Tuesday, April 20, 2010

postheadericon فيلم daybreakers+ مطعم غاردن

10:00 PM
السلام عليكم :)
امس رحت مع اختي سينما وطبعا لازم نمر مطعم ..
وهالمره الفيلم من اختيار اختي ولانه اخر جم مره كل انا اللي اختار المهم اهي من زمان بخاطرها فيلم رعب ..
وهذا اللي موجود..

القصة
في عام 2019 يصيب وباء معظم البشرية ويحولهم الى مصاصي دماء. وفي مواجهة تراجع امدادات الدم يقوم الناجين بالبحث عن طرق ابقائهم على قيد الحياة، وفي نفس الوقت يقوم باحث بالعمل مع فرقة سرية لإنقاذ البشرية.
مثل اللي مذكور بالسايت : الناس تتحول من بشر عاديين لمصاصين الدماء وانقراض البشر يعني اختفاء دمهم وبالتالي ياثر ع مصاصين الدماء وتطلع امراض غريبه وفيدورن حلول بديله عن الدم البشري , البطل اهو مصاص دماء ودكتور بمجال الدم وهالسوالف والقائم ع التجارب بنفس الوقت مايتناول الدم البشري ويساعد البشر لدرجة انه دور علاج معاهم له المشكله لازم اسكت ولا احرق الفيلم خخخ..
رايي :
الفيلم مايخوف كلش مو رعب بس في شغلات مقززه..
وعقب رحنا نتغدا ..
طاولتنا ..

المنيو البيج للمشروبات وال2 للاكل ..


الخبز..



الشوربه يابوها قبل المقبلات :\


المقبلات ..


ع قولتهم دولمة احنا نسميه ملفوف ..


كباب فيجيه اسمه شي جذي :)



باميه ..


وبس بالعافيه علينا :)

Labels: , , | 26 comments
Monday, April 19, 2010

postheadericon lovely new things

10:00 PM
السلام عليكم..
هم لما رحت 360 كنت ابي جيان وهم بجرب البطاطه اللي قايله عنها جايونه بس ماجربتها لانه كنت شبعانه المهم مريت لاش بجيك ع سنفرة براطم اذا موجوده ولا لا ..
واشوه لقيتها اهي في 3 نكهات :
نعناع , وفانيلا وككاو اهي اللي اسمها سويت , والاخيره اللي مو موجوده اللي بالعلج عاد شكلها يشوق ..
جربتها وعجبتني فخذيت اللي بالفانيلا لانه احب هالنكهة و هم سالت اللي تبيع عن الاحسن فيهم قالت لي هذي..

وصورتها لكم هني يم قرشة المربى عساس تعرفون حجمها ..


وبالنسبه لملمسها مثل الشكر الناعم ..
وطريقة استخدامها تبللون براطمكم بماي وعقب تفركون فيها ع الخفيف وتغسلونها ..
مبدائيا شكلها زينه ..
والمنتج ال2 :
لما رحت بحاسب لفت انتباهي غرشة صغيره طلعت كريم اساس دشيت سايتهم مكتوب انه ينفع بعد ككونسيلر..


بس ماكو الا درجة وحده اللي اهي دارك بينك بالسايت مكتوب تنفع للي مثل حالتي ..



وسعرها ب7 ونص بس ماخذيته ..
جربته تغطيتها خفيفه يمكن لانه الفلبينيه حكته بذمه وضمير ع ايدي :\ احس اللون راح من كثر حكها خخ بس ..


مادري ليش اسعارهم مايعدلونها لدينار بس يغيرون شعار العمله ويخلون الارقام :\

Labels: , | 18 comments
Sunday, April 18, 2010

postheadericon .boost juice

10:29 PM
السلام عليكم..
بالبوست اللي فات قلت لكم انه في بقية بس الصوره بالكاميرا والشحن مخلص ..
هذي البقيه ..
انا هالفتره مو كلشي اقدر اكله فقلت اعوض واشرب عصير فقاعده ادور اماكن سنعة ..
وهم بروح السينما مااقدر اكل لا ناتشوز ولا نفيش ولا كوكيز :\ فقلت امزمز العصير ..
فالاختيار كان :
ماذكر اسم طلبي بالضبط بس اعتقد هذا اهو :


Banana Buzz:
fresh banana, low fat milk or soy,TD4 low-fat vanilla yoghurt & ice[for extra buzz add somehoney or cinnamon]




خذيت الصغير و سعره 1,350 ..

