شخبوطة كويتيه: blogger event ;VaVaVoom on facebook

Friday, December 14, 2012

blogger event ;VaVaVoom on facebook

1:20 AM

من فتره دزولي فافافوم ايميل بخصوص تعاون بيصير بينا ودور الاسبوع دزولي دعوه الايفنت افتتاحهم لصفحتهم بالفيس بوك وهي بداية انطلاقه بالسوشل ميديا ( وسائل الاتصال الاجتماعيه ) وقريب ان شاءالله بيكونون بتويتر والانستغرام ..

وصلت مع رفيجتي واستقبلونا الاخ عاد الشطي مدير التسويق و الاخ عبدالهادي حفيظ من العلاقات العامة ..

وضيوفنا بمعجنات وحلووعصير من دينا &دلوكا

وعقب خذنا الاخ عادل بتور (جولة) في المركز وعرفنا ع جم سر :)

انه فافافوم الافنيو يملك اكبر عدد وندوز (فترينات ) بالشرق الاوسط وعددها 8 ماشاءالله ..

وMEMO ماركة عطور فرنسيه موجوده حصريا بفافافوم ..

وقال لنا رغم وجود وتوفر الماركات الفرنسيه الا انه ماركة بسام فتوح قدرت تثبت نفسها بالسوق وتسحب الاضواء والبساط من اغلب الماركات وتكون الاقوى عندهم والبست سلر فيها حمرة هيفا ومنتج 2 للاسف نسيت اسمه..

اما ارماني فاهما المكان الرئيسي والاكبر له ..

وبالنسبه لشانيل فهالمره استعان ببراد بيت كوجه اعلاني لها ..

واللي حبيت وعجبني انه عندهم جلسات تجميله , تدرون بهالشي ؟؟ انا اول مره ادري ..

والجلسات التجميليه اما تكون تريتمنت (فيشل او اظافر ) او مكياج ..

وكل ماركة لها غرفة خاصه لهالشي ..

الماركات اهي :

lancome ، Clarins،la prairie،guerlain، estee lauder

وصورت لكم غرفتين منهم :

هذي ماركة متخصصه بالعناية بالبشره ..

وهذي غرفة estee lauder

وفيها مكياج ..

وعنايه ..

هالجلسات ماتقتصر ع نساء بس هم في ركن خاص للرجال من الماركات اللي فيه كلارنس وكلينك و..الخ ..

ومواعيدها من 10 ص الى 10 م ..

(ان شاءالله اجربها قريب واكتب لكم عن تجربتي بالتفاصيل )

وبختام الجوله عطونا هدية..

اللي كانت متروسه سوالف تشوق ماشاءالله ..

اي صح نسيت اقولكم اخر سر خلال هاليومين بتتوفر عندهم ماركة اصباغ اظافر يديدة اهي nails inc

(راح اجربها وانزل لكم بوست عنها ان شاءالله )

صفحتهم بالفيس بوك Link ...

P.S :شكرا ع الدعوه استمتعت فيها ..

Labels: beauty, makeup, اظافر, شخصي, محل, هدية

1 comments:

Anonymous said...: Hey there! I know this is somewhat off topic

but I was wondering if you knew where I could get a captcha plugin for my
comment form? I'm using the same

blog platform as yours and I'm having trouble finding one?

Thanks a lot!
Feel free to surf my webpage :: http://inflamp.technikum-wien.at; March 6, 2013 at 5:49 PM

Subscribe to: Post Comments (Atom)