شخبوطة كويتيه: تجربتي لـ Hemp Hand Protector من the body shop

Monday, August 15, 2016

تجربتي لـ Hemp Hand Protector من the body shop

10:00 AM

السلام ..

كنت بنزل بوست بالانستغرام كالعاده بس هذا الكريم مابي ابخسه حقه ..

لو بيدي اطلع اتكلم عنه bbc , cnn

من كثر ماهو عاجبني واستفدت منه ..

مثل ماقلت لكم بانستغرام انا عندي اغلب منتجات هالمجموعه ..

واللي صورته بسناب ست فيه زبدة الجسم و زبدة ككاو << بالكويتي بالعربي مرطب شفاه و كريم ريل و كريم للايد ..

ومن برا الست خذيت كريم الويه + غسول ايد ,,

وصورت الكريم وقلت احبه وبنزل عنه بوست بانستغرام تكبجر بدون لا اتكلم عنه خخ :\

عرفت هالمجموعه من ام غزغز صورتها بسنابها وعجبني سعرها ست كامل ب3 بس ..

هالكلام قبل رمضان المهم رحت واشوه حصلته خذيت 1 وانا اخذ بتاكد سالت هذي مجموعه الجفاف قالت اي اللي كانت بالمحل سمعت جان تاخذ بعد وتقولي ذبحنا الجفاف ..

المهم لما يت بحاسب جان تقول الكاشيره هذا سعره لقطه كله بسعر مرطب الشفايف ..

طبعا لانه انا والجفاف ربع فخذيته ..

تجربتي :

انا اذا اهملت نفسي جسمي يقب حساسيه يحر ويعووور ..

عموما وخصوصا بالشتا ويزيد حيل برمضان خصوصا بايدي مادري ليش !!

هالسنه كان مو طبيعي يعورني كل ماغسل ايدي انشفها يحرني الجفاف ! المهم رطبتها بمرطبي اللي كنت استخدمه قبل رمضان هم من بودي شوب بس من مجموعة زيت الارغان اول كنت مرتاحه عليه وحيل فادني برمضان لا الترطيب ماقام يفيد قام يحرني اكثر واتم احك ايدي ليما تحمر ..

عقب رمضا استخدمت هالكريم ماشاءالله كنت استخدمه 3 مرات تقريبا غالبا عقب مااتيي للصلاه ..

انا حساسيتي تشوه شكل ايدي المهم مع هذا تبارك الرحمن اقل من اسبوع تقريبا ب4 يوم خفت حييييييييييييييييييل اقدر اقول 95% من الحساسيه واثرها راح ماشاءالله بعد اسبوع بشرتي زببببببببببببببببببببده تبارك الرحمن ..

قوام الكريم :

خفيف مو اللي يدبق ..

ريحته :

امم اقرب ماله زيت زيتون !

شنو بعد ؟؟

ماله داعي اقول رايي ذكرته بالمقدمه ..

احبنه ..

على قولته High Recommended

Labels: beauty

تجربتي لـ Hemp Hand Protector من the body shop

0 comments:

About Me

ايميل المدونة :)

Labels

Followers

Blog Archive

انستغرام المدونة (roroalk)

follow me

My Blog List

Ads