شخبوطة كويتيه: تايلند

Showing posts with label تايلند. Show all posts

Wednesday, May 15, 2013

black head remover dual sheet

10:43 PM

من شغلات البيوتي اللي شدتني بمحل

Etude House

لزقات الخشم ..

اهي مغلف واحد بس مقسم لقطعتين ..

اول ماشفته حسبالي بصوب لزقه وبالصوب ال2 تونر ..

لانه انا لما احط اللزقه العاديه كنت اسوي سنفره وعقب احط اللزقه ولما اشيل امسح بتونر عساس اسكر المسام المفتوح عقب ماشلت الوصخ والروس السودا اللي كانت سادتها ..

بس لما استخدمتها امس اكتشفت انه عباره عن شريحتين ..

1- رطبه ومافيه لزاق تنحط عادي ع خشم لمدة ربع ساعه ..

2- عقب تحطون ال2 واهي اقرب للعاديه بس لزاقها اخف وهم تنحط ربع ساعه ..

رايي :

حسيت بنعومه وترطيب اكثر من التنظيف ..

و اذا بقارنها باللصقات العاديه هذي اخف بوايد ع خشم لما شلتها مادمعت عيني العاديه عيبها تعور شوي ..

بنفس الوقت العاديه تتميز بان مفعولها اقوى وتحتاج مده اقل بس ربع او ثلث ساعه هذي نص ساعه ...

سايته :(هني)

وبلشوا يوفرون منتجاتهم بالكويت بالانستغرام :etudehouseq8

__________________________________

(بوستاتي القديمه عنه ..

هني (فرع ماليزيا )

وهني فرع تايلند ..

- وهذي تجربه لي نزلتها قبل جم يوم

Etude House : Magic Enzyme Pack Peeling )

Labels: beauty, تايلند, سفر, شرق اسيا, صحة, ماليزيا-malaysia, محل, مشتريات |

0 comments

Monday, December 10, 2012

RoRo B.B CREAM

11:15 PM

امس استخدمت بي بي كريم يديد متشوقه اجربه من دهر بس كنت انطر اخلص بي بي كريم ايزدورا اللي قلت لكم عنه هني ..

واليديد كان فاشل اهو ملاحظتي على كريمات البي بي كريم اللي جربتهم من شرق اسيا كلهم ناشفين وماينفعون البشره الجافه جربت 3 وهذا الرابع (2 من مايبيلين وغارينيه ) كلهم نفس الشي :\ من ناحية القوام ويبينون القشور اللي ناتجه عن الجفاف ..

فقلت اليوم خل ازيد جرعة الترطيب فحطيته مع المرطب بنفس العلبه ..

وهالصوره لقبل وبعد الخلط ..

وهذي المكونات ..

(1)

بي بي كريم سامبلز (اشوه ) من هالمحل

ETUDE HOUSE \ SWEET DREAMS

مميزاته :

حمايه من الشمس SPF 50

وتر بروف (ضد الماي ) ولونغ لاستنغ (يدوم لفترة طويله)

يبيض ..

مكافح للتجاعيد ..

مكافح السواد ..

(من جذي تشوقت عليه ) بس ناشف ناشف ناشف ويبين عيوب بشرتي (الحراشيف والجفاف ) وفاتح ..

بس هم لي الحين خاطري اجربه صج مو مثل قبل بس هم ابي :\ (مشكله اذا تنحت :\)

(2)

وهذا المرطب اللي خلطته معاه ..

اسمه :

bioderma atoderm po zinc cream ultra-apaisante

قلت لكم عنه توني هني

وصورته منقوله من هني ..

ورايي فيهم :

حتى عقب الخلط ما حسيت باي فرق :(

وانا ازهب للبوست تذكرت اني قريت بوست عن تجربة وحده باعدااد البي بي كريم طبعا من الى ماشاءالله شي يستحق القراءه

(سويه بنفسك : بيبي كريم ! )

* شكرا ميك اب لوفر على المساعده بالبحث عن البوست ماقصرتي والله :*

Labels: beauty, makeup, تايلند, سفر, شرق اسيا, ماليزيا-malaysia, هدية |

2 comments

Tuesday, November 20, 2012

ETUDE HOUSE \ SWEET DREAMS

9:28 PM

هالمحل عجيييييب حبيته اهو مختص بالبيوتي (غرامي) موجود باغلب دول شرق اسيا دشيته بتايلند بس كنت مخمطه لين قلت بس مصختها فماخذيت الا ماسك الايدي لا وبنت عمي خذته لي بعد (اهي مهوسه بالبوتي مثلي)..

وباخر يوم لنا بماليزيا شفناه جان ندش انا وخواتي هالمره خمطت عدل وطلعت جان اشوف ماسك عجبني جان ارد ادشه باخذه بدال الماسك طلعنا بماسكات شي للحنج وشي للخشم مع منتجات 2 جربناه وشفنا مفعولهم حلو خذيناهم ..

اهم ملحوظه ان هالمحل اسمه اساس ETUDE HOUSE

بس الفرع اللي بي بي بلازا مادري سونجي بلازا (اهما مجمعين يم بعض مابينهم شي يعني تمشين ببي بي بلازا ماتوعين نفسج الا بسونجي :\ خلوه مجمع واحد وفكونا :) المهم اسمه سويت دريمز ..

صورت جم صوره ..

اول 3 صور كريمات للايد ..

وهذول سفنج وفرش للمكياج..

ماصورت وايد لاني كنت لاهيه بالتشري. ، هذي مشترياتنا ..

بنزل شنو جربت منهم ورايي فيه ببوستات منفصله ان شاءالله ..

سايته :(هني)

Labels: beauty, makeup, تايلند, شخبوطة تساؤل, ماليزيا-malaysia, محل, مشتريات |

7 comments

Monday, April 30, 2012

مناديل طارده للناموس -Mosquito Repellent Wipes

9:58 PM

من العام لاحظت انه البق يتسلط علي من بد الكل بالكويت مايقصر فيني بمكانين ولا 3 مره وحده (مره بنص يبهتي اختي استلمتني كل كلمه وال2 انتي ودوار البدع اللي بيبهتج خخ) وحتى بتايلند بس هناك يتليعن بحزة النوم اقوم خدي وارم ولا صبعي ,,

يوم اليمعه رد لي لما بلش وتعبت منه تذكرت انه عندي كلينكس يوخره ..

هذا اهو ..

اللي ريحني انه مكتوب مكوناته مواد طبيعيه ..

اللي خوفني :

1-انه الحامل مايصير تستخدمه ..

ملاحظة : لقراءه باقي التفاصيل اضغط ع صوره تتكبر ..

2- لما استخدمته شفت لونه قلب محومر حسبالي لون بيجامتي (ينث ) امم بالعربي شنو امم يتسرب 1!! عقب اكتشفت انه صبغ اظافري اللي راح :\

هذا صوره الكلينكس استخدمته بعد نص ساعه كاسيتون (مزيل صبغ الاظافر) والصراحه مبدائيا حبيته عجيب يوخر بسرعه ونتيجة حلو ومايجفف الظفر واهو الكلينكس نفسه ما ينشف بسرعه ..

يعني اذا ماراح استخدمه كطارد للبق باستخدم كاسيتون :)

وبالنسبه لوين حصلته؟

لقيته بالسوق الحر بمطار دبي ..

اما سعره :

ماذكره لانه مخمطه وايد و مو انا اللي دافعه بس اذكر انه رخيص ..

Labels: beauty, اظافر, تايلند, تجربة, صحة |

2 comments

Monday, March 12, 2012

جديد فازلين

10:16 PM

من زمان ماحست عدل صوب الكريمات اليوم مريت عندهم وشفت انه نزلوا منتجات يديده من فازلين عباره عن غسول للجسم وصابون اكثر من نوع بس صورت هذا لانه عندي مثله ماخذته من تايلند..

وحاليا استخدمه بس مو بانتظام واهو للتفتيح، وفي اصفر للترطيب و فوشي اعتقد بريحة الرمان و اخضر بالصبار للانتعاش و كحلي للرجال ..

- Posted using BlogPress from my iPhone

Labels: beauty, الكويت, تايلند, سفر |

3 comments

Saturday, January 21, 2012

معجون للتقويم :)

7:44 PM

لما كنا بتايلند كنت حاطة تقويم (عقب ان شاءالله اكتب لكم عن جربتي مع تقويم ) وكنت كله احوس صوب سوالف البيوتي انا وبنت عمي وحصلت هالمعجون فخذيته مو عبط لا لاني محتاجه معجون كنت ناسيه اخذ معجوني ومقزرتها بمعجون بنت عمي خخ ..

اول واحد جربته هذا ..

من اول استخدام حبيته وكلمالي ودي افرش ضروس خخ مشكله لما اشتط ..

عقب رحت لنفس جمعيه وخذيت هالنوع وكان مسوين عليه عرض 2 مع بعض..

كنا كل جم يوم نهب بجمعية انا وبنت عمي نحوس فيه جم يوم ليما نحفظها مره كنا بجمعية اللي يم فندقنا قالت لي بنت عمي شنو بقى ما شفناه ,رديت عليها لا خلي شي لباجر خخخ ردت اي والله ورحنا نحاسب خخخ..(فاصل اعلاني )

نرد لموضوعنا..

اخر نوع شريته هذا اهو بس ماثبت اذا كان موجود الغسول ولا لا ..

رايي :

كلهم زينين ماحسيت يفرقون عن معجون العادي بشي ! بس ماحبيت بالـ2 ريحته ..

Labels: beauty, تايلند, صحة |

4 comments

Tuesday, January 3, 2012

LANSLEY AHA(White Night Body Cream+Soap)

11:19 AM

اذا لاحظتوا قلت بوستاتي البيوتي لانه قلت تجاربي :( بس ناويه ارد بقوة ان شاءالله ..

قبل فتره جربت منتجين

الاول :White Night Body Cream

كريم تفتيح ليلي ..

استخدمته اكثر من مره تقريبا خلصت اكثر من نص العلبه بس ماحبيت ترطيبه , نوعه خفيف وبسرعة تمتصه البشرة وبنفس الوقت ماجنج متدهنه البشرة تكون باهته مو رطبه ونظره :\

بالنسبه لي اهم شي الترطيب لمنع الجفاف اللي ممكن يتحول مع الوقت لبقع غامجه وسواد (وهذا ترطيبه مو شي فماحبيته)

وكتفتيح ماستخدمته بانتظام عساس احكم ..

وشريت معاه :

صابونته

ماحب استخدم الصابون العاديه لجسمي متعبة السائل اريح واحسن سواء كنتيجة او استخدم..

فخليتها لايدي ونتيجتها كانت انه جففت ايدي بشكل كبير وكملت مع البرد قرحت :(

خذيتهم من تايلند من محل beauty buffet

Labels: beauty, تايلند |

10 comments

Monday, August 22, 2011

(white impress (whitening‏ LUX

11:06 PM

احلى شي بتايلند كريماتهم خمطت لين قالت الجنطة بس وكليتها بالشحن و بحزت ترتيب قشي ماكفوا جناطي :\

المهم جنطة 25 كيلو 3\4 كريمات وصابون .. الخ من سوالف البيوتي..

استخدمت جزء بسيط منهم مع انه صارلي شهرين راده فيبيلي جرد قوي وكورس بيوتي اقوى ..

من اللي خلصتهم صابون لوكس وماحصلت نفسها بالكويت :\

خذيت نوعين :

الاول :bar soap

وال2 : Body Wash

رايي فيهم:

الصابونه ماحبيتها كلش وايد تنشف , الغسول ينشف بس مو كثرها وبالنسبه لي احسن منها والحلو فيه انه فيه منه اكثر من 4 احجام اللي خذيتهم الحجم الصغير للسفر واشوه ماخمطت وايد الا من الغسول , الصابونه اكتفيت بوحده ..

وهم احس ينظف عدل بس انا عمري مااستخدمته بروحه كل استخدمه مع الصابون الافريقي..

Labels: beauty, تايلند, تجربة |

10 comments

Saturday, August 6, 2011

مطعم الخيمة

7:39 PM

اليوم بقولكم على احسن مطعم جربته ببانكوك ..

تقريبا جربناه اكثر من 5 مرات ..

اهو مطعم لبناني ...

جزء من القعدة اللي فيه وتحسونه بسيط مو فخم ..

المنيو ..

اول مره رحت له صورت هالمجموعة من الاكلات ..

(1)

حمص باللحمة..

غراااااااااااااااااامي واحلى كبة باللبن ذقتها بحياتي عندهم لازم اطلبها لما اروح ومره مارحت مرت عمي يابتها لي خخ واذيت بنت عمي فيها , ولي الحين كلما شافوني قالولي تبين كبه بالبن ؟