شخبوطة كويتيه: *%*تغطيتي لمعرض الكتب في رابطة الادباء%*%

Thursday, April 23, 2009

%تغطيتي لمعرض الكتب في رابطة الادباء%*%

10:48 PM

السلام عليكم..

قبل جم يوم لتل << (عضووه معاي بالمنتدى وعضوه برابطة الادباء) قالت لنا عن فعاليه يديده تنظمها رابطة الادباء.. وومحسوبتكم تحب القراءه فلما سمعت انه في معرض قلت حشى و كلا والبتا اروح يعني اروح.. واهو امس بلش .. و مارحت الاني نمت نوم اهل الكهف.. اليوم كنت دايخه بس ماقدرت انام بدون لا اروح له.. المهم رحت له وهذي الصور.. الاعلان..

دشينا حياكم الله :)

كان في تشكيله من الكتب وانا اشوف الصور في كتب بعد عجبوني بس مااتوقع في مجال اروح له مره 2 اهي اهي..

وهالصووره توضح المجموعه الانجليزيه من الكتب..

وهذا العربي طبعا كان له نصيب الاسد..

وجم صوره من بعيد..

وهذي مشترواتي ..

وعقب دشينا للمكتبه التجاريه في الرابطه..
وعطوني هالمجلات هديه :) مشكورين ..

اخترتي هالمجموعه لكتاب مختلفين عساس اشوف اللي احب اسلوب اخذ له شي 2 ان شاءالله..

لتول خذيت زمن البوح- تحولات..

اهي اهي توني اكتشف اني ماخذيت مذكرات خادم لطيبه الابراهيم..

وهم هذي هديه:) مرسوو خالص ..

وقبل لااختم كانت زياره ممتعه ان شاءالله بكررها و الناس الل هناك ماشاءالله قمه بالذوق والاحترام احب المثقفين بتقولون هذي مو مصدقه انه عندها صورة الاعلان بقولكم طلعوا الاختلافات :)

اي والمعرض باجيله يومين و في تجديد دووري بالمعروضات ان شاءالله

وشكرا..

شرايكم احد راحله؟؟

طبعا اشكر اخيتي ع تصوير اغلب اللقطات الخارجه ان بس صورت لقطه والباجي اهي وهم صورت المشترايات :)

والقرقه ووالتنسيق : انا :)

Labels: معرض

8 comments:

MassComm said...: يعطيج العافية عالتغطيه وسلميلي على اختج :); February 6, 2010 at 4:33 PM
رورو الشخبوطه said...: هلا ماس..

الله يعافيج ويسلمج يارب..

يوصل ان شاءالله :)

مشكوره..; February 6, 2010 at 4:33 PM
Anonymous said...: هلا رورو
الله خوش تغطيه تسلمين ذكرتيني كان ودي اروح معرض الكتاب الاخونجي بس محددين يومين بس للحريم فما رحت لأني مع قانون الاختلاط :p
وناسه خذيتي قليلا و شهقه حلوه نوعا ما
موستيك كنت باخذها بس جريئه نوعا ما فترددت

happy reading; February 6, 2010 at 4:34 PM
رورو الشخبوطه said...: اهلين ..

الله يسلمج يارب..

وناسه جان قلتيلي عنه اي معرض كتاب تعرفينه قوليلي عنه اذا ماعليج امر..

الحلوه انه قليل وشهقه بالمعرض بديدينار وبرا بدينارين ونص ..

و انها كويتيه احب اعرف توجهات ادبائنا..

صج مو ستيك جريئه خل اقرااها واقولج ع الحجي اللي ورا انها بالستينات احداثها ..

مشكوره..; February 6, 2010 at 4:35 PM
Anonymous said...: خفت اقولج عنه يغسلون مخج :p
اوكي اهما كانوا حاطينه بالجريده ماشفتيه جنه موجود باجر بعد اهوا بس الاثنين و الخميس للحريم
اي انا شاريتها بدينارين و نص من فيرجن
اي يقولون كان في مدون جنه مطقوق قال عنها
انزين روايه منيرة مالت هيثم بودي ماشفتيها ؟; February 6, 2010 at 4:36 PM
رورو الشخبوطه said...: هلا بت بت..

خخ لا مخي مو مصدي عشان ينغسل خخ..

لا والله اهو الصبح بس؟؟

كتب عن القصه نطق؟؟

قصدج بالمعرض ولا بالمكتبه؟؟

اذا بالمكتبه لتل كوين تقدر تفيدج لانه في تشكيله وايد بس ماشفتهم كلهم..

ومرسو خيتو..; February 6, 2010 at 4:36 PM
الوتين said...: رورووووووو بليز علميني مره ثانيه لي صار معرض

خبرج آنا قناة السودان منعزله عن العالم الخارجي وماعرف اخبار بليز علميني

ويعطيج العافيه حياتي; February 6, 2010 at 4:37 PM
رورو الشخبوطه said...: هلا الوتين...

خخ توني اشوف تعليقج وع خير ان شاءالله..

والله يعافيج يارب..; February 6, 2010 at 4:38 PM

%تغطيتي لمعرض الكتب في رابطة الادباء%*%

8 comments:

About Me

ايميل المدونة :)

Labels

Followers

Blog Archive

انستغرام المدونة (roroalk)

follow me

My Blog List

Ads