شخبوطة كويتيه: March 2016

Thursday, March 17, 2016

madame sucre

12:51 PM

انا قايله مابي بوستات اكل ..

بس هالكافيه وايد احبه واهو اكثر كافيه رحت له ب2015 م ..

هبيت فيه من شهر 10 اذا رحت له 5 مرات شويه وكل اللي احبه وديتهم له وهم رحت احتفلت بعيد ميلادي فيه من كثر ماحبه ..

*عنوانه *

كافيه صغيرون ومحفوف موجود بالصالحيه فوق بدور المطاعم بس شوي بعيد عنه يم محل الاكسسورات وجبال الدري تقريبا جنه محل ..

انا اللي يشوفني وانا مرتزه فيه يقول بيتنا ارحب بالناس بعد خخخ..

قبل لا تروحون تاكدوا انه محجوز او لا وتعرفون هالشي من اكاونتهم بالانستغرام هذا اهو @madamesucre

هذي الصوره من اول مره صورت كل ربعه فيه بسناب بس نسيت اسيفهم :\

*الاكل *

وجربت وايد اطباق مثل الريزتو وشوربة المشروم عاديين والبطاط بالجبن ماحبيته بس اكثر طبقين حبيتهم اهما هذول ع طول اطلبهم ..

هالطبق تقدرون تقولون شامل ..

فوق فيه مخلل + زيتون و شغل 3 ماذكر شنو ..

عقب كرواسان ساده + ماكرون + كيك مغلف بككاو بانواع مختلفه وصلصات نوتيلا وصلصله 2 خضرا ..

واخر شي الذ شي صمون بحشوات مختلفه مثل تيركي او حلوم .. الخ ..

وهذا الطبق ال2 ..

بيض حااااامض وتحته تيركي ع صمونه << احبنه

وع طاري الحموضه جربت بعد سلطة اعتقد اسمه فتوش كانت مع الجبنه العوده ماثبت ع اسامي :\ المهم حبيت انه صلصة السلطة حامضه ..

ومن المشروبات ماجربت الا شراب الورد او بالاحرى عصير الورد ..

اللي جربته قالت حلو لما جربته ماعجبني لانه فيه سفن ! انا مااحب السفن ..

ومن السويت ..

غير اللي بالطبق الشامل جربت كيكه بعيد ميلاري وجربت الفوندوو كان زوين بس طعم الحليب المحلى طاغي ع ككاو << توني اذكر مادري وين صوره ..

وهذا عجبني ..

حبيت هاللولي بوب ع شكل برواز او منظره وداخلها الحرف اللي تبونه ..الحبه بدينار ونص ..حلو لسوفنير ولاده - زواج - او حتى نقصه بس حلاته يكون مغلف بشكل بوكيه اهما يوفرونه بعلبه هدايا ..

اما عيد ميلادي ..

رحت احلي فيه وكان احتفال بسيط وحلو لما قلت لهم اسمي نونه رحت اصلي ورديت لقيت القرسون ينطرني مع الشيف لما دشيت شغلولي اغنية نانسي خخ موجود الفيديو بانستغرامي اللي حابه تشوفه تكتب #nona29birthday

احاولت اذكر اغلب تجاربي له ..

Labels: اكل ، مطعم ، مناسبة, مطعم |

0 comments

Wednesday, March 16, 2016

تجربتي لازالة مسمار اللحم @comfeet_q8

11:43 AM

هاللللللو ..

اتز مي ..

ولهت ع التدوييييييييييييييييييييييييييييين ..

قلت ارد بتجربة تسوى بعيد عن المطاعم وخرابيط البيوتي ..

اخر سنتين التوجه طبي بحت :\ الحمدالله ع كل حال ..

طبعا انا قايله مستشفى مادش الا عقب 7 سنين عقب دهر معابل فيها احاول كثر ماقدر ماروح :\

المهم مسماري اللحم مو شي يديد من عمر موجود بقاعة ريلي وبلش هالفتره حييييييييييل يتعبني ..

فاحترمت نفسي ورحت اعالجه اول محطة كانت عايدة بوشهري حجزت موعد قبله باسبوع بس وصلت متاخر ربع ساعه جنه مارضى يستقبلوني او حتى يكشفون عليه ! وشغلهم الظاهر ع سستر مو الدكتور لانه اهيا اللي مارضت ! المهم موعدي ع 11 ص الرسبشن تقولي اذا تبين الساعه 7 مادري 8 فاضي ! بالله شينطرني ..

وانا اساسا مابي سستر ابي دكتور ,,

نسيت اقولكم او بالاحرى اذكركم انا ب2010 قبل لا اتعب من مريء كنت رايحه اعالج كا البوست لقيته هني بالجلديه التخصصي بالجهرا وكان الدكتور اهو اللي مسويلي كي مو السستر ..

انرد ليوم اللي رحت فيه بوشهري كلينك طلعت منه وبطلعتي شفت كومفيت اهو بالعماره اللي يمه ..

دشيت اجرب اذا اقدر ادش ويسولي ,,

والحمدالله ضبطت ..

سويت ريلي وشالت المسمار كبير كان !

وهذي العده غير الاجهزة ..

قالت لي من الجواتي ضيجه جان قالولها هذا اكبر مني بسايزين :/

قالت لانه ريلج مقوسه حيييل من جذي الضغط ع اللي جدام ..

عطتني هذا قالت لبسيه ع طول نفس ضباب وداخله من تحت جل لبسته يوم ومليت لازم جوتي كبير وانتي بكرامه ولا ماتدش ريولي..

شريته منهم ب5 دك ..

والشغل للريل زين فخليتها تسوي اظافر ايدي بس ماعجبني :\

وقالت لي يبيلي بعد جلستين او 3 بس موعدي ال2 ماقدرت اروح كان عندي دوام السبت :\ واستثقل روحت السالميه الحين حولت ع مكان 2 اذا فادني اقولكم ، رد عقب 3 اسابيع تقريبا المسمار كشكل بس العوار ماراح اساس موجود حتى عقب ماشالوه ..

سعر شغل الريل :

اهو نفس البديكير شامل مسمار اللحم يعني اظافر وتفرك ريل = 15 دك ..

اظافر الايد = 5 دك ..

وهذي صوره فوق البيعه :)

هذا اكاونتهم بالانستغرام : @comfeet_q8

مركز طبي للعناية بالقدم Medical Foot Care Center

Phone +965-96009228

سايتهم

هذا بوست ع طاير وان شاءالله استمر ..

Labels: beauty, عيادة, مسمار لحم |

7 comments

madame sucre

تجربتي لازالة مسمار اللحم @comfeet_q8

About Me

ايميل المدونة :)

Labels

Followers

Blog Archive

انستغرام المدونة (roroalk)

follow me

My Blog List

Ads