Wednesday, October 20, 2010
8:27 PM
السلام عليكم ..
امس وجوه قالت لي عن هالمشروع ..
وهي عباره عن تجمع للبنات والصبيان من هواة التصوير سواء لمحترفين او المبتدئين وخلال الورشة يعلمونهم شلون يصورون اللقطات بطريقه احترافيه ..
والورشة مختصة بالتصوير الفوتوغرافي ..
واهي بتستمر ان شاءالله وبتكون باماكن مختلفه بيحددونها عقب ..
لتفاصيل اكثر (اضغط هنا )..
وموفقين يارب..
Labels:
Tuesday, October 19, 2010
7:41 PM
السلام عليكم ..
اليوم كنت ادور صابون سائل وحصلت هالمنتج من ديتول وعجبتني فكرته وبالنسبه لي اول مره اشوفه ..
اسمه بدون لمس جهاز غسل اليدين ..
وفي 3 انواع للصابون :
1- بالخيار ..
2-بالشاي الاخضر والزنجبيل..
3- الاصلي (ماحصلت صورته بقوقل)..
واذا خلص الصابون مو لازم تشترون جهاز يديد بس تاخذون الصابون ينباع بروحه ..
والعلبه تحتوي :
ع الجهاز , والصابون و4 بطاريات ..
طريقة استخدامه :
وحبيت انه ع العلبه محطوط هالستيكرز تشمون ريحة الصابون قبل لا تشترونه ..
تجربتي :
توني جربته انا واختي ع ابو الصابون يطيح ع ايدي اول ما مليت و خرتها جان ينزل ع ايد اختي خخخخ ..
اهو مكتوب من داخل انه قد تحتاج الى تحريك يدك تحت الفوهة عدة مرات قبل ان يبدا بالضخ الاول مره ..
والحلو انه مكتوب كل شي ع العلبة وفي رسومات توضيحة في تعليمات مذكره برا وفي داخل العلبه (طريقة التركيب , كيفية الاستخدام , المشكل اللي ممكن تواجهنا , طريقة تنظيف الجهاز.. الخ )
وين حصلته ؟؟
لولو هايبر , اسواق القرين ..
سعره ؟؟
3.750 د.ك ..
رايي فيه :
حبيته من اول نظره :)
انظف , واستخدامه سهل وينفع للحمامات وانتو بكرامه اللي كل من يدشها مثل حمام الصاله والضيوف او الديوانيه وهم لغرفة المريض مستشفى ..
فيديو توضيحي (هني)
السايت (هني)
هم فيه فيديو...
fb :link
Monday, October 18, 2010
7:53 PM
السلام عليكم ..
اليوم خلصت كتابين من حصيلة المعرض اولهما..
كتاب جديد من تأليف زميلاتنا انجو ..
عباره عن مذكرة فتاة جابت العالم بحث عن ضالتها والتي لا تعرف ماهيتها ..
تنقلنا معها من مصر الى الامارات ثم اسطنبول مرور بلندن بعدها فرنسا الى اسبانيا ثم سويسرا حتى تايلند و ماليزيا وكوريا لتختتم مذكراتها ببلاد العم سام معلنة ان هناك جزء 2 لهذه السلسلة .
في البداية اعتقدت انه الكتاب يندرج تحت الادب الرحلات لكن بمجرد قرائتي لبدايته اكتشفته انه بمثابة مذكرات خيالية ذات طبع شخصي واقعي :)
أي عبارة عن مجموعة من المقالات التي تمثل مواقف عاشتها البطلة بمختلف البلدان مليئة بمزيج من مشاعرها من حزن وخوف واسى وفخر وفرح وملل .. الخ ..
رايي :
كنت اتمنى انه يكون من كتب ادب الرحلات ومطعم بالصور ..
بس عقب ماقريته ولاني اعرف كتابات المؤلفة عن السفر بمدونتها حسيت انه هذا الطبع اللي تفضله اكثر من تقارير السفر..
تقيمي له انه جيد كتجربة اولى :)
Sunday, October 17, 2010
9:44 PM
السلام عليكم ..
من زمان اختي ودها نجرب هالمطعم وهالخميس رحنا له ..
المقبلات ..
شوربه عدس بس الغريب انها مو بالشعيريه لا بالعيش وبنات دوام يقولون يمكن لسان العصفور عقب ماقلت لهم السالفه اليوم ..
الاطباق الرئيسية :
كباب مكس ..
برياني ربيان ..
ومعه روب ..
