شخبوطة كويتيه: جديد

Showing posts with label جديد. Show all posts

Thursday, February 6, 2014

ريوقنا في كوكو كافيه - cafe coco

10:00 AM

قبل جم اسبوع جربناه لانه يديد فقط ..

احب اجرب ..

ديكوره يشوق جنه كافيه باوروبا << انطباعي حسب اللي شفته بالصور ماقط رحت لاوربا..

طبقي اللي بالصوره تحت ع اليمين ..

عباره عن 3 طبقات الاولى توست وال2 تيركي وال3 بيض بالجبن جنه << ترا اهو صمونه بس شكله لا خخ ، ومعاه بطاط ع جنب ..

وحجمها كبير ماشاءالله وطعمها لذيذ حبيتها قلت بقلدهم بسوي مثلها بالبيت ان شاءالله ..

وبالنسبه البنات اذكر اللي طبقها فوق علقت انه متروس دهن وصج يبين وايد فيه دهن ..

بالنسبه للاسعار :

ماصورت الفاتوره بس التوتل 14 وشي (ل3 اطباق + ماي كبير )..

وجنه طبقي ب4 د ك مو ذاكره والله ..

واللي ماحبيته الخبز بفلوس جريب 3 دك بس اشوه مايحتاج طبقي خبز ..

مكانه :

بغراند افنيو يم ستاربكس ..

Labels: اكل, جديد, مطعم |

0 comments

Friday, October 18, 2013

SUITE BLANCO now @the_avenues

11:45 PM

سويت بلانكو محل اسباني توه من يومين بس بطل بالكويت ..

واهو مخصص للملابس النسائية و في مجموعة من الاحذية وانتوا بكرامة و الاكسسورات والحقائب ..

وستايله بين الكاجول \ سبورت والسبورت شيك يعني ككل عملي ..

وهذي مشترياتنا اما اسعاره فهي مناسبه تقريبا من دينارين ونص لا في دلاق بدينار خخ لي شي و30 ماذكر شفت اغلى ..

وستافه وايد حليوين ماشاءالله ..

وبنزلكم صور جم شغله من بضاعته لفتت انتباهي بس مو اهني بالانستغرام ان شاءالله ..

واهو موجود ..

بالافنيو فيز 1 فوق بسطرة ناين ويست ..

اكاونتهم بالانستغرام : @suiteblanco

موقعهم الكتروني : link

Labels: fashion, جديد, محل |

0 comments

Monday, October 14, 2013

افتتاح اول متجر مخصص للاحذية لويس فيتون في الشرق الاوسط بدبي مول

10:15 PM

واخيرا عقب ساعتين وشي قدرت احمل الصور بس لانه شي يسوى حاولت وحاولت ليما قدرت الحمدالله ..

المهم امس دزولي لويس فيتون ايميل عن هالخبر ..

تواصل دار لويس فويتون رحلتها في الشرق الأوسط مع افتتاحها رسمياً أول متاجرها المخصصة بالكامل للأحذية للرجال والنساء. يقع المتجر في "ليفل ملتقى الأحذية" في دبي مول، ويقدم مجموعة واسعة من الأحذية العصرية التي تناسب السهرات، والأحذية الأنيقة لأوقات النهار، لكل من الرجال والنساء، في تشكيلة اختيرت خصيصاً لتعكس توجهات الموضة، وتوفيرها لمحبّي الأزياء من زبائنها في دبي.

يأخذ المتجر الجديد الزوار في رحلة عبر تراث دار لويس فويتون، وتاريخها،وبراعتها. صّمم المتجر بهدف إعادة خلق أجواء حميمية لبيت أنيق منتصميم المهندس المعماري الشهير بيتر مارينو، وحافظ في مفاهيمهالمعمارية على وفائه لرغبات لويس فويتون، وتطلعاته في جعل كل زيارة إلىالمتجر بمثابة رحلة استثنائية جميلة لزبائنه. ففي أجواء كلاسيكية وأنيقة،تطل مجموعة كبيرة من الأحذية للرجال والنساء على حد سواء، موزعة بأناقةلا تضاهى في أماكن متناغمة.

كما يحتوي المتجر على صندوقSecrétaire Chaussures Dames الذي يعبّر بوضوح عن الماضي العريقفي تقاليد السفر، والمستوحى من صندوق يعود إلى العام 1925، نفذته دار لويس فويتون بناءً على طلب خاص من الممثلة ليلي بونز، ويمكنه أنيستوعب من 16 إلى 36 زوجاً من الأحذية، حسب حجمها. في العام 1949، أشار جاستون لويس فويتون لذلك: "طلبت ليلي بونز عام 1925صندوقاً مخصصاً لأحذيتها، ليكون بمثابة حقيبة سفر، تضاف إلى حقائب أمتعتها أثناء السفر. كانت قدماها صغيرتين ونحيلتين للغاية، وكان بإمكانها تخزين 36 زوجاً من الأحذية في صندوق معدّ لثلاثين زوجاً".

