Monday, November 29, 2010
8:00 PM
السلام عليكم ..
انكمل السلسلة :)
جنطتي الطعام ايام الروضة :)
اليوم لقيت هالجنطة بيتنا اول ماشفتها حسبالي مالتي لما شفتها عدل طلعت مو اهي انا عليها صورة بنت حاطة حنه :p
انا دخلت الروضه عقب الازمه ع طول فماكان يعطونا اكل فكنت اخذ جنطتي معاي وكله جنطتي ضايعه :\
وكان عندي صديق والله خوش صبي كان يخليني اكل معاه وجنه عقب قام ايب لي اكل معاه ابتلش فيني خخخخ..
حسافه نسيت شسمه بس اذكر الصبي اللي طقني :\
عموما صديق الطفوله شكرا ع الشروكة صار بينا عيش وملح , وليدوو الله حسيبك لما كنت اطقني لي الحين مو ناسيه بس اخوي قالي انك مت اذا صج مسامحتك اذا لا بينا ثار :\
تذكرونها ؟؟مرت عليكم ؟؟
Labels:
Sunday, November 28, 2010
8:47 PM
السلام عليكم ..
مبروك للمنتخب اول مره اشوف المباراة وفاز باكتساح ويهي خير خخخ..
الفال للكاس يارب..
مبروك للمنتخب اول مره اشوف المباراة وفاز باكتساح ويهي خير خخخ..
الفال للكاس يارب..
اليوم لقيت هالمنتج بروحه ع الرف انا اول مره اشوفه , عاد خمطته حلاته يكون تستر ودعايه للمنتج وانا خذيته خخخخ..
اهو كلينكس معقم عادي بس ميزته انه كل كلينكسه مغلفه بروحها ..
هذا شكله ..
راويته اختي تقول غير ديتول مايعقم قلت افكورس بس ماكو مثله من ديتول ..
الحلو بهالفكره انه انظف مايتوصخ الكلينكس من كثر الفتح ولا ينشف وهم اقدر احطه ببوكي لانه صغير ..
سعره :
اقل من دينار اذا ماخب ظني..
حصلته بمركز التوفير..
Saturday, November 27, 2010
7:16 PM
السلام عليكم ..
امس وانا احوس بكويتيات لقيت هالخبر ..
موجود (هني )
عن نفسي ماحبيت الكولكشن وخاصة الهدوم والاكسسورات ارحم شي الجواتي وانتوا بكرامة وتوقعت بيطيح سوقه ومحد بيشتري منه ع ابو مو حلو خخخ..
انصدمت من انه ماشاءالله خلص باقل من 10 دقايق وانه الناس تنطر من 7 الصبح او قبل واللي ماحصلت شي راحت تخمط من صوب الرجالي :\
عاد سهله موديلاته يقدرون يفصلون مثلهم اذا كلش كلش ميتين عليه ..
والاحسن انه متوفر بالنت عشان الطمقه اللي ورا :p
بس حوسوا قبل لا تطلبون لانه نفس الشغلة متوفره عند اكثر من بياع وباسعار متفاوته ..
مع تحيات :
RORO LANVIN :P
Friday, November 26, 2010
9:32 PM
السلام عليكم ..
اليوم سويت جوله مكوكيه ادور نفانيف لمناسبات قريبه ماشاءالله الشهر الياي ملئ بالاحداث السعيده دوم يارب..
ولقيت هالنفنوف عجبني..
في منه لون 2 اهو الافويت بس حبيت الاسود اكثر ..
اسمه :
'ROMANTIC' FLOWER DRESS
من ورا ..
والخام من قريب بشكل اوضح ..
موجود بزار المارينا ..
سعره 19ونص ..
وهالجنطة عاجبتني من h&m فاختي قالتلي اطقمها معاه اخذ الحمرا وجوتي وانتوا بكرامه نفس اللون ..
بس ماخذيته وجني بلشت اتحسف :\
ابي اماكن تبع نفانيف حلوه وناعمه واسعارها مثل هذا ؟
Thursday, November 25, 2010
8:16 PM
السلام عليكم ..
انكمل هالسلسلة :)
واليوم بكلمك عن مسلسل كنا واحنا صغار نشوفه..
اهو مدبلج ..
موجود (هني )
ذكرتوه ؟؟
نحن شلة سبعة , نحن شلة سبعة :)
اخيييييييييييييييييييه..
اذا ماخب ظني كنت اتابعه العصر ع الـ m b c ..
واللي اتذكر منه انهم مجموعة يهال يتيمعون بالقبو وفي تحفة ع شكل راس تكلمهم وتوجهم << اعتقد ..
ومن الحلقات اللي اذكرها حلقة الحبة اللي يحطونها بالعصير ومايخلص كلما شربوه وخلص رد انترس القلاص مره 2:)
تذكرونه ؟؟ تعرفونه ؟؟
Wednesday, November 24, 2010
8:55 PM
السلام عليكم ..
