Thursday, April 4, 2013

Gabrini lipstick

11:00 AM

قبل شهرين نزلت لكم بوست عن هالماركة هني..

وهذا 2 بوست عن تجاربي لها ..

الاولى كانت لصبغ الاظافر المضيء وكانت فاشله للاسف شوفوها هني ..

اما اليوم كانت تجربه لحمره وانا غرامي وعشقي منذ نعومة اظافري الحمر ..

اللون :

رقم 04

بالنسبه لونها امم ماعرف اشرح الالوان اخورها بس اهو مشمشي ع وردي شي جذي لون مميز مو مثل اللي احطهم عادة..

والحلو فيه انه غني و مات كريمي ..

مومبين عدل السواتش :(

القوام :

كريمي رطب وفيها فيتامين e..

الثبات :

زين ماتروح بسرعه واتم ماتشقق ع البراتم يعني ماتخطط ولما اخففها يصير لونها غير :)

سعرها :

800 فلس..

رايي :

حبيتها ..

متوفره ب سيتي ستارز ..

افرعه:

الجهرا واحد من المجمعات اللي جبال جمعية الجهرا القديمة ..

الفروانية :بسرداب مجمع الهدى ش حبيب يم مجمع المغاتير وجبال الجمعية

حولي : ش تونس ، برشا مول يم دوار صادق

العقيلة : سرداب مجمع الدرة ق4 يم البيرق ..

الري الدائري الرابع صوب المشاتل وبسطرت دريم مول ولولو هايبر وماكس .. الخ وبسرداب سيتي ستارز مول

Labels: beauty, makeup |

0 comments

Wednesday, April 3, 2013

تنزيلات صفاة هوم ..

10:23 PM

قبل جم يوم رحنا انا واختي الجوز صفاة هوم ..

وعجبتني تنزيلاتهم وصورت جم شغله منهم مع اسعارها

( وفي شغلات حطيتها بالانستغرام غير عن اللي بنزلهم هني)

(1)

كانت : ب 575 د

صارت : ب 249 د..

(2)

كانت : 595
صارت : 279

(3)

كانت : 495
صارت : 249

(4)

كانت : ب 575 د
صارت : ب279

(5)

كانت : 795
صارت : 379

(6)

كانت :1395
صارت : 649

ومن قسم الاطفال عجبني غرفة القرصان ..

كانت : 325
صارت :245

كانت : 295
صارت : 225

اكاونتهم بالانستغرام : @safathome

Labels: عروض, محل, معرض |

0 comments

Tuesday, March 26, 2013

كيتشن ارت - kitchen art

12:15 AM

قبل اسبوعين تقريبا اختي الكبيره طلبت لنا منه ..

ماشاءالله حجمه كبير لما دزت لي اختي الجوز الصوره توقعت صغير بس لما شفته كان بحجم صحن القوزي ..

وعباره عن صحن من الخبز بشكل الكبوس المكسيكي وفيه 6 سلطات ..

1،2 ناتشوز ..

3- مايونيز<< كول سلو ..

4-سيزر..

5-سلطة بطاط ..

6- نفس حميسة الدياي ..

سعرها :

اعتقد 10 د.ك ..

رايي :

احلى شي الناتشوز حبيتها ، والمايونيز مع سلطة البطاط عيبهم انهم حاليين بزود :\

السيزر عيبها الصلصة شويه والخس وايد ..

ت : 22525143 -22552233

Labels: اكل |

2 comments

Sunday, March 24, 2013

اول صالون متخصص بالاظافر بالجهراء (نيلز ورك -nails work )

10:00 AM

صباحو ..

قبل فتره وحده بالانستغرام قالت لي انه بطلوا عندنا سبا للاظافر ..

صادف هالاسبوع اني مريت صوب جان اصوره لكم ..

وهذا شكله من داخل ..

سالتها ماعندكم برشور ؟؟

قالت لا في هذا اعلان وماكان في الاسعار..

قلت لها بجم شغلكم؟؟

جان تاشرلي ع الرقم وتقولي اتصلي وانقولج الاسعار ..

قلت الحين انا اجابلج عندكم اتصل عليكم ؟؟ حلاتي اطلع اتصل ولا العن ارفع تلفون جدامها اكلمها عن الاسعار :\

حركات الانستغرام هذي ماحبها هههه ..

المهم الخدمات اللي يوفرها السبا :

*لليدين والرجلين :

-منيكير << ب5

-بديكير ب7 ..