كما تمتلك دار لويس فويتون تقليداً طويل الأمد في تقديم طرق التوضيب المبتكرة لزبائنها، في معنىً مرادف لفن السفر منذ العام 1854. فلقد أصبحت حقيبة SecrétaireChaussures Dames الرمز المطلق للأناقة الباريسية وأكسسوارات السفر المطلوبة لكل امرأة باريسية في تلك الحقبة من الزمن.

تصاميم تخطف الأنظار، بما فيها حذاء "نجم السينما" بكعب "بلكسىجلاس" مطرز بعناية فائقة بأكثر من 300 قطعة من الترتر، ومزين بأهداب أنيقة على خلفية الحذاء. يأتي الحذاء بمخمل أزرق حصري مع كرة رقيقة منالمنك الفاخر، ومرصعاً يدوياً بأكثر من 150 قطعة من أحجار الراين البراقة. ألوان وموديلات حصرية للنساء والرجال على حد سواء تقدم بمناسبة الافتتاح، وبجلود معدنية غريبة مذهلة مصممة خصيصاً لإمارة دبي.

يتم تصنيع جميع أحذية الدار ضمن ورشة Fiesso d’Artico الحصرية للأحذية، في إيطاليا. الورشة التي تتمتع بسمعة عالمية باعتبارها "أرض الأحذية". فمع بداية القرن الثالث عشر كان الحرفيون من ريفييرا ديل برينتايصنعون الأحذية للطبقة الأرستقراطية في البندقية. وكما تواجدت ورشاتالعمل للمنتجات الجلدية في أسنيير، فإن التوازن المثالي بين الدراية الحرفيةالتقليدية والتميز في المهارة الحرفية والتكنولوجيا المتطورة وجدت هنا. لدىلويس فويتون، يعتمد كل حرفي من حرفيي الدار على الحدس والخبرة بشكل كبير، ما ينعكس إحساساً فريداً ببنية الحذاء، لا يمكن للآلة أن تحققه أوتحل محله.

يشوق ماشاءالله .. مو ؟؟

بس قلبي الصغير لا يتحمل عاد هالشهر مستانسه قلت يالله اول ماركة اهي لويس فيتون شريت الاغراض اللي ابيها بالويش ليست مالتي بس شكلي بعيد النظر اهي اهي خخ ..

** الكلام اللي بالفصحى منقول من الايميل ..

شكرا Dana Adjina
Press Officer - Corporate Communications
Louis Vuitton Middle East

Labels: fashion, جديد, دبي, محل |

0 comments

Tuesday, October 8, 2013

قسم الاطفال في مانغو ..

10:00 PM

قبل جم شهر ردوا فتحوا مانغو بالافنيو وحسبالي نزلت لكم بوست عنه الظاهر قلت لكم بالانستغرام بس ..

المهم قبل جم يوم دريت انه فتحوا قسم خاص لليهال ..

فصادف هالاسبوع رحت للافنيو فمريته وصورته لكم ..

انجووي :)

والكولكشن للصبيان والبنات ..

من عمر تقريبا من 3 سنين الى 12 سنه ..

وهذي صوره للقسم بشكل عام ...

وهذا رابط فيه التشكيلة link

وعنوان مانغو للي ماتدله..

الافنيو - فيز 1 - مكان وجوه قبل يم قيس و21 فور ايفر ..

Labels: fashion, جديد, محل |

0 comments

Saturday, October 5, 2013

اخر الهبات النظاره المخمل - velvet sunglasses

10:30 AM

قبل اسبوعين او 3 شفتها ع دانه بالانستغرام وعجبتني سويت سيرج عنه لقيتها باكاونت بالانستغرام بحط لكم اخر البوست ان شاءالله ..

بس توني لما سويت سيرج بقوقل انصدمت انه الاجانب هابين فيها من اخر 2011 واحنا توها توصل لنا !!

المهم اللي عجبني فيها انها متوفر باغلب القصات المربعه \ الدائره \راي بن \كت ايز .... حتى ع قلوب ..

وباغلب الوان ..

اخليكم مع الصور ..

Cat eye

butterfly

Diamond cut

Rayban

rayban cut

Round

Square

Kitten eyes

وفي منهم ع نقشة تايقر شفت 2 بس هذي احلى فحطيتها ..

بالنسبه للاسعار ماعندي فكره للاسف :\

كل الصور من اكاونت تجاري يوفرهم بالانستغرام اسمه : @myinstashop_kw

Order by whatsapp 97969022

ويقال موجود بمحلات النظارات بالافنيو ..