مايحتاج اقولكم شسويت عشان ادخل السينما معاي خخخ ..

و اي انا حسبالي كويت طلع عالمي وفي بالامارات والكويت عندنا 4 افرع اللي جربته بـ 360 مول..
*رأيي:
ماعجبني ولا حبيت الخدمه :\
وهذا سايتهم يونس :
Labels: | 18 comments
Saturday, April 17, 2010

postheadericon فيلم زي النهاردة + مطعم the spice club

10:22 PM
السلام عليكم ..
اليوم رحت السينما مع اخيتي ..
اخترنا هالفيلم ..

بطولة

بسمة, احمد الفيشاوي

المخرج

عمرو سلامه

النوع

درامي, عاطفي

مدة الفيلم

93 min


القصة
فتاة تقع في حب شاب إلا انه يتعرض الى حادث دهس وبهذا يموت حبها الأول و تحب شاب جديد و لكنها تجد أن كل ما يحدث بينها و بين الحب الجديد يشابه جدا ماحدث مع الحب القديم.
النبذه منقولة من سايت السينما ..
وكالعادة نسيت لا اشوف دعايته والمره اليايه مو بس بشوف دعايته لا بجيك بعد ع تاريخ الانتاج :\
رايي :
عجبني الفيلم انه فيه تشويق وايد وانه الاحداث اغلبها تشد ..
وحبيت انه يابو طاري د. رفعت اسماعيل ولهت عليه من زمان ماقريت مغامراته :\ , واحس انه الفيلم طابعه قريب من طابع الكتب اللي افضل قراتها فيها معلومات ع الخفيف و قضايا غريبه اقرب لي ماوراء الطبيعه..
مع هذا في وايد تساولات ودي اعرف اجوبتها شنو علاقة ايمن الحب الاول بياسر الحب ال2؟
اكثر من مره ركزوا ع صورتهم الجماعيه مع بعض بس ماوضحوا بشكل مباشر اتوقع مجرد اصدقاء !!
واللي ماحبيته مابعد النهاية وردة فعلهم لما احد يموت جنه ناطرين هاللحظة :\
عقب رحنا تغدينا بهالمطعم the spice club
اهو مو يديد بس تعد اول تجربه لنا فيه ..
اهو مطعم هندي..

المقبلات..


طبقي .. نفس المشويت المشكله والحلو انه ترف ..


وذكرني بتش تش مال القيصر ..




خخ ماالمخفي بالصوره؟؟
وهذا طبق اختي برياني ربيان قضينا عليه خخخ..


اكلهم شويه الظاهر فيهم عرج فرنسي :p


وفي بقيه بس الصور بالكاميرا :\



Labels: , | 22 comments
Friday, April 16, 2010

postheadericon شخبوطيات 2

11:13 PM
السلام عليكم ..
عندي شخبوطيات متنوعه بسولف عنها اغلبها تطرقت لها بمواضيع سابقه ..
(1)
Minx nails كنت ناويه اجربه الشهر الياي وبلشت ادورمكان سنع يسويه ..
بس قبل جم يوم شفت اظافر رفيجتي شلون صاروا منه خفاف وصفر حرام :\ جان اهون , وعلى فكره اهي جربته مرتين مره بيوم ميلادي يعني بنص شهر 2 والمره ال2 لما كنا رايحين نسوي اظافرنا شالته يعني بنص شهر 3 ..
و عجبوني الخواتم وصج خاطري اجرب هالنوع بس قلت ماكو الا ادور صبغ يعطي مثل النتيجه ..
تعرفون بنات وين اقدر احصل صبغ يعطي نفس النتيجة؟؟
(2)
وانا اتصفح مجلة سيدتي لفت انتباهي هالاعلان وهو لكريم لقاعة الريل وكريم للكوع والركب بس مكتوب انه بالسعوديه ومادري عاد موجود بالكويت او لا بس جاري البحث عقب ماينزل المعاش ان شاءالله ..

