Sunday, December 23, 2012

جديد body center : O collection

10:51 PM

هذا اخر ست نزل عندهم وهالمحل احبه واايد يفيدني خصوصا بالهدايا كل ماتوهقت رحت له خذيت مجموعتي المفضله (Narcissus) كتبت لكم عنه (هني) كهدية واللي احبه بالمحل عرفته ب2009 وكان ست بس 3 قطع لوشن وشور جل و عطر الحين وفروا منه شمعه (معطره للجو واللي يذوب منها يستخدم كزيت للمساج) وعطر للشعر و عطر جامد يعني تنوع وتطور مستمر ماشاءالله بمنتجاتهم ، كنت رايحتله المعرض بشم ست مادحينه بس مو وايد حبيته شميت هذا وقعت بغرام ووايد سالوني عنه ولما كنت اتسبح فيه(الصابون بس قبل التدهن والتعطر) اطلع اختي تقول انا امر يمج ابي تلزق فيني الريحة خخ جان اعطيه القرين لايت انه تستخدمه معاي ..

اوول شي شدني بالست اليديد لونه الاسود والعبارة الملونه وشلون دمجوا فخامة الاسود بالالوان فصاير فخم كول :)

ريحته :

ماي الزهر مخلوط مع كسرة بخور مع مكونات ثانية سؤية ع قولتهم :)..

وتعتبر ريحته مميزه غير عن اللي عندهم تعودت على ريحة الورود عندهم وحبيتها ..

الست مكون من 4 قطع (طبعا تقدرون تشترون كست او كل قطعه بروح)

-عطر ..

-بودي ميلك ..

-عطر جامد ..

-شاور جيل..

رايي:

مثل ماقلت لكم فوق ريحته مميزه بخور بس بنفس الوقت خفيف مافيه لسعة العطور الشرقية (مااحبها العطور الشرقية ) وغير عن اللي عندهم ، حبيت البودي ميلك خفيف ع البشره ويعطيها نعومه بس اذا بشرتج وايد جافه اتوقع تقدرين تخليطينه مع لوشن بس يكون مو معطر او يكون اهو الخطوة ال2 بعد الترطيب العادي هم بلوشن او زبدة جسم مو معطره(جربي ع منطقة صغيره واذا ياز لج كملي) وحبيت انه سبري اريح بالتدهن واسرع ، العطر الجامد بسرعه يذوب حبيت هالشغله والصابون مو قوي ع البشره ماشاءالله ( هذي تجربتي الاولى له )

افرعه :

بالجهرا : المنار -اوتاد

٣٦٠ \ الكوت ا\البيرق \ المغاتير \ العربيد ..

الانستغرام..

@bodycenter

LINK

Labels: beauty |

2 comments

Saturday, December 22, 2012

الموقع الكتروني لمكياج المنصور..

2:33 PM

احب قبل لا اشتري الشي اسوي سيرج عنه واقرا عنه ، ولانه البنات بالانستغرام دلال وسباركل شوقوني ع المنصور دورت سايته ولقيته (الصراحة ماكنت متوقعه انه عندهم سايت)

وقبل لا ابطله استغربت انه العنوان سمايلينغ كويت !! لما دشيت قسم (معلومات عنا) طلع هالماركة مالتهم ..

واللي حبيته فيه متوفر باللغتين العربي والانجليزي ..

بس عيبه انه مو حاط المنتجات اللي فيه دايركت لا حاط مواقع الماركات اللي عنده (اغلبها ايطاليه وامريكيه) حلاته يحط شنو موفر من هالماركات والاسعار ..

والمعلومه اليديده اللي عرفتها عنه انه موجود بالامارات وتحديدا بدبي هذا عنوانه :

محل رقم:5
مرشد بازار
يجوار فندق الخيام
الديرة- دبىهاتف: 0097142264755فاكس: 0097142269321

وله بالكويت 10افرع ماشاءالله ..

ولزيارة الموقع اضغط هنا ..

مصدر معلومتي هني

Labels: beauty, makeup, سايت |

2 comments

Friday, December 21, 2012

Minx Ready to Wear

6:46 PM

من الشغلات اللي وصلتني من مكياجة كهدية عشان اجربه هالكريم وصارلي اسبوع استخدمه للدوام ..

