Thursday, October 6, 2016

postheadericon chrome nails

10:43 AM
من الهبات اليديده في عالم اصباغ الاظافر واللي نزلت عنه بسنابي ..
 
بحاول اجمع لكم بعض الشغلات اللي نزلتها ..
 
كنت منزله فيديو و بوست بلوقر اجنبيه منزله عن طريقته عقب نزلت صور عنه واحسن نوع شكل اظافر له + تجارب البنات ..
 
وايد حبيت الموضوع وتفاعل البنات بس من زود الفرحه الظاهر ماسيفت الا جم صوره :\
 
ماقدر انزل فيديو لانه كمبيوتر الدوام مايصير :\
 
ببلش بوست الاجنبيه ..
 
بس عقب مااشرح لكم فكرته باختصار ..
 
اهو عباره عن بودر نفس طريقة الشدو تنحط ع الظفر عقب الصبغ العادي وعقب البودره تنحط طبقة (توب كوت شفاف ) يعني 3 خطوات ..
1- صبغ عادي
2-بودره الكروم
3- صبغ شفاف
 
وعشان يروح لازم صالون وعباله لانه له طريقه معينه اللي فهمته طريقة ازالته مقارب لازالة الاظافر التركيب قصدير ولويه بس مو متاكده ..
 
وهذي بعض الوانه ..
 
 
مو صورة ايدي بعدي ماجربته بس اكثر شي حبيته الذهبي ..
 
وهذا بوست الاجنبيه لحظه ادور لكم اللينك ماله وبوستها عن طريقته ..
 
كا هذا اللينك link
 
 
احسن شكل له انه الاظافر تكون الموند ..
 
منتجاته متوفره في علي اكسبرس وebay
 
 
 
وهذا الصبغ اسمه كروم بس نتيجته ميتالك عادي ..
 
 
بعض تجارب البنات ..
 
 
 
فيها الاسعار :
وسعره بس لحطته موشامل المنيكير (تعديل الاظافر) اسعاره حسب تجارب البنات تتراوح بين ال4 دك لي 14 ! واذا بتشيلونه مثل ماقلت فوق لازم صالون وسعر ازالته حسب تجارب البنات من دينار لي دينارين !
 
اغلب الصالونات والسبا يسونه في بعضهم جربوه البنات فوق مذكوره بالاسامي والسعر ..
يقولون احلى ع الاظافر التركيب ! (انا ضد الاظافر التركيب تخرب الاظافر !)
وهم يقولون انه يتم 14 يوم بس شدعوه وايد غير انه اظافري بتخيس منه خخ وخلوا انه مايصير عشان الصلاة اساسا بمل يعني 14 يوم نفس اللون !
 
 

 
Labels: , | 0 comments
Wednesday, October 5, 2016

postheadericon Chanel Spring/Summer 2017 Ready-To-Wear Collection

1:00 PM
نزل امس كولكشن شانيل بلمسات كارل اليمنونه ..
 
هالمره الثيم كان عن المستقبل والتكنلوجيا ..
 
صور من العرض منقوله من سايتهم الرسمي ..
 
 
 
 
 
 
 
 

 
 
 
 
 
زووم ع بعض التفاصيل..
 
 نبلش بالاحذية وانتوا بكرامه ..
 
الفلات الكلاسيك..
 
هذا نيو لهالكولكشن
 
شكله باللبس
 
 
 
 
 
 
 
 
 
 
 
 
 
 
 
 
 
 
 
 
 
 
الجناط ..
 
التفاصيل اللي فيها  ..
 
هذي جنه شرايح وليتات جنها تفاصيل جهاز ..
 
 
 
النظارات ..
 
 
 
الاكسسورات ..
 
 
 
 
 
القطاوه مستمر لي السزن هذا ..
 
 
هني من ورا الكواليس..
 
 
 
 
الديكور ..
 
 
 
وبس شرايكم .؟؟
 
مع انه مو ستايل ..
 
بس حبيت اهتمامهم بادق التفاصيل صج ثيم لايق بالتكنلوجيا..
 
بس ناقصهم تعاون مع ابل وينزلون تلفون شانيل :)
 
 
 
كل الصور مثل ماقلت فوق منقوله من سايت شانيل الرسمي (link )
 
Labels: , | 0 comments
Thursday, September 8, 2016

postheadericon Dolce & Gabbana Sicily Keychain

12:33 PM
 
هالو :)
 
اليوم سويت فقره يديده بسناب اهيا عن الفاشن وراح تكون عن منتج جربتهم سواء لبس او وانتوا بكرامه جوتي او جنطة او اكسسوار او غيره من عالم الفاشن ..
 
بس يكون شي جربته وعجبني ..
 
اول مره خصصته لشغله يدده توني ماخذتها من اقل من شهر بس من اول تجربه عجبتني ..
 
اهيا ميداليه وبنفس الوقت كارد هولدر = بوك كروت من d&g ..
 
 
احب الشغلات اللي يكون لها اكثر من استخدام ..
 
هني شكلها واهيا ميداليه علقتها بجنطة ميس سيسلي من نفس الماركة d&g ويبين حجمها زين بالنسبه لحجم الجنطه اللي اهو لارج ..
 
 

واهني حجمها بالنسبه لايدي عقب ماشلتها واستخدمتها ككارد هولدر..
 
 
هني ع جنب ضعيفه بس تكفي..
 
اهني للخرده والفلوس الورق العادي وحطيت كرت البنك وتسكر مثل مانتوا شايفين بطباقي ..( زرار)
 
وهم من ورا في مكان للكروت ..
 
وكميداليه فيها شكلين العادي وال2 انا احب اللي سهل يتبطل ويتسكر عساس اسهل بالتركيب والشيل + ماياخذ وقت ولا يكسر اظافري ..
 
رايي :
 
وايد حبيته مثل ماقلت فوق لانه له اكثر من استخدام + هالموديل وهاللون احبهم + يكفي اغراضي واشيله بالدوام لكافتيريا جنه جنطه اريح من كارد هولدر العادي..
 
وهم اقدر اركب عليه ستراب واخليه كروس بس بيكون نتفه فمو اي تراب ينفع معاه لازم ناعم يطلع اذرب..
 
واحس ينفع جنطه لبيبي للعيد عقب تاخذها لام :)
 
من وين خذيتها ؟؟
 
من اكاونت بالانستغرام  اسمه @morethangift
 وهذا سايتهم  link
اول مره اسويها بس لانه هالاكاونت احبه + ثقه + اغراضه اسعارها مناسبه شفت سعرها بالنت $445
دولار يعني بحدود 115 دك  هني
 
سعرها عنده :
75 دك  بدون سعر التوصيل ..
 
 
 
 

 

Labels: | 0 comments
Wednesday, August 31, 2016

postheadericon mix it up strap tassel pack

12:04 PM
نحول من المسلسلات للفاشن ..
 
من الشغلات اللي هبوا فيها من العام تقريبا واعتقد بلشوا فيها فندي اهيا الستراب ..
 
من زمان ينباع الستراب  بlv بروحه بس بشكله التقليدي لكن الهبه اهو يكون فنتق اذا عادي يكون بجلد حيوان مميز مثل الحيه او التايغر .. الخ وساعات يكون ملون ومزين بكرستال او ورد ..
 
يشوقون بس اسعارهم اوفر  200 دك وفوق :\ توني وانا احوس بسايت كيت سبيد لقيت منزلين ست عباره عن ستراب + ميداليه ..
 
 
 
 
 
 
شكله باللبس ..طبعا يصير عادي بس انا عندي الجنطه اذا صارت كروس يبين اذا الستراب الطويل او لا :)
 
السعر : $128.00
 
اعتقد المحل موجود بالافنيو و360 بس مادري اذا متوفر هالمنتج او لا ..
 
بس اشوفه كبديل ارخص وطبعا بالكويت عادي يصير اغلى هذا اذا توفر..
 
link << مصدر الصور اهو السايت الرسمي للماركة
Labels: | 0 comments
Thursday, August 18, 2016

postheadericon مسلسل وعد لـ مي عز الدين

11:08 AM




 
بطولة :
مي عزالدين (وعد)
أحمد السعدني (يوسف رجل اعمال وصحب شركة سياحيه بتايلند ومصر)
حازم سمير (د.سليم فياض زوج وعد)
حسن حسني (جد وعد مستشار بالقانون وقاضي سابق)
هند رضا (رفيجة وعد)
راندا البحيري ( الممرضه رضا ممرضة جد وعد + ممرضة بمستشفى الدكتور سليم )
سهر الصايغ (دكتوره رانيا زميلته بالدراسه ودكتور اطفال بمستشفى الدكتور سليم )
ملك قورة (مايا طالبة طب + اخت د.سليم يعني حماة وعد)
كارمن لبس (ام وعد ودورها تمشي وتتزوج !!)
حمدي المرغني (جنه اسمه نعمه ! غصب طيب يبي يتزوج رضا الممرضه واهو بلطجي !)
حسام داغر (دكتور بالطب اعتقد بالباطنيه ويدرس بكليه الطب استاذ مايا + عقب يشتغل بمستشفى د.سليم واهو زميله بالدراسه)
يوسف عثمان (اخو وعد شقيقها من الام )
 
 
القصه منقوله من النت :
يدور العمل حول فكرة الاختيار بصفة عامة، سواء اختيار شريك العمر، أو اختيار العلاقات الاجتماعية وتحديدها وذلك من خلال خطوط درامية متشابكة، في شكل رومانسي اجتماعي.
 
رايي:
الفيلم شرباكة  :\
وعد متزوجة الدكتور سليم وماتبي تخسره وهم تحب يوسف !
يوسف يحب وعد وعشانها رد مصر ! وخطب حماتها !
د.سليم يحب زوجته وعد وتحبه الدكتوره رانيا واذا تضايق راح لها !
د.رانيا توها راده من الغربه وتطلقت وتحب د.سليم من ايام الجامعه وردت لزقت فيه بقوه !وعقب انخطبت من واحد 2ووافقت عليه عقب هونت عشان د.سليم اللي خلاها واساسا ماقالها ابيج :\ << هذي اقواهم خخ
مايا خطيبه يوسف ويحبها دكتورها بالجامعه !
لاحظتوا كل 3 قروب سلسله انت حبني وانا احب غيرك خخخ !!
 
النهايه او اخر جم حلقه ماتوقعت يصير جذي بس لو تدققون تقدرون تكتشفون بعض الاحداث ..
Labels: | 1 comments
Subscribe to: Posts (Atom)

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

انستغرام المدونة (roroalk)

follow me

follow me

My Blog List

Show All

Ads

Meenakon Design Templates