Friday, January 11, 2013

postheadericon تنزيلات التنزيلات في سنتر بوينت (القسم الولادي هلموا ياامهات :)

9:43 PM
اليوم مريت سنتر بوينت وشفت قسم اليهال ولقيت سوالف حلوه ع 1,900 و1.500 و900 فلس بس صورت قسم الصبيان علبو ارويهم اختي اذا تبي لعيالها ، وطبعا الصور جزء صغير من الكولكشن يعني جم لقطة ع طاير صورت الشغلات الستاندر اللي ع مر السنين تنلبس عادي اتروح موضتها ..
 وحبيتهم للمدرسه او البر او الشالية او المزرعه او العصاري ..

اخليكم مع الصور ..

هالجاكيت عجبني في انه موديلين جنه وتوفر ب3 الوان احمر واسود وكحلي حسب اللي شفتهم مادري اذا في الوان غيرهم  المهم كان ب5 وشي صاروا ب3 والحين بدينار و900 ..


 هالبنطرون كحلي وفي مثله اسود ..




 انا لاعبه بالوان علبو يبين موديله اوضح ..
 فنايل جم طويل في موديلين بقلبه او بدونها كانوا بدينارين وشي صاروا ب900 ..


مادري احس يسوى الروحه والتخمط :)

اذا حابين تشوفون شغلات 2 من سنتر بوينت سواء من الكولكشن اليديد او اللي عليه سيل تلقونهم باكاونتي بالانستغرام اسمي roroalk
Labels: , | 0 comments
Thursday, January 10, 2013

postheadericon اربان ديكاي غدا بسيفورا ..

8:43 PM
قبل يومين من البنات بالانستغرام دريت انه سيفورا وفروا هالماركه عندنا واليوم كنت بالافنيوز مريتهم وتميت احوس واحوس واحوس ادورهم ماكو وينها :\ لما مليت سالتهم قالولي كاهي هني واشروا ع هذي قلت انزين بجم ؟؟ قالوا ماسعروا بعدهم :\ هالحجي الظهر ..
 
االعصر قبل لا اطلع مريته لانه شفت الستاند مضوي دشيت وينها لا تخافون ماخلصت خخ ماحطوا الا التستر بس سالتهم متى قالت باجر قلت اكيد قالت ان شاءالله قلت انزين بجم قالت نفس الحجي ماسعروها :\
مساعه جيكت باكاونتهم شكلهم بلشوا يبيعونها ونزلوا سعر باليت نيكد ب18 د.ك ..
 
هذا اكاونتهم بالانستغرام
@sephora_kuwait
Labels: , | 1 comments
Sunday, January 6, 2013

postheadericon بعض عروض سنتر بوينت على المكياج ..

10:14 PM
الاسبوع اللي فات البنات بالانستغرام قالولي انه بلاند مارك في عروض ع المكياج فرحت له امس ..
 
اول مادشيت القسم صخه و ماكو علامات وبطايق الخصم سالتهم مافي خصم ؟؟
 
قالت لا في عروض اذا شريتي  بمبلغ معين لج هدية منتجات من هالطاوله او جنطة ..
كنت رايحة مخصوص لماركة nyx بجرب حمره لانه كل من يمدحها ..
 
وانا اجرب الحمر نطت وحده بويهي عايزه حمر سابته (ثابته) ؟ قلت يمااا لا خخ  ماذكر شردت عليها بس قالت عندنا بنوبا قلت مااحب نوبا مجربتهم جان تقول عندنا عرض (هني صاروا عيوني قلوب حب ) اذا شريتي قطعتين  الثالثة مجانا  ماوعيت الا انا عند ستاندهم خخ راوتني كحل الملون والماسكرات والخ بس ماشدني شي :\
اما عروض nyx اذا شريتي ب12 د.ك جنه (مبلغ معين) يعطونج جم منتج محددين ..
 
هذا بعض هداياهم ..
 

ماعجبني العرض فما شفت باجي الماركات ..
Labels: , , | 0 comments
Saturday, January 5, 2013

postheadericon تنزيلات بودي شوب ..

