Sunday, April 28, 2013

postheadericon Toosi Delights Heavenly Bites

11:30 PM
قبل جم يوم رفيجة اختي يابت لنا نقصه من طوسي ..
 
واهو للي مايعرفه محل حلو ومعجنات ..
 
والنقصه كانت عباره عن :
 
* غريبه ..
 
بنكهات متنوعه  بالرهش و نوعين ككاو ..
 
*ساندويش..
 
 
عباره عن طبقتين وبحشوات مختلفه ..
 
اللي اذكرهم تيركي وفلافل و جبن ..
 
بالنسبه الاسعارهم..
 
ماعندي فكره لانهم نقصه بس اختي تقول مناسبة ..
 
رايي :
 
شغله مرتب ونظيف ماشاءالله وطعمه زين ، واختي الكبيره حبته وعجبها.
 
العنوان :

بالجابرية وقرطبة
خدمة التوصيل مجانا
25330460
55521208
 
الانستغرام :  @toosi_delights
Labels: | 0 comments

postheadericon french tips من مكياجي

10:30 AM
 
من الشغلات اللي اهدوني اياها محل مكياجي هالست وهو طقم فرنش منيكير ..
 
 

وفيه الاصباغ ال3 (الابيض والشفاف والوردي ) ولزقات للفرنش ومبرد ال4 في 1 تنعيم وصقل وبرد وتلميع وعصاة توخر اليلد الميت اللي يطلع دار مدار الظفر ..
 
يعني مو بس تصبغين اظافرج لا تصبغ وعناية بعلبه وحده ..
 
 
 
(حبيت هالصوره )
 
ومن ورا مذكوره فيه طريقته بالتفصيل ..
 
1- تبلشين بالصبغ الشفاف  تنطرينه ينشف..
 2 - عقب تحطين اللون الوردي وتاكدين انه نشف عدل ..
3- تحطين اللزقات البيض و عقب تحطين الابيض بس بالجزء العلوي من الظفر..
4- تشيلين اللزقات و عقب تحطين طبقه 2 من الصبغ الشفاف ..
 
 
وهذي النتيجة ..
 
صورت اكثر ظفر حبيته :)
 
سعره ب 7.700 د.ك..
 
رايي :
 
شكل العلبه ناعم ولونها حلو وحبيت محتوياتها انها مثل ماقلت فوق تصبغ وعنايه ..
 
وحبيت انها تنفع كهديه مع قفت فاوتشر من سبا للاظافر وهالمجموعه شفت عليه اكثر من عرض مره اهي مع جنطة فيها اغراض للاظافر ومره عليها سعر خاص .جنه.
 
والشغله الوحيده اللي اتمنى تتغير فيه الصبغ الابيض حلاته يكون مثل القلم او راسه ادق و ايبس ..
 
بس عموما النتيجة عجبتني حلوه كاول مره ومع الممارسه بيكون وااو ان شاءالله ..
 
وثبات الصبغ زين مع اني ماسويت الخطوه الاخيره نسيتها كنت لاهيه اتامل اظافري  خخ..
بالانستغرام : @Mikyajy1
t
والسايت :LINK
Labels: , , | 0 comments
Saturday, April 27, 2013

postheadericon makeup sponge by h&m - اسفنجة المكياج من H&m

10:30 PM
قبل 4 اشهر تقريبا  حطيت صورتها بالانستغرام علبو شفتها وحسبالي اتش اند ام مقلدين البيوتي بلندر لما جيكت ع صور البيوتي بلندر طلع في اختلاف شوي المهم عقب اسبوع او اسبوعين من نشري للصوره بالانستغرام خذيتها بس ماجربتها الا الاسبوع اللي فات ..
 
 
استخدامها :
 
استخدمها مثل البيوتي البلندر عقب ماابللها بالماي و اعصرها وبعدين اخذ كريم الاساس فيها ..
 
رايي :
 
مبدايا حبيتها احس احسن من اني احط الكريم بالفرشه او بايدي ..
 