وخذينا مرق زياده بس طعمه مو شي استغفر الله وايد حالي ..
الفاتوره..
موجود المطعم بالافنيوز :)
رايي :
ما حبيته :\ كليت شوي وعقب جابلت البريني اطلع الربيان اعطيه اختي تاكله خخخ , مغل محل الذ منه ..
Saturday, October 16, 2010
8:35 PM
السلام عليكم ..
قبل جم يوم رحت هالفيلم ..
احب افلام الرعب بالسينما احلى من البيت :)
بطولة
Chris Messina, Caroline Dhavernas
المخرج
John Erick Dowdle
النوع
رعب, غموض
مدة الفيلم
79 min
تصنيف
15
القصة
تدور احداث الفيلم حول مجموعة من الاشخاص محاصرين في مصعد، إلا انهم يدركوا خلال وقت محاصرتهم بأن الشيطان يكمن في واحدا منهم.
رايي فيه..
اول شي ممل عقب يصير احسن فيه شوي اكشن وتخمين وترقب لمعرفة منو الشيطان من ال5, واهو يعتبر رعب بس بالنسبة لي مايخرع وايد :\
يعني باختصار زوين ..
اعطيه 3 من 5 ..
المعلومات والبوستر منقولين من سايت السينما
Friday, October 15, 2010
9:26 PM
السلام عليكم ..
امس جربت هالمطعم توه يديد قبل فتره شفته ..
وهو متخصص بالكريب و بالطريقه اليابنيه بعد :)
اهني اوضح ..
في مالح وفي الحلو وفي للي يكون باختياركم ..
صورت لكم الصفحات اللي اخترت منها بس في غيرهم وايد ماشاءلله ..
وهذي الحلو ..
وهذا جزء من للي تقدرون تختارونه وتضيفونه للكريب ..
مثل وتز اون مجربينه ومسوين لهم انواع خاصه..
وعندهم حجمين كبير وصغير..
اختارنا من المالح فيفا تركي ..
ولما كنا ناكله شفت هالشاشه تعرض لكم شقاعد تسوي العامله ؟؟
Thursday, October 14, 2010
8:38 PM
السلام عليكم..
اليوم رحت معرض الكتاب ماطولت فيه اقل من ساعه وطلعت كنت بصور بس تعيزت :\
حبيت حركة اللي مسوينه عند البوابه قصدي عن صور لادباء المتوفين اللي يرحمهم كتخليد بسيط لهم ..
اما حصيلتي فكانت تقريبا مطابق للستتي اللي قلت لكم عنها قبل جم يوم ..
(1)
من دار العين ..
وسعره بدينارين ..
ونوعه مجموعة قصصيه ..
(2)
من دار الفارابي ..
سعره دينارين ونص ..
نوعه رواية ..
كنت ابي بدريه قالوا مو موجوده بالمعرض وكانت ممنوعه من الكويت بس للحين موجوده ببيروت شكلي بحن وبسافر بيروت :\
(3)
من دار الساقي ..
دينارين ..
رواية ..
(4)
من بلاتينوم بوك ..
سعره 2ونص ..
نوعه مذاكرات :)
(5)
نفس دار النشر اللي فوق (بلاتينوم)
ب2ونص ..
رواية ..
(6)
نفس الدار اللي فوق ..
وبدينارين ..
ادب ساخر ..
(7)
من برا اللسته بس كنت ابيه من زمان ولانه في جم كتاب بيه ومالقيتهم لانه ماعرفت دور النشر فشريت هذا بدالهم ..
من العبيكان ..
وب4وربع ..
سعره مناسب لحجمه كبير ماشاءالله مجلد :)
رواية ..
وبس :)
Wednesday, October 13, 2010
8:39 PM
هالاسبوع بحلقة بنات وبس حطوا وايد سوالف حلوه منها ..
مكياج (Ferro Cosmetics )
اللي حبيته فيها انه مينرال (معادن) يعني طبيعي مايضر ان شاءالله..
والاحلى انه اغلب منتجاتها تستخدم لاكثر من شي ..
مثل هالمنتج اهو اساسا بلاشر ..
+%D9%84%D9%84%D8%AE%D8%AF+%D9%88%D8%A7%D9%84%D8%B9%D9%8A%D9%86+%D9%88%D8%A7%D9%84%D8%A8%D8%B1%D8%A7%D8%AA%D9%85.jpg)
يعني ينحط ع الخد بستخدام الفرشة العاديه النخصصه للبلاشر .. ومو بس جذي .
