شخبوطة كويتيه: ذكرياتي مع القراءه..

Saturday, May 9, 2009

ذكرياتي مع القراءه..

7:43 PM

اليوم شخبوطتي غير عن قراءتي الحاليه مع انه عندي ..

جم قصه مخلصتهم من زمان من قبل شهر و ناويه انزل عنهم بس هالشخبوطه حبيتها اكثر..

عموما اللي خلصته (فلاش لخالد الصفتي- والان نفتح الصندوق هذي مخلصته قبل غرفة 207 وللحين مانزلت عنه حرام ظلمتها – ومن اجندة مراهقة) بس ان شاء الله بحاول انزلهم اول باول عشان مايتكدون..

الله يسلمكم القراه اهي هوايتي منذ نعومة أظافري يمكن كان لابلة العربي در بهالشي بحكم انها كانت تمدحني لما اقرا خخ..

ويمكن لانه ماكان عندنا وايد سوالف تلهين مثل الحين خو ماكو 1000 قناة ولا في قناة بس متخصصه لبرامج الاطفال كانوا يحطون الباباي بالحزه اللي نكون فيها بالمدرسه و بردتنا منها و العصر ساعات..

والعاب ماكانت مثل الحين ماكنت وايد احب سوالف الاتراي والسيغا والناتندو وبلستيشن 3 جني قمت اخلط الحابل بالنابل خخ..

المهم ..

اول بداياتي كانت مع مجلات البزوره..

معشوقتي كانت ماجد كنت احرص اني اشتريها كل اسبوع من جمعية الفيحا وكنت استانس لي رحنا بيت يدتي قبل يوم الخميس عساس احصلها مبجر كنت حيل احبها و استمريت اقراها لي الثانوي يمكن اول جم سنه عقب هديتها ..

هالسنه شريتها بس ماعجبتني تغيرت اول كانت مفيد وقصصها مؤدبه الحين كل شطانه اللي تنرفز..

كنت احب امونه وموزه و كسلان جدا ودانه وشمس وفضولي وزكيه الذكيه..

عقب طلع اخر العنقود و شملو مادري شمولي الاطرم وجم شخصيه بعد بس ناسيتهم..

كا غلاف قديم لها..

و مواقع عنها..

موقعها الرسمي.
http://www.majid.ae/

مدونه عنها..
http://noor-syria.maktoobblog.com/page/3/

بموسوعة و ويكيبيديا:

http://ar.wikipedia.org/wiki/%D9%85%D8%AC%D9%84%D8%A9_%D9%85%D8%A7%D8%AC%D8%AF

وهم كنت اقرأ احمد وباسم وخالد وسعد << كلهم صبيان خخ و العربي الصغير و براعم الإيمان وميكي وساعت ميني..

بالعيد احلى شي لما اروح المكتبه واخمطهم كلهم خخخ..

وهم في فتره هبيت بمجله الجريمه اللي عقدتني و جرايد الفضايح ملوت الينانوه اعوذ بالله والمشعوذين..

اتوقع ها الحجي بالثانوي..

وهم هبيت بالمغامرين الخمسه شريت شكثر منهم ..

كا صورتهم..

تختخ ولوزه ونوسة ومحب وعاطف ..

للي حاب يقراهم بالنت:

للامانه ماجربت احملهم ..

http://arabicivilization2.blogspot.com/2009/03/blog-post_20.html

http://shvr.ace.st/montada-f43/topic-t10018.htm

http://6oood.wordpress.com/2008/09/13/%d8%a3%d8%b1%d8%a8%d8%b9%d9%88%d9%86-%d8%b9%d8%a7%d9%85%d8%a7-%d8%b9%d9%84%d9%89-%d8%a7%d9%84%d9%85%d8%ba%d8%a7%d9%85%d8%b1%d9%88%d9%86-%d8%a7%d9%84%d8%ae%d9%85%d8%b3%d8%a9/

هم هبيت باخر سنتين بالثانوي واول سنه بالجامعه بمجلة زهرة الخليج والجميله الخ..