والكريم احس صار اخف يعني مهما احط يطلع خفيف مو متكتل و حلو الجزء المدبب للاماكن الضيج مثل صوب الخشم وغيره ..
 
بس يبيلي اسوي سيرج عشان اعرف شلون انظفها ..
 
سعرها :
1.900 د .ك ..
 
 
 
 
Labels: , | 0 comments

postheadericon ريوقنا في fattoria cafe

10:30 AM
قبل فتره انا وخواتي تريقنا بهالمطعم ..
 
 
 
في قعدات داخليه ..
 
وقعدات خارجية ..
 
 
طلبنا :
 
1- المشروبات ..
 
خواتي طلبوا عصير وانا خذيت ماي ..
 
 2- الاومليت ..
 
جربنا نوعين :
 
الاول اسمه : ايج بينديكت
 
عباره عن بيغلز وفوقه بيض وخس و بيكون ..
سعره ب٢،٥٠٠ ..

واهو اكثر طبق حبيت عندهم طعمه مميز بالنسبه لي وغريب حبيت حموضته
 
الثاني :بانه مي ايج
 
عباره عن بيض و معاه نفس الحميسه الايطاليه و كريمه الحامضه والناتشوز وتيركي وبيكون وتوست محمق ويقدمونه مع سلطه ..

سعره ب ٢،٢٥٠دك 
 
حبيت الناتشوز مع البيض ..
 
3- السلطات ..
 
جربنا سلطة السيزر ..
 
سعرها ؛٢.٥٠٠ د ك
 
حجمها حلو والصلصه زينه لاهي وايد ولا شويه واحلى شي الدياي يذووووب بالفم يمي يمي ..
4- السندويشات :
اسمه ( ساندويش الدياي والبيستو )

سعرها دينارين وربع ..

الصمونه نفسها حبيتها ترفه
5- ختامها مسك الحلو كان طبقين ..
 
الاول بان كيك ..
 
 
 
وافل :
 
جوكلت وافل
يقدمونه مع برد ..
سعره ٢.٤٠٠
اهو زين  بس اذا بطلبه مره ٢ بقولهم يغيرون لي نوع الككاو اعتقد يقدمونه مع نوتيلا بعد..
 
عنوانه :
 
بالراية - الدور ال3 ..
 
بالانستغرام :  fattoriacafe
 
ت :    ‪2299 7665
 
وعندهم توصيل من 7.30 الصبح وحتى ال10 بالليل
 
Labels: | 0 comments
Friday, April 26, 2013

postheadericon ستايند - STAINED

10:31 PM
من الهدايا اللي يتلي من مكياجي هالست وهو تبع الهديه الاولى هذا رابط موضوع الهدية ..
 
 
مكتوب عنه بالسايت :
 
أربعة ألوان للشفاه في علبة واحدة تجعل شفاهك ممتلئة بالألوان العصرية المشرقة التي تدوم طوال اليوم وتظل بإطلالة طبيعية طوال اليوم.
 
شرح بسيط عنه مني :
 
اهما  lip tint =ملون شفاه   وشكلهم مثل اقلام االالوان لشينيه ، والالوان اهما  4 مثل ماهو مذكور بالسايت ومبين بالصوره:
 
وردي فاتح رقمه 04 ..
فوشي 03 ..
احمر اعتقد رقمه 02 ..
مشمشي او اورنج رقمه 01 ..
 
طريقة استخدامي :
 
جربت اللونين الاحمر والفوشي و مرات احطهم وفوقهم زبدة ككاو شفافه او بنفس لونهم ..
 
الاسعار :
9.900 د.ك ..
129.00 SAR/AED
 
رايي :
 
الالوان الاثنين اللي جربتهم لونهم واضح و اما ال2 الباجي فاتحين ولون طبيعي اكثر ..
 
الثبات = وايد زين حسيت اثبت من الحمر العاديه ..
القوام =خفيف ماجنه حاطه شي وانا عسره مااحب اكل وانا حاطه حمره بس لانه هذول خفاف عادي اكل وانا حاطتهم ..
الشكل : راس الحمره دقيق مثل القلم الشيني اسهل بالحط ..
 
