Tuesday, June 19, 2018



من بعد ماتابعت مسلسلات مي عزالدين  وعد وحاله عشق يازت لي اختياراتها مسلسلاتها مو مثل الدارج لازم في قصه ماشاءالله ..
وهذا المسلسل كان مفروض ينعرض العام وتأجل لي هالسنه ..
 
قصته باختصار:
 شابه اسمها #هاله_بديع شايله مسئوليه اسرتها (اهلها من اب واخوان  هاني وهند وهشام امبرطورية هاء :) وهالشي يخلي وقتها اغلبه معاهم رغم زواجها وانجابها لولد..
مو هذي القصه :\ القصه انه تتعرض لحادث مع شاب اسمه #سامح_الخربوطلي ويدشون غيبوبه اهيا ٣ ايام واهو .... خلال هالفتره وعقبها تحلم بشغلات لها علاقه بسامح و هالاحلام تتحقق ! كل حلم يمثل مشكله او حدث بحياه سامح اهيا لازم تحله وتساعده فيه ( بعد الجوع لاهله اخوه يحيي الخربوطلي وبنت عمه جيهان -جيجي )
المسلسل متروس احداث ..
اعطيه ٤ من خمسه ليش نقصه درجه يمكن لانه في حدث ناقص اللي اهو قدره ولدها هم بسالفه الاحلام ماركزوا عليها ..
 
 
.
السلام ..
او على قولتهم بالمسلسل (سعيده)
 
من مسلسلات رمضان 2018 اللي تابعتها ..
من #مسلسلات_رمضان_2018  اللي تابعتها هالسنه #ليالي_اوجيني 
مسلسل مصري نقدر نقول كلاسيكي يمثل حقبه الاربعينات بمصر تحديدا في بورسعيد ..
يقال حسب ماقريت بالنت انه مقتبس من مسلسل اسباني ..
 
بطولة :
 
 
#ظافر_العابدين بشخصيه دكتور فريد اللي متزوج مرت اخوه المتوفي عايده ويبين علاقته معاه وعلاقته مع الحريم ال٢ مثل لولا وكريمه ..
 
#امينة_خليل  ودورها كريمان او كريمه هاربه من جريمه قتل زوجها بعد علاقتها السيئه معاه من طق واهانه وصول لي خطف بنتها منها وابعدها عنها راحت لي بور سعيد وهناك تعرفت ع ابطال المسلسل ..
 
#انجي_المقدم  بدور صوفيا ايطاليه عايشه بمصر صاحبه كافيه كانت بعلاقه حب وصداقه مع عزيز .. وايد حبيت شخصيتها ..
 
#اسماء_ابواليزيد بشخصيه جليله فنانه التياترو بنت صعيديه تركت اهلها وحاربت بس لحبها للفن من غناء وتمثيل وغنت كذا اغنيه او #مونلوج مثل اما جرئ  واهيا صديقه كريمه واهيا اللي استضافتها بعد (مانحاشت-هربت من زوجها) في بورسعيد وصاروا صديقات عقب ..
 
#مراد_مكرم بدور عزيز رجل متربي تحت ايد ام مسيطره لابعد الحدود ! تتحكم بتصرفاته بشكل قوي تعامل معامله الياهل ! بالكويتي العن من ديايه امه 🙃
واهو صديق فريد وحبيب صوفييا ..(بدع بالشخصيه #حبيت تمثيله)
 
# ليلى _عزالعرب #ام_عزيز نفس ماقلت الام المتسلطه رغم مرور سنين ع علاقه ولدها بصوفيا الا انها ماتحبها وتداحرها 🤣 من الشخصيات اللي وجودها فعال بالمسلسل .. ( الدور ضابط عليها 100% )
 

 
 
#مريم_الخشت اول مره اشوفها بس مثلت دور البنت المايقه بجداره .. (المغروره ) واهيا بنت صاحبه التياترو وصديقه عايده وصوفييا وجاره عزيز ..
 
