Sunday, February 17, 2013

postheadericon Trucco

3:26 PM
 
من المحلات اليديده في الافنيو Trucco واهي ماركة اسبانية تفتح لأول مرة في الكويت..
 
وهذي صور من كولكشن الربيع 2013 ..
 
Trucco Spring 2013 Catalogue
 
 
 
 
 
 
 
عنوانه :
 
الافنيو -فيز3 بذا مول بالهاي ستريت - الميزانين ..
The Avenues phase 3
The Mall
High Street
Mezzanine
 
Phone no. 2220 0650
 
Instagram: @truccoKW
Labels: , | 0 comments
Saturday, February 16, 2013

postheadericon fondo mania

10:07 PM
تذكرون تجربتي لكوكيز جوكلت مينيا شكنت خاتمه البوست فيه ؟؟
 
اذكركم كنت خاتمته بالاقتراح :
حلاته لو يكون اصغر بحجم الميني وغارسين فيه عود نفس طريقة التمريه بيكون احلى للتقديم و حلو لو يوفرون معاه فواكهه و كيك اسفنجي فانيلا وككاو او براوني ميني ويصير فوندو مانيا :) << مجرد اقتراح ..
 
وهذا link  البوست ..

عقب فتره وفروا هالشي (وناسه خخ)
 
وهالاسبوع طلبته :
 
 
اول مره اجرب فوندو كتيك اوي العاده اكله بمطعم واهو يتكون من ككاو الذايب و5 انواع توبينغز او تغميسات كيك فانيليا وكوكيز ومارشيملو وفراولة وموز ..
 
وهذا زووم عليه ..
 
سعره :
 
ب8 دك ..
 
رايي :
 
حبيت انه الككاو مخفف بحيث انه مايسحن الجبد وبنفس الوقت مايصك  وحبيت الكيك والكوكيز ..
 
وللطلب:
ت:60909495
 
الانستغرام : @chocolate_mania_kw
 
وهذا لينك تجربتي لمولتنهم
Labels: | 0 comments

postheadericon صالون الملكة ستايل ..

3:38 PM

 الخميس مو اللي فات اللي قبله كنت معزومه ع عرس ومحتاره وين اروح احط مكياج واسوي شعري وشلون ؟؟ طبعا انقذتني رفيجتي بقبله بيوم حجزتلي بهالصالون ..

 اول ماشفت اللوحه قلت لا مابي مكياجي جذي :\ بس دشيت وسويت وايد شغلات عندهم ..
 
مكياج +شعر (تسريحه وغسيل) +صبغت اظافر ايدي وريولي + شيره ..
 
تجربتي + رايي :
 
الشيره كانت زينه ، صبغ الاظافر عجبني حلوووو وشغل مضبوط ماشاءالله اهو الوحيد اللي بتشوفون نتيجته ..
 
 وهذي النتيجة احب هاللون ..
 وبالنسبة للمكياج :
 
اللي حطت لي اهي منال مكياجها ماشاءالله حلو الفاونديشن طبيعي ورسمت ويهي والشدو كان فخم مو مثل اللي احط كالعاده يعني اقدر اقول مكياج لبناني (سموكي ع بني شي جذي مااعرف اوصف :\)وحواجبي انا مااحف الحمدالله فرسمتهم لي بشكل وايد حلو الرسمه اللي احبها اول مره صالون يسويها لي العاده ياعرضونهم ياضعفونهم والاغلب يحط العجينه اللي مااحبها كلش تقبح :\ هذا ماشاءالله على قولت اختي جنج حافتهم ولونهم طبيعي مو غامج  ..
 
وماشاءالله تم ثابت حطيته تقريبا 7 لي 2 بالليل واهو ثابت ماطلع خطوط التعابير اللي ساعات تبين بمكياج السهره او دهن او قشر كريم الاساس حتى اختي الكبيره ماشافتني الا عقب العرس ع 1 وشي ومدحت المكياج تقول جنج توج حاطته ماشاءالله ثابت ..
 
وماحطيت كريم جسم حطتلي لمعه على جسمي راقيه حبيتها وايد طبيعيه وناعمه مو الهيلوقيه ..
 
ومع انه المكياج ثابت الا انه بنفس الوقت ماذاني مسحته بسرعه سهالات مو اللي طن ع ويهي ..
 
اخوي اول مره يمدح مكياجي ويقولي عيونج حلوه وابوي بعد مايحب المكياج مدحني ..
 
وعلى فكره اغلب مكياجهم ماركات مو شغل بو هناد ..
 
 
الشعر :
 
هم حبيته ماكنت حاطه بالي اني بسوي تسريحه اساسا مو بالي شي وبنفس الوقت شعري خفيف مو اي شي يناسبني وهم استحرم اركب شعر ..
 
بس سولي تسريحة وضبطوا خفت شعري بالحشوات العاديه مو وصلات شعر والقذلة الموديل اللي الحين هابين فيه مرفوعه بحركة هم شي يديد علي وخفت تطخ اذا لبست ملفعي بس اشوه ظلت ثابته ليما فتحتها ماشاءالله لبست ملفعي مرتين و رقصت اكثر من مره وحده منهم بداوي والشعر ماشاءالله ثابت ..
 
وهم ماذاني لما بطلته ..
 
وهالشي الحلو يخلونا نحط على ويوهنا عشانا المكياج مايتاثر بحرارة الاستشوار ...
 

رايي باختصار :
حبيت مكياجي وشعري << اللي سوتهم لي منال ونفسيتها حلوه ..
 
بالنسبه للاسعار ..
 
المكياج 45 د.ك
والشعر 25 بس حسبت لي 20 ..
والشيره والصبغ ببلاش :)
 
عنوانه :
 
صباح السالم يم مدرسة الرؤية ..
ت :25519685
 
Labels: , , , , | 2 comments
Tuesday, February 12, 2013

postheadericon عيد ميلادي @jouryspa

11:12 PM
 
الاسبوع اللي فات كان عندنا عرس فحبيت اسوي جم شغله بيوتي منها مغربي ومنيكير وبديكير فقلت استخدم فاوتشر اللي يابته لي زميلتي بالدوام بعيد ميلادي ال25 ..
 اهم ميزه بجوري سبا انه الفاوتشر مدة صلاحيته طويله << حبيت ..
 
ونزلت الصوره بالانستغرام وكتب انه هدية عيد ميلادي بطلعتي قالت لي بالرسبشن كل عام وانتي بخير وهذي هدية من السبا فاوتشر مغربي قلت لها لا مو اليوم عيد ميلادي المهم لما صار عيد ميلادي امس عزمتني مدام جوري صاحبة السبا ع سبا وقالت في مفاجاه لي ..
 
ومريتهم توقعت المفاجاه جلسة لشعري او اي خدمة من السبا بس اللي صار ..
 
قالت لي ارتاحي ودشوا العاملات معاهم كيك وشموع << الصوره عقب ماطفيتهم ..
 وغنولي (صورتهم ونزلت الفيديو بكيك)
 وعطوني هدية بعد خاتم وسوار ..
 
وووووووووووووووووايد حبيت المفاجاه واستمعت فيها ..
 
شكرا مدام جوري ماقصرتي واحرجتيني بكرمج :*
 
 
    T:
 
الانستغرام :  @jouryspa
 
افرعه :
Hawalli & Avenues
22597084 / 22626561
Labels: , , , , | 0 comments

postheadericon عيد ميلادي 26 ..

12:22 AM
 
واخيرا كملت ال26  طبعا الانستغرام خذاني من البلوق فالموجز فيه والتفاصيل هني ..
 اللهُم إني استودعك سنة... [مضت من عمري]... بأن تغفرها لي، و ترحمني و تعفو عني وأن تُبارك لي في أيامي القادِمة، و تصلح نفسي و تُيسر أمري... ربي احفظ لي منْ حولي و لا تحرمني قريبْ ۆ لا بعيد........ و اكتبْ لي يا اللَّه فيْ السنة آلقادمهْ فرحة، تغيرْ بهآ مجرىَ حياتي إلى الأبدْ..... اللھم آمين
 
الحمدالله كان اليوم خفيف ..
اول هدية لنفسي مارحت الدوام ..
وعقب الظهر قمت تريقت شي خاطري فيه من زمان اهو كيتا خبز اثيوبي ..
 
وعقب رحت الافنيو ومريت  جوري سبا لانه عزموني واحتفلو فيني بعيد ميلاد مبسط حبيته (بذكر لكم بالتفاصيل عقب ان شاءالله ) كلش ماتوقعت هالمفاجاااااااااااااااه توقعت بيسوني جلسة لشعري او شي جذي ..
موجودين بالانستغرام وكيك @jouryspa
 
عقب رحت مع خالي و اختي الصغيره نتعشا بفيلا فيروز ..
 

 
ولما ردين البيت كلينا كيكتي اللي انا اخترتها وكانت من @luckypumpkinkwt
هذي جزء من التفاصيل و في جم شغله بنزل عنهم بوست ان شاءالله ..
 
وكل عام وانا بخير :*
Labels: , , , | 5 comments
Saturday, February 9, 2013

postheadericon YOOBAO

3:53 PM
ببداية الاسبوع رفيجتي يابتلي هالنقصة ..
 
YOOBAO Thunder Power Bank 13000mAh
 
بطارية  او شاحن متنقل  ..
 
لانها تدري انه لازم تلفوني يكون شحنه فل اتازم نفسيا اذا خلص الشحن :\ خصوصا اذا كنت برا
 
هذا شكلها ..
 
 
واهني محتويات اللي معاها ..
الراس الكبير للكهربا مااستخدمته لي الحين ، ووصلة ، و راس صغير للايفون 4 \4s لانه راس الوصله صغير اتوقع ينفع للايفون 5 ..
 
مميزاتها :
- انه لاغلب الاجهزه ايفون 4\4s وايفون 5 و الايباد والسامسونغ و htc
 
- انه تقدرون بنفس الوقت تشحنون اكثر من جهاز فيها ..
 
-تستخدم اكثر من مره (تنشحن مره بس يفضل تشحنونه عدل يعني طول الليل مثلا بوجم ساعة) ..
 
-تشحن تلفون بسرعه ماشاءالله ..
 
-افتكيت من التكود عند الكمبيوتر او لاب توب او بلاك الكهربا خخ الحين اشحن تلفوني فيها وانا اتمشى ..
 
-ماحاتي تلفوني يطفي وانا برا البيت لانه  من يصير الشحن اقل من 50 الا اشحنته مره 2 فيها..
 
-عادي اشحنها باي مكان ذاك اليوم شحنتها بالسبا عطيتهم اياها يشحنونها لي وقعدت العب بتلفوني اضيع وقت لما بيطفي خذيتها منهم تقريبا عقب ساعه (الميزه هني انه البطاريه اضمن من اعطيهم تلفوني يشحونه واهو فيه صوري وارقامي وغيره )
 
عيوبها :
 
- راس الكهربا هذا ماحبه :\ بس في حل انه تقدرون تشحنونها بالكمبيوتر اولاب توب او باستخدام راس ثاني مثل راس بلاك الايفون ..
 
-شويه حجمها كبير بس هم عادي بالنسبه للميزاتها ..
 
رايي :
 
حبيتها ، مشكوره صديقتتتتتتتتتتتتتتي دشيتي ينتي ع قولتهم :*****
Labels: , | 0 comments
Tuesday, February 5, 2013

postheadericon تورينو جيز كيك ..

12:37 AM
قبل فترة وحده من اهلنا دزت لنا هالنقصة..
 
ميني جيز كيك بنكهتين + صلصات للتغميس ..
 
 
سعره :
ماعندي فكره عنه لانه نقصة ..
 
رايي :
طعمه زين وحبيت فكرتها لاني احب التغميس :)
 
موجود بتورينو وهذي افرعه :

شركة حلويات تورينو

الفرع الرئيسي : الأندلس – قطعة 6 – شارع 25

هاتف : 22454878 - 221454887                      
 • صباح السالم : 25529991 – 25529990
• سلوى : 25635755
• الظهر : 23833894
• المنقف : 23727888 – 23710345
• خيطان : 24710300 – 24751313
• الجهراء : 24576005 – 24576000
• الرقعي : 24801810 - 24801811  
 
منقول من قوقل ..
Labels: | 0 comments
Sunday, February 3, 2013

postheadericon Gabrini

8:29 PM
قبل فترة شفت البنات بالانستغرام يتحجون عن هالماركة واهي تركية  ويمدحون حمرها اذكر ميك اب سمر وجنه انجل (تاجره بكويتيات) اهما اللي تحجوا عنهم المهم اليوم مريت سيتي ستارز وشفت ستاندات مو ستاند ماشاءالله لها ..
هذا ستاند الحمر والتحديد والقلوسات ةاللي ع طرف اليمين اقلام للعين ..
 
 وهذا ستاند اصباغ الاظافر ..
 
 وهذا 2 ..
 
وفي بعد عندهم الصبغ اللي يشب بالظلمه و الكرك ..
 
 
مشترياتي:
- حمرة رقم 04 سعرها 800 فلس..
-بودره هم رقم 04 سعرها 900 فلس ..
-صبغ اظافر لاختي الجوز نفس لون زويا اللي كسرته انا بالغلط :\  رقمه 330 سعره 450 فلس..
-واول مره اشوف صبغ يشب بالظلم هالدرجة فخذيته N08  سعره 800 فلس ..
 
افرع  سيتي ستارز :
الجهرا واحد من المجمعات اللي جبال جمعية الجهرا القديمة ..
الفروانية :بسرداب مجمع الهدى ش حبيب يم مجمع المغاتير وجبال الجمعية 
حولي : ش تونس ، برشا مول يم دوار صادق 
العقيلة : سرداب مجمع الدرة ق4 يم البيرق ..
الري  الدائري الرابع صوب المشاتل وبسطرت دريم مول ولولو هايبر وماكس .. الخ وبسرداب سيتي ستارز مول
Labels: , , | 0 comments

postheadericon بيت الهلا

1:33 PM
من الشغلات اللي يتنا ع سلامة اميمتي فطاير وبيتفور من رفيجة اختي ..
 
 هذا البيتفور شكله مرتب ونكهاته متنوعه وكميته راهيه وطعمه زين ..
الفطاير ماجربت الا البيتزا وماحبيتها :( وحبيت فكرة صلصة الجبن الذايب اللي حاطينها معا الفطاير (احب التغميس والصلصات)..
 
وماعندي فكره عن الاسعار وارقام التلفون موجوده بالصوره الاولى ..
Labels: , , | 0 comments

postheadericon كتاب خطوط الأناقة

12:55 AM
قبل فتره قصيره ارسلت لي مؤلفة الكتاب جنان نسخة من كتابها واهو بعنوان (خطوط الاناقة)
 
 
الكاتبة بسطور :
 

جنان امرأة سعودية
تعمل مصممة أزياء و منسقة مظهر
حاصلة على شهادة في تصميم الأزياء من




Italian fashion school




درست تنسيق المظهر في




Fashion sense club




وهي صاحبة موقع




 
* منقول نقل حرفي من كتابها
 
اما الكتاب فهو متعلق بالاناقه بمختلف جوانبها وحيثياتها ففي بدايته حددت الكاتب اهم خطوات الاناقة وصنفتها على انها 9 ( ساذكر بعض النقاط على سبيل المثال لا الحصر) :
 
- النظافة الشخصية
-اختيار الالوان المناسبة (للون بشرتك فهناك نوعين من البشره الاولى دافئة والاخرى بارده )
-ارتداء ملابس مناسبة لشكل الجسم (كمثري ، موزي ، تفاحي .. الخ )
-اختيار المكياج المناسب والذي يساعد على ابراز جمال ملامحه .
-اعكسي شخصيتك بتميزك وتفردك باسلوبك الخاص في اختيار وتنسيق ملابسك واكسسوراتك ومكياجك .
-ترتيب وتنظيم الخزانه .
-التسوق الناجح .
 
هذي بعض النقاط التي ركزت عليها الكاتبه في كتابها مع شرح مبسط ومصور ..
 
اماكن توفر الكتاب :
الكتاب متوفر بشكلين :
الكتروني ومطبوع ..
لمعرفة التفاصيل اضغط هنا
 
رايي:
بدون مجامله كتاب ممتع ومفيد




Labels: , , | 0 comments
Friday, February 1, 2013

postheadericon Gathering

12:38 PM
امس جربنا هالمطعم  واهو يديد توه مبطل من شهرين بس..
 
 وهذي جم صوره للديكور بس ماقدرت اصور لقطعة عامه للمكان او الطاولات لانه ماشاءالله زحمه..
 حبيت هالورد حلو ماشاءالله..

 المنيوو ..
 بدعنا باختيار المقبلات ..

هذا اسمه بوتيتو بومبز
حبيته ..
 هذا اسمه ببروني وجيز رول حبيته صج عيبه في شويه دهن زياده بس عجبنا ..
شكلها من داخل ..
ميني تاكو كبز .. ذقت وحده طعمها زين بس شلت البصل ..


 سلطة ماذقتها  green asparagus & zuc
     skewered shrimp هم ماذقته ..
   ولما صار دور الاطباق الرئيسيه الا احنا مفولين ماشاءالله وحسيت بلشت اعراض نكسة معدتي :\ فمن كلشي عن خاطري ذقت لقمه ..

طعمها عادي al pollo e funghi pasta
 بيتزا ميني برغر مو ذاك الزود ماحبيتها توقعت تكون بشكل الميني برغر خخ..

الحلو ..
 
بيتزا النوتيلا زينه ذقت لقمه عن خاطري زوين لاني مو ذاك الزود مع النوتيلا  والعينه مو ذاك الزود  (ثقيلة)..

 كوكيز + ككاو ذايب << يحتاج اقول رايي ؟؟ حبيييييييييييييييييت لاني احب الاثنين ..

ورضواة رفيجتي من المطعم براوني ... وانا خذيته خخ اهو امس بس لاني مفولة لي بالليل ماكليته الا اليوم وعجبني عقب التسخين ماجنه مال امس ككاو ذايب وكيك  ..
 الاسعار ..
رايي :

االاكل :كتبته فوق عند كل صوره بس عموما اكثر شي حبيته الحلو والمقبلات..
الخدمة -امم ماحبيتها بالبداية يمكن لانه زحمه بس هم مو عذر بس المدير يوسف السعد تدارك الموقف كثر مايقدر بس كان في قصور بعد ان شاءالله بالمرات اليايه مايتكرر ..

عنوانه :

جبال مجمع الصالحية ورا مطعم someday ..

 FB +T + INSTA = @Gatheringkw/
Labels: | 0 comments
Subscribe to: Posts (Atom)

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

انستغرام المدونة (roroalk)

follow me

follow me

My Blog List

Show All

Ads

Meenakon Design Templates