-رسم حنة..

-مساج..

-رسم ع الاظافر..

*الوجه :

-مكياج ..

-حف بالخيط او الشمع ..

* الجسم :

-سنفره ..

-مساج علاجي او استرخاء ..

-شيره ..

عنوانه :

الجهراء \مجمع صحاري \السرداب ..

ت :66969226

جربتوه ؟؟؟

Labels: beauty, spa, اظافر, الجهراء, صالون |

0 comments

Saturday, March 23, 2013

جفان للعبايات و الازياء الشرقية ..

11:09 PM

اليوم عقب معرض العطور مرينا المعرض ال2 اللي دايم يكون موجود هالمره اعتقد اسمه الهدايا وموجود بالقاعه رقم 4 ..

ولقيت هالبوث من البحرين في الدراريع ..

طبعا صورت عقب اذن صاحبة المشروع قلت لها عادي اصور ؟؟ قالت اي سالتها ماتخافين تنباق الموديلات قالت لا انا واثقه من شغلي << عجبني ردها :)

اللي ع اليمين ب45 جنه واللي يمها اعتقد ب35 ..

الزرقا ب 50 د.ك و الورديه ب40 د.ك ...

اللي ع اليسار ب50 د.ك مو متاكده بس جنه ب45 د.ك ..

وعندها دارريع خامتهم بارده حلوين للبيت ورخاص ع 3,500 د.ك ..

والمعرض مستمر لي 1\4\ 2013 ان شاءالله ..

اكاونتها بالانستغرام :

@jovanalbahrain1

Labels: fashion, معرض |

0 comments

زيارتي لمعرض العطور ..

5:09 PM

التاريخ-20.03.2013 - 30.03.2013

الصالة: القاعة رقم 5 , 6 , 7

كلش ماكنت ناويه اروح المعرض ولما اختي الجوز قالت لي خل نروح قلت حلو عساس اخذ من الماركة sla مادحينها لي لانها عضويه ومسوين عروض بالمعرض فقلت بشوفها بس اللي صار مالقيتها وخمطت غيرها وايد اليكم التفاصيل بالصور ..

رحت هالبوث واللي شدني له ..

هالماركه..

عندي بلشر منه اسمه كابتشينو كتبت لكم عنه هني كل من شافه سالني عنه وهالماركه دورتها مالقيت الا بالمعرض فخذيت 2 لرفيجتي لانه عاجبها وخذيت حمره منهم ..

سعر الحمره 3 ..

والبلاشر قالت 3 قلت كنت ماخذته 2.500 قالت اوكي ..

ولما بتحاسب قلت ابي خصم خخ بعد جان تعطيني سلة اصباغ اظافر قالت اختاري اللي تبينه هديه :)

حبيت ..

والاهم سالت عن مكان المحل لانه شكثر سالوني وماكنت اعرف وين !!

لاني خذيته من المعرض ..

افرعه :

* السالمية :

-مجمع جاليري 2000 ش سالم المبارك السرداب ..

-مجمع الزبن ش سالم المبارك بالميزانين ..

*حولي بشارع بن خلدون مركز العثمان \السرداب ..

*الفروانية ش الفروانية مجمع الصيفي بالاس بالميزانين ..

*خيطان :

-جمعية خيطان بالميزانين بقسم التجميل..

-مجمع الدبوس ..

(2)

الحب الحب احبها هالماركه واغلب شغلاتها مجربتها..

وبتناغرا للمعرض مسوين عليها عرض اذا خذيتي شغلتين بتحصلين الثالثه فري..

بس عيب العرض انه محدد بشغلات معينه تختارون منه الشغله الفري ( جنطه- علاق الطاوله للجنطه-اصباغ اظافر -ماسكرا للشعر 4 الوان بس اللي مشموله بالعرض وردي \ابيض\اسود\ادعم -قلوس بيج او شفاف - بودره فاتحه- عطر -ايلاينر اخضر )

مشترياتي كحل ازرق وكونسيلر بودره و الهديه عقب عناء اخترت الايلاينر اخضر..

(3)

هالبوث من بعيد شدتني عروضه ..

سلاسل كبار متروسه جناط فيها كريمات او مكياج ..

وهذي اصباغ اظافر ميني الواحد بربع وال5 بدينار ..

مشترياتي :

جنطه فيها كريم وسنفره لليد وكريم وسنفره للرجل وحجر بعد ..

سعرها ب10 ..

كان معاها مقوي بدال السنفرة الريل وسالته اذا يصير اغير وقال يصير اشوه ..

