Saturday, July 9, 2011

postheadericon Siam Park ج1

1:55 PM
واخيرا صار يوم الاثنين تقريبا اليوم الرابع وفيه كنا مقررين نروح مكان ترفيهي لي قبل 5 دقايق من ركبنا تاكسي غيرنا المخطط من دريم ورلد لي سيام بارك ..

Siam Park

ولانه الصور وايد بخليهم ع بوستين :)



وصلنا ..
تفتح يوميا : من 10 ص لي 6 مساء

واللي يميزها انه تنقسم مو مدينة ملاهي عاديه:
فيها جزء عادي العاب ترفيهيه..
وجزء مائي احوض وزحلقيات والخ ..

 ياكثر بيبانهم خخخ..

والحين نقص التذكره ..

سعر التذكره :
600 بات = 5.41763 KWD,شامله الغداء

ونسيت بوكي عندهم وماانتبهت ع هالشي ال عقب جم ساعه واشوه رحت ولقيته موجود عندهم :)

الخريطة (هني)




لعبه من العاب اللي صعدناها هالنوع بو دقيقتين مايمديج تحسين بشي الا مخلصه خخ..

الحمام وانتوا بكرمه بس ناقصه هوز :\


الظاهر هالشغله يتباركون فيها بكل مكان موجوده..

زووووووووووم جيكوا حاطين لها بارد انواع واشكال (البارد يعني بيبسي وفانتا والخ) لا ومع عود خخخخخخ جنه بتشربه..

كافيه مهجور ودار مداره ديناصورات..


وهم في مناظر طبيعيه..


قصر الرعب دشيت عند الباب وخطوتين وطلعت كنت مجلبه بايد اخوي واهو يخرعني جان اخذ فوق تحت واطلع خخ..
وهاللعبه مثل السفاري..
 بهالسياره يفرونا..
 نشوف تماثيل ديناصورات و حيوانات بالغابه وقبائل البدائيه و يهذرون ع راسنا بتايلندي مانفهم شي خخ ماحبيتها:\


السفينه المليغه اللي لي صعدت فوق بطنكم يعوركم :\
 هاللعبه تدوخ واللي يشتغل نفسيه كنا 3 انا وبنت عمي ويا صبي مانعرفه غصب يقعده يمنا لا حنا راضين ولا اهو راضي اخر شي ماركب الصبي خخ..

لعبه الترفهيه اللي صارلها خربانه دهر..
 وطلع تكيفهم وحده ..

منظر من فوق من تصوير بنت عمي..
يتبع ..

جزء المدينة المائية + الغدا..
Labels: , | 7 comments
Friday, July 8, 2011

postheadericon سوق الاحد - Sunday Market

8:13 PM
وصلنا لليوم ال3 ولا زلنا نحوس صوب البسطات خخخ..
واخر جم يوم كل مجمعات وبالنص بينهم رحنا اماكن سياحيه ..
وترا البسطات عندهم بكل مكان بالشارع بالحدايق وحتى بالمجمعات بس باجي ابسط باغراضي بشقتنا خخخ..
اليوم رحنا سوق الاحد ..


في خريطة والحلو فيها انها مترجم للعربي ..
كل منتج له لون معين (اغلب اللي مكتوب كل خخ ماكولات طازجة -علاف -رز- خضروات وفواكهة -اكلات جاهزة .. الخ , وفي زهار صناعية -تحف- ملابس واكسسورات .. الخ)
وفي مكاين سحب :\ احنا المجمع تبجين يالله تحصلين مكينه :\

رايي :