تقدرين تسوينه شدو باستخدام صبعج او فرشة الشدو ..
و عشان يصير قلوس تحتاجين لترطيب شفايفج بقلوس شفاف او فازلين او زبدة كاكاو..
و صبغ اظافر بخلط البلاش مع المقوي (صبغ الاظافر الشفاف)..
يعني 4 في واحد :)
وهذي يعض درجات البلاشر :)
البرونز ..
واما الشدو فيصير ايلاينر بعد بخلطة مع الماي واستخدام الفرشة المايلة (المشطوفة)
وفي شدو يصير ايلينير وتاتو حواجب بعد << بس ماتكلموا عنه بالبرنامج..
وهم كريم الاساس يصير كونسيلر بمجرد اضافة الماي له ..
اسعارهم ..
Foundation light 10kd
Faoundation medium 10.5 kd
Blushes: 7.5 kd
...Glow: 8 kd
Veils: 7.5 kd
Eye candy: 5 kd
لمشاهدة الحلقة (الفقرة منقسمه لجزيئن)
Fb:link
Tuesday, October 12, 2010
10:39 PM
السلام عليكم ..
باجر ان شاءالله راح يكون اول يوم لمعرض الكتاب ..
وكالعاده بيكون بارض المعارض بمشرف ..
وللي مايدله هذي خريطة توضيحيه ..
وبيستمر من باجر 13 - 10 لي 23 -10 ..
ان شاءالله ..
ولما كنت احوس بقوقل حصلت موقع حلو كان مخصص للمعرض ال30 ..
في وايد معلومات وصور منها صور المعرض من ال1 الى 30..
والاحلى فيه قسم اسمه ابحث عن كتابك يسهل عليك عملية البحث عن والتاكد من وجود كتابك ومكانه وسعره جان زين يسون منه نسخة لهالسنه ..
*لستتي*
مبدأيا جهزت لستتي ..
هالسنه المعرض بيكون مميز بالاصدارات الشبابيه ومنهم زملاء وزميلات من المدونين ..
- لاحمد الحيدر (خنفروشتين- ساره ) الاول كتاب ساخر وهو الجزء ال2 اما الاخير فهو روايه وتعد اول تجربة له ..
-بنت بطوطة - لابرار الغصاب (انجو)..
-لقلادة اياها لسارة الميكمي (سبمبوت) مجموعة قصصية ..
جنه بس ؟؟
في احد غيرهم منزل ؟؟
- ولم كنت احوس حصلت هالروايه وعجبتني فكرتها اسمها المعازيم تاليف مزيد مبارك المعوشرجي
-طبعا باخذ اخر اصدار لوليد الرجيب اما بعد و بدور بدريه وان شاءالله احصلها ..
- ورواية ارض النفاق ليوسف السباعي ..
-الجنية لغازي القصبي..
-فسوق لعبده خال ..
وباخذهم من دور النشر لانه ارخص :)
اللي اشتريه برا ب3ونص القى عندهم بدينار ونص فرق :\
وبحاول ماخمط ع غير سنع واحدد ميزانيتي ب40 بس ..
لانه العام شريت فوق ال100 ونصهم ماقريتهم :\
وجان زين ايبون عربانة لانه الجياس ثقيلة :)
سايت المعرض هنا
Subscribe to:
Posts (Atom)
About Me
- رورو الشخبوطه
- الكويت, قسم الاعلام:), Kuwait
- بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
انستغرام المدونة (roroalk)
follow me
My Blog List
-
Hello world!1 year ago
-
-
لا تخبئ السعادة فهي قابلة للتبخر.7 years ago
-
حساب جديد معني بإدارة المنزل7 years ago
-
-
-
خطوة أولى نحو الثقافة8 years ago
-
بينكيو تكشف النقاب عن جهاز العرض TK8008 years ago
-
-
مع الخيل يا شقرا9 years ago
-
هل للحزن طقوس !؟9 years ago
-
عدنا إليكم من جديد9 years ago
-
AssASsIN'S CREED9 years ago
-
-
Summer cooling refreshing drink recipe10 years ago
-
فكرة10 years ago
-
I'll be Back Soon راجعين قريبا10 years ago
-
اعرف نفسك10 years ago
-
مشتاقه لقلب طفله .. مشتاقه لي10 years ago
-
VARIETY ON BONUS POKER ONLINE10 years ago
-
كاريكاتير مابعد أسعار النفط10 years ago
-
-
Salmon recipe11 years ago
-
Review: The Martian11 years ago
-
ضيفوني11 years ago
Ads