بالجامعة قمت اقرا روايات قريت لقماشة العليان عيون قذرة و قريت بنات الرياض من الضجه اللي سوتها و قريت وايد سالف ماذكرها بس اذكر مكتبة ستار بوكس اللي بالري يم ماكس حسافه شالوها كنت احبه اول نوت للجامعه شريت منها وكان فيها كافيه حلو ..

وكنت اقرا مجلة الديره و ابواب ..

الحين قراءاتي اغلبها من دايموند بوكس خصوصا د.احمد توفيق ماشاءالله عجيب اسلوب وتفكير هالريال..

وغير من الادباء اللي اعمالهم تزين مدونتي..

شنو تاريخكم القرائي << لغه يديده:)

شو رايكم انفع دودة كتب ؟؟

Labels: ذكريات, قراءه

14 comments:

mese said...: ما شاء الله عليج..هييه تنفعين دودة كتب ؛)..

أنا بدأت أقرأ بعد ما خلصت الجامعة..لأن قبل مالي خاطر للكتب من كتب المدرسه والجامعة..وأصلا مافي وقت عندي..وبالإجازة نروح البر عشان جيه مافي جوو حلوو للقراءة عكس ألحين فاضيه ..
بس طبعاً كنت أحب المجلآت..خاصه زهرة الخليج..وحتى هي بعد تغيرت..ألحين ع طول أفتحها وأول شيء أبدأها من وراء أحلام مستغانمي,بعدها شهرزاد, وثم وداد الكواري..أحلى مافي المجله صراحه :)

ودي وإحترامي يآ دوده الكتب...; February 4, 2010 at 1:44 AM
رورو الشخبوطه said...: هلا ميوسه..

انا اقرا كل شي الا كتب الدراسه ماحبها خخخ..

حلو ماشاءالله خفيت عن المجلات من زمان عنها..

وحياج الله..; February 6, 2010 at 5:15 PM
Bloggerista said...: أحلى دودة :***

شنو أحلى كتاب قريتيه؟; February 6, 2010 at 5:16 PM
رورو الشخبوطه said...: هلا بلوقرست :)

مرسو مرسو..

اغلب اللي حاطيته بالبلوق حبيتهم بس التوب عندي..

حظك اليوم و عقل بلاجسد د. احمد توفيق..

ومرسو ع التعليق..

حياج الله..; February 6, 2010 at 5:16 PM
Hashimoto said...: سلاموون علييكوم

لوول شخباري هالمجلات .. بس وين مجلة (( أحمد )) عنهم ؟ P=

اذكر احمد وماجد اكثر مجلات كنت اقراهم .. العربي الصغير نطقطق فيها لوول

خوش بوست

=); February 6, 2010 at 5:17 PM
رورو الشخبوطه said...: هلا اخوي..

وعليكم السلام ارحمه..

صح مغبرين بس كانوا حلوين ..

مثلي انا اكثري شي احبه ماجد والعربي تغزوره اذا فلوسي زايده :)

مشكور..; February 6, 2010 at 5:17 PM
Made n Q8 said...: lool 9ij ayam twanes
thanx roro; February 6, 2010 at 5:20 PM
رورو الشخبوطه said...: هلا ماد..

صج ايام..

اهي اهي اللي فات مات..

كانت بسيطه عكس الحين وبراءه..

ولكم..

حياج الله..; February 6, 2010 at 5:20 PM
Anonymous said...: اهلين دودتنا
الله ذكرتيني باللي مضى ويح قلبي
بداياتج نفس بداياتي بس ما كنت احب المجلات الكويتيه مالت الاطفال كان ولائي لمجله ماجد و بس
لحظه في مجله اسمها أحمد اول مره اسمع للحين موجوده ؟
ليش ما قمتي تقرين ابواب ؟ ترا عدد هالشهر حلو و في عن الانتخابات حاليا اهيا الوحيده اللي اقراها قطعت الجميله و لها من زمان احس صار كلامهم معيود تعرفين
اي و ستاربوكس نفس شركه جرير حتى انا كنت استانس عليها هاديه و كنت القى فها شغيلات مو موجوده بالمكتبات الثانيه حسافه و الله
و احمد توفيق مادري ما عجبتني كتاباته تخرع
Betty; February 6, 2010 at 5:20 PM
رورو الشخبوطه said...: هلا بتوي..

انا كنت ع طول ماجد واول شي بدية فيها واكثر حده قريتها واستمريت اقرها..

