شخبوطة كويتيه: رحلتنا الى ربوع جبد ..

Monday, December 24, 2012

رحلتنا الى ربوع جبد ..

9:50 AM

مو اليمعه اللي فات لا اللي قبلها كان الويك اند حلو ومزحوم استمتعت فيه ..

ومن الشغلات اللي سويتها رحت مع اهلي لجبد ياخور نسيبنا ..

وهذي جم لقطة منه لانه توني ماسحة صور بالغلط من الايفون :(

والحلو ماشاءالله انه في اكثر من مكان للقعده هالكراسي وفي بيت شعر كنت اتنقل بينهم ..

وهني حبيت الاضاءءه الملونه بالليل

وفي اكثر من لعبة دوارف العادية وزحلاقيه وهالنطاطيه ( حدي كيفت عليها) احب العب :)

وبالنسبه للاكل ماشاءالله جيلنا لسنة جدام انا شريت واختي الجوز شرت واختي الكبيره شرت هذا غير اللي رفيجت اختي يابته ماشاءالله و3\4 ماجسناه :\

الغدا والعشا كله مشوي الظهر شوينا دياي لنا ولليهال سمج يحبونه و بالليل شوينا برغر وانتكست منها مع انها كانت لذيذه :(

وهذا ملفوف من رفيجة اختي..

حبيته ويونس ميني الميني ..

وطبعا بما انه عيد ميلاد عيال اختي بينهم اسبوعين خذينا كيكه واحتفالنا فيهم هناك ( منزله فيديو عن العيد ميلد بكيك "اغنية بالاثيوبي" اما الكية فمنزله بوست عنها هني

ورحت اشتري اغراض للعيد ميلاد صحون و زينه وكبابيس وغيره .. مالقيت ع سمج فخذيت اقرب شي له على قرصان وخذيت ماسك ع ويه قرصان بس حسافه ماصورته وطبعا طقمين 3 احتياط خخ (عشان اذا ماعجب اهلي واحد يعجبهم ال2)

صور اكثر عن الرحلة منزلتهم بالانستغرام ..

اسمي بالانستغرام :@roroalk

اسمي بkeek : roroalk87

Labels: اكل, الكويت, جولة مكوكية, مناسبة

4 comments:

brownsuger said...: عندي واحد من الاهل كلا يسولفلي عن جبد و مايطوف ويك اند الا وهوا هناك و يقولنا لما اروح جبد لحد يدق علي لدرجه حسيت انها سويسرا مو جبد و علي يوم عزمنا ونصدمت من الي شفتا كلش ما عجبتني الو فرا و الشاليهات واااااايد احسن; December 24, 2012 at 10:58 AM
رورو الشخبوطه said...: براون..

يعتمد على اليمعه والمكان شمجهز فيه انا احس بمستوى الوفرة بس مو بمستوى الشاليهات الشاليهات اتوقع فيها شغلات اكثر (كانشطة نقدر نسويها)

عن نفسي اروح له مره او مرتين بالشتا بس مع قروب ونيس:)

حياك; December 25, 2012 at 11:55 AM
Dally said...: وناااسه; December 28, 2012 at 1:56 PM
رورو الشخبوطه said...: dally..

اي الحمدالله كان وناسه..; December 28, 2012 at 11:06 PM

رحلتنا الى ربوع جبد ..

4 comments:

About Me

ايميل المدونة :)

Labels

Followers

Blog Archive

انستغرام المدونة (roroalk)

follow me

My Blog List

Ads