Monday, October 31, 2011

postheadericon جديد السينما (cine crepe)

8:14 PM
اليوم رحنا السينما فبالمره قلنا نجرب جديدها (الكريب)
مخصصين له مكان ويسونه جدامك :
 
 في نوعين :
(نوتيلا _ شكر)

طبعا لأنه مدمنأت ككاو اخترنا النوتيلا ..

سعره :
دينار

راينا..

طعمه أقل من عادي والككأو شوية ..

Labels: , | 5 comments

postheadericon هذا تعويضكم يازين ,لا والله هذا النصب بعينه وعلمه :\

5:05 PM

توه خلصت خدمتي وبدون تعويض ولماكلمتهم يقولي تعويض دينار ومسجات ببلاش شهالنصب اطر منكم دينار ,ومنو يدز مسجات الحين !!!!!!!!!!

خدمة غـاليه كله معلقه وشركة عـالمية مـاتشتغل الا بـالكويت ..

غثوني :\

فيفا عوضوهم 5 ايام وطنيه 4 ايام  خدمة << هذاتعويض مو دينار رصيد # مرده لهم و ومسجات !!

تعويض يهود :\
Labels: , | 0 comments
Sunday, October 30, 2011

postheadericon شكرا جايونة :*

7:26 PM
اليوم مرتني جايونة دوام وتبـادلنـا الهدايا << ع هالجمله حسيت اني سفيره باستقبال خخخ ..

يبتلي صوغة ..
 شنو اهي ؟؟

مشكوره مـاقصرتي جايونة :*
Labels: , , , | 6 comments
Saturday, October 29, 2011

postheadericon وبعدين ياZain :\

7:28 PM
مادري ابلش بشنو !

الكل يدري انه هالشهر تعطلت خدمة البي بي 3 ايام تقريبا والعطل كان من شركة الرئيسية ..

وشركات الاتصال بالكويت قالت بتعوضنا..

ودزوا لنا مسجات بهالشي :

وقبل يومين دزولنامسج فيه تفاصيل اكثر عن تعويض ..

لي الحين وضع طبيعي 100% ..

الصدمة كانت اليوم (الصوره فيه مسج يبين متى جددت اشتركي) يعني بعد يومين يكون مخلص بس مع تعويض المفروض 5 ايام :\

تحلطمت بتويتر وتوقعت   كالعادة سستمهم مخرف :\من عقب هالموقف (هني)

طلع لا من ردود بتويتر 1 من شباب ياله مثلي مسج واتصل عليهم :

:قالولي الخدمه تخلص و حسبتهم صح قتلهم ساستمكم غلط لاني مثبت نهاية الخدمه على اخر الشهر بالضبط... قالي اطرش ايميل للدعم الفني و يشوف

:\ مو من صجهم :\
Labels: , , , | 4 comments

postheadericon The Sandwich Shop

11:11 AM
رفيجتي بمناسبة تخرجها يبت لنا ريوق كان اكثر من شغله منهم تشكيله ميني ساندويش من The Sandwich Shop

كانوا صينيتين صورت وحده منهم ..

حصيلتي :
الشوط الاول (برغر ,جكن سيزر)..

جكن سيزر من داخل..


برغر من داخل بس شلت البصل ..
 الشوط الـ2 بعد الشغل كانت فلافل ..

من داخل ..
رايي :

حبيته لزيز :)

والحلو فيه انه التنوع مو بس بالحشوات لا حتى بالمعجنات خبز و صمون اكثر من نوع وفي كرواسان بس مالحقت عليه والبنات يمدحونه ..
تجربه تكرر تكرر تكرر

عنوانه :

كويت سيتي-ش احمد الجابر - دار العوضي

ت:22322866

وموجود بطلبات
مبروك تخرج واكرمج الله :*
Labels: , | 6 comments
Friday, October 28, 2011

postheadericon تجربتي لـ Elche Spa & Salon

7:07 PM
امس لما مرينا The beautyspot expo  سوينااظافرنا..

اخترنا البيسك وهو بس تقليم الاظافر بردها وازلة الجلد الميت..


قعدنا هني واللي سوت لي  كاهي خخ اسمها ديفا او ايفا شي جذي ماثبت ع اسامي :\واختي سوت لها غيرلي ..

