شخبوطة كويتيه: February 2013

Wednesday, February 27, 2013

@nineteen87_boutique

10:00 AM

اكاونت بحريني عجبني شغلهم بالانستغرام ..

واهما يرسمون او يطبعون ع وايد شغلات وهذي بعض الشغلات اللي عجبتني منهم :

وفي اطقم للبيبي 👼

وفي اكواب

مادري ليش طالعه الصور باهته :(

عنوان المحل :

البحرين -الرفاع - ش الحجيات ..

واوقات العمل من 4 عصرا وحتى 10 م ..

واتس اب : 0097336336900

@nineteen87_boutique الانستغرام :

- Posted using BlogPress from my iPhone

Labels: fashion, محل |

0 comments

Tuesday, February 26, 2013

ميريام فارس هي الوجه الاعلامي الجديد لمكياجي

10:52 PM

قبل اسبوعين باكاونت مكياجي بالانستغرام سوو مسابقه عن الوجه الاعلامي الجديد لهم ..

واليوم تم الاعلان عنه ..

وهذي صوره من اكاونت ميريام فارس بتويتر (@myriamfares)

صراحة اختيار موفق..

FB

بالانستغرام وتويتر نفس الاسم :

@Mikyajy1

والسايت :LINK

Labels: makeup |

1 comments

تجربتي لhot red velvety @thecoffeebean

2:25 PM

من زمان خاطري اجرب الرد فلفت كشراب مو كيكه لانه احب الرد فلفت واهو موجود بمحل البرد ماربل سلاب بس كل ماروح بطلبه وهالشغله صارت مرتين وتقريبا لمدة اسبوعين يقولون ماكو كريمه !!!اي شي اهم شي عند ي الكريمه ..

امس رحت ابي طلع نفس الشي << هذي المره ال2 جان اروح ذا كوفي بين طلبت كارميل ولما بحاسب شفت قلاص يم الكاشير في بودر احمر سالته شنو هذا قالي رد فلفت عاد قلت له كنسل ابي هذا ..

اهو متوفر حار وبارد ..

انا مااحب البارد فاخترت الحار وزدت عليه كريمه وكراميل عساس اذا ماعجبني استمعت بالكريمه والكراميل ..

سعره :

اعتقد دينارين << لانه في اضافات ..

رايي :

طعمه زين مافي كوفي ع قولتها احسن مااحبها و ريحته حلوه ريحة الكيك ..

Labels: اكل |

2 comments

Monday, February 25, 2013

تخفيضات محلات نزيه ..

9:40 PM

تخفيضات بمحلات نزية المختصه بمستحضرات وادوات التجميل يصل حتى ٧٠% و مستمر حتى ٢٨ فبراير ان شاءالله ..

التنزيلات على اغلب المنتجات مو كلها تقريبا تشمل ثلث المحل ..

كيراتين كان 100 صار ب40 ..

منظره الكترونيه شلون بالضبط مادري كانت ب19.230 د صارت 7.700 د..

جهاز شيره كان ب41.700 د صار 16.690 ..

زيت كوبرا مكتوب للبشره والشعر كنت باخذه ، كان ب1.540 وصارت 615 فلس ..

بديل الزيت كان اعتقد ب1.150 صار 400 ..

سيروم كان 3.465 صار 1.380 ..

ماسك للشعر كان ب9 وشي صار ب3.700 ..

صبغ اظافر opi كان ب4 صار بدينار بس الخصم على مجموعة الكرك بس ..

اغلبهم صاروا بدينار وشي كانو ب3 و4 ..

سبري كان ب5 تقريبا وشي صار بدينارين و100 وخرده ، اللي يمه كان بدينارين 465 صار ب985 ..

مشقر كان تقريبا ب1.850 صار 740 فلس ..

كريم كان ب3.075 صار ب1.270 , والسبري كان 7 وشي صار ب3 ..

تعبت الصوره توضح السعر ونوع المنتج ..

وبالنسبة لعنوان المحل..
الجهرا مجمع صحاري
و بالبيرق ومجمع اولمبيا

Labels: beauty, اظافر, صحة, عروض, محل |

0 comments

افتتاح رد تاغ بسليل ..

3:30 PM

قبل يومين دريت من اعلان بجريدة الوطن عن افتتاح رد تاغ بسليل ..

امس مريته وصورت لكم جم صوره..

وطبعا بمناسبة الافتتاح مسوين عرض اذا شريتي فوق 10 يعطونج كابون 3 د عقب ماتحسبين تروحين لشخص معين يعطيج الكابون عقب مايشوف الفاتوره وياخذ بياناتج اسمج ورقمج :\ ..

ماصورت وايد لانه في ناس. واهو عموما دور واحد بس شرح.

Labels: محل, مناسبة |

0 comments

Sunday, February 24, 2013

pedro - بيدرو

11:28 PM

من المحلات اللي بالنسبه لي يديد بالافنيو هالمحل واهو متخصص بالاحذية والجناط وانتوا بكرامه ..

هذي جم لقطه ع طاير ..

عنوانه :

الافنيو -فيز3 بذا مول بالهاي ستريت - الميزانين ..

The Avenues phase 3
The Mall
High Street
Mezzanine

Labels: fashion, محل |

1 comments

deborah BBcream

12:48 PM

احب البي بي كريم لاني احب المنتجات اللي لها اكثر من فايده او اكثر من استخدام واللي تكون علاجيه بعد..

سبق واني استخدمت نوعين من البي بي كريم الاول من ايزدورا وكتبت عنه (هني )وال2 الحين استخدمه واهو من غارينييه وبنزل عنه بوست قريب ان شاءالله كتجربه بس كنت منزله عنه اول مانزل الكويت (هني) و هذا (بوست) نزلته عن البي بي كريم اول ماعرفته ..

امس شفت بي بي كريم من ديبورا حصلته بالمنصور..