Tuesday, June 14, 2011

postheadericon Waist Bag

6:30 PM
الاسبوع اللي فات كنت اطبع اماكن وتفاصيل للسفره فنبهتني رفيجتي على سالفة الجنطه ..

قلت لي اخذ لي جنطه على الخصر وايد اريح :
-من البوقات :\
-وهم اريح لجتفي ..

وسبحان الله اللي ابيه ينقرض ويختفي من السوق :\

سويت سيرج هالستايل اغلب موديلاته خايسه و مو بناتيه ..

هذا احلى شي حصلته وبناتي..



هذي مو حلوه بس حبيت انه في مكان للماي و هم الحلو فيها انها تنلبس باكثر من طريقة :)


Labels: , , | 18 comments
Sunday, June 12, 2011

postheadericon magnetic nail polish

10:16 PM
مساعه كنت احوس بالفيس بوك فلقيت هالصبغ الاظافر..

سويت عنه سيرج طلع توه نازل من هالماركة بس كان من 2007 متوفر بلانكوم ولوريال جيكو (هني) ..

اما اللي عرفني بهاللوك من ماركة LCN

 يعني لون نقشته من وفيه << خخ خوش شرح..

العده :
صبغ + نفس الختم او الطباعه..


طريقته :

حسب اللي شفته سهل ..

مجرد صبغ ظافر عادي وعلى طول قبل لا ينشف تحطين عليه الاداةوتضغطين على الظفر ثواني بس :)

تجارب:

تجربه وحده (هني)

وفيديو (هني)

الصور والفيديو النتيجة فيهم احلى من الاعلان @@

ومتوفر بالكويت بNailicious Nail Spa
Labels: , , | 6 comments
Saturday, June 11, 2011

postheadericon فيلم فاصل ونعود

7:49 PM
من الافلام للي كنت ناطرتها وعلبو كانوا بينزلونه بعد اسبوعين بس فجاءه جدموه :\

فرحت له اليوم لانه من زماااااااااااااااان عن السينما ولهت عليها..


بطولة

كريم عبد العزيز , دينا فؤاد

النوع

درامي, عائلي

مدة الفيلم

110 min

الاعلان (هني)

 
القصة

قصة الفيلم تدور حول سائق التاكسي الذي لا يملك في حياته سوى ابنه وصديق واحد. يحارب جد الابن الصغير في المحكمة من اجل الحصول على حق حضانتة بعد وفاة أمه. والد الابن يفوز في حضانة ابنه. شخص مجهول يختطف الولد الصغير ويعتدي على الاب بالضرب الامر الذي تسبب في فقدان ذاكرته.

رايي :

الفيلم غريب واحداثه مو متوقعه , لما كنت اشوفه طرى علي تختخ (المغامرين الخمس) ..
 
Labels: | 9 comments
Friday, June 10, 2011

postheadericon جيرمان كيك

1:19 PM
hهالكيكه عرفتها ب4 ثانوي وحبيتها كنت كل اطلبها من هاجن داز..

وجربتها بسوان وطعم الجوكلت كان عجيب ..

وقبل فتره جربتها gaudi cafe

كنت بقولكم عنها بس مامداني اصوره لانه ماتت من الحر :\

هالاسبوع طلبتها مره 2 واشوه قدرت اصورها ..

سعرها بدينار ونص ..

رايي:

حجمها نوعا ما يعتبر كبير وهم شويه ثقيله فتكفي اكثر من شخص او تنوكل باكثر من وقت , بس حبيتها وطعمها مبين من شكله طاغي عليه الكاكاو.

 وهالكافيه عموما جربت منه اكثر من كيكه وحبيته تجربتي السابقه كانت كيكة الكاراميل (هني) وهم ريوقهم جربته جم مره زين وحده من تجاربي كنت مصورتها لكم (هني)..

عنوانه:

شرق ,ش احمد الجابر , مجمع دار العوضي ,السرداب ب14 ..

ت :22322733, 22474918

واوه ماااطيب جاووووودي :@


Labels: | 10 comments
Wednesday, June 8, 2011

postheadericon ريوق & سلطة

3:30 PM
امس زميلتي قالت لي عن هالمطعم فجربته مع رفيجاتي ..

  عندهم سلطة انتي تختارين مكوناتها وعندهم صاج ..

وهذا طلبي:

(صاج حلوم , وعصير برتقال)
االاسعار :

الصاج جنه 650 فلس
والعصير 750 فلس

رايي:

الاكل نظيف و زين والحلو انه وصلنا حار :), والبنات وايد حبوه الحمدالله..

عنوانه :

شرق ,ش احمد الجابر ,مجمع دار العوضي , السرداب الاول..

ت :22322811
Labels: | 8 comments
Tuesday, June 7, 2011

postheadericon شنو احسن الاماكن بانكوك؟؟

1:17 PM

ناوين هالصيف نروح تايلند ..

وهذي اول مره نروح له ..


سووو..

بسال اللي خبره بتايلند..

شنو احلى الاماكن السياحيه فيها ؟

انا خاطري بدريم ورلد و سيام بارك و احتمال السفاري ..

شنو احلى الاسواق ؟

بروح سوق الاحد لاني احب البازرات والاسواق القديم وبروح مجمع MBK ..

امم اللي ابيه وماعرفته الاماكن الطبيعيه مثل الشلالات وانهار؟؟ ابي اركب فيول وين غير صوب السوق العائم؟

ابي سبا ثقة خاطري بفيشل هم مااعرفت اماكن سنعه !

وابي ماركات تايلندي هدوم وجواتي وانتوا بكرامة وجناط و سوالف بيوتي ؟؟

والاهم مطاعم حلال ومضمونه .؟؟

واذا عندكم شغلات واماكن 2 تسوى اروح له قولولي :)

ومرسي
Labels: , , | 17 comments
Monday, June 6, 2011

postheadericon travel first aid kit

9:31 PM
امس رفيجتي يابت لي نقصه هالجنطة ..

واهي جنطة اسعافات الاولية للسفر ..


من داخل..

 محتوياتها خخ لما شفتهم قلت ماعرفت الا البلاستر :\

وفي نوع 2 للشاليه يابته لرفيجتنا :)
شكرا ريري :*
Labels: , , | 4 comments
Sunday, June 5, 2011

postheadericon مناديل الاسيتون 2 (نواعم)

10:19 PM
العام قلت لكم عن مناديل الاسيتون (هني )

الاسبوع اللي فات لقيت نوع يديد فخذيته اجربه ..

علبه مناديل للاسيتون (مزيل صبغ الاظافر) فيهم تقريبا 20 حبه ..

كل حبه مغلفه بروح , وهذا شكلها ..

ووهذا اهو المنديل..

موجود :
بجمعية لخالديه , قسم الكريمات ..

سعره :
990 فلس

رايي:

الحلو انه مافي ريحة اسيتون , واللي ماحبيته انه مايوخر الصبغ بسرعه :\

Labels: , | 8 comments
Saturday, June 4, 2011

postheadericon Mini Sealing machine

1:16 PM
الاسبوع اللي فات شريت هالاداة ..

وفايدتها :

اعادة اغلاق الاكياس بعد فتحها او اغلاق الاكياس الجديده  بعد تعبئتها, فيحافظ ع محتواها..

يعني جيس معكرونيه او بفك "البطاط" او الخضرا او لحم .. الخ  حتى مو شرط اكل , عقب ماتفتحينه او توج معبيته تسكرين فيها..

استعمالها :

وايد سهل جنه دباسه , بس يبيلها ضغط و سحب ..
وتحتاج باتري لانه اول مره جربتها حسبالي خربانه خخخ اثر يبيلها باتري وانا مو حاطة :\

والحلو فيها تحت مغناطيس تلزقينها ع الثلاجة مثلا اريح بدل لا كل مره حاذفته بمكان وتدورينها..
وين حصلتها؟

طيور الجنه ..

سعرها :

نص دينار ..
Labels: , , | 4 comments
Friday, June 3, 2011

postheadericon صبغ اظافر النفسيه التعبانه :(

11:26 AM
 نفسيتي تعبانه هالاسبوع  متسلطة علي وحده حسبي الله عليها ..

ماكو بيوتي :( فحطيت حرتي باظافري جود شويه تتعدل نفسيتي ..

استخدمت 3 اصباغ :

-الفوشي من NYC رقمه 109 A صغت فيه كل اظافري ..

اما الباجي :

الابيض من كليرز استخدمته كبيس للظفر واحد ..
وفوقه حطيت السلفر من كارلا ..

النتيجة :

اهو اسمه الصجي للي ينفع له اكثر البديل العملي لكرستالات او ستراس الاظافر نفس الفكره بماده 2 ..

Labels: , | 10 comments
Thursday, June 2, 2011

postheadericon glade fabric & air

7:34 PM
اليوم رفيجتي رشت هالمعطر ..

مكتوب عليه :

معطر ومزيل الروائح للاقمشة والهواء ..

يقضي على الروائح ولا يغطيها فقط ..

سعره :
1.150د.ك

رايي :

كتجربه سريعه ومبدائيا زين حبيته ناويه اخذلي 1 ان شاءالله ..
Labels: , | 8 comments

postheadericon H&M cosmetics‏ بيتوفر مره 2 :)

10:21 AM
بشرى ساره :@



حق البنات اللي يبون منتجات التجميل من h&m  راح تتوفر بفرعهم اللي بالافنيوز بهالويك اند ان شاءالله ..

لاتطوفكم اصباغ الاظافر اغلبهم الوانهم تشوق وبسرعه تخلص ..

Labels: , , | 4 comments
Wednesday, June 1, 2011

postheadericon H&M NAIL POLISH

1:10 PM
قبل فتره قلت لكم شريت هالصبغ من H&M..

مجموعة الاصباغ عندهم تشوق الاحمر عجيب و الصدفي حلو والازرق خطير وعندهم بصلي خخ شخباري هالكلمه يشوق ..

الاحمر عندي وايد والازرق عندي مثله بالضبط والباجي اختي ماشجعتني اخذهم :\

فماخذيت منهم الا هذا ..

 * رفيجتي خاشته عن لاضاءه عشان يبين لونه عدل ..

ماجربته الا بصبع واحد واستخدمت معاه لاستيكرز للي قلت لكم عنه امس ..

لونه مقارب لصبغ شانيل اعتقد اللي نزلوه بكولكش الخريف والشتا..



Labels: , | 18 comments
Tuesday, May 31, 2011

postheadericon Nail Stickers

7:42 PM
قبل جم يوم كنت بلاند مارك ولقيت هناااااك ستاند متروس ستيكرز اظافر وفي تاتو بعد ..


خذيت اكثر من نوع ..

منهم اللي بهالصوره ..

امس جربته زين ثابت بس عيبه بسرعه انمسحت الصوره المفروض كنت احط فوقه طبقه صبغ شفاف بس ماحطيت لانه كنت شويه وبمسحه  ماتسوى !!

واسعاره حده رخيص اول مره القى حلوين بهالسعر :
قبل السيل 550 فلس..
مع السيل 450 فلس..
Labels: , , , , | 6 comments
Monday, May 30, 2011

postheadericon Footsze

7:58 PM
قبل فتره كنت احوس بنيولوك وشفت هالشغله ..
اللي تنحط بالجوتي وانتو بكرمة لراحة الريول اكثر خصوص للجواتي للي قاعدتها مو مريحة..

 كنت باخذه وهونت قلت بحصله ارخص ..

اهواساسا رخيص بدينار ونص ..

اليوم رحت paprika
جاااااااااان القاه :)

وفي منه نوعين :

خذيت هذا لانه اسهل بالقص ..

شوفوا من داخل شلون صاير ..

ومكتوب انه :
-يقضي على الروائح ..
-لراحة ..
-يحافظ على جفاف القدم.
-ويحافظ على الاحذيه فريش شنو قصدهم بالزبط مافهمت :\

وهم عندهم منتجات 2 لراحة القدم :

للقدم من ورا تنفع للحوتي اليدد هذ ذا في مجال يكفيها خخخ..

وفي نفس فكرة الاولي بس صغير للجزء الامامي بس  اتوقع ينفع للكعب اكثر ..

 السعر :

نص دينار فقط لا غير :)

موجودهالمحل بجمعية الخالدية فوق ..
Labels: , , , , | 10 comments
Sunday, May 29, 2011

postheadericon شخبوطة في ضيافة صالون جي سي JC للتجميل

5:12 PM
الاسبوع اللي فات دزولي ايميل يعزموني فيها اجرب شغلهم..

وحددت لهم الوقت اللي يناسبني وحجزولي فيه :)

واليوم رحت له..


وصلنا ..

الرسبشن :

لقطات من الصالون ..


وكانوا مسوين لي بكج بيوتي ..
(حمام تفريك ملكي+ماسك تعطير شعر + بديكير ومنيكير +استشوار)
اول شي بديت فيه..

ماسك تعطير الشعر ..
وسوت لي مساج لراسي وجتفي وظهري ..

عقب رحت اخترت صابون<<<< هذا اكثر شي شيشني اروح الصالون :)

اهو صابون طبيعي شغل ايد صاحبات الصالون ماشاءالله..

يشوق جنه برد ..
 وفي منه انواع وايد :

اهما :
-عشبة الليمون
-الطيب- البخور
-البحر
-تفاح اخضر
-اناناس مع زنجبيل ..

ونظامهم كل اسبوع يغيرون الانواع واللي عليه طلب يعيدونه..

و تختارونهم اما للبديكير والمنيكير او الحمام التفريك ..

انا اخترت صابون عشبة الليمون ..

و2 شي بالبكج سولي اياه اهو حمام تفريك ملكي ..

دخلوني غرفة بخار فركوني بصابون الذهب واعتقد تميت فيه 5 دقايق وعقب ماسك كركم للتوحيد لون الجسم تميت فيه 10 دقايق واخر شي الصابون وبعدين طلعت وطيبوني بطيب طبيعي ..

واتجهت للجزء ل3 من البكج ..

بديكير ومنيكير :)

واختارولي لنوع الفاخر اللي عندهم واهو بالذهب ..
 وضيفوني خيروني بين جم نوع جاي وقهوة ..
اخترت جاي اخضر ..

وقعدت اتصفح مجلات عن الاظافر ..

جان اقولهم بجرب تصبغكم خخ ..

قلت ولا يهمج سوولها فرنش ..

كانت بتختار لي لونين اخر موضة بس قلت اخترت خخ..

وناسه لقيت الصبغ اللي كنت بجربه من زويا..


اساميهم ..

النتيجة :

واخر شي بالبكج سولي استشوار لشعري ..

رايي :

كالعاده تعرفون لازم اقوله بكل صراحة ..

الحمااااااااااااااااام الملكي عيز اقول عجيب ماشاءالله  نعومة وتفتيح  من ريلي لي ويهي واكيد يبيله استمرار بتكون النتيجة اللي ابيها واللي سوت لي اسمها فطوم حبيتها حليوه ..

الاظافر زينين والتريتمنت عجيب حطولي شغلات عمري ماشفتها باي سبا متخصص مثل فيتامين للاظافر - معقم الاظافر ووخروا مسماري اللحم احسن من اخر جم سبا  ..

المعامله خخ للزباين حسن منه تخيلوا اذا انا اتشرط ويسون لي اللي ابيه فلزبوه شوف عيني دلعهم اكثر ..

ومثل ماقلت قبل اللي يميزهم انه منتجات طبيعيه هاند ميد وصناعه كويتيه :)

وعلى فكرة اسعارهم حيل مناسبه البديكير ولمنيكير الذهب ب10 بس :) الباجي ماعندي فكره عنهم ..


العنوان :

الجابريه ق1ب -ش3 بناية 146 الدور الاول جبال الاصنصير..


ت : 25350205





شكرا على الدعوه وايد حبيت التجربه:*

واسمتعت بتطفيرج بنوكة ولقرقه على راسج  وناطره تجربتج:)
Labels: , , , , | 18 comments
Subscribe to: Posts (Atom)

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

انستغرام المدونة (roroalk)

follow me

follow me

My Blog List

Show All

Ads

Meenakon Design Templates