شخبوطة كويتيه: فنتوقه

Showing posts with label فنتوقه. Show all posts

Saturday, February 15, 2014

كوكيز نستله مخصوص لمن تحب وباللي اهو يحب :P

10:00 AM

بما انه خلص عيد ميلادي اقدر اكتب عن الهدايا ع راحتي خخخ ..

في شغله احبها بالهدايا اذا بدز نقصه لاحد او صوغه او هدية عيد ميلاد او زواج غير انه تكون شغله يحبها الشخص انه تكون معده او مصنوعه خصيصا له ..

بس ماقط صارلي هالشي خخ الا بالكيك ..

المهم من الشغلات اللي هبيت فيه العام وتحمل هذه الميزه او الصفه ..

اهي كوكيزة نستله ..

جربته اكثر من مره ..

(1)

اول مره بشهر 5 العام هديه لرفيجتي عروس + فلوس << وكان بفرع صليبخات ..

(2)

وماحطيتها بالانستغرام عشان ماحرق الفكره ع نفسي ولانه عجبتني وبسويها لعيد ميلاد رفيجتي << وهالمره مارحت كنا برمضان واتصلت عليهم وقلت لهم ابي نفس اللي حاطينها باكاونتك بالانستغرام 2 يوم اتصلوا ياكدون الطلب وصلوها لي بيتنا ..

(3)

المره ال3 اختي عجبتها الفكره فسوتها لعيد ميلادها وعيد ميلاد رفيجتها << وهذا فرع الافنيو ..

(4)

المره الرابعه هم اختي سوتها لرفيجتها بس هالمره يابولها ايها مو زود كلمتهم جان ايبون لها وحده اكبر واحلى ..

والكوكيز تكون شغله من مجموعة شغلات اقدمها كهديه و بالنسبه لكوكيز اللي مكتوب عليها عيدكم مبارك مو طلبي صورتها بالكافيه دشوا اكاونتهم بتشوفون اشكال ورسومات واحجام مختلفه ..

نستله خدمتهم حلوه خصوصا اللي بالافنيو و كوكيزهم لذيذ ..

الاسعار :

الكوكيز اعتقد 8 وتوصيل للجهرا رخيص بنص جنه ولما وصلوه لدوامي كان بلاش ..

فروع نستله :

مارينا:25732046

ذا فلج:23909021

سما صليبخات:22219138

الافنيوز:22200669

الليوان:65548380

منيوز:22250101

الفتوى:22941000 ext.19988 ا

لأشغال:25306000

http://www.nestlecafe.com

الانستغرام : @nestlecafekw

تحديث :
هالبوست كان مجدول يعني مكتوب قبل عيد ميلادي قبل 11 - 2 ..

المهم بعيد ميلادي اختي سوت لي الكوكيز خخ ..

بعد عمري كنسلت موعد طبيب الاسنان وتعنت نستله وتمت ساعتين تنطره وعلها مافهم ولا في الوان عنده << فرع صليبخات ..

شكرا الجعده :*

Labels: اكل, فنتوقه, مطعم, مناسبة, هدية |

1 comments

Sunday, September 8, 2013

ريوقنا اليوم من Tartine Sandwich Boutique

11:18 PM

هالمطعم يابت لنا من وحده بالدوام (مغيره الاداره من جذي اشوف وايد فناتق ادارتي القديمه محد ايب غيري خخ داثرين او يسالوني يقولون مايعرفون ) المهم ذوقتنا الميني كور بان الكيك كان بنوتيلا وفي نوع 2 باللبنه ..

وجيكنا ع اكاونتهم وعجبنا وطلبنا منهم اول مره هالحجي الاسبوع اللي طاف وصل طلبنا غلط كلمناهم وغيروه وايد حبيت اسلوبهم وكلموا زميلتي يتعذرون منها ..

اليوم لانه عجبني قلت لرفيجتي عنه ..

شغلاته غريبه بان كيك و وافلز مو بس حلو هم في كموالح حبيت الفكره احب اجرب الشغلات الغريبه وهالسوالف اول مره اشوفها بالكويت ..

المهم طلبنا ..

مو انا مكلمته رفيجتي اللي كلمت كنت ابي اجرب بان كيك التيركي بس مو الميني الكور لا العادي بس ياب لنا هذا سالتها قالج ميني تقول ماثبت ..

هذا جربته قبل بالتيركي ماحبيته لانه فيه ماسترد :\ بس مع النوتيلا لذيذ مع اني ماحب النوتيلا ..

وهالطبق عباره عن درز من الميني بولز بان كيك يبونه بنكهتين من اختياركم ومعاهم صلصتين حسب الحشوات المختاره ..

سعره : 2 د.ك ..

وهذا وافلز الحلوم ..

حجمه باليد ..

سعره :1.700 د .ك ..

وحبات فلافل رفيجتي خاطرها فيهم ..

بعلبه 6 حبات مع طحينيه ب150 فلس بس ..

رايي :

حبيت الخدمه ماشاءالله وايد يهتمون بالزبون وهالشي لمسته بتجربتنا الاولى ..

الاكل يوصل حار والمكونات فريش ونفس ماقلت ماشاءالله غريب ومميز مو مثل الدارج ..

الاسعار وايد مناسبه ماشاءالله ..

تجربه تكرر وتكرر وتكرر ان شاءالله لانه في وايد فناتق عندهم خاطري اجربها ..

اكاونتهم بالانستغرام : @tartinekw

t

عنوانهم :

Mubarakia,behind Thouq shop

للتوصيل :

, for delivery call 22418171or wtsapp 97283570 , we are open from Sun-Thur ,7am - 4pm

Labels: اكل, فنتوقه, مطعم |

0 comments

Monday, July 22, 2013

things_by_fatameee فناتق للتقديم والهدايا والقرقيعان والتوزيعات .. الخ

1:50 AM

تذكرون قبل فتره نزلت لكم عن مشروع سعودي اللي يطبعون ع خدود البنات مادري العيوز المارشيملو وع الشكر هذا البوست هني ..

وانا احوس بالانستغرام لقيت اكاونت يشوق في وايد فناتق منها المارشيملو مو نفسه او تقليده بس نفس الفكره ع اسامي او هابي فيس ..

مارشميلو الاسماء
٣٠ حبه مغلفه = ٥ دك
١٠٠ حبه مغلفه = ١٦ دك

وهم عندها قند او شكر ..

سكر الاسماء
٣٥ حبه = ٤.٥٠٠ دك

المفروض البوست لي هني ويخلص بس ماقدرت ماشاءالله في شغلات تشوق وغصب وقفت طلعت من الاكاونت بكبره خخ عشان اوقف ..

سله النقصه
مزينه بالورد الفوشي الطبيعي
بالاضافه الى ٤ قراش :
الكبيره ١ : بسكويت الدارسين
الكبيره ٢ ؛ بسكويت اليانسون
والقرشتين الاصغار فيهم ميني قرص عقيلي ( يمكن اختيار اي لونين )
الكميه محدوده

بسكويت الاظرف
حاليا متوفر بألوان جديده :
الاخضر
الاصفر
الازرق
الوردي الغامج
العلبه تضم ٣٢ ظرف
وكل ظرف يحتوي على قطعه واحده من البسكويت ( الطلب يكون قبل يوم او اكثر )
السعر = ١٢ دك

ماشاءالله عندها وايد شغلات تشوق هذا جزء بسيط منها ع قولتهم لمشاهدة المزيد هذا اكاونتها بالانستغرام :

@things_by_fatameee

للطلب واتس اب :
99591018

link

Labels: اكل, فنتوقه, محل, مناسبة |

0 comments

Saturday, June 15, 2013

Sara art

1:19 AM

ساره ارت فنانه احب شغلها شفته بالصج قبل لا اعرفها ولما عرفتها بالانستغرام حبيتها من اخلاقها العاليه ماشاءالله ..

توها من جم يوم بلشت مشروعها مبدائيا ترسم صوركم الشخصيه ع اكواب وتيشرتات (احب الشغل اليدوي )..

بس لانه توها بالبدايه اكاونتها التجاري بس حاطه فيه صور الاكواب ..

والشغل مرتب ماشاءالله واخليكم مع الصور ..

اسعارها للاكواب:

من 5 الى 7 د .ك للكوب ..

للطلب :

Connect me on kik : sara_art

الانستغرام : sara_art_

Labels: الكويت, فنتوقه |

1 comments

Wednesday, June 12, 2013

RoseBay Store

11:16 PM

من الاكاونتات التجاريه اللي شدتني بالانستغرام هالاكاونت واهو متخصص بصناعة اليدوية للاكسسورات وخاصة الكولار (القلبه )

ويستخدمون له وايد مواد (دانتيل -هدب- ريش- خرز - لولو ... الخ )

احترت شختار واعرض لكم عساس يكون عندكم فكره عن شغلهم مالقيت احسن من الصور الشامله اكثر من قطعه والباجي باكاونتهم بحطه بختام البوست ان شاءالله ..

هذا موكولار قلب عادي بس عجبني حيل ..

الاسعار :

والحلو فيه انه تحت كل صوره كاتبين السعر ..

وماثبت على كل الاسعار بس اللي شفتهم تقريبا من 12 لي 22 د.ك ..

للطلب :

whatsapp: 66504215

للمشاهدة المجموعه كامله زوروا صفحتهم بالانستغرام : @rosebay_store

Labels: fashion, فنتوقه |

0 comments

Thursday, May 30, 2013

primal elements

1:51 AM

اليوم شروف رفيجتي ودتني وشرت لي اغراض من هالبوث ..

اهو كشك صغير لشغلات بيوتيه من ماركة امريكيه هاند ميد و بمكونات طبيعيه مثل (فانيليا - زنجبيل - زيت الاركان .. ) واللي متوفر فيه صابون و كريمات وسنفرات وعطور ..

وشغلهم يشوق ماشاءالله ..

هذا صابون جنه حلاو (المصاص ) مثبت بعود خشب وفي ع اشكال وراويح والوان مختلفه ..

وهذي بعض النماذج من الصابون المتوفر شكله مربع ومن داخل في رسومات مختلفه وفي ع جواتي وانتوا بكرامه وع مايوه وع كيك .. الخ ..

وحجمهم كبير شوفوه صابونة برج ايفيل بالنسبه لحجم ايدي ماشاءالله ..

وسعرهم الوحده ب2.750 د ك ..

والشغلات ال2 تغليفه يشوق حبيت الكتابه اللي ع علب بالاستراس او اللولو معطيهم رقي وينفعون كهدايا ..

وهذا اللي خلاني اتشوق ابي اروح له ..

المربعه ريحتها مو زود بس لانها الاخيره وع براتم فخذيتها ..

وهذي حصيلتنا ..

انا خذيت صابونتين البراتم مع ست ميني في سنفره وعطر رول و لوشن ..

وشروفه خذت صابونتين ماشاءالله ريحتهم حلوه وفواحة عليها بالف عافيه وتتهنا فيهم يارب ..

الاسعار :

التوتل طلع 19 د .ك ..

الصابون الوحده ب2.750 ..

الست ب8 ..

عنوانه :

جمعية الدعيه فوق ..

الانستغرام : @primal_elements_kuwait

سالتها اذا في توصيل تقول يمكن بالمستقبل القريب :)

اللي تبيع كانت كريكره ههه تونس ..

مشكوره شروفه :*

Labels: beauty, فنتوقه, محل, مشتريات, هدية |

0 comments

Monday, May 20, 2013

توزيعات الميني صابون المعطر للمناسبات المختلفة @mysoapcenter

10:30 AM

مركز صابونتي كنت اشوف اعلانته بالجرايد الاعلانيه قبل سنه او سنتين واللي شدني له انه صابون طبيعي وعلاجي و هاند ميد وعقب شفته بالانستغرام وعجبتني فكرتهم اليديده اللي اهي

توزيعات الميني صابون المعطر للمناسبات المختلفة مثل ولادة و تفوق ونجاح .. الخ

وهذي بعض صور شغلهم بالتوزيعات منقوله من اكاونتهم بالانستغرام ..

وهذي صور اوضح ..

والصابون يسونه باشكال مختلفه ورد \ فراش \ دبدوب .. الخ ..

وغير التوزيعات عندهم وايد انوع صابون علاجي بالشوفان والمره .. الخ وعندهم خلطه صابونيه وعندهم بعد صابون لليهال هذا اهو ..

واذا حابين تشوفون صور اكثر لشغلهم وتكون عندهم فكره اكبر هذا اكاونتهم بالانستغرام : @mysoapcenter

للطلب -

واتس او مسج 0096560440360

Labels: beauty, فنتوقه, مناسبة |

2 comments

Saturday, May 4, 2013

الطباعه ع المارشيملو والسكر @landofsweet

10:30 AM

فكره غريبه وبالنسبه لي يديده تعودت اشوف الطباعه ع كيك والككاو بس اول مره اشوف الطباعه ع خدود البنات (المارشميلو) وقطع السكر (قند) ماشاءالله..

ولقيت هالشي بالانستغرام وتحديدا بمشروع سعودي اسمه لاند اوف سويت - land of sweet

وهم يطبعون ع الككاو بس بحط لكم صور وافكار عن شغلهم بالمارشيميلو والشكر ..

طبعا يطبعون لجميع المناسبات تخرج-نجاح-ولادة-زواج..الخ ..

وهذا ع السكر ..

الاسعار:

اذا ماخب ظني القطعه ب5 ريال ..

اكاونته بالانستغرام : landofsweet

t

ت :للتواصل واتس أب 0552737040.

Labels: اكل, فنتوقه |

0 comments

Friday, May 3, 2013

وصلة شحن 3 في 1

10:30 PM

بيني وبين الشاحن والشحن علاقة كره ماحب احط تلفوني ع شحن وخصوصا الايفون ..

وعادي كله ضايع واشتري غيره مليت استغفرالله ..

بالنسبه للشحن انحلت المشكله نوعا ما مع البطاريه الخارجيه اللي هم يبيلها شحن خخ بس وايد مفيده لبرا البيت او اذا ابي تلفوني يمي ما اتكود بكبري عند الشحن يم الطوفه (نزلت لكم عنها بوست هني )

2 شغله حبيتها للشاحن هالوصله ..

لانها 3 في واحد شلون ؟؟

اقصد انها فيها 3 رووس كل الراس يشحن تلفوني من شركة معينها الا اللي بالنص يشحن لشركتين ونص :)

- للايفون 4 \4s

-لايفون 5 ..

-وهذا المزدوج يشحن للجالكسي والبلاك بيري وهم البطاريه اللي قلت لكم عنها فوق ..

سعره :

ب3 ..

حصلتها ..

بكشكات التلفونات اللي بسيتي سنتر( شويخ) ورا الكاشير ..

رايي :

حبيته وايد مفيد احسن من انه اخذ اكثر من وصله معاي (بالجنطة) عقب تترابط الوصله وقعدي فججي :\ عيبه انه قصير يعني اذا بشحن فيه دايركت من راس الكهربا ياذي شوي وهم اذا بتكلم بالتلفون وانا حاطه ع الشحن تلفوني سواء بالكهربا او بالبطاريه بس هم مفيد قصره انه مايتعربك :)

Labels: تكنولوجيا, فنتوقه |

0 comments

Friday, January 11, 2013

طاولة لاب توب كول

11:00 PM

من الشغلات اللي لفتت انتباهي بسنتر بوينت اليوم هالطاولة ..

طاولة لاب توب او بالاحرى مخدة لانها بدون ريول كنت بقول صينيه خخ شكلها كول و فيها ليت ومكان للكوب ومن تحت اذا ماخب ظني في نفس الحشوى عشان تكون اريح بالاستخدام وماتعوركم ..