شخبوطة كويتيه: 2011

Saturday, December 31, 2011

ريوقنا اليوم في(Sunny Side Up)

4:40 PM

قبل جم يوم يت لي دعوة 4 اشخاص لتجربة المطعم فاخترت يوم السبت لانه ابي خواتي يكونون موجودين ويجربونه معاي..

وصلنا..

يوفر المطعم جلسات داخل المطعم ..

وجلسات خارجية ..

وفي دفيات وفي بعد كنابل ينفعون حزت البرد..

لانه جو حلو قعدنا برا ..

المنيو ..

(اضغط هنا لاطلاع عليه بشكل واضح)

والحلو انه ضايفين فوائد البيض لانه المطعم متخصص فيه..

وسبشل منيو ..

ومن داخل الصور بارزه مثل قصص قبل ..

المشروبات :

عصير برتقال لاختي الوسطية ..

مشروب الطاقة لاختي الصغيرة ..

جاي بالحليب لاختي الكبيره ..

وانا طلبت ماي ..

اما الاكل فكان :

اومليت نيودلهي .. << اختي الكبيره

حلو اللي يحبون السبايسي والبهارات ..
طلب اختي الوسطية ريوق نيويوركي

طلبي :)

ريوق سان فرانسيسكو ..

رايي :زين و اختي الكبيرة حبته تقول من احلى الاطبـاق عندهم ..
ريوق انجليزي لاختي الصغيرة ..

طبقين من اختيار القرسونه ..

ميامي اومليت ..

حبيتهم لزيزين :) نصيحته كانت بمحلها و الذ واكثر شي حبيته بريوق الصمونة يمي يمي راح ارد للمطعم عشان اكلها مره 2 وهم اختي الكبيره حبت الصمونة . .

وعقب هم يبت لنا سويت ع ذوقها..

وافل ..

الفس برسلي ..(حلو للي يحبون المربى)

جوكلت بان كيك ..

حبيت البان كيك و شي حلو واللي يشتركون فيه (الوافل والبان كيك) الجوكلت عجيييييييييييب يمي يمي ..

واختي الوسطية حبت لوافل :)

لما شفت هذا انصدمت خخ حسبالي دقة او الكاميرا الخفيفه ..(طلع بس بتراوينه طريقه عساس نصورها)

حتى كروتهم ع طابي

عنوانهم :

المباركية , مجمع الصقران (من ورا) يم سوق المناخ..

ساعات العمل :

فترتين :

7:30 am to 2:00 pm صباحا

7:00 pm to 11:00 pm مساء

شكرا لاخ فيصل السعيد ع دعوة وكرم ضيافة و شكرا شارون ع خدمة ..

ومرسي اخيتي ع تصوير اغلب الصور :)

Labels: اكل, هدية |

بوابة الايفون

2:54 PM

توني رحت لافنيو اقل من نص ساعة وطلعت خخ ..

لفت انتباهي شكل الباب..

صورة ضيم بس برويكم شلون مهتمين بادق التفصايل.ماشاءالله.

اهو اذا ماخاب ظني اعلان فيفا لايفون 4s (حبيته)

Labels: اعلان, فنتوقه |

Friday, December 30, 2011

تاتو تيفاني

9:33 PM

عقب L.V Tattoo لقيت اليوم تاتو تيفاني..

شكله ..

هني ع لايد ..

وفي لاظافر بعد ..

متوفر هني و هني

Labels: beauty, اظافر |

عدسات 2012

8:14 PM

بجولتي النتية كولكشن 2012 للعدسات الكورية ..

موخرا اكثر عدسات سمعت عنه هي يقولون تكبر العين ..

للمشاهدة باقي العدسات اضغط هنا

Labels: beauty |

ليش ؟!؟!؟ @@

12:19 PM

ياصباح المغثة !!

 

خلصنا من زين يتنا فيفا !!

توني شابكة دشيت بلوقي بطل عادي عقب طلع لي انه

محجوب !!

بعرف فيفا على أي أساس يسون بلوك للسايتات

السالفة مزاج ولا شنو ؟؟

Labels: فضفضة |

Thursday, December 29, 2011

حنة جويل

1:59 PM

توني كنت اشوف اعادة حلقة جويل وكانت تسوي نقشة وقلت بالسعودية يسمونها حنة جويل وهي اللي تكون ناعمه وعلى طرف الكف..

وصارلي فتره ملاحظتها كل تسويها ..

حاولت اصورلكم من التلفزيون ركضت ولما لقيت كاميرتي رديت ولا مخلصة اللقطة ,عقب حطوا لقطة 2 شغلت كاميرا ولا مافيها شحن خخخ...

فصورته من فيديو بالنت وهم ماطلعت واضحة :\

سويت سيرج لقيت هالصورة بقوقل ..

Labels: beauty, tv |

Wednesday, December 28, 2011

الهبة ... سدو ؟

11:13 PM

قبل جم يوم شفت بكويتيات كعب سدو وتكلموا عنه وعقبها كنت بجمعية مريت كليرز شفت هالبوك ..

معقولة هبة هالسنة بتكون سدو ؟

Labels: fashion |

Tuesday, December 27, 2011

اشكال البيبسي ..

11:13 PM

بقطر وتحديدا بمجمع رويال بلازا دشينا صوب السينما (الصالات الحمرا والزرقه)

شفت هالستاند لعرض اشكال البيبيسي على مر السنين ..

اغلبهم ما مروا علي , اساسا مااعرف شكل البيبسي الحين<< من 10 سنين وزود ماشربته ..

Labels: qatar, سفر |

Monday, December 26, 2011

Auction Kuwait's NY'12 Offer‏

9:59 PM

يقدم موقع Auction عرض بمناسبة السنة الجديدة

iPhone 4S 64GB - فتح باب المزاد ١ دك

iPad 2 64GB 3G+WiFi - فتح باب المزاد ١ دك

ملاحظات:

- كل سلعة لها مزاد خاص منفصل

- المشاركة والمزايدة مجانية ١٠٠٪

- لا يوجد حد أقصى لعدد مرات المزايدة

- سيتم بيع السلعة لصاحب أعلى عرض مهما كان السعر

وللي يحب يعرض سلعه بموقعهم :

الرجاء الاطلاع على الفيديو التعليمي لشرح طريقة استخدام الموقع

http://www.youtube.com/watch?v=z3TnpaHwOMo

LINK

Labels: تكنولوجيا, سايت, عروض |

Subscribe to: Posts (Atom)