#نادين مثلت دور لولا بطله من ابطال التياترو ولها علاقه سابقة بفريد .،
 
#كارمن_بصيص  بدور عايده زوجه فريد لبنانيه ..
 
#بطرس_غالي ابو نبيله وصاحب التياترو وزوج نعمات .. شخصيه فضيعه احب الابو اللي جذي ❤️
 
#انتصار بدور نعمات احد العاملات بالفندق يحبها صاحب الفندق ويتزوجها رغم معارضة بنته وايد حلو دورها وعلاقتها وايد زينه مع اغلب الشخصيات مثل صوفييا وجليله وكريمه .. الخ .،
 
#خالد_كمال بدور اسماعيل زوج كاريمان امبيه شنو دعله بس دوره قوي ومهم  مع انه مساحته صغيره اقصد طلع بحلقات قليله
 
رايي :
المسلسل هادي احداثه بسيطه في تمغيط بالاحداث واهم حدث يكون بالحلقه الاولى وكعاده اغلب المسلسلات باخر دقيقه او دقيقتين من الحلقه اقوى الحلقات اهما الاولى وال٢٩ وال٣٠ ..
كنت احب اشوفه الفير كنت الا الحلقه الاخيره من قوه النهايه بحلقه ٢٩ ماقدرت انطر ودورت الحلقه الاخيره بشوف شبيصير ..
يعني اقدر اقول زين مو وواو للي يحبون الافلام الكلاسيك اوبالاحرى يحبون حقبه الاربعينات و للي يبون مسلسل هادي.. .
.
 
 
 
 
 
 
السلام ..
 
برد للبلوق << اتمنى هذا ..
 
 
فبنزل جم بوست بعد التعديل كنت منزلتهم بانستغرام ..

 
من افلام العيد 2018
 
 
 
بطولة : ياسمين عبدالعزيز 
 
نوعه : كوميدي ..
 
الفيلم فيه فكره :
اهو عن بنت وحيده ابوها من كثر مايخاف عليها خلاها تخاف من كلشي!
هذي الفكره الاساسيه بس عقب يصير الوضع .
.
 أن فيلم “الأبلة طم طم” يدور حول مجموعة من المساجين، يهربون من السجن، ويختبئون داخل مدرسة؛ الأمر الذي يجعلهم يدخلون في مشاكل مع ياسمين عبدالعزيز، والتي تلعب دور إحدى المعلمات”.
👆🏼👆🏼 نقل عن #إرم_نيوز 
الفيلم اقل من عادي في افيهات تضحك بس تعرفون لما خلص الوضع صار خلص ولا في تكمله العموم قاعد ينطر الباجي 🤣 الفيلم كله على موقف واحد يعني ولو  مركزين على موضوع الفوبيا والحرص الزايد بالتربيه و تاثيره ع يهال وعلاجه احسن من موقف المساجين اللي فجاءه طلعوا !
 
رايي:
 
مايسوى العنوه مافيه قصه ، واغلب التعليقات عليه كانت تذمه تقول سخيف :\

Monday, March 19, 2018
هالبوست مفروض ينزل بشهر 11 ..
المهم نكمله وانزله ..
بشهر 11 رحت دبي عقب فراق 5 سنين وااايد اماكن يديده بطلت فيها ماشاءالله ..
فاول يوم كانت الخطة اروح img + القرية العالمية >> لانهم قراب من بعض
 
 
هذي اقسام المدينة :
 
 

 
* الصوره من سايتهم ..
عجيبه تقولبكم فوق تحت خخخ ..

 
* الصوره من سايتهم ..

عباره عن سينما 4D بس الكراسي بشكل دائري نفس شكل المنخل ..



 
مركبه تدور فيكم وانتوا تتحكمون فيها تطيرونها او تنزلونها تحت ..
 