9:33 PM

 اليوم مريت ذا بودي شوب وشفت السيل اهو مبلش من زمان بس ...

لفتت انتباهي هالطاولة ..
 
فيها وايد سوالف حلوه وتونس مثل هذول..
 
كوره بلاستيكيه فيها زبدة جسم صغيره وزبدة شفايف ،
كان جنه ب5 صارت ب3 ..
وهذي جنها حلوه عملاقه وفيها 5 كريمات ،
كان 12ونص صارت 8 ..

 
وهذا البوكس راقي  وفي وايد شغلات ومتوفر باكثر من نكهه،
كان ب12 صار ب6 ..

 
وهذي بعلب بنكهات مختلف صورت جم وحده منهم ..
وايت مسك ست صغيرون فيه لوشن وغسول وليفه جنه ..
وست الفراوله فيه صابون وغسول للجسم (جل) وليفه ,, كان 3 صار بدينارين ..
مانجا  نفس سعر الفراولة .. بس المكونات غسول للجسم و لوشن ومفراكة ..
وهذا ع ككاو صابونه وغسول للجسم و ليفه كان ب3 وصار بدينار ونص ..
صابون ع شكل قلوب حب حبيت شكله كان ب5 وصار بدينارين ونص ..(عندي مثله بس ما استخدمته لي الحين)
ست الوايت مسك بتغليف 2 بشكل جنطة وفي لوشن وجل وعطر وليفه كان ب10 وصار 5 ..
 
حبيت تغليفهم وحجمهم حلو لسفر او للناس الملوله << الحجم الصغير وحلوين للهدايا للناس اللي يحبون بودي شوب طبعا مع شغلات 2 معاها مثل القفت فاوتشر من سبا :)
 
وهذي صوره لمشترياتنا انا واختي الجوز ..
الصوره مو واضحة برد احطها بالانستغرام اتوقع بتكون اوضح ..
ست للايد من طاولة العجايب :) فيه مبردين ومقراضه وكريم للايد والاظافر باللوز كان ب7 صار 4 ..
ومرطب للشفايف كان ب3 ونص صار بدينار و750 ..
صابون سائل للايد ين بنكهة ع كلام البياعه انه ليمتد ماينزل الا مره بالسنه كان ب2.500 صار بدينار ونص..
مفراكتين الوحده كانت بنص صارت بربع ..
صابون سائل للجسم خذيته لانه طبيعي كان بدينار صار ب750 فلس..
بودي ميست الفانيليا كان ب4وربع صار بدينارين خذيته لانه كان حبي ايام الثانويه واحب العطور اللي تذكرني بايام حلوه :)
 
Labels: , , , | 1 comments

postheadericon خصم 20% في بيوتي بوكس @beautybox_kw

3:37 PM
اليوم بالصدفه مرينا يمه وشفنا لوحة الخصم دشينا نشوف شنو فيه ..


وصورت لكم جم لقطه من محلهم وانصدمت من تصويري الظاهر بداية دوختي لانه طلعت منهم دايخة باليالله وصلت السيارة فجاءه تعبت :(

المهم اهو محل بيوتي في مكياج وكريمات وعطور واصباغ اظافر واستيكرز لاظافر اظافرتركيب والخ ..في عندهم ماركات بس متوفره عندهم ..

debby
 صبغ اظافر القلم و المود ..
 
 

وthe blam
 

وهذي الاضاءه قريت مدح لها كانت ب10 ونص صارت ب8 وخردة ..
 وهذي الوانها (الفاتحه مخلصه :( ) بس اتوقع موجوده باجي الافرع ..

 وهالبليته عجبتني كانت ب18 جنه او 17 بس صارت 14 جنه ..

هذا التستر وهم مخلصه عاد فيه الاضاءه الفاتحه اللي فوق ..
 وهذ شدني لانه نفس الزيت اللي للاظافر بس هذا قلوس فيه داخل نفس الورد..


وهالمحل موجود في:

مراكز التجميل بجمعية الشامية و جمعية الروضة..
والليوان والبيرق والنوخذه 3 والمهلب واوتاد (الجهرا) والبستان ..