خاطري فيها :\ بس ابي اشوفها بالصج لانه مو اي نظاره تناسبني وهم ابي اعرف بجم :\

Labels: beauty, fashion, جديد |

1 comments

Friday, October 4, 2013

تجربتي ل MAX FACTOR CC Cream

11:45 PM

الاسبوع اللي فات كنت بوتس وشفت صورة السي سي كريم من ماكس فاكتر باعلانهم سالتهم عنه قالوا مو متوفر وعقب يومين مريتهم واشوه حصلته ..

الاسبوع هذا كان اهو كريمي بشكل يومي (يعني تجربة 5 ايام اقدر احكم عليه )

بالنسبه لشنو يعني السي سي كريم لانه لاحظت الاغلب مايعرفونه ..

اهو بمثابة كريم مصحح للون او موحد للون - colour correcting cream ..

واهو الهبه ليديده لهالسنه عقب البي بي كريم وايد ماركات منزله منه ..

المهم اكمل لكم عن ماكس فاكتر ..

* درجاته اللونيه :

متوفر ع كلام اللي تبيع ب6 درجات !! بس بالنت ناس تقول 3 وبالصور مجربه 5 :\

اللي خذيته اهو اغمج درجه رقم 85 برونز ..

تجربتي + رايي :

قوامه خفيف وسهل الفرد والتوزيع وكمية قليله تكفي الويه كله ..

لونه حلو اغمج مني بس احب هالشي :)

بالنسبه للترطيب اول يوم حسيت فيه قشور بسيطه مو مبينه وايد بالخد بس عقب ماسنفرت ويهي مالاحظت هالشي وهم مع مرور الوقت بنفس اليوم هم خف هالشي ..

عن نفسي استخدمه عقب ماحط المرطب + اسنفر بشرتي مره او مرتين بالاسبوع ..

اللي تهمها نسبة الحماية من الشمس تعتبر شويه بس 10 SPF عن نفسي مايهمني :)

اما التغطيه حبيته اهي مو فل كفر بس بالنسبه لي زينه وخففت اللون الاحمر اللي بشرتي بس مايغطي حبات الخال :P

باختصار وايد حبيته وعجبني ماشاءالله ..

سعره :

5,500 د.ك ..

وموجود في بوتس ..

مصادر الصور :

LINK & LINK

Labels: beauty, makeup, جديد |

3 comments

Saturday, August 10, 2013

Chocolateness soon @the_avenues - شوكلاتنس قريبا في الافنيو

10:30 AM

امس شفته بالافنيو استانست لانه ودي اجربه من 3 سنين وزود اقصد ككافيه مو بس مولتن ..

عيبه اللي برج جاسم مايبطل الا ع 3 العصر ..

وطول ياله بطل ان شاءالله هذا يبطلونه بسرعه ..

تجاربي السابقه :

Chocolateness :)

chocolateness

واخيرا ذقت مولتن الكوكيز من Chocolateness

وتوني الاحظ في وايد شغلات يديده عندهم اطباق ونكهات يديده للمولتن مثل الرد فيلفت وهم صار في اوردر اون لاين .. حلو ماشاءالله ..

@chocolatenesskw

t

Chocolateness-Phone:- 22960606

عنوانه :

برج جاسم بمنطقة المرقاب ش السور

والفرع ال2 بجمعية الخالديه ..

وهذا سايتهم يصير تطلب منه اون لاين مثل ماقلت فوق link

وفيهم عيب شرعي بالنسبة لتوصيل عشان يوصلون للجهرا لازم 3 درازن شدعوه مثلت برمودا الخارج مولود والداخل مفقود ولا بوزع ع الفريج :/ المفروض ياخذون رسوم ع التوصيل ارحم ع اقل ويكون مبلغ بسيط دينار مثلا ..

Labels: Molten, اكل, جديد, محل, مطعم |

2 comments

Tuesday, July 30, 2013

sembonia @ jahra

2:59 AM

قبل جم يوم شفت كاتلوجهم واستانست انه بيبيطل عند ..

هالمحل من الماركات الماليزيه واعتقد مو متاكده انه هذا اول فرع له بالكويت ..

رحت له يومين ورا بعض..

بس ماصورت وايد ..

ماصورت الاالجواتي وانتوا بكرامه ..

والكولكشن المتوفر اهو اللي بالسايت اشوه مو ستوكاتهم :)

هذا رابط الموقع هني

بالنسبه للاسعار:

الجناط من شي و20 د لي جريب ال90 د << هذا اللي شفتهم ..

الجواتي وانتي بكرامة اغلبه بالتعش اقل من 20 د..

والميداليات ب5 د..

اما مكانه ..

مجمع اوتاد - فوق - بالتوسعه - جبال كافيه بزه ومكان بست اليوسفي قبل جنه .. (سالوا اي احد يدليكم استغرب عند كل بوابه في نفس الرسبشن / الاستقبال والبنات يروحون ويقولون ماندل ! وينه ماشفنه اي سالوهم بيدلونكم مايقصرون)