وايد شغلات صارت اليوم بطت جبدي :\
-الظهر بالدوام انصدمت من شغله صارت من جم يوم و حاطين ناس بلاك لست منهم انا ورفيجتي :\
-العصر رحت السوق ابي جنطة ونفنوف لا لقيت الجنطة ولا النفنوف :(
-توني اكد ع طلبيه طالبته من جم يوم لحفلة سمسم من الى (كيكة وحلو وفطاير) جان يوصلني الرد انه كنسلوا الطلبات عندهم ظروف وبلغوا الكل ونسوا يبلغوني :\ اشوه انه الحفله محفوفه بينا وانه ماقلت لاختي (امه) ولا جان حدي توهقت وتفشلت ..
مو اول موقف يصير لي من كويتين عندهم مشاريع ومادري متى احرم و ما اطلب منهم ..
-بنزل بوست علت العلل متنح مو راضي ينزل صور :\
اكره رقم 4 اكررررررررررررره ..
الله يستر من عمر الـ24 :(
Tuesday, November 23, 2010
9:38 PM
السلام عليكم ..
من زمان مانزلت تجربة بيوتيه :)
كان من ضمنها هالكريم :
HANDS THAT LIE SPF15
الوصف منقول من السايت :
إنّ البروتين السكريّ أنتركتيسين Antarcticineوخلاصة اللانابلو Lanablue المستخرجان من المحيط القطبيّ الجنوبيّ، يحافظان على صحّة اليدَين وشبابهما ونعومتهما ويحميانهما من الجفاف. ويقي هذا المستحضر اليدَين الحسّاستَين من الضغوط اليوميّة والظروف البيئيّة القصوى. يحول دون أن تكتسب البشرة لوناً غير متناسقٍ ويخّفف حدّة عدم التناسق بفضل تركيبته الغنيّة بالسوس وحمض الكوجيك ومركّب "روفي ديكولور" ROVI Decolour. كما يرطّب زيت الزيتون اليدَين الخشنتَين والجافّتَين فيحبس الرطوبة فيهما للمحافظة على نعومتهما وترطيبهما. دواعي الاستعمال: يحمي البشرة من الأشعّة ما فوق البنفسجيّة "أ" و"ب" وما دون الحمراء ومن التضرّر والحروق الناتجة عن الشمس ويمنع ظهور النمش ولون البشرة غير المتناسق. يضمن وقايةً عاليةً من أشعّة الشمس ويحدّ من الاسمرار ويؤمّن للبشرة حماية من الحروق التي تسبّبها الشمس أكثر بخمس عشرة مرّة من الحماية الطبيعيّة. إرشادات الاستعمال: يلائم الكبار والأطفال الذين يبلغون أكثر من ستّة أشهر من العمر. يوضع بكميّات متساوية قبل التعرّض للشمس بثلاثين دقيقة وتعاد الكرّة بعد السباحة أو التعرّق المفرط أو تجفيف اليدَين بالمنشفة.
وااو وصفه حسسني انه ايدي بتصير تينن ..
بس رايي فيه عقب استخدام تقريبا شهر وشي وبشكل شبه يومي مرتين الصبح والظهر , النتيجة عاديه من ناحية انه بيحمي من الشمس ويمنع ظهور الوان غير متناسقه<< انا شريته ع ابو في حماية :\ , اما من ناحية الترطيب زوين , مجربه قبل كريمات 2 ارخص ومده قصيره والنتيجة وايد احسن ..
سعره :
ب5.700 د.ك
موجود هني
دوركم شنو احسن كريم ايد استخدمتوه ؟؟
Monday, November 22, 2010
9:30 PM
السلام عليكم ..
امس كنت احوس بالبلوقات وقريت ببلوق بنك قيرل انه فتحوا سمبوسه بوكس هالمحل كنت انطره من زمان بجربه ..
فطلبت منهم اليوم ريوقنا بالدوام ..
هالصور كل ماصورتها رفيجتي مدت ايدها يالله قدرت اصورها :\
صوره جماعيه للحصيله ماخذه درزن 4 انواع ..
الجبن الابيض ..
البيتزا ..
البطاط مع الجبن والذرة ..
نوتيلا << حلينا فيه ..
ظفري مو راضي يطول :( مخترب ..
الاسعار :
الدرزن بدينار..
راينا :
الصور بالصدفه ترتبت ع اساس الافضل بالنسبه لنا ..
احنا اللي تريقنا 4 بنات اتفقنا كلنا انه :
الاحسن اهي اللي 1-بالجبن 2- البيتزا 3- البطاط << توقعتها الذ بس كان غالب عليها طعم البطاط والجبن مو مبين طعمه كلش :\
هالاحصائية قبل لا نحلي :)
عنوانهم :
محلهم موجود بشرق دوار دسمان بجانب فندق هوليدي ان ..
