شخبوطة كويتيه: اظافر

Showing posts with label اظافر. Show all posts

Monday, May 1, 2017

صبغ الاظافر الماربل - marble nail polish

10:00 AM

السلام ..

من زمان مو متفنتقه باظافر بعي ميلادي يالي فاوتشر اظافر ( منيكير وبديكير وماربل )

الحين هبة الماربل (الرخام) بكل مكان منتشره بالفاشن (ملابس واكسسورات ) بالديكور وحتى المعين والبيوتي بعد هبة الاظافر ..

الفوتشر كان بسبا لي لي اند دي ..

المفروض فيديو بس ماضبط المهم الماربل عندهم نوعه الجليش (جل) ..

الجليش اهو الصبغ اللي يتم تقريبا 10 ايام مايتقشر او يخترب وله تكنيك معين جهاز + صبغ خاص ..

ومايروح بالاسيتون العادي لا لازم صالون لانه طريقه معينه ومو بلاش :\ خخ المهم طريقته انه قطن متروس اسيتون ينحط ع الظفر وينلف بقصدير ويتم تقريبا ربع ساعه عقب يتشلع :\>> هذا عيبه الوحيد انه لازم صالون او بالبيت للي متمنكنه انا اخاف ع اظافري رحت الصالون وغصب لقيت صالون بالجهرا يشيله ..

واهو يكون رسم ومتوفر باللونين اسود وابيض (البيس او القاعده ) انا اخترت كلهم بيض الا ظفر واحد اسود..

حسافه الصور مو واضحه :\

وايد حبيته وكستاف وايد حليوين ماشاءالله حتى صاحبة السبا ماقصرت معاي..

على طاري مو اول تجربه لي بهالسبا جربته قبل جم سنه ونزلت لكم عنه هني

وشفت بنات مجربينه بصالونات ال2 ماياز لي كثر صبغي طبعا انا اللي محليته :p

والقالب غالب ..

وبلوقي عادي اطير عمري فيه خخ..

عنوان السبا ..

بالديره مجمع الغوالي بالسرداب ..

جبال الرايه اذا ماخاب ظني المهم ذاك الصوب..

انستغرامهم ..

@lilyandd

Labels: spa, اظافر |

0 comments

Thursday, October 6, 2016

chrome nails

10:43 AM

من الهبات اليديده في عالم اصباغ الاظافر واللي نزلت عنه بسنابي ..

بحاول اجمع لكم بعض الشغلات اللي نزلتها ..

كنت منزله فيديو و بوست بلوقر اجنبيه منزله عن طريقته عقب نزلت صور عنه واحسن نوع شكل اظافر له + تجارب البنات ..

وايد حبيت الموضوع وتفاعل البنات بس من زود الفرحه الظاهر ماسيفت الا جم صوره :\

ماقدر انزل فيديو لانه كمبيوتر الدوام مايصير :\

ببلش بوست الاجنبيه ..

بس عقب مااشرح لكم فكرته باختصار ..

اهو عباره عن بودر نفس طريقة الشدو تنحط ع الظفر عقب الصبغ العادي وعقب البودره تنحط طبقة (توب كوت شفاف ) يعني 3 خطوات ..

1- صبغ عادي

2-بودره الكروم

3- صبغ شفاف

وعشان يروح لازم صالون وعباله لانه له طريقه معينه اللي فهمته طريقة ازالته مقارب لازالة الاظافر التركيب قصدير ولويه بس مو متاكده ..

وهذي بعض الوانه ..

مو صورة ايدي بعدي ماجربته بس اكثر شي حبيته الذهبي ..

وهذا بوست الاجنبيه لحظه ادور لكم اللينك ماله وبوستها عن طريقته ..

كا هذا اللينك link

احسن شكل له انه الاظافر تكون الموند ..

منتجاته متوفره في علي اكسبرس وebay

وهذا الصبغ اسمه كروم بس نتيجته ميتالك عادي ..