مايحتاج اقول لمتابعيني لانه يعرفوني بس اللي ماتعرفني هالبوست بيكون حاله حال الباجي بوستاتي بكتب رايي فيه بكل صراحة مو لانه هدية راح اجامل ..

الكريم اسمه :

Minx Ready to Wear

ومكتوب عنه بالسايت :

مينكس ريدي تو وير سائل أساس بحماية من الشمس 15 درجة

إجعلي بشرتك الأكثر إشراقة في العالم! كريم الأساس هذا يندمج بسرعة مع بشرتك ويمنحها تغطية متوسطة رائعة بحيث تكون ذات إشراقة طبيعية والسبب في ذلك تركيبتها الخفيفة. ودعي السماكة وكريم الأساس الكثيف! وكوني بأجمل إشراقة وأحلى إطلالة

تجربتي :

بالبداية راح اقارنه مع البي بي ايزدورا كلون وقوام وتغطية :

صورت لكم صورتين كسواتش ..

رقم ايزدورا (1) و مكياجي رقم (2)

تقريبا نفس القوام بس ايزدورا طلع افتح بشوي ..

اما مكياجي يتفوق عليه بالتغطية ، وهم نسبة الحماية مكياجي SPF 15 اما ايزدورا 12 بس..

خل افصص لكم كريم مكياجي لانه البوست عنه :

كقوام :

خفيف ورطب ..

تغطيته :

صح مثل ماقالوا متوسطة بس حبيتها تغطيته وحتى المسام حسيت مخففهم وبسرعه يندمج مع البشره وسهل بالاستخدام..

درجاته :

متوفر بوايد درجات لونيه 6 درجات ..

اللي استخدمته اغمج درجة اسمها STANDOUT 06 ...

اذا لاحظتوا اغمج من بشرتي بس انا احب الغامج غريب مو احب صابون تفتيح ومكياج الغامج خخخ ، بس هذا احس يندمج مع بشرتي ويعطي لون حلو ماشاءالله حتى قلت رفيجتي (كنت احط جدامها عقب ماخلصت قلت لها شوفي تغيير صار احلى ) قالت جنه حاطه بودرة بعد لما جيكت مكتوب عليه بودرة حره..

واممم شنوو بعد ..

سعره :

75.00 SAR/AED/QTR
5.90 KWD
7.50 OMR/BHD
21.00 USD

رايي :

باختصار حبيته 3>

FB

بالانستغرام وتويتر نفس الاسم :

@Mikyajy1

والسايت :LINK

هذا بوست عن كريم ايزدورا هني

Labels: beauty, makeup, هدية |

2 comments

keek

11:32 AM

وسجلنا بالهبة اليديدة برنامج الفيديوات (بيصيرلي اسبوعين )

توني بس منزله 3 فيديوات غصب لقيتهم بعد خخخخ ...

اسمي بالبرنامج (roroalk87 )

Labels: تكنولوجيا |

0 comments

دله

1:42 AM

تشوقت اجربه خصوصا عقب المدح اللي قاريته وعقب ماشفت صورة حلو التوفي بالانستغرام ، وقبل جم اسبوع اتصلنا عليهم نبي للدوام قالوا التوصيل عقب ال3 ..

امس رحت اجربه علبو بالويك اند يمعتنا..

خذيت حلو التوفي وذقنا اكثر من شغله من تستر ، انا جربت الغريبه ماحبيتها مو النوع اللي متعوده عليه الترفه اللي يذوب بالحلج ورفيجتي جربت كيكة الهيل تقول عادية ..

حلو التوفي :

عباره عن 12 قطعه مكونه من طبقتين الاول بسكوت وال2 توفي معاه علبة ملح ..

هالصور عقب ماذقت وحده وكنت حاطة ملح ع وحده ..

والقطع حجمها كبير مو صغير ..

وسعره:

4 دنانير ..

رايي :

ينفع للزوارة محفوفه وناس شويه و انا كنت متوقعه انه ينفع نقصة شي مو عادي ولما شفت سعره بالانستغرام قلت الله يديم الرخص بس لما شفته بالصج حسيت السعر زوين او وايد عليه وهم ماعندهم كي نت اشوه معاي كاش..

