Friday, May 10, 2013

ريوقنا في مطعم ريوقي (ديسكفري)

11:59 AM

من فتره تقريبا اسبوعين او 3 رحت مع رفيجتي نتريق بمطعم ريوقي بالدسكفري مول من زمان ودي اجربه بس مالي خلق اروح الشعب البحري كنت انطر يبطلونه بالدسكفري ..

المهم وصلنا ..

هذا الوانيت مرتز داخل واهو يعد من التراث الجهراوي خخخ ..

وهذي لقطه من الاجواء داخل ..

وهذا الصحن كان ع طاولتنا ..

والمفرش او الورقة اللي تحته اهي المنيو (مايحافظون ع بيئة :p )

طلبي كان ..

ويحتوي ع مثل ماهو مذكور بالصوره بس الصج الشكل غير خخ ..

زبدة وعسل ومربى و توست ..

وبالصحن ال2 في فول وفلافل وسبرنغ رولز الجبن و ومخلل و مكدوسه و لبنه وجبنه وخيار وطماط وخس والخ ..

مع عصير برتقال ..

وخبز حار ..

وهذا طلب رفيجتي ..

وهذي الفاتوره نسيت اصورها :\

رايي :

بالنسبه لطبقي مافي شي مميز اغلبه معلبات جاهزه احلى شي الخبز فريش وحار وتوست او الصمون مع الككاو كان مميز.وهم الفلافل والسبرنغ رولز كانوا زينين.

اللي بط جبدي طلبت ماي صغير ودافي لاني مااعبر اشرب ماي بارد ع طول انتكس واستفرغ بمكاني اللي مااقدر اقوم وواايد وايد اتعب منه :(

جان تيب لي بارد :\ قلت لها مابي ابي دافي قالت مافي الا صغير بارد تبين دافي ماكو الا الكبير :\

عقب يابت لي عصير برتقال مع الطلبي ومعاه ثلج الحين ماي بارد رديته تحطين لي ثلج بالعصير ماتعرفين تسالين اذا ابيه مع الثلج ولا لا وخليتها تغيره ..

بس عموما المكان هادي صخخه ..

مكانه :

الدسكفري مول اول مادشون ع ايدكم اليمين ..

Labels: اكل, مطعم |

0 comments

Saturday, May 4, 2013

الطباعه ع المارشيملو والسكر @landofsweet

10:30 AM

فكره غريبه وبالنسبه لي يديده تعودت اشوف الطباعه ع كيك والككاو بس اول مره اشوف الطباعه ع خدود البنات (المارشميلو) وقطع السكر (قند) ماشاءالله..

ولقيت هالشي بالانستغرام وتحديدا بمشروع سعودي اسمه لاند اوف سويت - land of sweet

وهم يطبعون ع الككاو بس بحط لكم صور وافكار عن شغلهم بالمارشيميلو والشكر ..

طبعا يطبعون لجميع المناسبات تخرج-نجاح-ولادة-زواج..الخ ..

وهذا ع السكر ..

الاسعار:

اذا ماخب ظني القطعه ب5 ريال ..

اكاونته بالانستغرام : landofsweet

t

ت :للتواصل واتس أب 0552737040.

Labels: اكل, فنتوقه |

0 comments

Friday, May 3, 2013

وصلة شحن 3 في 1

10:30 PM

بيني وبين الشاحن والشحن علاقة كره ماحب احط تلفوني ع شحن وخصوصا الايفون ..

وعادي كله ضايع واشتري غيره مليت استغفرالله ..

بالنسبه للشحن انحلت المشكله نوعا ما مع البطاريه الخارجيه اللي هم يبيلها شحن خخ بس وايد مفيده لبرا البيت او اذا ابي تلفوني يمي ما اتكود بكبري عند الشحن يم الطوفه (نزلت لكم عنها بوست هني )

2 شغله حبيتها للشاحن هالوصله ..

لانها 3 في واحد شلون ؟؟

اقصد انها فيها 3 رووس كل الراس يشحن تلفوني من شركة معينها الا اللي بالنص يشحن لشركتين ونص :)

- للايفون 4 \4s

-لايفون 5 ..

-وهذا المزدوج يشحن للجالكسي والبلاك بيري وهم البطاريه اللي قلت لكم عنها فوق ..

سعره :

ب3 ..

حصلتها ..

بكشكات التلفونات اللي بسيتي سنتر( شويخ) ورا الكاشير ..

