شخبوطة كويتيه: عروض

Showing posts with label عروض. Show all posts

Sunday, May 4, 2014

تجربتي Bourjois Rouge Edition Velvet Lipstick لـ

11:00 AM

اخر شي بيوتي نزل وصار عليه ضجه حمر برجوا الڤلڤت وايد قريت مدح لهم ..

اسمهم : Bourjois Rouge Edition Velvet Lipstick

رحت بجربهم توقعت راح اخمط كلهم او اغلب غصب طيب اقتنعت بلون ١ منهم ..
بالصوره احلى من الصج و مبدائيا قوامهم غريب مو قلوس ولا اللي الحمر المات اللي متعودين عليها ..

واللون اللي اخترته هذا اهو رقمه 05 ..

هذا اللون ع الشفايف بس طبعا هذي اجنبيه بيضا :)

رايي :

عقب مااستخدمتها مرتين او 3 ..

ماحبيتها لانه اساسا مااحب الحمر المات وايد احب الحمر الكريميه ..

واهي لونها مو غني ولما احطيتها مادري ليش طرت علي الحمرا السحريه احس نفس اللون ..

ثباتها امم مو بسرعه تروح حاولت امسحها لما كنت بتريق بس تطبع عادي ع الاكل انا ماحب جذي :\ من جذي امسح الحمره قبل لا اكل او اشرب ..

شنو بعد اي بالنسبه لي ميزتها الوحيده انها خفيفه على الشفايف تقريبا جنه مو حاطه شي ..

سعرها :

وسعرها تقريبا ٥.٧٥٠ دك بس لما خذيتها ماكس مسوين عرض ع برجوا طلعت علي ب٤.٦٠٠ دك ..

Labels: beauty, makeup, عروض |

2 comments

Tuesday, September 3, 2013

خصم يصل الى 75% في محلات مكياجي ..

12:25 PM

انا كسلانه ادري :\ مادري شفيني ماسوي شي ..

هالبوست المفروض انزله الاسبوع اللي فات ..

المهم مريت محل مكياجي وشفت خصومات حلوه وتسوى ماشاءالله وعلى اغلب الشغلات..

وصورت لكم جزء منها ..

غرامي الشغلات اللي ع براتم اغلب اللي متابعين بالانستغرام يعرفون هالشي ..

ال2 اللي فوق اهما ست واحد لونه احمر وال2 وردي مكون من محدد وقلوس وحمره ومثبت وشغله بعد نسيت شنو اهي :\

اسعارهم قبل الخصم جنه ب13 وعقب الخصم صاروا 6 وشي ..

الطقم اللي تحت اللي ع يسار كتب لكم عنه هني ستايند - STAINED ..

سعره كان ب 9.900 د صار ب6.900 د ك..

طقم قلوسات مااعرف جم كان بس صار 4.500 ..

حلوين كهدايا ..

وفي هالطقم بعد ..

وهالعطور يديد عندهم كتبت عنهم هني وهم مشمولين بالخصم ..

كان سعرهم ب4.500 د ك..

اللي شوقر صارت 2.200 د.ك ..

والككاو صارت ب 1.200 د.ك ..

FB

بالانستغرام : @Mikyajy1

t

والسايت :LINK

Labels: beauty, makeup, عروض, محل, هدية |

0 comments

Saturday, July 6, 2013

جديد مكياجي ‘22K Glowing Baked Bronzing Powder’ + اخر عروضه ..

10:57 PM

قبل يومين دزولي مكياجي ايميل باجدد منتجاتهم وشفت الايميل اول ماقعدت من النوم وكنت دايخه قريت برونز ورديت نمت اليوم ذكرته لما شفت اخر عروضهم بالانستغرام ..

جيكت ولا منتجات عن التان والبرونز غرامي ..

واهي مجموعة 22K Glowing Bronzing Powder

مكونه من 3 منتجات وتتميز حسب ماهو مذكور تمزج بين مضادات الأكسدة وترطيب البشرة والخصائص الوقائية الموجودة في فيتامين A وزيت الجوجوبا ما يجعل من هذه المجموعة فعّالة وصحية على السواء:

(1)

22K Glowing Matte Baked Bronzing Powder

سواء كنت ترغبين في تكميل مكياجك المألوف مع طلّة برونزية او إضافة بعض الإغراء على روتينك المعتاد، إليك بودرة للتسمير رفيعة الصنع باللون الداكن المطفأ اللمعة، تضفي على البشرة لوناً برونزياً خفيفاً وشفافاً للحصول على سمرة طبيعية من دون أن تسبّب اللمعان للبشرة. وهي مثالية ايضاً لخلق تأثير كفافي طبيعي.

(2)

22K Glowing Shimmer Baked Bronzing Powder

المستحضر المثالي اذا كنت تريدين إضافة لمسة من الإغراء على طلّتك. تمنحك هذه البودرة المسمّرة أقصى درجات توهّج السمرة الصحية مع لمعة خفيفة التأثير! ضعي البودرة برفق على أجزاء الوجه التي تعمل الشمس على تسميرها بشكل طبيعي.

(3)

22K Glowing Sparkling Baked Bronzing Powder

تضيف هذه البودرة الفاتنة والطبيعية كلياً رشّة من التلألؤ على الوجه والجسم. وزّعيها على كامل الوجه، العنق والصدر، اليدين والرجلين – وفي أي جزء من الجسم تريدينه أن يتلألأ!

تجد علبة مستحضرات التسمير هذه رفيقها المثالي في فرشاةKabuki من مجموعة Girl’s Tools!

وهذي اخر عروضه :

يبيله امره اشوف اليديد والعرض يشوقون ماشاءالله ..

FB

بالانستغرام : @Mikyajy1

t

والسايت :LINK

Labels: makeup, wish list, عروض |

0 comments

Monday, July 1, 2013

مكياج توب شوب ع دينار بس ..

10:30 AM

بيوم اليمعه دريت انه توب شوب مسوي خصم ع مكياجه صار اغلبه ع دينار بس وبما انه هوس المكياج بلغ فيني مبلغه الله وكيلكم 2 يوم انا بالسوق خخ ..

وهذي حصيلتي ..

من فوق من يسار :

- كلينكس..

-صبغ اظافر ست 3 الوان الظاهر احد لاعب بستي المفروض كل لون غير :(

-اضاءه ..

-قلم جامبو ذهبي ..

ليب ماركر نفس الحمر التنتد ..

-صبغ اظافر راسه دقيق والصوب ال2 ستراس ..

- كحل كحلي ..

حسافه مالحقت ع البلاشرات وماكان في حمر ..

وبالنسبه الاسعارهم بدون سيل عموما في شغلات كانت ب3 او 5 او 7 د.ك يعني الفرق يسوى ..

Labels: beauty, makeup, عروض |

2 comments

Monday, June 10, 2013

تنزيلات فكتوريا سيكرت ..

11:14 PM

قبل جم يوم من الانستغرام دريت انه فكتوريا سيكرت مسوي سيل وعرفت هالشي من اكاونت زميلتي البيوتيه الانستغراميه sofiashe @ ..

اليوم مريته وعجبني فصورت لكم جم شغله منه ع طاير ..

عجبوني المضاعد خصوصا اول 2 ع اليسار ..

الاسعار :

كان ب21 صار ب10 ..

الضعيف اكثر من واحد مع بعض عجبني واحد منهم بس المجموعه سعرها كان 17.750 صار ب8.750 ..

النظارات هم في مجموعه مشموله بالسيل هذي كانت بالثلاثينات تحديد 36 صارت بالتعش تقريبا 18 ..

* المكياج *

هالطقم عجبني مع انه مادققت بمحتوياته عدل بس احس شامل كان 14.750 د صار ب 7.500 د...

هذا شكله يشووووووووووووووووووووووق شفته باكاونت sofiashe توقعته صغير بس طلع بحجم المجله العادي اذا مو اكبر بعد ..

من داخل ..

سعره كان ب20.500 صار ب10.250 ..

وهذا طقم كل طقم في بلاش وصبغ وحمره وحجمهم ميني ومتوفر بلونين كورال و الوردي ..

سعر الطقم كان 8.250 صار 6 ..

واطقم قلوسات ..

سعره كان ..

ماذكر بس جنه 10 وصار 5 وشي مو متاكده ..

سعره كان 9.500 صار ب7 ..

واطقم العطور ..

اللي شفت اسعارهم :

الجنطه السودا اللي بالنص كان ب 14 صار ب7 ..

الورديه عاد نسيت اي وحده خخ كانت ب14 ونص صارت ب10 ونص << ترا مصوره اغلب التاغ مو معتمده ع ذاكرتي ..

هذا ماقريت شنو بس اعتقد البودي ميست كان ب 4.500 صار بدينارين وربع ..

هالصور من فرع الافنيو اللي بسطرت سبلاش ..

وفي شغلات وايد ماصورتها ..

والتنزيلات مستمره لي 30 \6 ان شاءالله..

Labels: beauty, عروض, محل |

0 comments

Sunday, May 19, 2013

عروض دار نوره على التنانير .. ..

9:04 PM

دار نوره << حلاته من اسم يكفي فخامته :) متخصص بالتنانير والنفانيف واغلب شغلهم للمتحجبات بما انه هالشغلتين غرامي وانا احب انزل الشغلات اللي تعجبني ببلوقي وهالبوستات مني انا مو بطلب من اصحاب المشاريع ..

حاليا عنده عروض ع مجموعه من التنانير من هذي العروض ..

(1)

اشتري تنورتين تور واحصلي على الثالثه مجانا .. سعر التنوره الوحده 20 دك

(2)

اشتري التنوره واحصلي على الحزام والتوب مجانا .. سعر التنوره 30 دك

لحقوا عليه بس باجي يومين عليه يعني بيخلص يوم الثلاثاء ان شاءالله ..

وللطلب :

whatsapp : 509 44016

اذا حابين تشوفون شغلهم وباجي المجموعه هذا اكاونتهم بالانستغرام ..

الانستغرام : darnoora

Labels: fashion, عروض |

0 comments

Wednesday, April 3, 2013

تنزيلات صفاة هوم ..

10:23 PM

قبل جم يوم رحنا انا واختي الجوز صفاة هوم ..

وعجبتني تنزيلاتهم وصورت جم شغله منهم مع اسعارها

( وفي شغلات حطيتها بالانستغرام غير عن اللي بنزلهم هني)

(1)

كانت : ب 575 د

صارت : ب 249 د..

(2)

كانت : 595
صارت : 279

(3)

كانت : 495
صارت : 249

(4)

كانت : ب 575 د
صارت : ب279

(5)

كانت : 795
صارت : 379

(6)

كانت :1395
صارت : 649

ومن قسم الاطفال عجبني غرفة القرصان ..

كانت : 325
صارت :245

كانت : 295
صارت : 225

اكاونتهم بالانستغرام : @safathome

Labels: عروض, محل, معرض |

0 comments

Saturday, March 23, 2013

زيارتي لمعرض العطور ..

5:09 PM

التاريخ-20.03.2013 - 30.03.2013

الصالة: القاعة رقم 5 , 6 , 7

كلش ماكنت ناويه اروح المعرض ولما اختي الجوز قالت لي خل نروح قلت حلو عساس اخذ من الماركة sla مادحينها لي لانها عضويه ومسوين عروض بالمعرض فقلت بشوفها بس اللي صار مالقيتها وخمطت غيرها وايد اليكم التفاصيل بالصور ..

رحت هالبوث واللي شدني له ..

هالماركه..

عندي بلشر منه اسمه كابتشينو كتبت لكم عنه هني كل من شافه سالني عنه وهالماركه دورتها مالقيت الا بالمعرض فخذيت 2 لرفيجتي لانه عاجبها وخذيت حمره منهم ..

سعر الحمره 3 ..

والبلاشر قالت 3 قلت كنت ماخذته 2.500 قالت اوكي ..

ولما بتحاسب قلت ابي خصم خخ بعد جان تعطيني سلة اصباغ اظافر قالت اختاري اللي تبينه هديه :)

حبيت ..

والاهم سالت عن مكان المحل لانه شكثر سالوني وماكنت اعرف وين !!

لاني خذيته من المعرض ..

افرعه :

* السالمية :

-مجمع جاليري 2000 ش سالم المبارك السرداب ..

-مجمع الزبن ش سالم المبارك بالميزانين ..

*حولي بشارع بن خلدون مركز العثمان \السرداب ..

*الفروانية ش الفروانية مجمع الصيفي بالاس بالميزانين ..

*خيطان :

-جمعية خيطان بالميزانين بقسم التجميل..

-مجمع الدبوس ..

(2)

الحب الحب احبها هالماركه واغلب شغلاتها مجربتها..

وبتناغرا للمعرض مسوين عليها عرض اذا خذيتي شغلتين بتحصلين الثالثه فري..

بس عيب العرض انه محدد بشغلات معينه تختارون منه الشغله الفري ( جنطه- علاق الطاوله للجنطه-اصباغ اظافر -ماسكرا للشعر 4 الوان بس اللي مشموله بالعرض وردي \ابيض\اسود\ادعم -قلوس بيج او شفاف - بودره فاتحه- عطر -ايلاينر اخضر )