وبالنسبه للطعم اقل من العادي مو مثل المتوقع وامي ذاقته سالتها شرايج فيه ؟ تقول مو هالكثر ..

واحلى شي الخدمة غير اني انا طالبه التستر :\ اقوله توصلون الجهرا يقول الجهرا اللي بجنوب السرة !! ضحكني خخخ

عنوانهم :

جمعية كيفان ..

ت:99989824

اكاونتهم بالانستغرام وتويتر @dallahkuwait

Labels: اكل, محل |

0 comments

Wednesday, December 19, 2012

لقاء مفتوح عبر تويتر مع وزير التجارة والصناعة انس الصالح لمناقشة قانون الشركات الجديد

3:59 PM

التفاصيل كلها بالصوره بس للتسهيل عليكم هذا اكاونتهم بتويتر (اضغط عليه )

@Kuwaitna_gov

Labels: شخبوطة سياسية ع قدي :p |

0 comments

Monday, December 17, 2012

soap & glory (trick and treatment)

10:40 PM

بكلمكم اليوم عن منتج بيوتي يديد ..

واهو يعتبر علاجي تجميلي << احب المنتجات اللي جذي ..

الصوره اللي على غلافه تشد ، مو ؟؟ خخ

وجذي شكله ..

درجته : BRIGHT ON

لونه بيج طبيعي وفي لمعه راقيه ذهبيه ..

فايدته :

اهو بمثابة كونسيلر تغطيته طبيعيه خفيفه اللي فيها هالاتها غامجه او بتحطه بالليل لسهره حلاته تحط تحته كونسيلر عادي اي نوع تفضل ومرتاحه له وفوق هذا ، ولانه فيه لمعه وايد راقيه فتعطي الويه لوك حلو حبيته ..

سعره :

4.500 د ..

وموجود بوتس ..

Labels: beauty, makeup |

2 comments

التستر @LUSHKUWAIT

8:30 AM

الاسبوع اللي فات نزلت لكم بوست عن مكياج لش هني ، والخميس صادف انه بطلع مع رفيجتي ومرينا 360 فرحنا نشوفه ..

واكثر شي لفت انتباهي بكورنر المكياج التستر طريقته وايد حلوه واول مره اشوفها بالكويت رفيجتي كانت قايلتلي عنها بس شايفتها بلندن مو هني ..

وطريقتهم انه كل منتج له فرش خاصه لكل زبونه استخدام واحد وتنقط (كيفج اذا بتصادرينها خخخ ) بس عجبتني الحركة وايد ماشاءالله انظف ..

وفي منها فرش للماسكرا ..

وفرش للحمر والايلاينر..

هني شكلهم اوضح..

الاسعار:

طبعا سالتهم ليش اسعارهم تختلف عن برا ؟ جان تقول الشركة اهي اللي تحدد الاسعار واهي بريطانيه << سبب مو مقنع المفروض يوحدون الاسعار بالخليج وطبعا يمشون على الارخص ومو بس الخليج المفروض بكل الافرع السعر ثابت..

شنو جربت منهم ؟؟

ومع انه خاطري بالحمر والماسكرا بس ماجربت الا الايلاينر وماحبيته عادي وجربت هالكريم ..

اسمه :

FEELING YOUNGER SKIN TINT

اهو كريم ينحط تحت العين او اي مكان في خطوط فيغطيها او يعبيها واهو علاجي على كلامها انه نتيجته تبين بعد 3 ايام ..

وطريقته حسب ماقالت (البائعه )

انه الخطوه الاخيره بالمكياج تحطينه كمسحة خفيفه بطرف صبعج ..

رايي الاولي فيه :

ماحبيته جربته ع ايدي بطرفها في خطوط ماغطها << بتقولون في فرق بين خطوط الايد والويه اقولكم جربت كريم بماليزيا طبي حسافه ماخذيته جربته لي ع نفس المكان عبى الخطوط ماشاءالله ..

والاهم هالكريم (تبع لش) في لعه فضيه حسيته بيكون بايخ علي حلاته لمعه ذهبي على بيج او برونز او بيج او اصفر انسب لون بشرتي ..

Labels: beauty, makeup, فنتوقه |

4 comments

Sunday, December 16, 2012

غارنييه - كريم وقاية من البقع الداكنة + غسول الوجه للتفتيح + رول أون للعينين

9:35 PM

بنص شهر 11 بلشت استخدم هالست واستمريت عليه لمدة شهر او اقل بشوي ..

