفوو ولو ..

اي صح بس فيها سلبيها لما تمدح وحده شغله وتجربينها وتطلع ولا بيزه خخ اخاف احط شي والناس تجربه وتدعي علي انا عندي مبدا لازم ارزه بكل بوست مال تجاربي الناجحه اللي ينفعني مو شرط ينفعج :) سو لاتدعين علي خخ..

خخ اي عاد شكلي كان مثلها جن لابسه دراعة امي خخ..

اي الدراريع القصار وايد حلوين وكول ..

وحياج الله..

رورو الشخبوطه said...

هلا فيشه ..

نعيما خيتو..

عشتو اهو مقاسات عساس يناسب الكل..

انا احس مو حلوين علي وافضل البنجابي اكثر بس هم شريته ومالبسته بس الحين صايرين كول ..

حركات ملبوس العافيه يارب..

خخ مرسو بعد عمري بس صج كنت مثلها لما البست الدراعه خخ..

وحياج الله فشونه..

رورو الشخبوطه said...

هاي دارك..

مثل ماقالت بكل مكان ..

في بالنت اذا انتي تعرفين منتدى الكويتيات تحصلينه ب3ونص وفي بعد وحده مسوي عليه عروض..

واليوم وحده شرته ب5 من الجمال الامريكي ..

وبكل مكان ..

منتشر ..

ولكم خيتو..

fatto said...

انا يهمني بالضبط متى طرى على بالج المشط .. ونتي نايمه ويلا قبل ويلا بعد لوووووووووووول والله موتيني ضحك :)

عاد تدرين انا احب اسوي شعري بالبيت بس ماعرف اسوي بف عدل اسوي بس بوطقه بالمشط مال البف .

ويوم كتبتي عنه شجعتيني ان اشتريه ويوم قريت تجربتج هونت لوووول


ابي شي مضمون .. بنطر اشوف تجارب الكل يمكن اشتريه :)

شاي الضحى said...

انا مافكرت اجربه احس انه خربوطه

ويمكن اهوا زين بس يبيله ناس متخصصين مو نفسي زين اعرف امشط شعري ههههههه

رورو الشخبوطه said...

هلا فاتو..

خخ جذي تحرجيني خخ..

اي احسن وهم زين اللي ايون لي البيت اريح من روحة الصالون ..

جربتي الحشوه؟؟

تعالي جربي مال اختي بنسويه تستر خخ..

وزين تسوين نطري يمكن في ناس فاده ويمكن انا ماعرفت له عدل ..

هم بنطر تجاربها عساس افكر اصدره ولا لا خخ؟؟

حياج الله خيتو..

رورو الشخبوطه said...

هلا شاي..

انا شوقتني داعايته..

بس لي الحين مو عارفه له وتجربتي فشلت..

وانا مثل حالتج زين امشط شعري خخ..

وحياج الله خيتو..

star said...

هالو رورو

واااي لا ما اصدق شنو هذا جنه تاج غريب عجيب اكيد ما تنلامين لا ما عرفتي له

انا لا يمكن ابدا ابدا يضبط على ويهي البف يصير طوييييييييل ومو ناقصه


تعليقاتك تهبل مثلج

:****

رورو الشخبوطه said...

هلا ستار..


خخ اهو شكله اللي بالدعايه انه حيل سهل بالستخدام بس قسمي شعرج وحطيه وبس ..


وانا شعري خفيف والبف يعطيه كثافة ..

والبف احبه للمناسبات او اليمعات اذا خطبة او جامعه ماحبه اقصد بالجامعه للي مو متحجبه مو انا :)

وبعد عمري مرسي ..

من ذوقج :)

حياج الله خيتو..

DoDoq8 said...

زين قلتي لاني كنت ناويه اشتري لي

رورو الشخبوطه said...

هلا دودو..

تجربتي مو مقياسي تاكدي للحين اللي جربهم ماعجبهم بس يمكن في احد ضبطت معاه..

وحياج الله..

*Being One said...

بس لو تسوينه بالصالون راح يسونلج ياه مضبوط ,
بس هم بف طبيعي او الحشوه احسن ^^

رورو الشخبوطه said...

هلا بيق ون..

قصدج اخذه معاي الصالون ؟؟

اذا جذي بتروح ميزته اهو ميزته انج بروحج تسوين البف ويضبط بسرعه وبسهوله..

اي كل اسويه بالصالون او ايب احد البيت يسويلي بف وافضل مع الحشوه عشان شعري الكثير خخ..

وحياج الله خيتو..

يابختي said...

شكرا رورو..على التضحية والتجربة..ز

ماادري ليش مو داخل مخي..

ميمة السبيت said...

** لوووووووووووووووووووووووووووول والله مت من الضحك مستلمتني اليوم جنج يا ام الفناتق انتي لوووووووووووووول

- والله شوفي هابين الحين بالقمصان لطوال يعني بدل الدرارييع و شفت خووش سايت حق وحده كويتيه تسويهم صراحه عندها اشياء وايد حلوه www.elevados.kw.com

شوفيه و قوليلنا رايج انشالله يعجبونج ، انزين اسلفج بس يالله روحي معاي في بيت 32 عندهم سوالف حلوه حق القرقيعان

princess adadi said...

اييييي انا طلبت لي واحد

حدددده خوش شي بدال عباله الصالونات

يعطيج العافية :)

رورو الشخبوطه said...

هلا بخ بخ..

العفو ولو..

حياج ببلوقي ال2 :)

اي امبيه انا دش مخي ماديا لما حطيته ع راسي خ..

ومرسي ع المرور..

رورو الشخبوطه said...

هلا ميمه ..

لا حشى مو مستلمتج ابري ذمتي خخ ..

خوش سايت مشكوره بس فيه عيبن كل الدراريع منابعه وتصويرهم موذاك الزود الموديل مو مبين عساس نبوق اوه قصدي نشتريه خخ ..

وايد ناعمين اللي شفتهم افخم وتقريب مثل اسعارهم او اغلى بشوي ..

وهم شفت الجناط محصله مثلهم جوسي كوتور وارخص :)

سوالف قرقيعان امم ماتحتاج افتح جربتي مالت الفلوس خخ لا كله ولا السلف افتح التوفير ولا اجلب بدشداشة ابوي احسن لي خخ..

حياج الله خيتو..

رورو الشخبوطه said...

هلا برنسس..

جربتيه ؟؟

وبالعافيه يارب..

حَافِـيَةُ الَقَدمَيّـنْ ولِبَاسِي المَطـرْ said...

انا معاج رورو
رفيجتي شاريته ومجربته
ولا ببيزه , ما يسويلج البف اللي تبينه
الله يخلي أياديينا والسبرييه p;

Bloggerista said...

إنزين ما ودج تعطينه فرصة أخرى و تجربينه مرة ثانية؟

رورو الشخبوطه said...

هلا حافيه..

اي صح ..

خخ ويخلي الحشوه ومالت الصالون :)

حياج الله..

رورو الشخبوطه said...

هلا بلوقرست ..

من زمان عنج خيتو لج وحشه..

اذا جيكتي ع التعليقات بتستنبطين خخ انه اي ابي بس ابي اعرف اللي جربوه مثلي ولا انا ماعرفت له ويمكن وحده اعرفت له تعلمنا ..

وترا مو بس انا جربته اختي بعد مجربته وهم ماضبط :(

حياج الله..

Fantaseyah said...

مشكورة كتبتي تجربتج
جااان الحين شارينة ومتوهقين فييييه

:)

رورو الشخبوطه said...

هلا فانتازيا ..

العفو ولو..

بس احتمال تعفون له وتصيرون احسن مني ماتوهقون فيه :)

حياج الله..

Made n Q8 said...

لوووووول متى هذا الي رحت صليت ومارديت ماعليه الذاكره ميح..السموحه يا رورو :*

وهالمشط على كثر ماخبونا فيه ماادري ماشدني..يمكن لما ينزل على قولتج عند بو 100 آخذ منه :d

رورو الشخبوطه said...

هلا ميد..

لا اتغشمر خخخ عادي معذوره خيتو..

اي مايسوا وناطره لي الحين احد نفع معاه عساس استلمه ..

ومرسي خيتو..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads