شخبوطة كويتيه: سبونجي

Showing posts with label سبونجي. Show all posts

Tuesday, October 4, 2011

سماعاتي السبونجية :)

8:51 PM

بنص رمضان مرت اخوي يابتلي هالهدية ..

جان استانس خخخخخخخخخخخلانه سبشل مو مكرره ..

وامس اختي تبي سماعه لتلفونها تبي تسمعا القايله سلفتها سماعتي اشوه ضبطت لانها جربت اكثر من وحده بسوق وماشتغلوا..

Labels: سبونجي, هدية |

2 comments

Tuesday, April 5, 2011

خوووش هدية :)

9:18 PM

اليوم مدمد عطتني هالهدية ..

وايد حبيتها لانها مو متوقعه :) << اقصد من غير مناسبه ولا مدمد ماتقصر كل فتره متنقصتلي شي ..

حصالة ..

دلاغ وبوك ..

ملابس ..

ريحة خخ انا مختارتها ..

وايد حبيت لهدية ماقصرتي مدمد :*

ونردها لج بالافراح والليالي الملاح ..

Labels: beauty, سبونجي, هدية |

10 comments

Tuesday, March 15, 2011

كيكتي الاسبونجيه :)

11:24 PM

باول يوم لنا بدبي عقب الغدا اخوي كان طالب براوني وناداني علبو بيقول لي عن كوكيز وكيك على سبونجي ..

ييت شفتهم وذقت براونيه بعد خخخ..

وهالحجي كان هني :

وفي عندهم هالكورنر للكوكيز ..

كاهو..

اهو ومدهش..

ع فيس بوك وتويتر وبي بي ..

هذي حبيته لانه ع اكثر من رسمه ..

وهذا حق عيد الام اهو حلو بس احس مو لايق خخ :\

وفي كب كيك بعد..

وهذي مالتي ماصورتها الا بالليل بالفندق وعليه انلعن بو خامسها خخ..

حتى صار حول خخخ..

رايي :

حبيت الفكره بس كطعم الكريم حاليه والكيكه اقل من عاديه :\ وناشفه شوي ..

سعرها :

12 درهم ..

موجوده بدبي بالمردف ستي سنتر سالتهم اذا موجود بالكويت قالت لا بس متوفر البرد عندنا :(

Labels: اكل, دبي, سبونجي, سفر |

14 comments

Monday, January 3, 2011

bb :p

10:44 PM

واخيرا واكبت التطور والتكنولوجيا وخذيت لي بي بي ..

كنت محتاره بينه وبين جالكسي قالولي القرقه والحش حلاته بي بي اما الجالكسي حلو للي يحبون العاب ..

وانا ماخذته القرقه خخخ ماحب العاب ..

مدمد ابشرج 24 ساعه بتبتلشين فيني :p

وخذيت لي كفرين بس :(

واحد ع سبونجي وال2 لونه يشوق ربل كنت ابي فوشي ماكو :(

وابي قروبات بناتيه حلوه فيها خرابيطي اللي احبها ؟ هلب مي :)

Labels: تكنولوجيا, سبونجي |

34 comments

Sunday, January 2, 2011

جرد @@

1:09 PM

السلام عليكم ..

امس سويت جرد لخرابيطي الجميله في شغلات انقطت وفي شغلات انفقدت :(

واحس ماعندي شي :\بنفس الوقت احس انه مو محتاجه شي :\

صورتهم عشان اعرف شنو عندي وشنو ناقصني واكتشفت انه مو ناقصني شي خخ بس ابي اشتري :(

اول شي صابوني :

من باث ند بودي ورك حصيلتي مجموعة الجبنيز جنه اسمه جذي هذا اكثر شي حبيته عندهم اما الكريم اللي نوع 2 اخترته ع ابو انه فري قلت بجرب نوع يديد كنت ابي دارك اللي مجربته مدمد بس ماحصلته , اللي تبي شي من باث اند بدي ورك تروح فرع المارينا احسن من لافنيوو كلشي فيه عكس الافنيو كلشي مخلص :(

الجاي الاخضر المجموعه من بوتس وناقصها التونيك مادري وينه :\ واللي بالصوره غسول واللي جنه حمره هذ للنفر بس يديد ماجربته , والكلينكس من بدي شوب ..

جربت الغسول والتونر يمكن 3 يام نشفوا ويهيييييي بشكل قوي اللي قام يحرقني ويحكني :( ومن قبل كنت مجربه سنفرة الجاي الاخضر من بودي شوب هم نشف ويهي :\

كريمات لايدي :

البرتقالي ست من سالي هانسن معاهم بعد مقوي للاظافر وقفزات وجنه مبرد جربته اسبوع تقريبا وحبيته ومادري شصار اللي خليته بس برد له ان شاءالله..

اللي جنه ريحة (عطر) منعم ومعطر للايد من بوعابد احب ريحته ..

كريمات لقاعة ريلي وسنفرات والخضرا بودره والابيض ستيك والازرق سبري , ماصورت جم شغله موجودين بالحمام وانتوا بكرامه اهما الجل والسنفره ..

شامبوات وبلسم ..

هالزيوت كودت منهم وايد وماستخدمتهم بس الحين مابيهم لانه شتا مالي خلق اتيمد , وحاليا استخدم شامبوهم و هم حمام زيت بس اذا لي خلق احط الحمام :)

شامبو البيض عجبني ليش مادري خخخ قلت اذ ماطلع زين بغسل فيه الحمام وانتوا بكرامه واللي يمه سبريه معطر للشعر , ونسيت اصور امبولات ايفا :\

سنفره وبودر ومسك القرشي نوعين سائل وجامد ..

المفقود بودرت جونسون صغار وكلونيا :\

خرابيط لجسمي سنفره وجل كنت بخلطه مع كريم اساسا لجسمي وحبيته :) استخدمته لحفله بس مع اضافه , والصفر زبدة الشيا ..

لويهي الجميل ..

كريمات مرطبه بلون مع حمايه من 2سيفورا وستيلا ومن 2 بيوتي بار , وكريم ليل من روك لمشاكل البشره الدهنيه , و المدورين كريمات لويهي مرطبه وللي من المرز هم فيه جنه حمايه واللي فوق بالنص يم البرتقالي هذا مرطب من بوتس..

كريم وجل للعين ملوت اختي بس انا استخدمتهم :)

اول 2 من اليسار من رفيجاتي بالدوام جربت اللي بالمرز زوين وال2 نسيت شنو فايدته وطريقته بسأل اللي يابت لي :) والسبري خذيت من بوتس جنه لبعد الواكس بس ماستخدمته ومدد قلت لي انه زين واللي ع طرف كريم الليزر مالنا انا واختي ..

لبراتمي :

احس ناقصين بس اللي ذكره ناقصين السنفرت 3 وحده من بيوتي سيدز وسيفور ولاش ..

مجموعتين لويهي :

من لوريال ناقصها الغسول بالحمام وانتوا بكرامه ..

ومن كلينك ناقصها الغسول والسنفره هم بالحمام وانتوا بكرامه و وخلص المرطب انا ماحبيته بس اختي استخدمته وعجبها و كريم العين انتهت صلاحيته , اختي شرت يدد منهم توه الشهر اللي فات ..

الابيض الكبير خذيته لما ويهي حرقني من مجموعة الجاي الاخضر اهو نفس ماي ترشينه بس استغليته خخخ كنت ابي مال ايفيان ماحصلته :\ واللي جنه قلم معقم وصابون سائل اسبونجي و خلطة جربتها شهر ماحبيتها وايد ماستفدرت شي منها :\

ماسكات اللي فوق لويهي ناقصهم وايد من كوريا وهم مال نيفيا واحد رفيجتي يابت لي مع سيرم مادري وينه :( هذا غير اللي ناسيتهم ..

واللي تحت الجيس ماسك مغربي للويه جنه والشعر , واللي يمه للريول ..

وي بس جنه شويه :\

بس اللي يريحني انه مو مصوره كل شي بجي صابون مغربي وفوم وماسك للجسم والسنفرات هذا اللي اذكره بالحمام وانتوا بكرامه :\ وفي كريمات للجسم مختفيه :\

وست تبيض الايد مال اختي بس بخشه بداري واستخدمه معاها ..

وجم طخم كريمات وسنفره وصابون قلت لكم عنهم من قبل هون و هون ..

يارب اخلصهم وينفعوني خاطري بشغلات يدد ..

امم ميمه شفتي ماعندي وايد اغراض وانتي مره قلتي بتشوفينهم كاهم شرايج ؟

Labels: beauty, سبونجي, شخصي, فضفضة |

45 comments

Monday, June 21, 2010

بسكوتي :)

3:29 PM

السلام عليكم ..

قبل جم يوم يانا اخوي ومعاه جيس جمعيه انا اول ماشفت الجيس بيده وداخله كرتون اصفر قلت الظاهر يايب شداخه..

ولا بعد عمري يايبلي بسكوت ع حبيب قلبي سبونجي :)

شوفوه ياحلاته :)

والحلو انه العلبه من ورا فيها نفس المسابقات حلوه اذا ملل او ليهال وحده متاهة وال2 تلوين ..

والاحلى انا من داخل مغلف بحيث ماياثر اذا فتحتي العلبه ..

واذا لاحظتوا الصور مختلفه اهما 6 بس انا شلت اللي صورهم مكرره ..

وكل مغلف فيه بسكوتين وحده ع باتريك وال2 ع سبونجي..

وهو من تحت مغطى بككاو ..

مبدائيا ذقت نص بسكوته وطعمه كويس :)

شكرا اخوي ياعضيدي وسندي ياحبذا لو تكمل احسانك وتسوي مخططي القادم :)

Labels: اكل, سبونجي, هدية |

32 comments

Wednesday, March 31, 2010

شكرا جايونه :)

9:48 PM

السلام عليكم..

المفروض انزل هالموزوع من زمان :\

لانه الشكر واجب :)

لذا من كل قلبي ...

وايد استانست ع الهديه بعد عمري كلفت ع عمرها ..

ملحوظه اللي مقصدره حلاوه لبستها بوشيه خخ..

كتب و بوك مارك..

تيشيرت اهو تقريبا ال6 بمجموعتي بس هذا مميز باسمي :)

وهذا التفاخيه افصلو عليها اليهال برطومي وسمسوي ولما خذيتها منهم انشقت اهي اهي :(

شكرا شكرا شكرا شكرا شكرا جايونه ..

وان شاءالله اردها لج باقرب وقت ببوق فيول لج :)

Labels: سبونجي, شخصي, هدية |

30 comments

Tuesday, February 9, 2010

باباي 22 اهلا اهلا ب23..

11:59 PM

اخيييييييييييييييييييييييييه طارت السنه ومرت الشهور وركضت الايام و الساعه مثل الثانيه مانحس فيها وفجاءه باجر بودع ال22 او بالاحرى اليوم مدام صارت 12 وباجر بيكون يومي :)

يارب يارب يارب هالسنه تكون سنة خير علي :) وعلى الجميع..

باسترجع معاكم ذكرياتي العام ..

باخر نص ساعة من 10\2\2009 كنت توني متسبحه وفاله شعري الخوص الحرير الجميل الكثير الطويل والوفح فيه مستانسه لفحتين ولا اهو حات بالقاع خخ لا وي لا ان شاءالله ..

جابلت لا بتوب ومسكت كاميرتي اصور نفسي خخ باخر يوم من ال21 ..

طبعا ماراح ارز صوري اخاف ابهركم بجمالي الشقاقي خخخ..

وحزتها هم كنت اسولف مع رفيجتي بالنت ..

يوم ميلاد بدون كيك :\ مايصير ..

بس العام كيكتين ..

الاولى من رفيجتي وال2 من اخوي وكلهم من نفس المكان :\ ..

اخوي استانست عليها كلش ماتوقعتها كنت اصور قشي تحت صعدت داري ولا القى علبة الكيك قلت وي منو يابها فوق حسبالي ماغيرها اللي تحت من رفيجتي لما قربت ولا مكتوب عليها كل عام وانتي بخير زيتونه ولا من اخوي بعد عيني اهي اهي ..

ا

توقعوا اي وحده من اخوي ؟؟واي وحده من رفيجتي؟؟

فستاني الجميل رفيجتي يابت لي هديه ولبسته بس طبعا مع ليقنز لزوم الستر ..

بس كان كبير علي كنت رشيقه الحين اتوقع كبري ..

خخخخخخخخخخخخخخخخخخخخخخخخخخخخخخخخخخخ هالصوره احبه عشتوا يعني كنت اصمم بالفوتوشوب شرايكم بالابداع ..

رورو وي كنت بكتب اسم عايلتنا @@ 22 سنة من العطاء رغم الاحباط لا متناهي ..

وطبعا بما انه يو ميلادي المجيد احبه حب جنوني واضمه في عيوني لا خخ ماله شغل ابي يكون سبشل ..

اقتراحاتكم بليز ؟؟

من الافكار اللي بالي سبا فندق النخيل مسوي عروض احد جربه من قبل ؟؟

وابي مطاعم حلوه سواء بالنخيل او البدع او 360 مول؟؟

ومرسي..

لا حد يقول كل عام وانتي بخير تو الناس باجي 23 ساعه 35 دقيقة :p

Labels: سبونجي, مناسبة |

43 comments

سماعاتي السبونجية :)

خوووش هدية :)

كيكتي الاسبونجيه :)

bb :p

جرد @@

بسكوتي :)

شكرا جايونه :)

باباي 22 اهلا اهلا ب23..

About Me

ايميل المدونة :)

Labels

Followers

Blog Archive

انستغرام المدونة (roroalk)

follow me

My Blog List

Ads