Friday, December 2, 2011
قريت هالرواية بناء على مدح كويتيه (صديقتي بتويتر) ووحده من زميلاتي بالدوام مدحته بعد ..
أسم الكتاب : لولوة(حكاية عشق تشهدها مدينة الضباب )
الكاتب : موضي الرباح
نوعه: رواية رومانسي - اجتماعيه
عدد الصفحات :472 صفحة
اللغة المستخدمه : خليط مابين اللغة العربية الفصحى (المبسطة) ولهجة الكويتية العامية , السرد كان بالفصحى والحورات بالعامية .

سعره :مادري بس ماتوقع اقل من 3 كتب بلاتينيوم تعتبر غالية نوعا ما
اماكن البيع : هم مادري لانه ماخذتها من رفيجتي .
الشخصيات :
لولوة : بطلة الروية تتحدث القصة عن اخر سنة له بالثانوية لي بداية العشرينات تقريبا , عن حبها وصديقاتها واهلها ..
عمر : طالب هندسة في لندن من عايلة ملتزمه دينيا..
سعود :طالب ميداني طب بلندن ..
صديقات لولوه :
-امل : مريضة ..
-زينه :متزوجه زواج تقليدي مبكر من الاهل وتعاني من زوجها ..
-نورة :بنت طايشة  ,واهي  اصغر من لولوة بسنة..
-عايشة : المتدينه المتحررة !!
-منيره :اخت لولوة واصغره منها ب 3 سنين جنه ..
رايي:
-الرواية في بدايتها تشد بس لطولها حوالي 472 صفحة وقلت احداثها تملل بس عقب ترد تشد يعني مره تشد وعقب ال350 تقريبا تمل فيطلع حدث يشد وهلما جرى ..
 -هم في احداث مالها داعي او تكون غير مكتمله :\
-فيها عدد من الغلطات الاملائية او المطبعيه مايندرا وايد اللي لقيتهم فوق 7 تقريبا , وفي موقفين ذاكرين اسم نورة بدال منيرة !!
-حبيت انها خفيفه وردتني للقراءه اللي بيصيرلي سنة مخليتها :\
الصورة منقولة من هني

3 comments:

hadeelq8 said...

اي حتى انا قريتها الرواية حلوة واندمجت معاها وكونها أول اصدار للكاتبة راح يكون لها مستقبل ان شاء الله

بالنسبة لطول الصفحات انا ما حسيت بسرعة خلصتهم يمكن لأن قراءتي سريعة

يعطيج العافية عالتقرير ^_^

رورو الشخبوطه said...

هديل ..

ان شاءالله

انا قراءتي سريع بعد بس وضحت قصدي انه كميتها كبيره مقارنة بقلت احداثها ..

والله يعافيج يارب..

شكرا

Made n Q8 said...

اها هذي الروايه الي قلتيلي عنها لما طلعنا

يعطيج العافية

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads