اسمها :Faux Cils Longest Lash Mascara

 

تجربتي :

 

قبل شهرين تقريبا شريتها  وخذيتها لانها علاجيه لانه احب المنتج يكون تجميلي وعلاجي بنفس الوقت  ..

 

واللي تبيع قالت لي النتيجة تبين عقب اسبوعين بس عقب شهرين اقولكم كثافه مالاحظت بس احس رموشي طالوا بس شي بسيط لانه رموشي خفاف وقصار ودعم (بني مو سود) ..>> هذا العلاجي ..

 

اما بالنسبة للنتيجة التجميليه فهي جيده ..

 

سعرها : 26 دك ..

وفي نوع مو علاجي بس تجميلي ب16 دك ..

 

ومتوفره هالماركة بهارفي نيكلز ..

 

رايي :

 

يمكن سعرها غالي شوي بس حبيت نتيجتها صج بسيطه بس هالماسكرا من المسكرات اللي حللتها خخ ..

اتوقع خلصتها بعد بس متحسفه اقطها بتم استخدمها لي اخر رمق ..

 

وكلمة حق لازم تنقال حبيت البنات اللي يشتغلون بهالماركة رشا وايمان وايد حليوين ماشاءالله ..

 

سايت الماركة لمعلومات اكثر عنها : link

 والكافيه بسيط بس جم طاوله 3 يمكن ..

وهذي طلباتنا ..

راي:

 

الاكل ككل طعمه زين ..

 

وهم الخدمه زينه ..

 

والاسعار مناسبه الطبق بين تقريبا الى 2 الى 2.500 دك >> اللي طلبناهم ..

 

عنوانه..

 

برج كبيكو - دور الغراند..

 

مواعيد العمل :

 

 Saturday - Thursday 11:00 am - 5:00 pm          

اكاونتهم بالانستغرام :

 

@cafe_november_kipco

 

 

قبل فتره قريت بالانستغرام انه ايكونيك بينزل كولكشن لكيم رحت له عقب المعاش ماكان نازل الاسبوع اللي فات رحت وحصلته اشوه ..

 

صورت لكم جزء منه ..

 

 

 

 

 

 

 

 

 المطعم في قعدات برا وداخل ..

 

وهذي الضيافه تشكيله من المعجنات مع زبده ..

 

طلبي كان رزيتوا واهو من اشهر الاطباق عندهم ..

 

في بربيان او الدياي وفي شي 3 جنه بعد بس مو متاكده..

 

شوفوا من داخل شلون صاير ..

 

غريب مو مثل الرزيتوا العادي احس في كاري او زعفران ..

 

وطلب رفيجتي ..

 برغر جوز ..

 طعمه كان خفيف ولذيذ << ذقتها معاها خخ ..

 

وحلينا بكيكة التمر والقهوه لرفيجتي ادمان ولازم تصب لي منها عسى ماادمنها معاها خخ ..

 الصلصه يسمونها جذي المهم !! اللي مع الكيكه حاليه بس زينه مع الكيكه وبالنسبة للقهوة اشوه اعجبت رفيجتي ..

 

وهذي الاسعار ..

وبالنسبه للخدمه وايد زينه ماشاءالله من تنادينهم يون لج ع طول وايد حبيتها ..

 

مكانه ::

 

الافنيو - برستيج -فوق يم فندي ..

طبعا الاغلب شاف اعلانات المعرض سواء بالجرايد او الانستغرام ..

 

انا شوقني لانه صاير فيني هوس ماركات ولانه المعرض اللي فات تقريبا قبل شهرين رفيجاتي راحوا له ويمدحونه ..

 

فمريته باول يوم له العصر ..

 

مقتطفات من المعرض ,,

 

ومن البضايع صورت ارحم شي..

الجو العام ..

 

مزري !! الاغراض محذفه ووقمته ..

 

الاسعار :

 

غاليه ..

