شخبوطة كويتيه

Thursday, August 12, 2010

شكرا شكرا (اسبوع الهدايا العالمي)

10:54 PM

السلام عليكم..

الاسبوع اللي فات تحديدا يوم الاحد رديت الدوام عقب الاجازه..

ورفيجتي هم ردت ويايبه لي هالهديه(صوغه)..

ست كريمات لافندر << اول مره اجرب هالنوع ..

واصباغ اظافر..

وهم اصباغ اظافر..

وبعد اصباغ اظافر..

* اغلبهم فوشي لانه غرامي هاللون..

************************

يوم الاثنين اهو اليوم اللي قالت لكم طلعت فيه مع مدمد وانصدمت انه يايتلي هدايا :\ انا توقعت شغلتين بس..

ست كريمات مع جنطة مكياج والحلو فيه انه حتى علبته خام ماتنقط تصير علبة تخزين ..

اصباغ الاظافر اللي كنت ابيهم هما يتغير لونهم بالشمس جربت واحد ضبط وال2 جاري المحاوله وان شاءالله بقولكم عنهم عقب..

اصباغ اظافر وقلوس يتغير لونه اول شي يكون شفاف عقب يصير وردي .. مدمد صورت براتمي فيه خخ براويج النتيجه :)

مشكورين مدمد وام مشمش اخجلتوني بكرمكم :*

Labels: makeup, اظافر, هدية |

26 comments

Wednesday, August 11, 2010

اكواريم دبي :)

4:14 PM

السلام عليكم ..

احترام لمشاعري ومشاعركم طوفت بوستات المطاعم :)

باخر يوم مرينا الاكواريم ..

واهو موجود بدبي مول

بالنسبه لتذاكر الدخول في نوعين :

النوع الاول : تذكرة ب50 درهم تشمل الحديقه و النفق ..

النوع ال2 :ب100 درهم وتشمل الحديقة والنفق وقارب نوكل سمج و وكوبون ب20 درهم من المحل ..

اول شي دشينا الحديقه وهذي لقطات منها :

ترا في مخلوق يطل خخخ..

اسماك ..

للسحوته عنوان خخخ..

وقت الاكل ..

هالدعله عيزت اصورها مو قادره هذي اوضح صوره لها..

معلومات عنها..

هالمكان يخوف وقف عليه اخوي يقولي لا ينكسر وتطيحين قلت عادي اتسبح قال شدعوه بيخلونج بياكلونج اهني خفت صورت ووخرت عاد الصور عجيب ظلمه ومهزوزه :\

جلي فيش ..

بطريق برمائي..

خخ الصوره مو واضحه بس اختي لعبت فيهم لانه تموا يلحقون جنطتها :\

وجباله حاطين بطريق نوع2 ..

جنهم دود..

وهذي معلومات عنه..

وعقب رحنا نركب القارب ..

وعطونا اكل للسمج واي ريحته قاتله..

وسترات نجاة..

وقبل لا ممزل صورنا صوره تبجي ماابي اتذكرها خخخ..

هني الصوره جنه حايشني دوار بحر وانا اصورها وهي صورت قاربنا..

وهذا القارب بالنص ..

واخو قاربنا..

والسمج قبل لا نوكله ..

لما وكلناه مشفوح..

لقطة عامه ويبن فيها غواصين كانوا بينزلون ..

والاجواء العامه كان حر وقمته :\

واخر شي رحنا النفق ..

قربنا وكان زحمه ..

ولقطات منه ..

وهذا شي من الشغلات الللي شريناه..

صورته مره 2 لانه كانوا مطنقرين علي :\ ومعطيني ظهرهم..

وبس مادري شخربطت مالي خلق اقرا مره 2 :\

Labels: دبي, سفر |

28 comments

Tuesday, August 10, 2010

مبارك عليكم الشهر :)

9:55 PM

السلام عليكم .

رمضان جانا وفرحنا بوه اهلا رمضان..

باجر ان شاءالله بيكون اول يوم رمضان ..

وناسه شعور حلو ..

مبارك عليكم الشهر..

وعساكم من عواده ..

وكل عام وانتوا بخير..

واللهم اعنا على صيامه و قيامه وسائر اعماله يارب..

طبعا رمضان معروف بالاكل انا وحده ولله الحمد ماخربط وايد واحس اكثر شهر اقدر اسوي فيه كنترول ع اكلي :)

ومعروف بشهر العبادة اللي فيه تكون بشكل مضاعف ومركز بس مو مجال نتحجى عنه لانه هالشي بين العبد وربه ومانبي تصير السالفه فيها رياء..

واكيد فيه المسلسلات ع اف من يشيل كل قناة بتحط درزن مسلسلات انا هالسنه من زمان مقرره شنو بتابع ..

العاده اتابع شغلتين بالكثير مثلا العام تابعت ام البنات و خواطر5 ..

هالسنه بشوف ان شاءالله ..

*المسلسلات :

1- اميمة بدار الايتام ..

احب المسلسلات اللي تكون البطوله فيها للبنات ..

تاليف :هبة مشاري حمادة..

قصته باختصار عن 8 مراهقات بدار الايتام ..

و اتوقع اهو حصري ع قناة الراي ..

دعايته ..

2- زوارة خميس..

هم من تاليف :هبه حماده ..

اهي ماشاءالله تناقش قضايا مهمه بس النهايات مسلسلاتها ماحبها خصوصا ام البنات..

احس بيتميز بجو اسري حلو << احب هالجو ..

وبيعرض ع اكثر من قناة منها الوطن واابوظبي وجنه قطر ..

دعايته ..

اما البرامج ..

فبشوف ان شاءالله خواطر 6..

من تقديم : احمد الشقيري..

امم تابعته العام وحبيته وهالسنه بيكون هم مقارنات بس بين المسلمين حاليا وقبل ..

دعايته ..

واتوقع او اتمنى انه ينعرض ع ام بي سي مثل وقته العام كان توقيته حلو حزت الاذان اتابعه وانا اتفطر ..

وانتو شنو بتابعون ؟؟

Labels: tv, مناسبة |

73 comments

Monday, August 9, 2010

شكرا من اكون :)

9:07 PM

السلام عليكم ..

للحين انا نايمه خخخ كنت نازله من داري غصب شالعه عمري من الفراش بلحق ع صلاة المهم وانا اخذ جولة تفقديه بالبيت لقيت هالجيس كلش ماتوقع انه لي حسبالي هدية لعيد ميلاد اختي الصغيره اللي صادف اول امس ..

بفضول طليت فيه نيتي اطل بس عقب اسالها عنه واخليها تراويني شنو فيه ..

المهم لفت انتباهي الاسد قلت لا هذا اعرفه مار علي جان امسك الجيس ولا من من اكون

شي وايد حلو ماشاءالله وراقي ..

الكرت ..

محتويات الجيس ..

تمر توني جربت جم نوع كان عندي تمر 2 قلت لاختي خذيه مابيه خخخ هذا احلى غرامي هالتمر ..

وكيكة Red velvet << احب هالنوع ..

مشكوره من اكون ماقصرتي وايد حبيت الهديه :*..

حلو انه اتيلج هديه ببداية الاسبوع :) واول ماتقعدين من النوم تعدل مزاجج خصوصا اذا كنتي عسره مثلي ماتحاجين اول ماتقعدين خخ..

وناسه كل اسبوع هديه احس عيد ميلادي لا والله احسن بعد خخخخ..

Labels: هدية |

46 comments

Sunday, August 8, 2010

PappaRoti:)

9:58 PM

السلام عليكم ..

من الشغلات الي كنت بجربها وسجلتها بنوتي هالكافيه وبما انه حظي حلو نسيت النوت بالبيت :\ >> الكويت

فلما رحت دبي مول اول مره تميت احوس ادور بحرف البي وكان زحمه فمليت :\

وعقب دزيت مسج لاختي بالكويت دزت لي اسمه ورحت جربته وهالتجربه بناء ع مدح اكثر من شخص جربه ..

المنيو ماله ..

انا من المدح والحجي حسبالي هالكافيه مايبع الا الصمونه طلع لا :\

وهذا اللي اخترته..

وخذيته تيك اوي لانه اللي معاي يبون يجربون شغلات 2..

كالصمونه ..

رايي :

اقل من عاديه صمونه وبنص حاطين زبده امم ماحسيتها شي يديد والمميز :\ بس الحلو انها فرش كنت بصوره عقب اول لقمه او قرمه بالاصح بس نسيت من الصدمه خليها ورحت طلب شي 2 :\

والهوت جوكلت خفيف وماصخ ..

واهم شي اللي معاي ماجربوه ولا جان شيفكني من لسانهم خخ بيتمون سنه جدام يعايروني فيه خخ..

Labels: اكل, دبي, سفر |

37 comments

شكرا شكرا (اسبوع الهدايا العالمي)

اكواريم دبي :)

مبارك عليكم الشهر :)

شكرا من اكون :)

PappaRoti:)

About Me

ايميل المدونة :)

Labels

Followers

Blog Archive

انستغرام المدونة (roroalk)

follow me

My Blog List

Ads