اللي شافته او جربته تقولنا بليز :)
(3)
ماكنتوش قبل جم يوم قلت لكم انه اللي احبهم احتمال يكونون انقطعوا رفيجتي بالدوام يابت لي منهم بس قالت هذا من زمان شارينه اليديد مافي :\



احد عنده معلومه اكيده قطعوهم ولا لا؟؟
(4)
احب الكوكيز :) اخر تجاربي مال كنتاكي جربته اول مره مع رفيجتي من زمان واذكر كان زين بس ..



لما طلبته هالمره كرهت عمري كان طعمه جنه مو مستوي والككاو يابس :\

Labels: , | 20 comments
Thursday, April 15, 2010

postheadericon I < 3 nail polish

10:29 PM
السلام عليكم ..
اليوم براويكم شي احبه خخ اهو مو اول مره اقولكم عنه بس اول مره يكون مجهود شخصي اقصد انا حاطته مو صالون :)
لي العام وانا ماحب احط الوان حدي فرنش او اختار فواتح واساس نادر احط بس العام بلشت احط احمر دشيت بقوه :) والبنات مدحوه جان اتشجع واحط بنفسجي وغيره ..
يوم الاحد حطيت هاللون واهو مال رفيجتي ..


ع ايدي ..


وبالويك اند كنت حاطة هاللون ..






وهذا شكل علبته ..




والاثنين حطيت هاللون ..








الثلاثاء تهورت عدل خخخ..


اختي لما شافته قالت ذوق الهيلق لا تعيدينه خخ ..
انا ماعجبني كلش مو عملي طلعت روحي يالله راح ..


يوم الاربعاء هاللون ..








اليوم ماحطيت شي ماللي خلق مع انه خاطري بلون كحلي بس ان شاءالله احط يوم الاحد ..
وبس :)










Labels: , | 30 comments
Wednesday, April 14, 2010

postheadericon kustie foot care cream heel balm

10:19 PM
السلام عليكم..
هذي تجربتي الرابعه اللي اعرضها لكم ..
وبس باجيلي كريم واحد وسنفره وجل وتخلص مؤنتي من كريمات الريل :\
هم هالكريم استخدمته بناء ع مدح بنات وقلت وناسه مريحه بس كريم مو كالعاده كريم وسنفره وساعات شغلات 2 بعد :\
خل انقل لكم شمكتوب عليه:
التاثير :
يعمل يصورة جدية ع استرخاء قدميك وتنعيمها , وتجفيف الشقوق والتجاعيد ويسرع من عملية معالجة الندوب واثار الجروح من القدم .ينشئ طبقة حامية ع سطح البشرة .يغني البشرة بالماء ويمنع فقدان رطوبتها كما يعمل ع تغذية عامة وترطيب كامل للبشرة .ان استخدام هذا المنتج يجعل قدميك الطف وانعم من اي وقت اخر.
طريقة الاستخدام :
بعد تنظيف القدمين ووضعها بالماء لمدة 10 دقائق ضعي المستحضر على المناطق الخشنة والجافة المتضررة وادلكي برفق حتى يتم الامتصاص بصورة كاملة .يستخدم صباح ومساء وللاستخدام افضل ينصح بارتداء الجوارب المبطنة بعد وضع المستحضر عند المساء.
واكثر شي شجعني اخذه هالصورة :



انه باسبوعين بس بتشوفين نتايج حلوه..
بالنسبه لراي بعد التجربه:
انا استخدمته مره كل يوم لمدة تقريبا 3 اسابيع ليما خلصت العلبة , تقريبا من عقب الاسبوع الاول بلشت انقع ريولي عشان مسمار اللحم وبالمره هم للكريم (ع فكرة ترا الكريم ماحطه صوب مسمار اللحم لما اتدهن اكون مغطيته ببلاستر) وساعات البس دلاغ بس النتيجه ماعجبتني كلش :\
الحين مو بالي منتج يديد زين اجربه غير سالي هنسن ع ابو اكمل ست السنفرة والجل ..
ومانستغني عن تجاربكم :)
Labels: | 16 comments
Tuesday, April 13, 2010

postheadericon بيتزا هت ..