تويتر وانستغرام ..


Labels: , , , , | 0 comments
Friday, January 4, 2013

postheadericon حمرتي المفضله ( Pink in the Afternoon)

11:36 AM
هالحمره شاريتها قبل هبتي وكشخت فيها بصورتي بالجواز اللي لي الحين مو بالعتها :(
 
وحطيتها بجنطتي المكياج بين فتره وفتره استخدمها بنفس الوقت احبها احس لونها مميز وحلو علي (والبنات لي حطيتها يقولون هالشي بعد )ومن الشغلات اللي احبها وامشي واسوالف عنها ..
 
هذي صورتها :





 
اهي من Revlon - ريفلون ..
 
من هالكولكشن :
 Super Lustrous Lipstick
 
اسمها :
 Pink in the Afternoon
 
رقمها :
 
415 ..
 
وهذا السواتشز ..
 
الاولى قاصه صورتي ومكبرتها (اللي ع يمين )  وهي باضاءة الشمس الطبيعيه (العصاري)  ، اما اللي ع اليسار  ع ايدي باضاءة البيت البيضا مو وايد قويه ..
 
ادري السواتشز مو زود بس احسن واوضح من اللي بالنت اللي لقيتهم كلهم غير عن اللون اللي جربته ..
 
وبالنسبه لقوامها :
كريمي ولونها متوسط لا خفيف وهم مو غني ..
 
رايي :
 
اللي  مميز فيه لونه 3> وهم قوامه زين والحلو فيها انه مو ناشفه ,,لاني احب الحمر المات الكريميه ..
 
 
 

Labels: , | 1 comments

postheadericon حلويات سعد الدين

12:04 AM
اخر اسبوعين العام كان عندنا دوره بالدوام وكانوا ايبون لنا بوفيه بسيط من سعد الدين ..

يعني معجنات صينيتين او 3 (كرواسان ، فطاير، صمون)
وحلو نوعين او 3 بعد (حلو قهوة ، والاكواب ، حلو شرقي او عربي بقلاوة والخ )
مع عصير وماي وبيبسي وسفن والخ ..

ماصورت كلشي بس صورت الشغلات اللي جربتها اكثر من مره ..

وكانوا شغلتين ..

الاولى :

هالطبق ..

نفس جار او غندور ميني وفي جيز كيك فراوله او مانجا او ككاو او اريوو او تيرميسو ..

واغلبهم مكون من 3 طبقات صلصة فوق حسب نوع (ككاو -مانجا -فراوله -اوريو وغيره ) بالنص نفس طبقة كريمه وهم تختلف من نوع لي 2 واخر شي طبقة كيك خفيفه ..
 وجربت تقريبا اغلب الانواع الا الا جيز كيك الفراوله ..

هذا مادري شنو اهو بس لقمه وماكملت ماحبيته من مكوناته ..
 وجيز كيك المانجا زوين مع اني مااحب المانجا وايد ..
والتيرميسو مااحبه :\ خذيته حسبالي ميني خلية نحل خخخخ..
 نوعين ككاو تقريبا مثل طعم الحشوه  بس الطبقه الاولى تختلف ..  (طعمه زين)
 اوريو .. (انا مو حييل مع الاوريو بس هذا اكثر نوع حبيته حسيت خفيف وجنه برد الساندويش مادري الصمون برد الطفوله )
 وشغله 2 لازم كل يوم اخذها..

الكرواسان ..
حبيته خفيف وحشواته متنوعه وفريش  واكثر شي حبيته التيركي وعقب الجبن مالح او لبنه ..

وبالنسبه للباجي ماصورتهم ..

حلو القهوة زين والبقلاوة نفس الشي هم زينه والفطاير اقل من عاديه ماحبيتها ..

وهذا موقعهم Link
 
Labels: | 2 comments
Thursday, January 3, 2013

postheadericon ليش؟!؟!

10:57 AM
هالصورة حطيتها بالانستغرام بس احس مابردت جبدي وتذكرت مواقف 2 لازم تنذكر بس ملينا من هالاستهتار بالزبون لي متى ؟؟ وليش اساسا قاعد يصير جذي؟؟




امس كنت افتر بمحل من المحلات المشهوره ولفت انتباهي هالتوب ! ليش جذي الدلعه متروس كريم اساس (من جدام وهم من ورا) والتاغ مشلوع اشكره شاريته -لابسته - خلصت منه كشخت فيه وردته !! اهي ماتستحي عادي تصير بس المحل شلون يرضون يعرضونه بهالشكل لا ورازينه اول قطعه بعد !! قمت اعذر اللي اذا شروا شي مايلبسون الا لما يغسلونه :/

موقف 2 :
مره جدامي واحد يايب بنطرون ملبوس مو بس مقايس اشكره كسرات صوب الفخوذ من القعده والزرار طايح المحاسب مارضى يرده راح اتصل ع واحد (من اللي يشتغلون)ويه خل المحاسب يرده (الزبون ماكان كويتي ) نفس جنسية اغلب اللي يشتغلون بالمحل ..


هذا غير الاغراض اللي تنباع خصوصا بقسم السيل مشققه ومنتفه :/ مكياج مغبر ؟؟
Labels: , , | 5 comments
Tuesday, January 1, 2013

postheadericon HAPPY NEW YEAR

12:19 PM
 
 
 
اللهم ارزقني في هذا العام فرحه تهز كياني ويعجز فيها لساني وقلبي عن شكرك وحمدك يااارب  ،اللهم ابعد عني مايضرني ومن يكرهني وينافقني  وارزقني واجمعني مع من يحبني  يارب  ،اللهم احفظ لي عائلتي فهي اغلى ما املك يارب  ، و الحمدالله حمدا مبارك كما ينغي لجلال وجهك وعظيم سلطانك
 
وكل عام وانتوا بخير
 
مصدر الصورة LINK
Labels: | 2 comments
Monday, December 31, 2012

postheadericon THE COUNTER

10:40 PM
 
اهو مطعم متخصص بالبرغر ومن المطاعم اليديده بالافنيو بس مكانه مو بالغراند مثل اغلب اليدد ، اليوم جربناه انا واختي الجوز ..
 
 المنيو ورقتين ..
 
الورقه الصغيره اهي تختار فيها صمونتك من .. الى بداية بنوع البرغر وحجمها وصلصات والتوبينغز (خضره والخ)ونوع الجبن  ونوع الصمونه ..
 
والورقه الكبيره فيها الاطباق الثابته سلطات وانواع بطاط وصمون مكوناته محدده ..
 *طلبنا*
 
المشروبات :
اختي اختارت البيبيسي ..
وانا ماي..
 
واخترنا تشيلي جيز فرايز ..
 
وصل طلبي كان برغر (لحم بقري) ول دن مع جبن شيدر وخس وصلصة السيزر وصمون العادي ..
 
والانه اختي كانت من اول 1000 فلورز لهم بتويتر عطوها كابون (فاوتشر ) انه صمونتها ببلاش وانا عطوني جان اقوله للامانه انا مو لاحقتكم ومديتها له (بعد ماتسوى علي يطب شي بطني حرام انا حلال وانتكس :(  )جان يقول لا عادي وعقب النقاش قلت احرجتني وسويت لهم فولو <<خخ..
 
وهذي الفاتوره عقب ماشالوا منها الصمون ..
رايي :
 
الخدمه وايد زينه ماشاءالله لما دروا انه اول مره يت شرحت لنا المنيو ،واختي ماخلصت نص بيبسي يابولها 2..
والطعم زين << والحمدالله مانتكست  هالفتره اتعب من اللحم بس هذا اشوه ماتعبني ، حسيت اكله نظيف ..
 
مكانه :
 
الافنيو ، يم السينما ..
Labels: | 1 comments
Subscribe to: Posts (Atom)

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

انستغرام المدونة (roroalk)

follow me

follow me

My Blog List

Show All

Ads

Meenakon Design Templates