رايي :

حبيته وايد مفيد احسن من انه اخذ اكثر من وصله معاي (بالجنطة) عقب تترابط الوصله وقعدي فججي :\ عيبه انه قصير يعني اذا بشحن فيه دايركت من راس الكهربا ياذي شوي وهم اذا بتكلم بالتلفون وانا حاطه ع الشحن تلفوني سواء بالكهربا او بالبطاريه بس هم مفيد قصره انه مايتعربك :)

Labels: تكنولوجيا, فنتوقه |

0 comments

طقم العناية الأساسي بالعين من مكياجي -Sabaya caring essentials

10:30 AM

من الشغلات اللي اهدوني اياها مكياجي عساس اجربها الطقم الاساسي للعين وهو من مجموعة صبايا ..

وهو مكون من 3 قطع :

- كحله (قلم )

- ايلاينر (سائل)

-ماسكرا ..

مكتوب عنه بالسايت ..

طقم يتألف من المنتجات الثلاث الأكثر أهمية، طقم العناية الأساسي من صبايا يوفر لك كل ما تحتاجينه لعيونك الحساسة فهو يتألف من: مسكارا للتكثيف والعناية بالرموش، كحل للعناية وتحديد العيون و محدد سائل للعناية وتحديد العيون ..

وحسب ماهو مذكور ع العلبه والمنتجات وبالسايت انه هالطقم يحتوي ع مكونات خاصة بالعين الحساسه ..

رايي :

- كحله (قلم )

Sabaya caring kohl liner

سواده حلو وبسرعه يخط ماشاءالله من اول مره لونه قوي واضح وحبيت راس ال2 اللي يستخدم للتمويه استخدمته للتصحيح وللشدو ووايد استخدامات 2 حللته خخ ..

ومكتوب عنه بالسايت :

إحصلي على إطلالة العيون الدخانية وإمنحي عينيك العناية في نفس الوقت بإستخدام هذا المنتج الذي يحفاظ على المنطقة المحيطة بالعيون فهو يحتوي على مكونات طبيعية. زيت الجوجوبا، زبدة الشيا وزيت الكانولا كلها تعمل على ترطيب بشرتك لحمايتها من الجفاف، بينما يعمل فيتامين E على حماية البشرة من الشيخوخة. ضعي الكحل على جفن العين وداخله لتحصلي على عيون ذات إطلالة عميقة.

59.00 SAR/AED

- See more at: http://www.mikyajy.com/product/sabaya-S

- ايلاينر (سائل)

Sabaya caring liner

سواده حلو وثباته وايد زين ماشاءالله بنفس الوقت سهل تضبطينه اذا اخترب وحبيت انه ريشته راسها دقيق اسهل بالتحكم بعرضه واهو يعتبر اول ايلاينر استخدمه بحياتي :)

مكتوب عنه بالسايت :

إمنحي عينيك إطلالة حلوة مميزة والعناية الفائقة التي تستحقها، بإستخدام محدد العيون السائل للعناية بالعيون. هذا المنتج يحتوي على عناصر طبيعية ولا يحتوي على أي عناصر كيميائية أو بروبان اللذان يسببان إحمرار العيون الحساسة. حددي عينيك بدقة مع هذا المنتج وتأكدي أنه لن يبهت أو يتلطخ.

59.00 SAR/AED

-ماسكرا ..

Sabaya volume & care mascara

الماسكرا خاصه بالتكثيف والعنايه والماسكرا اصعب شي بالنسبه لي هذي زينه بس استخدامها للرموش العلويه اللي تحت لا حسيت ادمر الدنيا فيها بس قمت استخدم الماسكرا ال2 اللي دزها لي معاها للرموش اللي تحت لانه راسها ضعيف وايد مرتاحه لها ..

ككل هذي كتثيف زينه بس انا ابي بعد اكثر :) بس الرك ع رموشي خفاف وقصار ومو سود بعد :(

مكتوب عنه بالسايت :

إحصلي على رموش قوية وواضحة ملفتة للأنظار بمجرد تمريرة واحدة. إطلالة محددة الرموش ذات تأثير واضح الآن أصبحت بمتناول الجميع لمجرد إستخدام هذه المسكارا التي تؤمن لك تنائج رائعة لرموش قوية وكثيفة في نفس الوقت.

59.00 SAR/AED

رايي بالست ككل ..

حبيت انه متكامل وانه مستواه وايد زين ومكوناته خاصه للعين الحساسه وطبيعيه مو كميائية و سعره كست اوفر لج من انه تاخذين كل قطعه بروح واوفر بحدود 24%.

سعره بالكويت :

10.500 د.ك ..

FB

بالانستغرام : @Mikyajy1

t

والسايت :LINK

Labels: beauty, makeup, هدية |

0 comments

Thursday, May 2, 2013

VERSUS VERSACE CAFFĒ

9:36 PM

اليوم جربت مع رفيجتي كافيه فيرزاتشي اليديد اسمه فيرسس..

ديكوره كله بالاحمر من لوحة وكراسي وحوائط..

و فيه قعدات داخليه وخارجية ..

وهذا منيوه ..