9:39 PM
السلام عليكم..
من فتره منزلين اعلانات عن بيتزا يديده نزلت وانا احب اجرب ..
بالويك اند يالله قدرت اجربه ..
اخترت العرض الوسط اللي فيه فطايس الببروني واليبتزا وسط وبطاط ودجز و2 بيبيسي..
ذقتها زينه مو وااو ماراح اكرر التجربه :\
والبتزا اساسا انا احب البيبروني بس كنا طالبين العادييه وكالعاده ماستمتعت فيه لاني ماحب البصل ولا الفلفل الاخضرا والبتزا صغيره وايد كلها اطراف :\


ماحبيتها ياحلات العاديه وايد الذ من هذي :\
Labels: | 24 comments
Monday, April 12, 2010

postheadericon 'Remember Me'

9:00 PM
السلام عليكم ..
اليوم رحت مع اختي السينما من زمان مارحت لها ولهت عليها :p
اول شي حلينا بهالكافيه ..
خذيت جيرمن كيك ..
احبها من 4 ث كنت كل اطلبها من هاجن داز من زمان ماطلبتها منهم وهم جربتها من سوان كان الككاو لذيذ احلى من طعم صولص الجيرمن نفسه :\
هذي زينه مو وااو اللي يعرف اماكن تضبطها يعلمني :)

وهذي هم احبها بس اختي خذتها تيك اوي حلاتها حاره والككاو سايح يمي يمي..
جربتها تقريبا ب3 اماكن بسوان و اول مره ذقتها من بريك كافيه شي جذي اللي فوق بالمهلب وهذي مره جربتها بس ماقدر احكم لانه الخدامه الذكيه حطتها بالثلاجه فوق فصارت صخره :\

وعقب دشيت هالفيلم ..





بطولة

Robert Pattinson, Emilie de Ravin

المخرج

Allen Coulter

النوع

درامي, عاطفي

مدة الفيلم

108 min


القصة
دراما رومانسية تدور حول حياة اثنين من العشاق الجدد وهما الشاب تايلر الذي والديه انفصلا عن بعضهما البعض بعد انتحار أخيه. والشابة آلي، التي تعيش حياتها يوما بعد يوم ودون التفريط بالوقت بعد ان شاهدت جريمة قتل والدتها. (منقول من موقع السينما).
رايي :
عن نفسي الفيلم اشوف انه وايد مقطع ع سنع وغير سنع عرفنا انه يقطعونا الشغلات المش ولابد احسن بعد مانبي ننحرف :p اواخاف اغمض اخذ غفوه ويطوفني الفيلم خخخ بس عاد شغلات عاديه تتقطع بالله شنو نشوف من الفيلم المقدمه والنهاية بس :\
وهالفيلم نوعه ماينفهم الا لما ينشاف كامل لانه الفكره بالنهايه ومع تقطيعهم ماينفهم الا لما تدقق بكل كلمة تنكتب :\..
ع طاري التقطيع بالسينما في فيلم اولاد عم حطوا لقطه مش ولا بد شالسالفه التقطيع صار ع المزاج :\
Labels: , | 26 comments
Sunday, April 11, 2010

postheadericon عيادة اسنان متنقله :)

7:16 PM
السلام عليكم ..
قبل جم يوم كنت غايبه من سبت ضروسي :( فاتصفحت الجريده ولفت انتباهي هالاعلان ..

وايد حبيت الفكره بدال لاعني امي واذا مالي خلق وللحالات الطارئة واذا سايقنا اجازة وال2 بيزي ..

حسافه لو منزلينه قبل اسبوعين جان سويت عندهم :)

*وهذا نبذه من اللي مذكوره عنها بسايت العيادة ..

