شخبوطة كويتيه: IsaDora B.B. Cream

Friday, December 7, 2012

IsaDora B.B. Cream

9:07 AM

المفروض يحطوني الوجه الاعلامي لهم خخخ صج والله سالوا بنات الدوام عن علاقتي بهالماركة وشلون عرفت بيرو عليها خصوصا و عموما على وايد بنات عرفوا بودرتها حبوه وخذوها عقب ماشافوني حاطتها ..

ووايد جربت شغلات منها وكتب لكم عنهم مثل:

حبي بودرة البرونز منهم (هني) و الكحل الذهبي (هني) وماسكراتهم (هني)..

واليوم بقولكم عن البي بي كريم ..

قبل لا اشتريه مكيجتني مندوبتهم وجربته على نص ويهي وبالنص ال2 كريم (فونديشن) فول كفر على قولتها بس لما يت بشتري اخترته اهو لانه عجبني قوامه في نسبة ترطيب حلوه ..

قبل لا ابلش فيه وبالتفاصيل عنه اللي ماتعرف البي بي كريم شنو اهو انصحها تقرا هالبوست كتبته لكم العام راح تتشوق عليه انا توني قريته مره 2 وطاحوا كل الكريمات من عيني ابيه اهو وبس هذا الرابط , ولانه اللي متابعتني تعرف شكثر احب المنتجات العلاجيه التجميلية ..

بسم الله نبلش اسم الكريم ايزدورا بي بي كريم ..

ومناسب حسب ماهو مكتوب عليه لجميع انواع البشره ومتوفر ب3 درجات ..

اللي جربته التان لاني احب الغامج بس قالولي عقب الميديم احلى عليج رحت بشوف ببوتس طلع مخلص :\ ..

اما قوامه :

رطب خفيف على بشره ..

وميزة البي بي كريم انه متتعدد الفوايد : (بالنسبه لهذا)

-ترطيب ..

-لون..

-عنايه..

-تغطية..

-حماية ..

-بالنسبه للترطيب مثل ماقالت لكم اهو اول شي شدني بالكريم وخلاني اخذه ترطيبه حلو (انا بشرتي مختلطه جافه حساسه ) وكنت اقدر استخدمه بدون مرطب بس افضله مع مرطب ..

-اما لون :مثل ماقالت لكم كان اغمج مني بس عادي احبه عاجبني بس المره اليايه باخذ كريم مثل درجتي ..

-عنايه :مادري شقصدهم فيها بالضبط بس انا مافرقت علي بشرتي معاه ..

-تغطية :خفيفه طبيعيه مايخفي المسام (مو مثل البي بي اللي بالبوست اللي حطيت لكم رابطه فوق :( تغطيته مناسبه للي يحبون التغطيه الطبيعه وبشرتهم مافيها عيوب وايد ، وينفع يستخدم كبرايمر قبل اي فونديشن عادي انا اجربته بهالطريقه بس مكتوب بالسايت ويمكن اجربه عقب ان شاءالله..

-حمايه: في حماية من الشمس SPF 12..

سعره :

7.750 د.ك ..

رايي فيه :

اكثر شي حبيت فيه قوامه ماحسيته بي بي كريم كثر ماهو على قولتهم تنتد مويسترايزر = مرطب بلون ..

Labels: beauty, makeup

4 comments:

سفيرة المحبه said...: مساء الخير

اول مره ادخل هالمدونه وعجبتني
انا برضو يعجبني هالشخابيط :d
ان شاء الله نستفيد من خبرتك
كوني بخير
^_^; December 7, 2012 at 5:02 PM
رورو الشخبوطه said...: اهلين مساء النور ..

حياج الله نورتي وان شاءالله و اخر مره ..

شكرا وانا استفيد بعد من مشاركاتكم ..; December 7, 2012 at 9:39 PM
Dally said...: شكله حلو بس مااظن بيناسبني لان بشرتي دهنيه يعني مرتاحه عاللي استخدمه حاليا.
وقصدهم بالعنايه ان يحافظ عالبشره كترطيب ووقايه من الشمس ويعطي اشراقه; December 8, 2012 at 10:29 PM
رورو الشخبوطه said...: داللي..

اي اتوقع يناسب الجافه والمختلطه اكثر ..

اها مشكوره ع التوضيح توقعت علاج وشي دايم..; December 9, 2012 at 5:43 PM

IsaDora B.B. Cream

4 comments:

About Me

ايميل المدونة :)

Labels

Followers

Blog Archive

انستغرام المدونة (roroalk)

follow me

My Blog List

Ads