الباجي كنت اخذها مرات مو ع طول..

اي في وجنه لبنانيه اوو سوريه ولي الحين موجوده بشهر 12 جنه شريت منها..

ابواب مادري احس صارت جامده والديره غطت عليها اي الجميله ولها نادر اللي احصل شي يدد منهم ..

صج عاد ماحب جرير..

اي تونس حسافه مادري ليش شالوها اهي اهي..

انتي شنو قريتي لها ؟؟

اقري له شي غير عن الرعب مثل عقل بلا جسد او سلسلة فانتازيا..

انزين شرايج بسلوبه مايشد؟؟

ومرسي طلعتي مثلي خلاص انتي اختي بجداره خخ..

حياج الله..; February 6, 2010 at 5:21 PM
Anonymous said...: اهلين رور
اي انا جذي بس ماجد شدتني
حلوه يسوى اشتريها ؟ طفوله متأخره لوول
حرام عليج بالعكس وايد حلوه الديره ما تعجبني كلها صور مافيها شي عكس ابواب مقالاتها حلوه خصوصا مشاهدات مطوع خووش مطوع يونس لوول
خلاص شرايج نروح نعتصم عشان يردونها ترا زاهبه حق هالسوالف
و الله ما اذكر يبيله انبش و اشوف
امم صراحه انا شفته يخرع قطيت الكتاب من ايدي و حلفت ما اقرب صوبه ابد قلت لج عنه قوس قزح
ههه خلاص عيل تبنيني رسمي :p
الله يحييج; February 6, 2010 at 5:21 PM
رورو الشخبوطه said...: هلا بتي..

انا شاريه عدد منهم هالفتره بس لي الحين ماقريته اقرا وارد لج خبر ..

بس مستواها كان عادي مو مثل ماجد..

احب الافكار اللي بديره ..

المطوع قريت له اجندة مراهقه اه صايغها شي جذي لبنت امبيه لو انا منها هفيتها باكبر ماعندي و قضبتها الباب ما اكتب لها حرف ماتستاهل..

واول كنت اقرالها بابواب عن مدارس الاجنبيه ماحب هالنوعيه اللي تركز ع السلبيات بس..

اي شورج وهداية الله عقب نروح نكفخ ملوت كلينك خخ..

قوس وقزح مو كلهم قصصه يا 3 او 4 منهم ..

حظك اليوم عقل بل جسد عجيبين..

لما تفك مش حتسك خخخ..

اي متنيتج منذ مبطي ع قلتهمم..; February 6, 2010 at 5:22 PM
Anonymous said...: اهلين رور
لا محد يقايش ماجد ماجد ماكو مثلها
اممم مثل شنو ؟ شلاريتها كذا مره حسيتها جدا عاديه
استانس على اسلوبه يونس حتى لو ما وافقته الراي
ههههه و لا لازم نمر الجامعه بعد باحط حرتي بموظفين العماده ابيج وياي دعم
رور يخرعون شفيج قلت لج انا مو مال تصرقع
ههه شكلج مدمنه على كتبه
صوكران صوكران خيتو اخيرا لقيت احد يتكفل فيني :p
Betty; February 6, 2010 at 5:22 PM
رورو الشخبوطه said...: هلا بتوي..

قبل الحين احس ماجد اخنربت مو مثل قبل..

خبري فيها من زمان بس يعجبوني صورهم وكان في صفحه عن الاعلانات..

كنت حزتها ماخذه اعلان صحفي واحب سوالف الاعلانات :)

اي اسلوب وسرد ممتعع و يخلج تستمرين مو ممل..

عاد اخر مره العماده خطر لا تلمني خخ استغربت قلت يغير لا يتغير سبحانه..

لا عقل بلا جسد ماتخرع..

انا كاتبه عنها ..

اي احبه عندي شكثر قصص بس ولا قصه له احس جنه ماعندي شي؟؟

عفوا عفوا حياج االله..

:); February 6, 2010 at 5:22 PM

ذكرياتي مع القراءه..

14 comments:

About Me

ايميل المدونة :)

Labels

Followers

Blog Archive

انستغرام المدونة (roroalk)

follow me

My Blog List

Ads