وهذول خذتهم اختي الجوز ..

ماسكرا + مزيل مكياج ب5 د.ك

وللرموش برا جنه ب12 بالمعرض ب7 ..

كريم بي بي متوفر عندهم بدرجتين برا ب10 عندهم ب5 ..

واللي جنه حمرا ترطيب لحول العين والشفايف بدينار ونص ..

والاسود سيرم هديه وكابون تنظيف بشره هدية ..

(4)

هالبوث شدني له استاند نيفيا من زمان عنها كنت ادورها في حمره عاجبتني ..

مالقيتها لقيت مقارب لها خذيتها قلت بجم قالت كلشي بدينار جان اخمط خخخخ ..

مشترياتي ..

حمره ومحددين وماسكرتين وكحل اسد لاميمتي و صبغ اظافر والصراحه كنت ابي بعد بس اغلب الشغلات مخلصه غميظه :(

البوث لمحل اسمه فيفنزا اعتقد موجود بكويت ماجيك وجنه مجمع بيروت ووايد اماكن نسيتها ..

(5)

هذا صوب ماركة كورف قلت لها ترا اطالبكم هديه وفي احد بالبوث ماقلت له السالفه ..

وخذيت منهم ست عنايه للبشره شامل ..

وعطوني هديه وكلما فتحت حلجي زادوها ومتحسفه اني ماخذيت اكثر دافعه شي وسبعين وقبل فوق 100 ..

عطوني سامبلز كريمات وماسكرا + جنطه ..

وماسك فري مو سامبلز ..

وسامبلز حمايه انا قلت ابي ..

ولازالت ابي بعد منهم ليش تقولي باتصل وماتتصل :\

Labels: beauty, makeup, عروض, محل, مشتريات, معرض |

0 comments

Friday, March 22, 2013

شكرا مكياجي 2 :*

2:02 PM

قبل جم شهر دزولي نقصه عباره عن مجموعة من منتجاتهم عساس اجربه وانزل بوستات كريفيو لها عن رايي فيه هذا اهي النقصه الاولى (اضغط هنا )

وهذي تجاربي لبعض المنتجات :

1- كريم اساس Minx Ready to Wear ( اضغط هنا )

2-ماسكرا (اضغط هنا )

3- مناديل ازالة المكياج ( اضغط هنا )

والباجي بنزل عنهم سوون ان شاءالله ..

وهذي النقصه اليديده امس عطوني اياها ..

فيها وايد شغلات ماشاءالله ..

اول شي جنطة مكياج اسمها

بيربل رين

وفيها :

-24 لون من الوان شدو ..

4 حمر..

4 اصباغ للأظافر

4 المنتج 2 في 1فيه صوب ايلاينر والصوب ال2 مسكارا

4 لمعه..

4 قلوس

2 كحل

2 محدد ..

4 بلاشرات ..

4 فرش ..

(2)

ست عطور مون لايت فيه عطر ولوشن وجل شور ..

(3)

ست للفرنش مانيكير وفيه الاصباغ ال3 ولزقات للفرنش ومبرد ال4 في 1 تنعيم وصقل وبرد وتلميع وعصاة توخر اليلد الميت اللي يطلع دار مدار الظفر ..

(4)

طقم كحل وايلاينر وماسكرا للعيون الحساسه ..

(5,6 )

طقم فواحة + زيت و شمعه بريحة الرمان (شمعة تكون بروح مو بنفس علبة الست )

(7)

كحل ازرق ..

(8)

لووز باودر او البودره الحرة لتثبيت المكياج ..

(9)

ماسكرا ..

(10)

حمره ..

(11)

مزيل مكياج 3 في 1 يزيل المكياج عن البشره والعين والبراتم ..

شكرا ع هالهدية القيمه مكياجي حبيتها و شكرا ع الثقة :*

FB

الانستغرام : @mikyajy

والسايت :LINK

Labels: beauty, makeup, هدية |

0 comments

Gabrini lipstick

تنزيلات صفاة هوم ..

كيتشن ارت - kitchen art

اول صالون متخصص بالاظافر بالجهراء (نيلز ورك -nails work )

جفان للعبايات و الازياء الشرقية ..

زيارتي لمعرض العطور ..

شكرا مكياجي 2 :*

بيربل رين

About Me

ايميل المدونة :)

Labels

Followers

Blog Archive

انستغرام المدونة (roroalk)

follow me

My Blog List

Ads