بعض تجارب البنات ..

فيها الاسعار :

وسعره بس لحطته موشامل المنيكير (تعديل الاظافر) اسعاره حسب تجارب البنات تتراوح بين ال4 دك لي 14 ! واذا بتشيلونه مثل ماقلت فوق لازم صالون وسعر ازالته حسب تجارب البنات من دينار لي دينارين !

اغلب الصالونات والسبا يسونه في بعضهم جربوه البنات فوق مذكوره بالاسامي والسعر ..

يقولون احلى ع الاظافر التركيب ! (انا ضد الاظافر التركيب تخرب الاظافر !)

وهم يقولون انه يتم 14 يوم بس شدعوه وايد غير انه اظافري بتخيس منه خخ وخلوا انه مايصير عشان الصلاة اساسا بمل يعني 14 يوم نفس اللون !

Labels: beauty, اظافر |

0 comments

Thursday, August 6, 2015

تجربتي Christian Louboutin nail polish

10:30 AM

العام هالحزه تقريبا نزل Christian Louboutin مجموعه من اصباغ الاظافر ..

اشهر لون اذا ماخاب ظني الاحمر اللي اهو يستخدم بقاعة كعوبهم وانتوا بكرامه ...

وعقبه احس النيود ..

اللي جربته اهو الاحمر مو لانه الاشهر ! لا لانه لوني المفضل للاصباغ ..

هذا شكله من برا ..

طبعا انا ماكنت حاطه بالي اني اشتريه يالي هديه :) انا كانت مخططه اني اروح سبا واسوي اظافري وعقب اجربه هناك ..

المهم هذا شكله اذا تبطل الغرشه صغيره والمغطاة كبيره :|

هني اول تجربه كانت باخر شهر 3 مع اني وصلني باخر شهر 2 :\

وهذي 2 تجربه قمت اعتمده للمناسبات ..

سعره :

19 دك جنه ..

متوفر :

بالبوتيك بالصالحيه وبعض النيلز سبا ..

رايي فيه :

لونه حلو كافي انه احمر ..

الطبقه 1 زينه بس افضل انه تكون 2 ..

ماينشف بسرعه عادي حاله اي صبغ 2 ..

عادي يتقشر بنفس اليوم :\

سعره اوفر بس اهو ع اسمه مو جودته من جذي كنت بجربه سبا وهم لونه متوفر بارخص الاسعار باغلب الماركات والاصباغ العاديه ..

شكله حلو جنه تحفه بس نفس الوقت الراس وايد طويل يغث بالحط ..

حلو كهديه مع فاوتشر سبا للاظافر اذا تبين هديه بسيطه بحدود 40 دك ..

امم اذا من عشاق الاصباغ بيكون اضافة حلوه لمجموعتج عاجبني شكله خخ ..

Labels: beauty, makeup, اظافر, هدية |

0 comments

Wednesday, March 19, 2014

تجربتي لمجموعة اصباغ اظافر pink @HM

11:48 PM

هاللوو ..

قبل شهر ونص وزود بعد شفت هالمجموعه بابليكشن h&m وعجبتني فكرة المجموعه ..

ونزل قبل اسبوعين او اكثر بس ماشريتهم الا السبت اللي فات ..

اهما نزلو مجموعتين هذي البينك وفيها درجات الوردي ومجموعه 2 بدرجات البيج اسمه النيود ..

والمجموعه عباره عن 5 اصباغ اظافر 4 لون +1 توب كوت ..

*تجربتي *

جربت كل الوان الا التوب كوت ..

وتجربتي كانت بطريقة الاومبري تدرجات لون يعني كل ظفر لون وعادة الالوان كلها تكون درجات للون واحد وموجوده هالطريقه من سنين مو يديده بس انا اول مره اجربها ..

وحطيت منه طبقتين ..

رايي :

كطريقه واايد حبيتها والعاده ماتم بالصبغ اكثر من يوم ومرات جم ساعه واغيره هذا تميت 3 ايام يومين بارادتي واليوم ال3 كنت بغيره بس مامداني ..

المهم :

كثبات يتم ومايتقشر بسرعه ..

كاللون الوانه اغلبها حلوه ماشاءالله ..

اما قوة ووضوح اللون زوينه مو خفيف حيل ماي مايوه ع قولتنا لا زوين بس حلاته طبقتين ..

وحسيته مو بسرعه ينشف :\

سعره رخيص ..

وعلى فكرة هذا رايي الاولي :)

سعره :

المجموعه كامله ب 2.900 دك ..

Labels: beauty, اظافر |

1 comments

Thursday, February 13, 2014

تجربتي لـ Lily & D

10:00 AM

هالتجربه هم معتقه خخ صار لها تقريبا 6 اشهر اللي اذكره جربته باول 9 ..

كنت امر بفتره بالدوام اسمها للاستقرار فحبيت ادلع عمري عساس انسى همومي الوظيفيه ..

فحجزت لعقب الدوام ع فكره اهو اخر سبا جربته واخترته بناء على مدح صديقتي الانستقراميه صوفي ..

وصلت ..

وهذي الصور عند السبا من داخل ..

وهذي لقطات من السبا ( الرسبشن- مكان البديكير والمنيكير والخ )

وفي مجموعه كبيره من اصباغ الاظافر مثل زويا و OPI .وشانيل .... الخ ..

وشغلهم مو بس اظافر لا عندهم واكس (شمع ) وعناية بالشعر اذا ماخاب ظني وعندهم خدم منازل بس مايون الربع الخالي قصدي الجهرا :\

المهم هذي الضيافه اخترت جاي اخضر ومعاه عطوني ككاو لذيذه ماشاءالله ذابت من حراراة الجاي عجبتني جان اقولهم ابي 2 يابتلي عقب تسالني تبين بعد قلت لا بتصير مصاخه بس يبي الصينيه بحظني خخخ اتغشمر اتغشمر ..

وهذي العده اللي استخدموها لي ( سنفره وماسك وهذا فاضي خخ مادري المهم وعده الخاص معقمه ومغلفه ومخدة الحاره احبها ع الجتوف ..

وعلى فكره ماخترت نوع الخدمه اهما شافوني واختارولي قالت لي ريولج اخترنا لها نسيت شسمه بس للنعومه لانها تحتاج اما ايدج فالعادي لانها ماتحتاج شي ..

ويابولي مبرد اللي يلمع الاظافر وكنت خايفه انا يخرب اظافري يضعفهم ويخليهم يتكسرون بسرعه بس اشوه ماخربهم واللمعه تمت ماشاءالله فتره طويله يمكن اكثر من اسبوع ..

وهذي النتيجة ..

الاسعار :

الريول علاج الجفاف ب8 د.ك ..

والايد ب5 د.ك ..

رايي :

الستاف : عجييييييييييييييييييييييييييييييييييييييييييييييييييييييب ماشاءالله اول مره اروح سبا استانس واضحك جذي وايد داروني وحافوني حوف وونسوني ..

ع سبيل المثال موقف الككاو الللي قلته فوق ..

ريولي مثل ماتعرفون فيها مسمار لحم اخاف لما يجسونه واتم متشنجه اللي كانت تسويلي اظافر ايدي تحاول تلهيني تسولف معاي وتدلكني ..

ضحكتني تقولي اظافرج حلوه ماراح اقصه بس هالمره المره اليايه لا قلت اقصهم واييج تسوي روحها تبجي << امبيه تينن ماشاءالله ..

واللي تسوي ريولي مدحت براتمي خخخ ..

ولما بطلع يقولوني حبيناج كل تعالي لنا << والله انا الللي حبيتكم ..

وحسبولي رسمة الظفر ببلاش لانه بس ظفر ..

النتيجة : وايد حلوه وخصوصا الريل ماشاءالله نعومه ..

الاسعار :هم وايد زينه (ارخص سبا جربته وحبيته )

عنوانه :

مدينة الكويت - مجمع الغوالي جبال مجمع الراية ..

ت : 22441585

الانستغرام : @lilyandd

T

Labels: beauty, spa, اظافر, صحة, محل |

0 comments

Wednesday, February 5, 2014

تجربتي ل black dot nail polish - ( flormar vs illamasqua )

10:40 PM

بشهر 12 العام شريت هالصبغ ..

فكرته باختصار :

صبغ عادي ممزوج بحيبات لماعه ( قلتر) بمختلف الاحجام ..

سعره :

تقريبا دينار ..

وخذيته من الهمود بالتوسعه بخيمة مول بالجهرا ..

رايي :

اهو مو ستايلي بس خذيته لانه بجرب شي يديد ولانه ذكرني بصبغ illamasqua

بس طبعا فرق السعر بس الفكره وحده وتقريبا متوفر بنفس الوان انا حصلت 3 بس بالنت في الوان اكثر من فلورمار ..

ويحتاج طبقتين اذا ماخب ظني و ولما وخرته يتعب لانه فيه قلتر ..

Labels: beauty, fashion, اظافر |

0 comments

Sunday, April 28, 2013

french tips من مكياجي

10:30 AM

من الشغلات اللي اهدوني اياها محل مكياجي هالست وهو طقم فرنش منيكير ..

وفيه الاصباغ ال3 (الابيض والشفاف والوردي ) ولزقات للفرنش ومبرد ال4 في 1 تنعيم وصقل وبرد وتلميع وعصاة توخر اليلد الميت اللي يطلع دار مدار الظفر ..

يعني مو بس تصبغين اظافرج لا تصبغ وعناية بعلبه وحده ..

(حبيت هالصوره )

ومن ورا مذكوره فيه طريقته بالتفصيل ..

1- تبلشين بالصبغ الشفاف تنطرينه ينشف..

2 - عقب تحطين اللون الوردي وتاكدين انه نشف عدل ..

3- تحطين اللزقات البيض و عقب تحطين الابيض بس بالجزء العلوي من الظفر..

4- تشيلين اللزقات و عقب تحطين طبقه 2 من الصبغ الشفاف ..

وهذي النتيجة ..

صورت اكثر ظفر حبيته :)

سعره ب 7.700 د.ك..

رايي :

شكل العلبه ناعم ولونها حلو وحبيت محتوياتها انها مثل ماقلت فوق تصبغ وعنايه ..

وحبيت انها تنفع كهديه مع قفت فاوتشر من سبا للاظافر وهالمجموعه شفت عليه اكثر من عرض مره اهي مع جنطة فيها اغراض للاظافر ومره عليها سعر خاص .جنه.

والشغله الوحيده اللي اتمنى تتغير فيه الصبغ الابيض حلاته يكون مثل القلم او راسه ادق و ايبس ..

بس عموما النتيجة عجبتني حلوه كاول مره ومع الممارسه بيكون وااو ان شاءالله ..

وثبات الصبغ زين مع اني ماسويت الخطوه الاخيره نسيتها كنت لاهيه اتامل اظافري خخ..

FB

بالانستغرام : @Mikyajy1

t

والسايت :LINK

Labels: beauty, اظافر, هدية |

0 comments

Wednesday, April 17, 2013

تجربتي لـ nails work اول سبا للاظافر بالجهرا ..

11:33 PM

واخيرا قدرت اشبك صارلي جم يوم مو قادره :(

المهم اليوم بقولكم عن تجربتي لاول نيلز سبا بالجهرا وجربناه انا وخواتي الصغيره والجوز ..

وهذا رابط البوست اللي كتبته عنه قبل في خدماته ككل ..

تجربتنا ..

صادف قبل روحتنا بيوم كنا بالمجمع فمريناه نسال وحجزنا ع الساعه 2 عساس يمدينا نروح استقبال اختي مبجر ..

وصلنا 2 بس الستاف ماكان ياي :\ يعني السبا مو مبطل اتصلت عليهم قالوا انهم بالطريج واشوه مالطعونا ..

دشينا وضبطوا لنا المكان ..

وهذا جزء من العده اللي استخدموها لي ..

والكريمات عندهم انواع وايد انا كان رمان وخواتي اعتقد عسل وحليب ..

كنت مختاره النوع العادي بديكير ومنيكير شامل سنفره وكريم وتعديل الاظافر وصبغ ومساج وتفرك ..

وزدت عليهم ماسك << سعره يختلف ..

وهذا اللي نقعت فيه اظافري ..

وهذا عقب ماخلصت نشفت فيه الصبغ ..

قلت لهم مااحبه خدر اصابعي وانا اضغط عليه جان وحده منهم ياحليلها يت تضغطه لي << حبيت

وهذي النتيجة ..

وبالنسبه للاسعار :

ع حظنا كان عندهم عرض ..

اهو البديكير ب7 والمنيكير ب5 والماسك بدينار للايد ودينار للريل ..

بس مع العرض صار المنيكير والبديكير والماسك كله ب7 يعني نص السعر..

والتوتل انا وخواتي 2 بديكير و3 منيكير =17 د.ك ..

رايي :

الشغل زيين والهنديه تشتغل بضمير خخ بس نبوها لا تجرحكم عورت اختي الجوز من كثر الدقه بس اختي حابه شغلها ولي رحنا مره 2 بتطلبها اهي بالاسم تسوي اظافر ريولها ..

الستاف خدوم وونيس ..

مكانه يميزه فكنا من عنوة الطريج ..

الاسعار وايد زيينه والعرض عجيب ماشاءالله ..

الادوات المستخدمه ماركات متخصصه بالعناية بالايد والريل ومن بوتس مو سوالف المنصور او بو طقه ..

بس اللي ماحبيناه اللون الوردي ع الاظافر ..

وماعندهم كي نت ..

بس برد اجربه مره 2 بجرب الايسكريم وبرسم ع اظافري ان شاءالله ..

ساعات العمل :

بايام الاسبوع يبطل الساعه 2 ..

واليمعه من 10 لي 10 ..

العنوان :

الجهرا مجمع صحاري السرداب

ت: ٦٦٩٦٩٢٢٦

الانستغرام : nailsworkkuwait

Labels: beauty, spa, اظافر, الجهراء |

0 comments

Thursday, April 11, 2013

جديد : صبغ اظافر الطبشور (الطباشير) - Ciate‪'s Chalkboard manicure set

12:50 AM

بعد صبغ اظافر الكفيار اللي نزل بداية 2012 (هني بوست كتبته عنه وهذا بوست لتجربتي له ) وعقبه صبغ اظافر المخملي السنه نزلت نفس الشركة Ciaté صبغ اظافر الطباشير او ع قولتي الطبشور , وتوه هالشهر بينزل ان شاءالله ..

ليش اسمه طبشور ؟؟

لانه ايي بعلبه فيها صبغ اظافر اسود مخملي ومعاه 4 الوان طبشور ..

الاسود يمثل البيس او القاعده اللي اهو بمثابة اللوحة او الصبورة \السبورة ..

والطبشور عشان تفننون فيها والحلو انه هالطبشور يروح بالماي يعني اذا خربطتي سهلات توخرينه ..

طريقته ؟؟

اول شي تحطين البيس اللي اهو مثل ماقلت اللون الاسود وعقب ماينشف ترسمين عليه بالطبشور واخر شي تحطين التوب كوت واهي الصبغ الشفاف عساس تحافظين ع الرسمات ..

سعره :

£25

مااحب الصبغ الاسود ولا المات بس هذا فكرته تونس حبيته ..

المصادر :

1 انا زهره ..

2 و3

Labels: beauty, makeup, اظافر |

0 comments