حبيتهم  كتنت ليب ..
 
بالانستغرام : @Mikyajy1
 
t
والسايت :LINK
 
Labels: , , | 0 comments
Saturday, April 20, 2013

postheadericon كحل ملون من Miss& Mrs.

12:32 PM
 
من الشغلات اللي احبها بالمكياج واحسها تحلي و عادي اخمط منها وايد من كل الماركات الكحل الملون يمكن عندي من 6 او 7 ماركات واغلبهم الوان مكرره (اخضر- درجات الازرق - ذهبي لمدمع العين او توسيعها ) وخاطري بالبنفسجي والبرونز ..
 
اكثر شي حبيتهم وناسبوني وسالوني عنهم كانوا من هالماركة Miss& Mrs.  اهي ماركة المانيه بس تحصلونها عند الهنود ..
 
 
هذا سواتش ع ايدي بس بالصج وايد احلى الوانهم ..
 
 
 
ارقامهم :
 
التركواز =06 ..
 
الازرق (اسميه لون الجينز) = 07
 
الاخضر = 09 ..
 
استخدامهم :
 
استخدمهم كايلاينر او لداخل العين تحت وع منبت الرموش ..
 
سعرهم :
 
الوحده بدينار ونص ..
 
رايي :
 
ثابتهم وايد زين يعني تقريبا احطهم الصبح ويتمون ليما اوخرهم الظهر او اول العصر وعلى فكره انا عيني تاكل الكحل مو اي شي يثبت فيها  وجفني دهني :\
 
لونهم حلو ماشاءالله ويشب بالعين مو باهت ..
 
 
Labels: , | 0 comments
Wednesday, April 17, 2013

postheadericon تجربتي لـ nails work اول سبا للاظافر بالجهرا ..

11:33 PM
واخيرا قدرت اشبك صارلي جم يوم مو قادره :(
 
المهم اليوم بقولكم عن تجربتي لاول نيلز سبا بالجهرا وجربناه انا وخواتي الصغيره والجوز ..
 
وهذا رابط البوست اللي كتبته عنه قبل في خدماته ككل ..
 
تجربتنا ..
 
صادف قبل روحتنا بيوم كنا بالمجمع فمريناه نسال وحجزنا ع الساعه 2 عساس يمدينا نروح استقبال اختي مبجر ..
 
وصلنا 2 بس الستاف ماكان ياي :\ يعني السبا مو مبطل اتصلت عليهم قالوا انهم بالطريج واشوه مالطعونا ..
 
 دشينا وضبطوا لنا المكان ..
 وهذا جزء من العده اللي استخدموها لي ..
 
والكريمات عندهم انواع وايد انا كان رمان وخواتي اعتقد عسل وحليب ..
 
كنت مختاره النوع العادي بديكير ومنيكير شامل سنفره وكريم وتعديل الاظافر وصبغ ومساج وتفرك ..
وزدت عليهم ماسك << سعره يختلف ..
 وهذا اللي نقعت فيه اظافري ..
 وهذا عقب ماخلصت نشفت فيه الصبغ ..
 
قلت لهم مااحبه خدر اصابعي وانا اضغط عليه جان وحده منهم ياحليلها يت تضغطه لي << حبيت
 
وهذي النتيجة ..
 
وبالنسبه للاسعار :
 
ع حظنا كان عندهم عرض ..
 
اهو البديكير ب7 والمنيكير ب5 والماسك بدينار للايد ودينار للريل ..
 
بس مع العرض صار المنيكير والبديكير والماسك كله ب7 يعني نص السعر..
 
والتوتل انا وخواتي 2 بديكير و3 منيكير =17 د.ك ..
 
رايي :
 
الشغل زيين والهنديه تشتغل بضمير خخ بس نبوها لا تجرحكم عورت اختي الجوز من كثر الدقه بس اختي حابه شغلها ولي رحنا مره 2 بتطلبها اهي بالاسم تسوي اظافر ريولها ..
 
الستاف خدوم وونيس ..
 