رقمهم :
For Order& Delivery Call : 97746626
Sharq Branch : 22477077
FB : LINK
Sunday, November 21, 2010
8:50 PM
السلام عليكم ...
قبل جم يوم مريت الجمعيه وحصلت حلويات الوطن عندهم هالسله فيها 7 ملات << جمع مله كل مله فيها نوع حلو ..
خذيتها لاميمتي ..
وفي غيرها 2 اصغر وحده جنه فيها 5 ملات وال2 3 ملات ..
بيض القطا << اول مره اعرف اسمه بس ذايقته من قبل , لما سمعت اسمها حسبالي يقول بيض القطوة خخخ ..
سمسمية ..
غريبه فستق..
غريبا اصيله :)
رهش ..
غريبه بالكاكاو..
معمول ..
شكل المله واهي مسكره ..
سعره ب7 ونص ..
رايي فيه :
وايد حبيت الفكره مو يددة بس حلوه و انه حاطين بعض الانواع بنفس قرطاس الكب كيك وايد احسن وانظف ..
وبما انه البوست عن الحلو وتحديد القديم ذاك اليوم بالدوام كنا نسولف شنو عندنا حلو الكويتي البحت ؟؟ وتوني سالت امي واختي بعد..
غير اللي فوق (الغريبه, الرهش, السمسمية , المعمول) عندنا الدرابيل و الزلابيا << صار فيها اختلاف انا وامي نقول اي احي تقول لا :\
شنو بعد ؟؟
هذا اللي اذكره ..
وفيه الكلييا << الكليجا اهي كويتيه ؟؟ احنا يدتي(ام ابوي) الله يرحمها يارب اتيبها لنا من القصيم ..
واذا في ردود من برا الكويت شاركونا باسامي وشرح بسيط لحلوكم التقليدي :)
Saturday, November 20, 2010
4:11 PM
السلام عليكم ..
اول يوم عيد رحنا حلينا بهالكافيه ..
اختي الوسطيه طلبت براوني..
وهذا طلب اختي الصغيره كيكة سنيكرز انا اخترت لها :) ولما ذقتها بالبت ماعجبتني :\
كعكتي جيرمان كيك والله كويسه ..
وهذا هوت جوكلت مالي وذ اكستر كريمه اول مره اقول هالكلمه وتطبق خخخ من كثر كنت بتسبح فيها وخذيت منها وحطيت بالصحن ماشاءالله وايد بس وناسه احبها :)
وخواتي وحده خذت ماي والثانيه كولا :)
موجود بالافينيو بسطرت نابكت :)
Friday, November 19, 2010
3:57 PM
السلام عليكم ..
شكلي بسوي سلسله بمدونتي عنوانه تذكرون وفيها احط كل شي من عبق الماضي من ايام طفولتنا اخييييييييييييييييه ..
وهذا الجزء الاول منه (هني )
اليوم دشيت الفيس بوك وتحديد هالقروب Baked with love بطلب جم شغله منهم ان شاءالله وايد افكارهم حلوه ماشاءالله ..
ولقيت هالشغله تذكرونها.؟؟
هديه الحج ..
اول كل حج لازم تينا صوغه هالكاميرا مادري المنظر وكنا نستانس جنه اول مره نشوفه وكل ياهل قاعد بصوب ويجكجك فيه يشوف الصور اللي داخله ..
وناسه ايام..
اهما القروب مسوينه ع كيكه يعني ماتجك جك :p
اججوا مشاعري ابي ارد صغيره :(
Thursday, November 18, 2010
2:31 PM
السلام عليكم ..
قبل جم يوم لما كنا بالافنيو دشينا فانتسي ورلد وشفت مجموعة ملابس تنكريه لليهال وايد حبيتها هالنوعيه مو كولكشن السنه عشو خخخ لا من زمان شايفته بالنت من سنتين بس كانوا يوفرونها بالكويت بدبل السعر ..
صورت لكم جم واحد منهم اول واحد اهداء لجايونه اي وكل عام وزعفرانه بخير جنه اليوم عيد ميلادها صح ؟؟
وطبعا مو مقاسها خخخ..
وحطيت لكم صورهم من النت عساس يكونون اوضح لكم ..
هذي مشوقتني من سنتين بس ماعندنا بنات :\
تشوق مو؟؟
حق الصبيان بس مو مثل ملوت البنات , البنات احلى .
سلم قلبه :)
الوردي مايقرز :q
وهذا سعره تقريبا الفرق بسيط جدا بينه وبين سعره بامازون , اول كان يوفرونها بالعشرينات مو اقل :\
وفي مجموعه 2 ارخص منها هذي سعرها ب7.950 د.ك ..