اخترنا البيسك وهو بس تقليم الاظافر بردها وازلة الجلد الميت..
وهذي عدتي ..
 واخترنا اصباغ اظافر من مجموعة essie ..

وموفرين اصباغ 2 من ماركة زويا و OPI ..

mint candy apple

silken-cord

 النتيجة :


اي وحده ايدي ؟؟

سعره :
5 د.ك ..

عنوانهم ..

السالمية ش بغداد بفندق الخليج ..
 

Labels: , , , , | 8 comments
Thursday, October 27, 2011

postheadericon زيارتي لـ The beautyspot expo

8:44 PM
اليوم مرينا المعرض ..

 وموجود ب360 مول وهو بس للحريم ممنوع دخول رجال..
 احلى شي فيه ..
 في وايد شغلات قسمت الصور حسب نوع نشاط :

1- صالون وسبا..

صالون منزلي ..
 Lily &D
سبا اظافر
شرق - مجمع الغوالي
ت:
22441585
FB
LINK

 بيت الحمام المغربي ..

صالون متخصص بالحمام المغربي وفي لليهال بعد ..
 بالشعب البحري  ش الاستقلال  ق 8خلف عمارة  الشعب التخصصي..

FISh NAIL SPA

Aljabriya, Block A1, St. 105, Building 94, 00965 Kuwait, Kuwait
FB

 BETIY BOOP

 عجبني ديكورهم تقريبا احلى بوث...
 وحلو بانيوهم :)

kuwait-jabreya block 1A str.105 gulf Bank street building 113 Bassment, Kuwait, Kuwait
FB

 NAIL DRESSING SPA
jabriya block 3 in front of royal hayat hospital
25330201
@NailDressing

hair station


Address: Jabreiya in front of Royal Hayat Hospital next door to walk and roll restaurant, block 3A, bullding B3

call us on: 25317406
FB

hermosa

الشعب البحري-ق٨-ش الذهبي-ب٢٢
@Saloon_Hermosa


elche spa
 اهو الوحيد اللي جربته ..

سالمية ش بغداد بفندق الخليج ..


و في غيرهم بعد مثل مبرد و صالون عبير ياسين واطياف و6سينسيز...الخ .

2- قسم صحة ..
و كيرفز موجود ..  

كان ودي اجربه بس مسكر لما مريته
 وعيادة بيلا..
 للاسنان وجلدية ويمدحون دكاترة تجميل عندهم ..
 3-محلات العنايةوتجميل  ..
 محل play ....
 في منتجات يتغير لونها بالشمس , شباصات ...الخ ..

وفي شغلات للجسم تشوق سنفرات , وبدي سبري .. الخ ..


 كريمات سعرهم مناسب وعليهم عرض ..

لش
مشااركين بلمعرض وهم موجودين بالمجمع نفسه :\
وموجود بعد بيت صابون لبناني..
وهم في بوثات مخصصه للمكياج..
مثل ..
 ونوبا و UNE ... الخ ..

 4-الاكل ..
فرايز سيتي ..
 ذقت عندهم نوعين نفيش بالكراميل \الاريو ..
بس ماحبيته يابس ..
محله : سوق سالمية -سيتي سنتر  دور 1..
ت :25730622-99221391

محل جاي ..
 وفيه كافيه ..

وفي جم بوث لمصورات ..

وطلعت منه  بــ :

برشورات خخخ..

ومبرد من ليلي دي عجبني صغيرون ..
 وخصم من هير ستيشن ..

وسنفره من محل بلي تشوق ..
ب 3 دك ..

ومبرد وخصم من بيتي بوب ..
وقت المعرض:
 من 26-10 حتى 29-10 ..

من 10 ص حتى 10 م ..

رايي :

فكرته حلوه وممتع بس عيبه انه لما رحت له ع 3 الا ربع عقب دوام ع طول فكانت اغلب البوثات فاضيه :\ ولماكنت بطلع ع 4 وشي بلشوا اييون ..
Labels: , , , , , , , , | 2 comments
Subscribe to: Posts (Atom)

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

انستغرام المدونة (roroalk)

follow me

follow me

My Blog List

Show All

Ads

Meenakon Design Templates