مكانه يميزه فكنا من عنوة الطريج ..
 
الاسعار وايد زيينه والعرض عجيب ماشاءالله ..
 
الادوات المستخدمه ماركات متخصصه بالعناية بالايد والريل ومن بوتس  مو سوالف المنصور او بو طقه ..
 
بس اللي ماحبيناه اللون الوردي ع الاظافر ..
 
وماعندهم كي نت ..
 
بس برد اجربه مره 2 بجرب الايسكريم وبرسم ع اظافري ان شاءالله ..
 
ساعات العمل :
 
بايام الاسبوع يبطل الساعه 2 ..
 
واليمعه من 10 لي 10 ..
 
العنوان :
الجهرا مجمع صحاري السرداب 
 
ت: ٦٦٩٦٩٢٢٦
 
الانستغرام : nailsworkkuwait
 
Labels: , , , | 0 comments
Thursday, April 11, 2013

postheadericon جديد : صبغ اظافر الطبشور (الطباشير) - Ciate‪'s Chalkboard manicure set

12:50 AM
بعد صبغ اظافر الكفيار اللي نزل بداية 2012 (هني بوست كتبته عنه وهذا بوست لتجربتي له ) وعقبه صبغ اظافر المخملي  السنه نزلت نفس الشركة  Ciaté  صبغ اظافر الطباشير او ع قولتي الطبشور , وتوه هالشهر بينزل ان شاءالله ..
 
 
 
ليش اسمه طبشور ؟؟
 
لانه ايي بعلبه فيها صبغ اظافر اسود مخملي ومعاه 4 الوان طبشور ..
 
الاسود يمثل البيس او القاعده اللي اهو بمثابة اللوحة او الصبورة \السبورة ..
 
والطبشور عشان تفننون فيها والحلو انه هالطبشور يروح بالماي يعني اذا خربطتي سهلات توخرينه ..
 
 
طريقته ؟؟
 
اول شي تحطين البيس اللي اهو مثل ماقلت اللون الاسود وعقب ماينشف ترسمين عليه بالطبشور واخر شي تحطين التوب كوت واهي الصبغ الشفاف عساس تحافظين ع الرسمات ..
 
 
سعره :
£25
 
مااحب الصبغ الاسود ولا المات بس هذا فكرته تونس  حبيته ..
 
المصادر :
2 و3
 
Labels: , , | 0 comments
Tuesday, April 9, 2013

postheadericon تعاون حصري بين Clinique & Sarah’s Bag

11:00 AM
امس كنت اتصفح مجلة الجميلة عدد شهر 3 ومن الاخبار اللي لفتت انتباهي وشدتني ..
 
اهو تعاون ساره بيضون مصممه لبنانيه (مشهوره بتصميم الجناط) مع كلينك (ماركة طبيه وتجميلية للعناية بالبشره والجسم والمكياج والعطور) , وهالتعاون بيكون حصري للشرق الاوسط ..
 
 
 
واهو عباره عن تصميم حقيبه بلونين وبلمسه عربي (الخميسه او ايد فاطمة ) وبايادي عاملات عربيات ..
والهدية مو بس جنطة لا كانت ..
 
معاها حقيبة مكياج Clinique تحتوي على مجموعة مدهشة من عينات فاخرة من منتجاتها:
All About Eyes, Deep Comfort Body Wash, Deep Comfort Body Butter, Long Last Glosswear SPF15, High Impact Mascara, Blushing Blush و عطر Aromatics Elixir. (نقلا حرفيا من مجلة انا زهرة )
 
شلون تحصلين عليها ؟؟
 
لما تشترين منتجات من كلينيك بقيمة 750 درهم اماراتي يعني بحدود 58 د.ك ..
 
وع  فكره هالعرض ليمتد وخلص اول امس :(
 
حبيته :(  لان احب تعاون المصميمين مع الماركات اللي اسعارها معقوله ووعموما هدايا كلينك حلوه وتسوى ..
 
link  (ساره باق )
 
Labels: , , , | 0 comments
Monday, April 8, 2013

postheadericon sabaya caring lipstick

11:58 PM
اليوم البوست ان شاءالله بيكون عن حمره واهي من الشغلات اللي وصلتني كهدية من مكياجي عساس اجربها واكتب عنها ..
 