واهو عباره عن كريم للنهار (مرطب) + غسول + رول ان ..

مكتوب عنه :

غارنييه - كريم وقاية من البقع الداكنة + غسول الوجه للتفتيح + رول أون للعينين مجاناً

* المستحضرات الكاملة لتفتيح البشرة ، قوة الطبيعة وأحدث الإبتكارات العلمية في مجال العناية بالجمال ، توفر لك كل منها أفضل الحلول للعناية ببشرتك ، فهى ستكون سرك لبشرة مشرقة مع درجة التفتيح التي تريدينها

* ازالة البقع الداكنة والهالات السوداء والجيوب تحت العينين.

(1)

مكتوب عنه:

* غارنييه لايت غسول الوجه لتنظيف البشرة ، وتفتيح لونها وإزالة الشوائب التي تجعل بشرتك باهته

مكتوب عليه :

(من جدام )

لايت - بخلاصة الليمون النقية ..

غسول الوجه لتفتيح البشرة ..

-يقشر بنعومة

-يفتح لون البشرة

(تم اختباره من قبل اطباء الجلد)

(من ورا ):

هل غسول الوجه لتفتيح البشرة من غارينيه لايت مناسب لي ؟

نعم اذا كان لون بشرتك ذابلا وباهتا .

انه غسول فعال يساعد على ان تصبح البشره فاتحة ومشرقة وموحدة اللون .

كيف يعمل؟

ان تركيبته الغنية بخلاصة الليمون النقية ذات المفعول المقشر تنظف البشرة وتفتح لونها كما تزيل الشوائب التي تجعل بشرتك باهته ..

كيف يستعمل ؟

1-يوضع قليل من الغسول على يدين مبللتين ثم يرغى ويوضع على الوجه .

2-دلكيه برفق باطراف الاصابع ثم اشطفيه بكثير من المال.

3-للافضل النتائج ، استعملي لوشن مرطب يومي او كريم لايت للتفتيح + ضد البقع الداكنه ..

مدة صلاحيته : تقريبا سنتين ونص وااو ماشاءالله (من 12 -2011 الى 6 -2014 ) يعني 30 شهر ..

قوامه : كريمي..

حجمه: 100 مل

تجربتي :

كنت استخدمه بشكل يومي عقب ردتي من الدوام اغسل ويهي فيه (اوخر مكياجي)

رايي فيه :

حبيته خصوصا اول 4 اسابيع مو للتفتيح لا للمسام احس خففهم او صغرهم حتى اكثر من وحده قالت لي هالشغله (فرقت عليهم ماشاءالله)

وحلو كمزيل للمكياج ..

بس عقب حسيته عادي مفعوله مو مثل اول 4 اسابيع ..

(2)

مكتوب عنه:

* غارنييه لايت كريم مرطب يومي ، للتفتيح والوقاية من البقع الداكنة ، و الوقاية ضد الأشعة UVA و UVB لحماية البشرة من أشعة الشمس الضارة ، بخلاصة الليمون النقية وخلاصة الجنطيان

مكتوب عليه :

(من جدام )

نفس اللي مكتوب عنه بس اللي زيادة (مؤشر الحماية SPF 15 )

ومن ورا نفس الحجي بس بالانجليزي ..

والحلو فيه على جنب العلبه (الكرتون) حاطين مسطرة لقياس تفتيح بشرتك وحاطين 16 درجة ..

ع قولتهم قيسي ! شاهدي! صدقي!

(من جانب ال2 )

هل كريم مرطب يومي من غارينيه لايت مناسب لي ؟

نعم ، اذا كنت تبحثين عن اكثر من كريم تفتيح ، انه المرطب الذي لا يفتح بشرتك فحسب بل يساعد على ظهور البقع الداكنة واسمرار البشرة.

كيف يعمل ؟

تركيبته الفريدة هي مزيج بين كريم مرطب ومكوناته طبيعية وفعالة :

-بخلاصة الليمون النقية وفيتامين C لبشرة نقية ذات ملمس ناعم

وخلاصة الجنطيان للمساعدة على ابطاء عملية اسمرار البشرة ..