شرايكم ؟؟
Wednesday, November 17, 2010
12:54 PM
السلام عليكم ..
قبل جم يوم كنت اتصفح وحده من الجرايد الاعلانية اعتقد الصدى وشفت هالاعلان ..
المهم 2 يوم اتصلت عليه وقالي انه اقدر اطلب كرتون او نص كرتون ..
-الكرتون في 50 حبه وسعره ب7ونص والتوصيل ببلاش ..
-اما النص كرتون 25 حبه وب3.750 د.ك والتوصيل ب750 فلس ..
وانتوا تختارون التشكيل مثل ماتبون ..
حصيلتي :
نص كرتون (25 = 15 كراميل +10 كاكاو)
ماحب الجوز هند من جذي ماخذيت من النوع ال3 ..
الكارميل
الكاكاو..
وهني سويته مكس :)
رايي :
حبيت الكاكاو اكثر << رايي وراي بنت عمي , ماحبيت الكارميل وايد اهو عادي ومال السينما وايد الذ منه واختي الصغيره الوحيده اللي حبته , انا ع ابو امي تحب النفيش بعد طلع ماتحب الا المالح :\
والحلو فيه انه فريش وطبيعي وبدون الوان صناعية :)
وخدمتهم وايد حلو سواء اللي ياخذ الطلب او المندوب ماشاءالله :)
Tuesday, November 16, 2010
7:29 PM
السلام عليكم ..
اليوم رحت هالفيلم اول مره ماوقف بطابور التذاكر لانه قبل جم يوم شريت لي كرت السينما ع ابو بينزلون اكثر من فيلم بالعيد اخر شي نزلوا 3 بس :\
واحد من اللي ابيهم بس اللي موجود ..
بطولة
أحمد حلمي, زينه , شيري ,ايمي سمير غانم << اكتساح نسائي
المخرج
خالد مرعى
تأليف /
خالد دياب
النوع
كوميدي, عاطفي
مدة الفيلم
110 min
تصنيف
PG
اعلان الفيلم :(هني)
القصة
تدور أحداث الفيلم حول شاب يقع فى غرام فتاتين ويرتبط بكل واحدة منهما، ثم يقرر فجأة أن يختار بينهما فيذهب لطبيبة نفسية لتحل له المشكلة، لكنه يجدها تعانى الأزمة نفسها.
تعليقي:
اللي سمعته وقريته انه هالفيلم يعد 3 تعاون بين الكاتب واحمد حلمي كانوا مع بعض بفيلم 1000 مبروك وعسل اسود ..
من جذي اقول اذا بقارنه ب1000 مبروك فهالفيلم وايد احلى هذاك يدوخ , اما مقارنه بعسل اسود هذاك قصة افضل ..
واي ع طاري الدكتور بالفيلم اهي قايله انها دكتورة عظام مكتوب باكثر من سايت انها دكتورة نفسيه !!
والفيلم باختصار انه البطل بلبل يحب بنتين بنفس الوقت الاول عازفه وكول وماهمها شي ولا تغار عليه ومشيته ع كيفه , اما الثانيه فهي رقيقه و اي شي يقوله اوكي ..
راح يحتار بينهم اكثر منا مره بيرتبط بوحده منه او 2 او ولا وحده لما تشوفونه بتعرفون :p
رايي :
الفيلم ممتع ويضحك , قصته عاديه بس فيها عبره لشباب انه مو تعلب ع البنات ترا كيدهن عظيم :p
*المعلومات اللي فوق منقولة من سايت السينما بتصرف !
Subscribe to:
Posts (Atom)
About Me
- رورو الشخبوطه
- الكويت, قسم الاعلام:), Kuwait
- بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
انستغرام المدونة (roroalk)
follow me
My Blog List
-
-
لا تخبئ السعادة فهي قابلة للتبخر.5 years ago
-
حساب جديد معني بإدارة المنزل5 years ago
-
-
-
خطوة أولى نحو الثقافة6 years ago
-
بينكيو تكشف النقاب عن جهاز العرض TK8006 years ago
-
-
مع الخيل يا شقرا7 years ago
-
هل للحزن طقوس !؟7 years ago
-
عدنا إليكم من جديد7 years ago
-
AssASsIN'S CREED7 years ago
-
-
Summer cooling refreshing drink recipe8 years ago
-
فكرة8 years ago
-
I'll be Back Soon راجعين قريبا8 years ago
-
اعرف نفسك8 years ago
-
-
VARIETY ON BONUS POKER ONLINE8 years ago
-
كاريكاتير مابعد أسعار النفط8 years ago
-
-
Salmon recipe9 years ago
-
Review: The Martian9 years ago
-
ضيفوني9 years ago
-
عرض منتجات9 years ago
Ads