وهذا رابط موضوع الهدية ..
 
وهذا رايي بكل صراحة ..
 
 اللون :
 
هذا السواتش ..
صراحه اول ماشفتها ماعجبني اللون بس لما جربتها حبيتها ..
 
لونه يعتبر يديد علي وبنفس الوقت يعتبر طبيعي مو اوفر وهو مات بس مو ناشف ولا كريمي ..
 
رقمها 01 ..
 
قوامها :
خفيف << حبيت وهالشي مميزها ..
ماحس بثقل او دبق ..
 
رايي :
 
حبيتها وايد عقب التجربه حسيت انها نفس الحمر اللي انا ادورهم وابيهم اللي يكونون نفس حمر مايا دياب وان شاءالله بمرهم واشوف باجي الدرجات خاطري بحمر ورديه طبيعيه بهالمستوى ..
 
شكرا مكياجي :*
 
 
الانستغرام : @mikyajy
والسايت :LINK
Labels: , , | 0 comments
Sunday, April 7, 2013

postheadericon افتتاح Debrand بالافنيوز ..

11:44 PM
اليوم الساعه 6 كان افتتاح كافيه ومحل دي براند اهو محل امريكي متخصص بالككاو ..
 
كنت هناك ع 6 وشي ماشاءالله المكان كان جنه استقبال او عرس من الاضاء ة من البعيد تلفت الانتباه ..
 وهذي دعوتي ..
 
شكله من داخل ..
 
وكانت الضيافه متنوعه ماشاءالله والستاف متعاون معانا ..
 
البداية كانت جوكلت بانواع مختلف دارك وبالحليب ..الخ..
 وهذا نوع 2 ..
 بسكوت بالككاو حبيت التفاصيل ..
والقهوه العربيه كانت موجوده << حلو الاهتمام بالذوق الكويتي ..
 
 
وهني قسم المشروبات البارده ..
 اللي ذقته كان ككاو وطعمه زين ..
 
وهذي جم صوره ع طاير لانه ماشاءالله كان زحمه فماقدرت اصور ع راحتي ..
 
ككاو ع عبارات ..
 وهذا وايد حبيته ماشاءالله ، عباره عن علب من الككاو وداخلها قطع ككاو باشكال متنوعه ..
 
 وايد حلوينماشاءالله  نفس الفناتق اللي كنا نشوف صورهم بالنت وينفعون كهدايا..
 

وفيه قعدات برا وداخل ..

وهذء جزء بسيط من الديكور (جيكوا ع الطوفة جنها ككاو ذايب :)
 
وهذي هديه منهم وايد حبيتها راقيه وراهيه ماشاءالله (ككاو بنكهات متنوعه ومن تشكيلات مختلفه اغلب اللي جربتهم حبيتهم وهم اختي الكبيره واخوي يازوا لهم ) + ورد طبيعي + كوب وهوت جوكلت ..
 ومع الهديه كان كتالوج لشغلهم ، في وايد شغلات من الشغلات اللي حبيتها بس ماصورتها :
 
عندهم كيك  (جيز كيك -تارت - ترافل .. الخ )
عندهم فوندو انتوا تسونه ع ذوقك او باختياركم وع طريقه الامريكيه << بجربه ان شاءالله ..
هذا غير ككاو التقديم والهوت جوكلت ووالككاو العادي المغلف  (لوح من الشوكلاة شلاايكم بالترجمه بالانجليزي اسمه bars )
 
عنوانهم ..
 
الافنيوز فيز 3 بالمول بقسم المجوهرات ..
 
انستغرام : @debrand_q8
t
link
 
Labels: , , , | 0 comments
Subscribe to: Posts (Atom)

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

انستغرام المدونة (roroalk)

follow me

follow me

My Blog List

Show All

Ads

Meenakon Design Templates