جليسرين لترطيب البشره ومنحها الراحة .

وواقي ضد الأشعة UVA و UVB لحماية البشرة من أشعة الشمس الضارة .

كيف يستعمل ؟

ضعيه كل صباح على بشرة نظيفة تماما .

دلكية برفق بحركات دائرية .

لا تضعيه على محيط العينين الرقيق او اي بشرة ملتهبة .

نتائج مثبته خلال 4 اسابيع :

بشرة اكثر نعومة ،فاتحة بشكل ملحوظ ، موحدة اللون ، بقع داكنة اقل ، اشراقه فاتحه وصحية ..

قوامه :كريمي بايخ ..

مدة صلاحيته :30 شهر ..

حجمه :40 مل

تجربتي:

استخدمه كل يوم العصر عقب ماغسل ويهي من المكياج باستخدام غسول لايت اللي فوق ..

رايي فيه :

ماحبيت قوامه بس الحلو فيه انه مو ثقيل على بشره بس كترطيب مو شي وهم فيه لون ابيض بحيث تتكون على بشره طبقه بيضه تخليها مشوهبه او بلقه او رماديه ..

هم اول جم استخدام كنت احطه ساعتين او 3 بالكثير لما اغسل ويهي منه يفرق ويهي علي احس منور اكثر عقب الاربع اسابيع حسيته عادي :(

للامانه توني ادري انه استخدامه تدليك بشكل دائري و2 شغله ماكنت احطه الصبح من سبت قوامه ولونه وترطيبه ..

بالنسبه للرول ان مااستخدمته كثرهم اذا استخدمته 10 ايام زين ..

انصح فيه :

لا مو لانه عقب 4 اسابيع خون فيني لانه مايناسب الكل وهالشي لاحظته على اختي استخدمته وقرحت بشرته طلع فيه بقع كبار ورديه اذا مخاب ظني بشكل دائم بس عالجتهم وراحوا انا عن نفسي ساعات اشوف بشرتي تورم وبقعه ورديه بس الحمدالله بشكل مؤقت وبشرتي دعله حساسه فعادي ساعات تبقع وعقب تطخ يمكن لاني ماعبرها خخ..

ملاحظة : الصور الكلام اللي تحت عنوان اللي مكتوب عنه منقول من سايت توصيل هني

Labels: beauty |

5 comments

Saturday, December 15, 2012

بوت تتحكمين بطوله ..

9:25 PM

اليوم كنت بالسوق ولفت انتباهي طول البوت الاسود والوان البوتات اللي يمه تشوق..

دشيت المحل اشوفه لما دققت ولا البوتات جنها تتجفس !!

سالت طلع صح كلهم نفس طول الاسودوانتي تتحكمين بطوله ( اطول حد الاسود بدون تجفس)

هذي الوانه (بيج، بنفسجي ، ازرق ، ادعم ،احمر ، رمادي ، فوشي ، واسود)

واهو فلات وفي نفس الفكره كعب وهم متوفر بالوان متنوعه ..

موجود ين بمحل برنس..

الاسعار :

الفلات 17،900 جنه..

والكعب 19.900 د.ك..

والمحل موجود بالجهرا (باوتاد \ خيمة مول\منار مول)

برا الجهرا وايد اماكن اللي اعرفه بسوق السالميه اللي اهو(السوق الاحمر- سيتي سنتر) وجنه كان بالبستان ! ونسيت الباجي

Labels: fashion, فنتوقه |

0 comments

شكرا مكياجي :*

8:12 PM

قبل اسبوعين تقريبا دزت لي الاخت امينه من العلاقات العامة بمكياجي ايميل عن منتجاتهم اليديه يبدزون لي منهم عساس اجربهم واقوله رايي ، دزت لهم التفاصيل اللي يبونها اقرب فرع ورقمي والخ واتصلوا علي جم يوم بس انا وتلفوني مو ربع (حاطه خط التلفون بالبي بي وحاذفته عادي اسبوع يطفي ما اشحنه :\ ) المهم مارديت الا اليوم وقالولي هديتي زاهبه بالفرع اللي اخترته ورحت استلمته وكاهي حلوتي ..

