Wednesday, August 31, 2016

postheadericon mix it up strap tassel pack

12:04 PM
نحول من المسلسلات للفاشن ..
 
من الشغلات اللي هبوا فيها من العام تقريبا واعتقد بلشوا فيها فندي اهيا الستراب ..
 
من زمان ينباع الستراب  بlv بروحه بس بشكله التقليدي لكن الهبه اهو يكون فنتق اذا عادي يكون بجلد حيوان مميز مثل الحيه او التايغر .. الخ وساعات يكون ملون ومزين بكرستال او ورد ..
 
يشوقون بس اسعارهم اوفر  200 دك وفوق :\ توني وانا احوس بسايت كيت سبيد لقيت منزلين ست عباره عن ستراب + ميداليه ..
 
 
 
 
 
 
شكله باللبس ..طبعا يصير عادي بس انا عندي الجنطه اذا صارت كروس يبين اذا الستراب الطويل او لا :)
 
السعر : $128.00
 
اعتقد المحل موجود بالافنيو و360 بس مادري اذا متوفر هالمنتج او لا ..
 
بس اشوفه كبديل ارخص وطبعا بالكويت عادي يصير اغلى هذا اذا توفر..
 
link << مصدر الصور اهو السايت الرسمي للماركة
Labels: | 0 comments
Thursday, August 18, 2016

postheadericon مسلسل وعد لـ مي عز الدين

11:08 AM




 
بطولة :
مي عزالدين (وعد)
أحمد السعدني (يوسف رجل اعمال وصحب شركة سياحيه بتايلند ومصر)
حازم سمير (د.سليم فياض زوج وعد)
حسن حسني (جد وعد مستشار بالقانون وقاضي سابق)
هند رضا (رفيجة وعد)
راندا البحيري ( الممرضه رضا ممرضة جد وعد + ممرضة بمستشفى الدكتور سليم )
سهر الصايغ (دكتوره رانيا زميلته بالدراسه ودكتور اطفال بمستشفى الدكتور سليم )
ملك قورة (مايا طالبة طب + اخت د.سليم يعني حماة وعد)
كارمن لبس (ام وعد ودورها تمشي وتتزوج !!)
حمدي المرغني (جنه اسمه نعمه ! غصب طيب يبي يتزوج رضا الممرضه واهو بلطجي !)
حسام داغر (دكتور بالطب اعتقد بالباطنيه ويدرس بكليه الطب استاذ مايا + عقب يشتغل بمستشفى د.سليم واهو زميله بالدراسه)
يوسف عثمان (اخو وعد شقيقها من الام )
 
 
القصه منقوله من النت :
يدور العمل حول فكرة الاختيار بصفة عامة، سواء اختيار شريك العمر، أو اختيار العلاقات الاجتماعية وتحديدها وذلك من خلال خطوط درامية متشابكة، في شكل رومانسي اجتماعي.
 
رايي:
الفيلم شرباكة  :\
وعد متزوجة الدكتور سليم وماتبي تخسره وهم تحب يوسف !
يوسف يحب وعد وعشانها رد مصر ! وخطب حماتها !
د.سليم يحب زوجته وعد وتحبه الدكتوره رانيا واذا تضايق راح لها !
د.رانيا توها راده من الغربه وتطلقت وتحب د.سليم من ايام الجامعه وردت لزقت فيه بقوه !وعقب انخطبت من واحد 2ووافقت عليه عقب هونت عشان د.سليم اللي خلاها واساسا ماقالها ابيج :\ << هذي اقواهم خخ
مايا خطيبه يوسف ويحبها دكتورها بالجامعه !
لاحظتوا كل 3 قروب سلسله انت حبني وانا احب غيرك خخخ !!
 
النهايه او اخر جم حلقه ماتوقعت يصير جذي بس لو تدققون تقدرون تكتشفون بعض الاحداث ..
Labels: | 1 comments
Wednesday, August 17, 2016

postheadericon مسلسل جراند اوتيل

11:19 AM
 
 
قصته :
 
تدور أحداث المسلسل في الخمسينات من القرن الماضي، حيث "علي" الذي يبدأ في البحث وراء اختفاء شقيقته المريب، التي كانت تعمل خادمة في أحد الفنادق الكبرى بأسوان.
 
طاقم العمل:
 
اصحاب الفندق :
  • أنوشكا ( اسمت هانم ام ناظلي وامال صاحبة الفندق ياااابوي جبرووووووووووووت بنفس الوقت ستايلها حلو وجسمها مرتب ماشاءالله)
  • ندا موسى ( امال بنت اصحاب الفندق متكبره بس عقب طخت الدنيا سطرتها << اشكرى مالي خلق اتعب بالشرح)
  • أمينة محمد خليل (ناظلي او نازلي نصيره المظلوم شخصيتها نقيض شخصية امها واختها وريلها)
  • احمد داود ( مراد حفظي ولد عم امال وناظلي وزوج ناظلي جذاب بوقع زير نسا قاتل كل انواع الجرايم !! )
  • محمد حاتم ( احسان بيه بركات زوج امال تعرفون عيال فلوس الكلاس الطيبين المغتنين صج مو حديثين نعمه ! تقريبا نفس شخصية ناظلي )
  • رجاء الجداوي ( عنايات هانم ام احسان يعني حماة \ خالة امال ادري امم اهيا مو مثل اسمه بس خاله قشره شوي وامال تستاهل )
الموظفين بالفندق :
  • عمرو يوسف (علي اخو ضحى شصيته عال العال  )
  • محمد محمود ( امين ولد الست سكينه رئيسة الخدم واهو بعد من طاقم الخدم  شخصيته الطيب الاكثر من لازم لدرجة ساعات احسه ساذج او عبيط وبالكويتي درو او ربيته قاصره)
  • سوسن بدر ( الست سكينه رئيسة الخدم  شديده بس لما تعرفون سرها تعذرونها)
  • دينا الشربيني (ورد من الخدم اللي بالفندق شخصيتها لئيمه ونهايتها تستاهلها )
  • مي الغيطي (فاطمة ماتوقعتها صغيره هالكثر مع انه حسبالي بيبي فيس توني اشوف عمرها 17 بس كيوت وممثله دور الخادمه الاميه ولها دور صغير بس تغير وايد شغلات بالقصه على قولتها فشتي عايمه )
  • أمير صلاح ( ماهر موظف الاستقبال بالفندق دوره بسيط جدا جدا بس له بصمه مؤثره)
  • اية سماحة (ضحى احد افراد طاقم الخدم بالفندق واخت علي ماتت عاشت ردت ماتت دورها تموت وترد خخ)
  • محمود البزاوي ( صديق البكري رئيس الخدم طلع متاخر بالمسلسل بس دوره فعال وشخصيته مؤثره )
نزلاء الفندق ..
شيرين ( فخر هانم من نزلاء الفندق وذبحتنا بريلها زهيري خخ) ماكو غيرها مو راضيه ترد البيت خخ
 
 من خارج الفندق :
خالد كمال (الصاغ - الضابط  المتحري المحقق ستايله وكاركتره جنه شارلوك هولمز شرطة اول الاجانب :)
 
رايي :
اهو النسخة العربيه من مسلسل اسباني بس انا على طريقة النهايه بين علي ومراد حسيته بايلا بنكهة الكاري يعني بنكهة هنديه !
المسلسل متروس احداث اغلبها غير متوقعه ..
كستايل حلو وتغير عن المسلسلات الحديثه ..
 
 
الصوره + القصه واسماء الشخصيات منقوله من هني link
 
Labels: | 0 comments
Tuesday, August 16, 2016

postheadericon مسلسل نص يوم لـ نادين نجيم

9:47 AM
هالسنتين هابه عقب رمضان اشوف باجي مسلسلات رمضان ..
 
وكالعاده يكون باللسته مسلسل من مسلسلات نادين ..
ب2014 شفت لو عقب رمضان لانه لما عرفته كان اخر رمضان وكان المسلسل يوتر واهي تعبت وانا كنت منتكسه عقب عمليتي الاولى فابي شي يطلعني من الباد مود والمرض فما شفت الا عقب رمضان وعقب العلاج بعد بشهرين او 3 ..
 
عقب شفت العام تشيللو بس ماكملته :\
والسنه نص يوم ..
وغير رمضان شفت سمرا وكتبت لكم عنه هني وشفت عشق النسا << احبه ..
 
 
اتوقع الاغلب تابعه ..
 
بطوله :
نادين نجيم (لميس - يارا ... الخ )
وتيم حسن  (ميار قلعجي )
وجابر << مااعرف اسمه بالصج
 

قصته :

تبدأ أحداث العمل بوفاة رجل لديه إقطاعية زيتون واسعة، فيعود ابنه المغترب ميار إلي البلاد لإنهاء كل الالتزامات المهنية والعائلية للسفر من جديد، إلا أنه يقع في غرام فتاة جميلة اسمها يارا وهو ما يجعله يلغي سفره ويبقي في البلاد، وتمر الأحداث بالعديد من الصراعات ضمن قالب بوليسي مشوق بعد اكتشاف الشاب بأن حبيبته امرأة لعوب ومحتالة.
 
رايي :
 
المسلسل احداثه كلش مو متوقعه ! من بدايته حتى النهايه ..
يسوى المتابعه اي يسوى بدعوا بالتمثيل ماشاءالله ..
جابر وميار جنه هذا شخصيتهم مو تمثيل ..
حب ميار شي خيال !!!
نفس لعانه جابر خخ..
نادين بدعت مثلت اكثر من شخصيه ماشاءالله ..
اقدر اقول هذا اقوى مسلسل لها تبارك الرحمن..
والقادم افضل ان شاءالله ..
 
الصوره والقصه منقوله من هني
 
Labels: | 0 comments
Monday, August 15, 2016

postheadericon تجربتي لـ Hemp Hand Protector من the body shop

10:00 AM
السلام ..
 
كنت بنزل بوست بالانستغرام كالعاده بس هذا الكريم مابي ابخسه حقه ..
لو بيدي اطلع اتكلم عنه bbc , cnn
 
من كثر ماهو عاجبني واستفدت منه ..
 
مثل ماقلت لكم بانستغرام انا عندي اغلب منتجات هالمجموعه ..
 
 
واللي صورته بسناب ست فيه زبدة الجسم و زبدة ككاو << بالكويتي بالعربي مرطب شفاه و كريم ريل و كريم للايد ..
ومن برا الست خذيت كريم الويه + غسول ايد ,,

وصورت الكريم وقلت احبه وبنزل عنه بوست بانستغرام تكبجر بدون لا اتكلم عنه خخ :\
 
عرفت هالمجموعه من ام غزغز صورتها بسنابها وعجبني سعرها ست كامل ب3 بس ..
 
هالكلام قبل رمضان المهم رحت واشوه حصلته خذيت 1 وانا اخذ بتاكد سالت هذي مجموعه الجفاف قالت اي اللي كانت بالمحل سمعت جان تاخذ بعد وتقولي ذبحنا الجفاف ..
 
المهم لما يت بحاسب جان تقول الكاشيره هذا سعره لقطه كله بسعر مرطب الشفايف ..
 
طبعا لانه انا والجفاف ربع فخذيته ..
 
تجربتي :
 
انا اذا اهملت نفسي جسمي يقب حساسيه يحر ويعووور ..
 
عموما وخصوصا بالشتا ويزيد حيل برمضان خصوصا بايدي مادري ليش !!
 
هالسنه كان مو طبيعي يعورني كل ماغسل ايدي انشفها يحرني الجفاف ! المهم رطبتها بمرطبي اللي كنت استخدمه قبل رمضان هم من بودي شوب بس من مجموعة زيت الارغان اول كنت مرتاحه عليه وحيل فادني برمضان لا الترطيب ماقام يفيد قام يحرني اكثر واتم احك ايدي ليما تحمر ..
 
عقب رمضا استخدمت هالكريم ماشاءالله كنت استخدمه 3 مرات تقريبا غالبا عقب مااتيي للصلاه ..
 
انا حساسيتي تشوه شكل ايدي المهم مع هذا تبارك الرحمن اقل من اسبوع تقريبا ب4 يوم خفت حييييييييييييييييييل اقدر اقول 95% من الحساسيه واثرها راح ماشاءالله بعد اسبوع بشرتي زببببببببببببببببببببده تبارك الرحمن ..
 
قوام الكريم :
خفيف مو اللي يدبق ..
 
ريحته :
امم اقرب ماله زيت زيتون !
 
شنو بعد ؟؟
 
ماله داعي اقول رايي ذكرته بالمقدمه ..
 
احبنه ..
 
على قولته High Recommended
 
 
Labels: | 0 comments
Sunday, August 14, 2016

postheadericon فيلم قبل 30 سنة

12:59 PM
السلاااام ..
 
بحاول ارد للبلوق اسهل واريح من انستغرام ..
 
 
امس رحت هالفيلم ..
 
 
اتوقع بيصير له اسبوع نازل بالسينما (الكويت )
 
نازل بسينسكيب.(سينما الكويت )
 
قصة الفيلم :
يعود عمر (شريف منير) من الخارج ليقسم ثروته على عائلته المكونة من 9 أفراد بالتساوي، ولكنه يخبرهم أن أمواله ملعونة ولعنتها تطارد من يحصل عليها أينما ذهب، وبالفعل يقتنع ابن عمته عماد صلاح الدين (أحمد السقا) بالأمر بعد وقوع ضحايا بطريقة غريبة بين أفراد العائلة، ويحاول كشف اللغز وراء تلك اللعنة، ولكن يحدث في النهاية ما يقلب الطاولة رأسًا على عقب .
 
بطولة :
  • شريف منير (عمر)

    • اهو ابن الاخ واللي رد من الغربه ملياردير ومعاه ثره بيقسمها على اهله اللي مكونه من 9 اشخاص واهما :
     
  • 1-أحمد السقا (عماد صلاح الدين)

    • يمثل دور ابن الابنه (يعني ولد عمة عمر^^) الفقير بس من عايله غنيه على قولته فقران ..
    امم خريج كليه الاداب ويشتغل اديب (كاتب ).
     
  • 2-ميرفت أمين (نجوى)

    • تمثل دور العمه  واهيا مو (اختهم خليصتهم لا اختهم من الاب على قولتهم بنت الرقاصه)اهي المراءه الكبيره المتصابيه اللي ترافج شباب صغار من طقت عيالها !
     
     
  • 3- نور (رشا)

    • بنت عمه ودورها انه عقب مارد غني تحاول تكسب ويتزوجها !
     
  • 4-صلاح عبدالله (حسن)

    • العم وابو كل من :
  • 5-جميلة عوض (نهى)

    • متطلقه من رجل كبير غني 
    6- واخوها مو ضايفين اسمه ولا اعرف اسمه الصجي حايشته حالة اكتئاب لانه مطلق مرته عقب قصه غريبه ..
     
  • 7-رجاء الجداوي (نبيلة)

    • العمه المخرفه ..
     
    8-أحمد فؤاد سليم
    ابو رشا يعني العم ال2 لعمر ..
     
    9- اهو ولد نجوى هم مو حاطين اسمه ..
    واهو مدمن ودوره حيل قصير << يعني مابي احرق عليكم القصه خخ
     
    شخصيات اخرى : (بطوله بعد بس مو من العايله )
     
  • محمود البزاوي (الرجل المتشرد)

    • هتقتل 9 كلمته الشهيره ..
     
     
  • منى زكي (حنان البغدادي)
  • شاعره  مثل ماقلت فوق مو من العايله لها دور قوي واساسي بالفيلم .. واهيا من الاسكندريه يت مصر تدور شغل وتلاقت مع عماد في امسيه شعريه لها (ماعونتش ماعونتش ) من اقوى الشخصيات بالفيلم خخخ.. وكلمتها مع كل الشكر مع كل الحب ..

    •  
  • سليمان عيد (عبده)
  • الخادم

    •  
     
    نوع الفيلم :
    اقدر اقول بوليسي -اكشن -جريمه ..
     
    مدة الفيلم :
    حسب ماهو مذكور بموقع السينما 151 دقيقه تقريبا ساعتين ونص ! (طويل )
    دشينا الساعه 12 طلعنا 2.35 ..
     
    رايي :
    -الفيلم طويل بس مو ممل ..
    -في لقطات اشكرى تمثيل واهما لقطة وفاة الابو :\
    -النهايه مو متوقعه ..
     
    الاستفاده الحياتيه لازم من كلشي اطلع فايده تذكر :
    - اذا سمعنا سالفه نسمعها من اكثر من طرف مو بس الشخص المعني لانه في شغلات ماراح يقولها + في ناس تحب تعيش دور الضحيه .
    -اذا بنحكم ع موقف سواء كنا طرف فيه او لا ننطر ونشوف ونحكم عقب مانستعجل بالحكم او ردة الفعل !
    لانه في مستجدات تصير في شغلا بالبدايه ماتكون واضح ردة الفعل السريعه عادة تكون غلط خصوصا اذا مانعرف السالفه عدل !
     
     
     
    **قصه الفيلم والشخصيات منقول من هني (link )
     
     
    Labels: | 0 comments
    Subscribe to: Posts (Atom)

    About Me

    My Photo
    رورو الشخبوطه
    الكويت, قسم الاعلام:), Kuwait
    بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
    View my complete profile

    ايميل المدونة :)

    دايركت انستغرام 😁

    Followers

    Blog Archive

    انستغرام المدونة (roroalk)

    انستغرام المدونة (roroalk)

    follow me

    follow me

    My Blog List

    Show All

    Ads

    Meenakon Design Templates