اما طلبنا فكان ..

انا اخترت هوت جوكلت ورفيجتي خذت قهوة بس نسيت اصورها ..

ومع الاكل كنت طالبه ماي ..

والاكل اخترنا بطاط اسمه :

باتاته كون كارني ..

وهوعباره عن شيبس طازج و مكعبات لحم عجل مقرمش تقدم مع الافوكادو وصلصة الطماطم وجبن تشيدر ..

لانه رفيجتي ماتحب اللحم خلينا يحطونه بروحه ..

و ماكثرنا لانه بنحلي ..

انا اخترت بان كيك ..

عجيبه ماشاءالله ..

بان كيك مغطيه بالككاو ومحشيه بالفراولة يمي يمي ..

ورفيجتي طلبت وافل ..

وبطلعتنا عطونا سي دي جاز حبيته ..

وهذي الاسعار ..

رايي :

الاسعار وايد زينه رخييص ..

والاكل حلو و فريش ماشاءالله ..

والخدمة اوكي ويحاولون يحوفونكم حوف :)

عنوانه :

بمنطقة شرق مجمع الحمرا ’ بالدور الغراند ..

22270330

الانستغرام : @versuscaffe

t

FB

Labels: اكل, جديد, مطعم |

0 comments

Sunday, April 28, 2013

Toosi Delights Heavenly Bites

11:30 PM

قبل جم يوم رفيجة اختي يابت لنا نقصه من طوسي ..

واهو للي مايعرفه محل حلو ومعجنات ..

والنقصه كانت عباره عن :

* غريبه ..

بنكهات متنوعه بالرهش و نوعين ككاو ..

*ساندويش..

عباره عن طبقتين وبحشوات مختلفه ..

اللي اذكرهم تيركي وفلافل و جبن ..

بالنسبه الاسعارهم..

ماعندي فكره لانهم نقصه بس اختي تقول مناسبة ..

رايي :

شغله مرتب ونظيف ماشاءالله وطعمه زين ، واختي الكبيره حبته وعجبها.

العنوان :

بالجابرية وقرطبة
خدمة التوصيل مجانا
25330460
55521208

الانستغرام : @toosi_delights

Labels: اكل |

0 comments

french tips من مكياجي

10:30 AM

من الشغلات اللي اهدوني اياها محل مكياجي هالست وهو طقم فرنش منيكير ..

وفيه الاصباغ ال3 (الابيض والشفاف والوردي ) ولزقات للفرنش ومبرد ال4 في 1 تنعيم وصقل وبرد وتلميع وعصاة توخر اليلد الميت اللي يطلع دار مدار الظفر ..

يعني مو بس تصبغين اظافرج لا تصبغ وعناية بعلبه وحده ..

(حبيت هالصوره )

ومن ورا مذكوره فيه طريقته بالتفصيل ..

1- تبلشين بالصبغ الشفاف تنطرينه ينشف..

2 - عقب تحطين اللون الوردي وتاكدين انه نشف عدل ..

3- تحطين اللزقات البيض و عقب تحطين الابيض بس بالجزء العلوي من الظفر..

4- تشيلين اللزقات و عقب تحطين طبقه 2 من الصبغ الشفاف ..

وهذي النتيجة ..

صورت اكثر ظفر حبيته :)

سعره ب 7.700 د.ك..

رايي :

شكل العلبه ناعم ولونها حلو وحبيت محتوياتها انها مثل ماقلت فوق تصبغ وعنايه ..

وحبيت انها تنفع كهديه مع قفت فاوتشر من سبا للاظافر وهالمجموعه شفت عليه اكثر من عرض مره اهي مع جنطة فيها اغراض للاظافر ومره عليها سعر خاص .جنه.

والشغله الوحيده اللي اتمنى تتغير فيه الصبغ الابيض حلاته يكون مثل القلم او راسه ادق و ايبس ..

بس عموما النتيجة عجبتني حلوه كاول مره ومع الممارسه بيكون وااو ان شاءالله ..

وثبات الصبغ زين مع اني ماسويت الخطوه الاخيره نسيتها كنت لاهيه اتامل اظافري خخ..

FB

بالانستغرام : @Mikyajy1

t

والسايت :LINK

Labels: beauty, اظافر, هدية |

0 comments

Saturday, April 27, 2013

makeup sponge by h&m - اسفنجة المكياج من H&m

10:30 PM

قبل 4 اشهر تقريبا حطيت صورتها بالانستغرام علبو شفتها وحسبالي اتش اند ام مقلدين البيوتي بلندر لما جيكت ع صور البيوتي بلندر طلع في اختلاف شوي المهم عقب اسبوع او اسبوعين من نشري للصوره بالانستغرام خذيتها بس ماجربتها الا الاسبوع اللي فات ..