 
 

 
 
 
 
 
 
المطاعم :
انا كنت حاطة بالي انه الاكل يكون سناك امشي وانقنق بس طلع الوضع لا ..
 
اخترنا مطعم هندي ..
 
ياز لي لبنهم خفيف ..
 
اكلهم هندي بس اللي متعوده عليه بس زين ..
 
الصدمه عقب الغدا قلت بتيدد (اتوضا ) واصلي ..
دشيت الحمام وانتوا الكرامه ع حظي اللي دشيته مافيه سونده - هوز - بربيش :\
 
 
عقب كملنا ..
 
هذس مركبه وتقولب فيك واللي قبلنا كانت مرجعه عليها وراحت وخلت ترجيعها ! لو انا انظف المكان :\
 
واهم محطه واللعبه اللي عليها طابور انتظار اهيا فندق الرعب قبل اللعبه شب علي مريء :\ اختي يابت لي ماي اطخخه عساس نكمل الالعاب ..
 
امبيه يونس خخخ صراخ واكشن..
 
قسمنا قروبين كل قروب صعد اصنصير احنا قروبنا انا واختي وبنيه وريلها و واونكل ريال كبير خلوه بويه المدفع على قولة اختي بايع الدنيا خخ واحد بروحه لما تصروع جدم اونكل ..
ع حظنا كل التصروع بويهنا خخ القروب ال2 صار ورانا ..
وبس ..
 
 
عن نفسي حبيتها احلى تجربه كانت لي بالسفره واهيا تنفع لنا وللمراهقين اكثر من اليهال اللي تحت 8 سنين ..
 
اسعار التذاكر :
 
لما رحنا كانت 245 درهم ..
 
الحين جيكت بسايتهم 258 درهم صارت هذا رابط الاسعار
وعندهم عرض حاليا ع حجز التذاكر من  موقعهم شوفو هني
ينتهي العرض بشهر 5 ان شاءالله
 
ساعات العملمن الأحد إلى الأربعاء :
من 11صباحاً وحتى 9مساءً
ومن الخميس إلى السبت :
من 11صباحاً وحتى 10مساءً

× بوست اسرع سريع ياللي شغل :\

 

Tuesday, November 28, 2017
المقدمة :
هالمسلسل شفته اول مره بالتسعينات واذكر كنت حيييييل حابته لدرجه لما طافتني الحلقه الاخيره انقهرت :\ لما جيكت بالنت ولا معروض ب1998 م (حزتها كنت ياهل ) ولما كنت هابه اشوف افلام فاتن حمامه الفتره الاخيره باليوتيوب لقيته موجود فشفت الفيلم وعقب تشوقت اشوف المسلسل وتابعته ..
واهو من مقتبس من رواية يوسف السباعي ..

المقارنه :
الابطال :
الفيلم بطوله :
شادية و محمود ياسين ..
و مدته تقريبا ساعتين الا ربع وانتاج 1970 م ..
اما المسلسل :
فبطولة:
 اثار الحكيم
مثل ماقلت فوق عرض ب1998 وعباره عن 23 حلقه مدة كل حلقه حوالي 30 دقيقه ..
الفيلم مختصر اكثر احداثه اسرع ..( تفاصيل اكثر تسليط ضوء ومساحه اكبر لشخصيات الاساسيه و الثانويه غير وجود شخصيات اكثر مو موجوده بالفيلم ) :

 - يعني بلش الفليم الابو (جابر) ابو سيده متزوج وخالص
اما المسلسل بلش انه ارمل مومتزوج وقنعوه يتروج بعد ماكان رافض هالشي
وشلون دلال (زوجة ابو سيده) دشت حياة سيده وابوها وتزوجها واخر ١٠ دقايق لما راحت (دلال)  شقته ع كثر ماالشقه بسيطه وبعماره قديمه الا انها انبهرت فيها ! قصر بالنسبه لها اذا بتقارنها بعشتها(بيت من الحصير) اللي ساكنه فيه !
انا كنت بوقف ماني مكمله بس عقب اللي شفته قلت لازم اكمل ( بالمشهد حسيت بقدر النعمه اللي انا فيها عسى الله يبارك لي فيها ويزيدني من فضله)
في وايد بالمسلسل تفاصيل واختلافات عن الفيلم :
مثل سالفه رفيجتها تحذرها من البوق مو بالفيلم ..
امم اكبر نقطة تشابه انه كريمة مختار مثلت نفس الدور ام حمدي (معزبة سيده ) مثلته بالفيلم والمسلسل  بس اختلاف بسيط انه بالفيلم جمعت  لسيده معاشها (راتبها) وعطتها قلب(عقد) وقالت عقب بيب لج حلق بالمسلسل العكس..
يوم العيد وزيارتها للحاره مو موجود بالفيلم + عباس صادفته مرتين واهيا تشتغل عند بيت حمدي بالفيلم ماصادفته الا عقب جم سنه بالشقه (يعني عقب ماطلعت من بيت حمدي ونطلقت من زوجها وراحت شغل يديد )!
-ربع (اصدقاء)  حمدي مو موجودين بالفيلم ولا خطاطيب البنت سميحه اخت حمدي ..
-دراسة حمدي كفاءه عقب بكالوريا عقب جنه بعد شي بالفيلم يدرس بكالريوس
والطريقه اللي عرفت سيده انه حمدي فيها ناجح بالفيلم من الجريده واهيا اللي قالت له اما المسلسل اهو دش البيت وقال لها
-حب حمدي  لسيده ماكان واضح بالفيلم !
-موت ابوه بالفيلم ماثر عليهم ماديا و اما بالمسلسل اثر وبسببه غيروا بيتهم وترك حمدي الجامعه  
-عقب ماتروجت سيده بالفيلم ماشافت سي حمدي ع قولتها الا بعد جم سنه صدفه بعياده دكتور ، اما بالمسلسل كانت تزورهم البيت وتشكى لهم من زوجها علام وعايلته ..
-الاحداث اللي صارت وطريقه تعرفها ع عطيه بالفيلم غير عن المسلسل ! عقب طلاقها بالمسلسل صار لها (الحادث )  وفيه تعرفت ع عطيه المارودي ،  اما الفيلم واهيا تفتر صادفت وحده وخذتها لشغلها اليديد وهناك تعرفت على عطيه !
-من الشخصيات اليديده (الموجوده بالمسلسل مو موجوده بالفليم ) عيال عطيه المارودي بنتين سنيه وصفيه و لد اسمه مبروك + ازواجهم واحفادهم
-بالفيلم لما قالت لعطيه تزوجني رفض وخلاها اما بالمسلسل بروحه قرر هالشي!
-مرت ابوها مختفيه بنفس الوقت سي حمدي وامه موجودين عكس الفيلم! والاحداث عقب طلاقها من علام لي زواجها من عباس يعني ٦ حلقات او اكثر غير عن الفيلم الشي الوحيد المتشابه  اهو انه تعرفت ع عطيه كشخصيه اما الاحداث تختلف ! 
-خلص المسلسل ومرت الابو ماطلعت مره ٢ تقريبا الاحداث الاساسيه موجوده باستثناء عقب طلاقه من علام صار تغيير بالاحداث ومجرد ماتزوجت من عباس ردت الاحداث نفس الفيلم ..
-هم موقف انها شفت سي حمدي عقب مرض ولده يختلف عن الفيلم بشوي ..
-ماتت غنيه بالمسلسل اما الفيلم اللي فهمته انه فلست !
مثل ماقلت شخصيات المسلسل اكثر بوايد من الفيلم من جذي تفاصيل واحداث اكثر ..واعتقد انه الفيلم اقرب للرواية من المسلسل ..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads