شخبوطة كويتيه: Flora Park Hotel

Monday, April 11, 2011

Flora Park Hotel

10:31 PM

هالبوست كنت ناويه نزله اول مارديت من السفر يعني قبل اسبوعين بس لانه اكتشفت ني ماصورت كل شي والصور الباجي فاشله قلت الله يسلم عمو قوقل ..

بحط لكم صور لشغلات جربتها بالفندق ..

اهو في مطعم وكافيه وسبا ..

احن جربنا لمطعم بس بوفيه الريوق ..

والمطعم يكون جبال الحوض..

والحوض له وايد شروط مثلا اللي اقل من 16 مايتسبح فيه بدون احد كبير يشرف عليه ومع انه فيه الاشراف من لفندق و وايد مضبوط ماشاءالله..

شقتنا ..

كانت عباره عن غرفتين نوم +مطبخ + صالة +انتو بكرمة 3 حمامات ..

وفي نوعين شقق نوع نظام لقديم اهي شقتنا يكون المطبخ معزول جنه غرفه , وفي لنوع ال2 نظام امريكي المطبخ يكون مفتوح على الصالة مثل شقة بيت عمي ..

الصاله وفيها حمام وانتو بكرام صغيرون بس مراحض وحنفيه ..<< يفيد بالازمات :)

وغرفة نوم رئيسيه (اهي الماستر)..

وفيها نفس منزع صغير (غرفة ملابس) وطبعا حمام ..

غرفة نوم العاديه والحلو انه الحمام داخلها ..

الاسعار ..

الليله اقامة مع ريوق بـ 895 درهم =67.500 د.ك

رايي :

الفندق زين ونظيف وموقعه حلو جباله تقريبا الستي سنتر بس ماحبيت ريوقه حسيت اقل من عادي و لاحبيت سرير الاطفال :\

وحبيت طريقة شقتن كثر من شقة بيت عمي ضعت فيها خخخ ..

والمرا للي بالرسبشن اعتقد اسمها اسمهان وايد حليوه ..

وهم فيه ميزه انه ياخذونكم من المطار ويردونكم له مجانا وهم يودون يوميا الصبح:

- لدبي مول (بس روحة )..

-والجميرا روحة وردة بس الردة الظهر ..

ولازم تعطونهم خبر قبلها بساعتين ..

Labels: دبي, سفر, فندق

10 comments:

نزهاويه said...: خوش شقه شكلها
بس موقعها مو حلو
انا احب اسكن يم دبي مول او امارات مول; April 12, 2011 at 1:05 AM
شاي الضحى said...: من كثر الفنادق بدبي ما تدرين وين تسكنين

حاليا احسن فنادق الي يطلون على النافورة وبرج خليفه; April 12, 2011 at 3:17 PM
daloo3a said...: اممممممم حلو شكلها ^^
و حلو انهم يودوونكم مكان
^^; April 12, 2011 at 6:17 PM
Anonymous said...: يعطيج العافية
شكلها نظيف; April 12, 2011 at 6:29 PM
خاتون said...: السلام عليكم...

شكلها مرتب وباينة النظافة
وعليكم بالعافية وان شاء الله
تعيدونها وتكون المرة الياية أحلى
موفقة
^_^; April 14, 2011 at 12:06 AM
رورو الشخبوطه said...: نزهاويه..

عيل انا حبيت مكانه اكثر من البرشا..

والحلو يودونا دبي مول ببلاش :); April 19, 2011 at 12:45 PM
رورو الشخبوطه said...: جايونه..

احنا نفضل الشقق الفندقيه..

ماجربته يبيله بالمستقبل ان شاءالله..; April 19, 2011 at 12:45 PM
رورو الشخبوطه said...: دلوعه..

اي وايد :)

ومرسي..; April 19, 2011 at 12:45 PM
رورو الشخبوطه said...: حنان..

الله يعافيج يارب..

مشكوره..; April 19, 2011 at 12:46 PM
رورو الشخبوطه said...: خاتون...

وعليكم السلام والرحمه..

الله يعافيج يارب..

ان شاءالله..

اجمعين يارب..

شكرا..; April 19, 2011 at 12:47 PM

Flora Park Hotel

10 comments:

About Me

ايميل المدونة :)

Labels

Followers

Blog Archive

انستغرام المدونة (roroalk)

follow me

My Blog List

Ads