البضايع :
حبيتــــــــــــــــــــــــــــــــــــــها , اغلب المنتجات شكلها راقي خذيت لخواتي تيشرتات تقريبا مثل للي ناخذهم من نيولوك , خذيت لليهال تيشرتات مو طباعه لا خامات بارزه و خيوط وحركات تونس لهم غير عن المعتاد والدارج , هم في محلات للجواتي وانتوا وبكرامة والجناط ب199 بات = 1.810 د.ك
ولقيت محل صابون يونس خذيت منه 5 صابونات ب300بات جنه الوحده ب65 بات وفي فناتق والصابون اشكال ونكهات وخذيت كرتهم بس مادري وين حذفته :\
لقيت كارديغانات زار طوال ويدد ب350 بات =3.170د.ك 
لقيت ويوه المخدة اللي تصير طقم لشخصين حلوين وخامتهم بارده <<هذا الوحيد اللي كاسرتها خخ الباجي اسعارهم ثابته ..
خذيت نعل للبيت وانتوا بكرامه ع رقي وع فيول ب150 بات = 1.300 د.ك برا حصلتهم ارخص ب59 = 537فلس بس مو متوفره مقاسات كبيره ..

الاسعار:
اغلبها ثابته وشويه اللي يكاسرون بس في بعضهم  يسون عروض اذا قطعتين يصير في خصم ..

الجو العام :
حر لانه مفتوح بس الشغلات الحلوه تنسيج الجو ومافريته كله ربعه وطلعت :(

حبيته وارد له مره 2 و3 و4 بعد بس اهو يبطل بس كل احد :( وفي 2 يبطل كل حد وسبت واحد بس مارحت له رحت مجمعات :)
Labels: , | 3 comments

postheadericon نايت بازار-night bazar

12:43 PM
ب2 يوم بالليل مرينا النايت بازار التاكسي نزلنا بس مو يمه لا بعيد :\

تمينا نفتر مالقينا الا بسطات وشويه ..

بلشوا يتحلطمون ولا زلنا نحوس مره نطلع صوب بار..

 عقب شارع اقرع  مو اهو اللي نبيه ..

واخيرا حصلنا اشوه كلوا قلبي يالله لقيناه ..

من عيب انه تخطيط السفره عليج انه تتوهقين تودينهم مكان ويطلع مو شي او مو موجود !!

هذي جم صوره ع طاير عقب ماطلعنا..

سياكل لشرطة << للمرور , مااعتقد عندهم شرطة اداب :\

على طاريهم اللي وقف لنا تاكسي من الشرطة  لا ورتبه :)
الجو العام :

خايس , بالنص قمته ,ودار مداره بارات احنا شفنا واحد اللي بلش شغل وصدينا استغفرالله , عقب شفت واحد يدلل بورقه فيها صور بنات كنت بطل فيها بس لما شافني خشها خخخ..

الاسعار :
لازم لازم لازم تكاسرون 
 ومو مكاسر العادي يعني مثلا خذيت لبسهم التقليدي :
قالت لي :1250 بات
قلت :لا
قالت: جم تبين؟؟ قلت 250
قالت :لا
رحت بمشي نادتني وقضبت ايدي ووقفت جدامي :\ خخخ

الجناط ب3500 بات تاخذهم ب1000 وشي يعني ان كثر 1200 ..

غير جذي وايد مبالغه باسعارهم تيشرتات سمتهم عندهم 500 لقيتهم برا ب99 بات :\

هم ماحسيته ذاك الزود ومارحت له مره 2 ..
Labels: , | 8 comments
Thursday, July 7, 2011

postheadericon Chain Town - اسواق الحي الصيني

6:44 PM
نكمل بوستات تايلند ..

2 يوم الصبح (رسميا 3 يوم لنا بتايلند) رحنا الصبح اسواق الحي الصيني ..



اهو عباره عن محلات وبسطات فيه اغلب المنتجات هدوم -جناط - اكسسورات ... الخ ..

صورة لكم جم صوره ..

بالنسبه للاسعار:
 يبيله مكاسر ومايرخصون وايد واغلبهم نفسيه :\ , وفي محلات مايصير تشترون اقل من 6 قطع يعني بالجمله ..

الجو العام :
لانه مفتوح فحر , وهم زحمه مو من الاوادم لا من السيارات والسياكل وعربانات البيع اللي يفترون فيها غير انه ممراته ضيجة + ريحة خايسة من اكلهم استغفرالله ..

البضاعة:
مافتريت عدل فماشريت منه الا خاتمين , وماحسيت انه فيه شي مميز اللي يخليني اروح له مره 2 :\
Labels: , | 6 comments

postheadericon غدا اثيوبي (ethiopian food)

11:05 AM
قبل جم يوم شفت موضوع عن اثيوبيا وكان في صور عن اكلهم يبت خدامتنا اختبر معلوماتها خخ و اججت مشاعرها ..

من الصور كان في هالصوره ..


امس رديت ولا الخدم وراي بصينيه بدون لا قولهم يبوا لي لغدا طليت فيها ولا هالطبق الاثيوبي :)



القاعده هالخبزه بس ماحبيتها فيها مروره ..

وفي نوعين حميسه :
- حميسه الدياي وبيضه مفيوحة يعني الام وبنتها خخ..
-وحميسة بطاط وجزر و فلفل ..

حبيت الحمسات..

واسم هالطبق DORO ويسونه بالمناسبات مثل رمضان او العزايم ..

شكرا للوفد الاثيوبي :*
Labels: , | 11 comments
Wednesday, July 6, 2011

postheadericon Gerge3an Collection by Dilz Treats

5:34 PM
(1)
قرقيعان وقرقيعان بيت قصير ورميضان  عادت عليكم صيام كل سنه وكل عام سلم  رورو يالله خلها لأمها يالله عسى البقعه ماتخمها ولا تواسي على أمها ...


Price: 30 pieces -75 KD

السعر: ٣٠ حبة - ٧٥ د.ك
 
(2) 

قرقيعان بيتكم الله يخلي وليدكم ..

قرقيعان بسكتكم الله يخلي بنيتكم ..
Price: 30 pieces with personalized face - 90 KD

30 pieces without personalized face - 45 KD

السعر : ٣٠ حبة مع طباعة الوجه ٩٠ د.ك

٣٠ حبة بدون طباعة الوجه ٤٥ د.ك

 (3)

سلم ولدهم يالله خله لامه يالله ..

Price : 5 KD

السعر : ٥ د.ك
 
للطلب :
 
Email :dilztreats@hotmail.com

Phone: 99902420

FB :LINK

اللي حطيتهم اهما اللي اكثر شي حبيتهم ..
Labels: , , | 4 comments

postheadericon وانا بعد وياهم في (حملة المدونين ضد الانترنت المحدود في دولة الكويت)

4:58 PM
مساعه ياللي ايميل الحمله فسألت عنها بتويتر وماقصرت @Naina_Q8  وضحت لي الصوره ..

انصدمت من اللي بيصير من جذي باختصار انا بعد وياهم ..

ولي كبرت سالفه وكلبجوهم ترا مااعرفهم خخخ ..

قررنا انا و الاخوه والأخوات المدونين الكويتيين القيام بحملة ضد الانترنت المحدود , وبما انه زمن الثورات قررنا القيام بثورة انترنتية ضد الانترنت المحدود تحت حجة “الاستخدام العادل ” فنحن المدونين نرفض رفضا تاما القيام بمثل هذه الممارسات اللتي تسلب من المشترك او المستخدم حرية استخدام للانترنت بالشكل المتعارف عليه في كل دول العالم , نحن ندفع في الكويت اسعار خيالية من اجل توفير خدمة انترنت ذات استخدام عادل بكل ماتحمله الكلمة من معنى , فالأستخدام العادل معناه ان يكون الانترنت غير محدود وغيرد مقيد بحجم ما , ولايجب ان افوت الفرصه للحديث عن ارتفاع اسعار الانترنت في دولة الكويت , فالاسعار هنا فعلا خيالية ومبالغ فيها , والمقابل خدمة محدوده جدا وغير عادلة للاسف نحن في زمن الانترنت وفي عام ٢٠١١ لايكاد يوجد شخص في الكويت الا ويستخدم الانترنت , وقد دخل الانترنت في جميع الاشياء سواء الهواتف النقالة والكمبيوترات وحتى الاتصالات اليومية والمراسلات بين الاشخاص , فمن هنا نعلن نحن المدونين الكويتيين عن رفضنا القطعي والتام لما يسمى بالانترنت المحدود

لقراءة بقية التفاصيل (اضغط هنا)
Labels: , , | 4 comments
Tuesday, July 5, 2011

postheadericon Lace Nails - اظافر االدانتيل

11:20 PM
اعتقد من هبات السنه بالاظافر "الدانتيل" اول كنت اشوفه كفرنش وطبعات مو خام بس اول مره اشوفه جذي..


باكثر من شكل ولون للقاعده مع توب (الطبقه اللي فوق) من الدنتيل ..
حبيت للي فوق لمخوضر مادري مزورق خخ , والوردي اللي يمه ترا ستيكرز من اكسسوريز شوفوه (هني)

طريقته سهل :
صبغي ظفرج وقبل لا ينشف لزقي عليه الدانتيل و حطي عليه طبقه توب كوت عساس يثبت الدانتيل ..

الطريقة بالفيديو (هني)

حبيته بس احس مو عملي وحلاته ع ظفر واحد :)
Labels: , , , | 10 comments

postheadericon Hot pot

11:49 AM
مساعه رفيجتي بالدوام يابت لنا هالسويت ..


مالتي :)

تصوير كوكتيل ..

واكرمج الله ام عبدالله :*

سعره ب5
والتوصيل ب1 ..

Labels: , | 9 comments
Monday, July 4, 2011

postheadericon واخيرا رسمت ع اظافري :)

11:08 AM
قبل جم يوم كنت اسولف مع صاحبة صالون جي سي ودريت انه عندهم رسم ع الاظافر وراوتني نماين عجبوني فرحت جربته ..

بالصج وايد احلى..

عقدتهم كلمالي مختاره رسمه مره تايغر, مره حرف, مره زيبرا , مره ميني ماوس خخخ اخر شي سويت عين ..

والصبغ من زويا من مجموعة المات قلت لكم عنها (هني) اول مره كرر نفس اللون من نفس الماركة حبيته مع اني مااحب المات خخ..


ووبالنسبه للاسعار:

منيكير وبديكير عادي ب6 د.ك..
الرسمه الظفرين بدينار..

رايي:

كنت مختاره النوع العادي بس النتيجة كانت زينه ماشاءالله, والنوع العادي ترا اسمه عادي بس حلو سنفره من اختيارج وكريم وفيتامين للاظافر .. والخ..

وحبيت للي سوت لي هالمره اسمها شانغيلا شي جذي سيلانيه صغيرونه , واللي رسمت ع اظافري روينا >> اهي اللي سوت لي اظافري ذيك لمره وكانت نتيجة لريول حلوه ماشاءالله..

عموماالستاف وايد حليوين وجربت رسمه ماضبطت غيرتها , تقولين مو زين تعدل ..

العنوان :

الجابريه ق1ب -ش3 بناية 146 الدور الاول جبال الاصنصير..
ت : 25350205
 
لمشاهدة تجربتي السابقة (كليك هني)



Labels: , , , | 6 comments
Sunday, July 3, 2011

postheadericon (مولتن)SO Salt SO Sweet

7:56 PM
امس شفت اعلانهم بمنتدى ..

وضفتها بالواتس اب وطلبت منها..


احتفال بعيد ميلاد رفيجتي اللي كان لما كنت مسافره 23يونيو :)
 يابت لي كرت وكتبته جدامه بس قلت لا تشوفينه خخ..

اهو العرض عباره عن ::

بوكس مولتن 9 حبات = 6 د.ك
2 بوكس يعني 18 حبه =10 د.ك

اخترت البوكسين بوكس لنا وال2 لها :)

رايي:

اهو زوين وجربته اول ماوصل وجربته عقب لما تسخن بالجو الطبيعي عقب 3 ساعات بالسياره صار الذ :)
بس اهو طريقته الكيك اكثر من الككاو السايل انا احب العكس , يعني اقرب لكيك الكاكاو من لمولتن << مو بس رايي هذا كلام اللي جربوه..

بس عموما طعمه زوين :)

وفي رسوم ع التوصيل 2 د.ك..

وكل عام وام ميشو بخير يارب:*

Labels: , , | 0 comments

postheadericon His&Hers @ Dream World

9:26 AM
وانا احوس بدريم ورلد<< بنزل عنها بوست عقب  ان شاءالله..

لفت انتبهي هاللوحه ..


خخخ من ورانا :p
المحل اغلب اغراضه نسائيه , واللي اذكره عدل كورنر الكريمات لاني تنحت عنده بس ماشريت شي خخخ..
Labels: , , , , | 1 comments
Saturday, July 2, 2011

postheadericon اغرضي ع راس البصله - onion head :)

9:44 PM
هذي اهي الشخصيه للي مايعرفها
  احبها وعرفتها من ايام msn , وعموما احب الشغلات العبيطة :)
خمطت جم شغله من تايلند عليه بس طلع لا غير ماعنده من فوق شعر بس عادي نقول قرع خخخ


هذول شنو ؟؟

 ميداليات بس الوحده كبر راسي خخخخ جنه العاب شوفوا حجمهم يم بطل الماي..

سعرهم الواحد 100 بات ..

ولقيت بعد هالميداليات بس للتلفون ..

سعرهم ال3 ب100 بات ..

100 بات =890 فلس كويتي


Labels: , , , , | 2 comments

postheadericon علاوي :(

6:28 PM
علاوي ولد اخوي عمره سنه و 11 شهر من كمل السنه واهو متكلف كل شهر بالمستشفى :(

وكل يوم يقولون فيه شي معورني قلبي عليه ..

هالبوست نزلته ادعي له والله يتقبل ويشفيه يارب..



Labels: , , | 18 comments
Friday, July 1, 2011

postheadericon الاتصالات بتايلند (12call +_zain+ w)

2:29 PM
لانه كنت مسافره تقريبا بروحي مع معاي لا خواتي ولا امي و10 ايام مو شويه لازم اتواصل معاهم شريت لي خط ..


من 12 call (ون تو كول)..

خذيته من بقالة 7 اليفن ب99 بات

اخوي خذه من نفس الشركة بس نوع خطه غير ب50 بات ..

وخطوطهم بدون عقد فيه قصة حياتي وله وقت صلاحيه تقريبا سنه ..

وكنت بحط الخدمة بس مالقيت فرع للشركة , وصدفه مره قبل لا انام كنت العب بتلفوني طلعت الخط التايلندي وحطيت خطي الكويت بجيك ع مسجاتي لما خلصت ورديت تايلندي سمعت نغمة الواتس اب :\ استغربت @@
دشيت تويتر والفيس بوك و بي بي ماسنجر ماكو مايشتغلون بس الواتس اب..
كلمت اختي ومدمد اجرب وضبط وماشااااااءالله اسرع من خدمتي بالكويت مع انه اغلى خدمة!!

ع طاري خطي الكويتي انا تبع زين :(

مو بس انا واخوي وبنت عمي وعمي وكلنا ماكنا نقدر نتصل بس حدنا مسجات :\ عكس اللي عندهم خطوط الوطنيه كانوا يقدرون يتصلون ويدزون مسجات الوضع طبيعي عندهم !!

وع طاري زين اول ماوصلنا دزولنا هالمسج انا واخوي جيكوا وين ودونا هولندا خخخخ..


بس عقب يومين استوعب الكمبيوتر ..
Labels: , , | 2 comments
Subscribe to: Posts (Atom)

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

انستغرام المدونة (roroalk)

follow me

follow me

My Blog List

Show All

Ads

Meenakon Design Templates