يعني جنطه ب300 وشي واهي كبر كف ايدي اوكي كانت ب1000 بس ماتسوى 5 :\ كافي انها موديل قديم بهالسعر اخذ جنطه احلى او جوتي وانتوا بكرامه وموديل السنه بعد ..

وبايالله تعرفين السعر يعني اكثر من شغله شفتها مكتوب السعر الاصلي واضطر اسالهم عن السعرها عقب الخصم ..

 

البضاعه :

 

موحلوه يمكن تحصلون شغلات لليهال او الشباب بس لنا ماكو ..

 

تاريخ المعرض..

 

من 12 الى 16 -12- 2013 ..

 

عنوانه ..

 

بقاعة زمرده يم الريجنسي << حسب ماهو مكتوب بالاعلان ..

 

 

-عطر صبايا سباركل:

وواهو عباره عن مزيج الازهار الحلوة حيث تتفتح رائحة المندرين والكمثرى الممزوجة بالتوت البري، ويضيف الياسمين عليه رائحة منعشة رائعة ويتمنح اوراق الازهار الكريمية النعومة له.
 

رايي:

مبدائيا عقب رشه وحده بس حبيته واختي الصغيره مينونه عطور شمته عجبها قالت تبيه وعطيتها اياه واايد تمدحه لدرجة اخر مره كنا باوتاد خلتنا ندش المحل بس عشان بتشوف جم سعره الظاهر تبي تجيل منه خخ..

العطر: ب7 وشي تقريبا ..

وفي منه ست ب11 وشي ..

FB

بالانستغرام : @Mikyajy1

والسايت :LINK

 

هو مطعم اسيوي بس معاصر مو تقليدي نفس الموجود والدراج وهالشي بتلاحظونه اكثر شي بالديكور ..

 

اول شي يابولنا الضيافه اهي الخبز و 3 انوع صلصه وملفوف ..

 

فصلت ع الخبز حبيته ..

 

 

اول طبق جربناه اهو سلطه حبيت انه صلصله موجوده ع جنب مو مخلوطه مع السلطه بحيث اقدر اتحكم فيها ..

و معاها نفس الشعريه + نودلز وسبرنغ رولز غريبه بالنسبه لي حبيتها..

 

عصير ليمون لرفيجتي..

 

ربيان حلو مثل فكرته ديناميت حبيته ماشاءالله ..

 

ادمامي طلب لرفيجاتي ماذقته ..

 

منغوليا بيف << حبيته احب هالحمسات ..

 

ماذكر اسم الطبق بس اهو عيش الياسمين مع دياي << الصراحه اهو الطبق الوحيد اللي ماعجبنا وقلنا لهم استنكرنا طعمه لما سالونا قلنالهم انه مو زود من سبت العيش شويه ناشف جان يقولون لنا اهو عيش الياسمين جذي نوعيته فاتوقع لانه شي يديد استنكرنا الطعم ..

 

هالطبق وايد حبيت فكرته اعتقد اهو عندهم من الاطباق vip عباره عن نوع لحم اللي اذكره يامنغوليا بيف او البط احنا اخترنا منغوليا+ خبز + خضار + جم نوع صلصه ..

 

هذا الخبز  اللي مع الطبق ..

عنوانه :

 

مدينة الكويت- المرقاب - برج جاسم ..

 

96522901051

 

http://www.oliversan.net

 

@oliversanrestaurant  الانستغرام <<

 

 

شكرا ع الدعوه ..

 

اكبر قسم اهو القسم النسائي وهذي مقتطفات منه ..

 

وعقب قسم الاطفال ..

 

واخر شي القسم الرجالي ..

 

وفي قسم للمنزل اكسسوراته مثل كوشيات - فوط-شراشف .. الخ ..

 

وهذا قسم الاكسسورات النسائية ..

اسعاره :

رخيصه ماشفت شي اغلى من 7 وفي شغلات وايد ع دينارين و3 ..

 

عنوانه :

 

بمجمع العلياء مادري علياء المهم يديد بالجهرا ومكانه صوب القيصيريه ..