هناك ايمان في ضروره مواكبه كل ماهو جديد ومبتكر , واستنادا الي رغبتنا في توفير اقصي قدر من الراحه والرفاهيه لعملائنا.فنحن في عياده الميدان لطب الاسنان رواد تقديم خدمات الصحه العلاجيه للفم ,وكانت اول عياده تتيح خدمه العياده المتنقله,فمن الواضح من التسميه هي عباره عن مركبه مجهزه لتقديم مجموعه كامله من علاجات صحه الفم والاسنان باستخدام احدث وحدات طب الاسنان وتشمل وحده التعقيم وقسمان الاشعه السينيه ووحده منطقه الانتظار ..والسياره مزوده ايضا بمولد طاقه مما يتيح للعياده المتنقله العمل في اقصي المناطق النائيه والبعيده في الكويت ..

*بالنسبه للاعلان مصدره جريدة الوطن يوم الاثنين 5\4\2010 م.
Labels: , | 34 comments
Friday, April 9, 2010

postheadericon مسلسل نور في سماء صافية ..

11:22 PM
السلام عليكم ..
امس كانت الحلقة الاخيره من مسلسل نور في سماء صافيه ..

وركز المسلسل على قضيه اساسيه العنف الاسري وخصوصا ضد المرأه ..
ومعظم ابطاله نساء ..
1- سعاد عبدالله : ام بدر "صافيه" زوجة الفنان عبدالامام عبدالله الذي يعاملها باشد قسوه يسرق مالها وذهبها ويستغلها اسوء استغلال بالاضافة الى انه سكير و صاحب نزوة اما ردة فعلها هي الصبر عليه مدة 37 سنه ..
ولها منه ابنان و 3 بنات هم :
-بدر : "احمد ايراج" دكتور ورث سلبية امه احب فتاة ماتت فبل عقد قرانهم بايام قليل وظل ممتنع عن الزواج حتى تعرف ع احدى الفتيات..
-جاسم : "حسين مهدي" محامي يقع بغرام صديقة شقيقته حوراء "بثينة الرئيسي" ويتزوجها رغم اختلاف المذاهب بينهما .
-غدير: "فاطمة الصفي" هي مطلقة وام لطفل ..
- ديما : "شوق" مالها دور يذكر وجملتها الوحيده شلون امي مستحمل ابوي خل تطلق منه << طبعا بما معناه :) تسريحتها عجيبه جنها ماروكو خخخ..
- اروى : "صمود" الابنة الصغرى و مدللة والدها تقع في حب 2 احداهما زميلها بالجامعة والاخرى دكتور زميلها بالعيادة ..
و تضم العائلة:
- حصة : "ملاك"حماة صافيه تعرضت للظلم من اخيها فقد اعماه الطمع وزوجها اكثر من مره اخرها من صديقه الذي كان يعاملها بقسوة ..
- الجدة : ماذكر اسمها بس دورها يتمثل بالمراءه المسنة "الملسونة".
- الخالة : مي البلوشي وهي تعاني من مرض مميت..
- منو بعد !!
اي تذكرت ..
-غدير صفر : اعتقد اسمها تهاني شي جذي "شريجة صافيه" من فئة غير محددي الجنسية "البدون "..
-فاطمة سالم :"رهام" هي ابنة اخ صافية وفتاة "كريه" ولعوب..
اعتقد هذول اهم الشخصيات ..
الجدير بالذكر انه مؤلفة المسلسل هي وهج ..
بالنسبه الرايي :
القضيه حلوة لكن كالعاده مانقاشوا او ووضعوا حلول او طرق لحل هذا المشكله باقل خسائر هم في تمطيط بالاحداث ..
للي طافه وحاب يشوفها موجوده بيوتيوب :)..
وللي شافوها رايكم بليز :)
Labels: | 35 comments
Subscribe to: Posts (Atom)

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

انستغرام المدونة (roroalk)

follow me

follow me

My Blog List

Show All

Ads

Meenakon Design Templates