عباره عن :

-ست حمر (statned)

- مناديل مزيله للمكياج (غرامي)

-ماسكرا (sabaya)

-كريم اساس -فونديشن اللي عجبني فيه انه مكتوب عليه يحتوي ع مكونات خاصه للبشره الحساسه وهو هم من كولكشن صبايا ..

-وكريم اساس من (minx) في حماية من الشمس SPF 15 وحبيت طريقة تعبئته ..

-رموش نوعين << استحرم :(

شكرا ع الهدية والاهم شكرا ع ثقتكم ،وان شاءالله انزل ريفيوات عنهم باقرب وقت :)

FB

بالانستغرام وتويتر نفس الاسم :

@Mikyajy1

والسايت :LINK

Labels: beauty, makeup, هدية |

2 comments

Friday, December 14, 2012

كيكة السمج @luckypumpkinkwt

10:28 PM

اليوم واخيرا احتفالنا بعيد ميلاد تيخا (بطل اكاونتي بالانستغرام :) و اخوه سمسم مع بعض لانه بين اعياد ميلادهم اسبوعين بس ..

فطلبت كيك من @luckypumpkinkwt لانه شغلها عجبني بالانستغرام واسعارها بلاش ماشاءالله والاهم الشغل اييلي للبيت مااتعنا للمحل ..

دزيت له صورة لفكرة مقاربه للي ابيها وكانت هذي النتيجة ..

وهذا شكلها من داخل نص فانيليا ونص ككاو توقعت انه بيكون كل نوع بصوب بس طلع طبقات مو مثل العاده ..

اما الحلو فيها غير الشكل والسعر انه عندها وايد انواع ونكهات مثل:

-فانيلا

-ككاو..

-قرع..

-جزر..

-فستق..

-رد فلفت ..

-تمر ..

اما حجمها:

كبير اكبر بشوي من الكيك اللي بمحلات العاديه ..

وسعرها ..

بس 15 د.ك ..<< غير شامل التوصيل..

وبالنسبه للطعم :

زين طبقة سكر << اعتقد اسمها جذي وطبقات اسفنجيه بينهم كريمه << وعجبت رفيجتي اختي واختي الكبيره (ام اليهال ) وامي..

رايي:

طعم زين وحجم حلو والشكل عجيب ماشاءالله والسعر رخيص (فول اوبشن ماشاءالله )، وهم الخدمة ممتازة من صاحبة المشروع وهم التوصيل قالت بالكثير يوصل 10 وصح قبل ال10 عندي وهذا مو اول تعامل معاها كتبت عن تجربتي سابقه هني بس كانت هديه مو لي فيعني هذي اول مره اذوق شغلها وان شاءالله مو اخر مره ..

اكاونتهم بالانستغرام وتويتر:

@Luckypumpkinkwt

للطلب والاستفسار:

99329057 \ 55098080

(واتساب) 60070404

· http://www.lucky-pumpkin.com

Labels: اكل, مناسبة |

2 comments

blogger event ;VaVaVoom on facebook

1:20 AM

من فتره دزولي فافافوم ايميل بخصوص تعاون بيصير بينا ودور الاسبوع دزولي دعوه الايفنت افتتاحهم لصفحتهم بالفيس بوك وهي بداية انطلاقه بالسوشل ميديا ( وسائل الاتصال الاجتماعيه ) وقريب ان شاءالله بيكونون بتويتر والانستغرام ..

وصلت مع رفيجتي واستقبلونا الاخ عاد الشطي مدير التسويق و الاخ عبدالهادي حفيظ من العلاقات العامة ..

وضيوفنا بمعجنات وحلووعصير من دينا &دلوكا

وعقب خذنا الاخ عادل بتور (جولة) في المركز وعرفنا ع جم سر :)

انه فافافوم الافنيو يملك اكبر عدد وندوز (فترينات ) بالشرق الاوسط وعددها 8 ماشاءالله ..

وMEMO ماركة عطور فرنسيه موجوده حصريا بفافافوم ..

وقال لنا رغم وجود وتوفر الماركات الفرنسيه الا انه ماركة بسام فتوح قدرت تثبت نفسها بالسوق وتسحب الاضواء والبساط من اغلب الماركات وتكون الاقوى عندهم والبست سلر فيها حمرة هيفا ومنتج 2 للاسف نسيت اسمه..