شخبوطة كويتيه

Wednesday, May 16, 2012

Bubbles nail spa 3

12:41 AM

واخيرا سويت اظافري ، اليوم رحت مع اختي للسبا وهذي مو اول زياره لي له نزلت بوستيت قبل عنه (هني و هني)

الحلو فيه انه تقريبا اكثر سبا رحت له في اصباغ اظافر : ماشاءالله

ستاند كبير زويا ..

وجباله ستاند مثل حجمه تقريبا ل OPI وفي اكثر من ستاند وسط ل essie , وفي هالماركة ما اعرفها :

وفي عند الرسبشن الكولكشنات اليدد من ايسي و OPI وزويا..

ومتوفر عندهم كولكشن كرديشان:

زوووم عليهم

اخترت هذا منهم :

اسمه :kimber

وكنت محتاره بينه وبين هذا :

كنت مختاره هالنوع مدمد دزتلي صورة المنيو وعجبني انه وقت قصير ورخيص وشامل :

بس لما رحت ولا لاغينه :(

فشفت المنيو واخترت هذا:

وهذا مكاني :

وعطوني مخدتي للرقبه :

والضيافه اخترت جاي اخضر نسيت اصوره عقب وزعوا علينا هالكوكيز هوم ميد..

ولي الحين نفس الدلع كلشي ايي لي عندي:

النتيجة

وقبل لا اطلع عطوني العدة:

الفرق الوحيد عن قبل انه السبا صار اكبر وبالدور الارضي قبل كان بالدور الاول ..

عنوانه :

مدينة الكويت ، برج جاسم ، الدور الارضي..

ت:22960929 or 22960930

Link

تويتر

FB

- Posted using BlogPress from my iPhone

Labels: beauty, spa, اظافر |

4 comments

Tuesday, May 15, 2012

صبغ اظافر شبيه بالكفيار بس ع فورير او شعر !!

2:14 AM

توني احوس بستايل تاغ وشفت هالصبغ اول ماشفته حسبالي الكفيار , لما دققت طلع لا غير هذا جنه شعر قلت يمكن مثل فكرته يعني ست او ع اقل صبغ جاهز ويكون بهالطريقه..

سويت سيرج طلع هم لا مو نوع يديد من الاصباغ اهو صبغ عادي بس متفنتقين فيه شنو الماده مادري بس مو غريبه علي !! , شلون طريقه او من سوتها هم مادري لانه مافي مجال هالحزة ادور عدل :\

link

Labels: beauty, اظافر, فنتوقه |

0 comments

Sunday, May 13, 2012

جوله قصيرة بربوع دايسو

8:49 PM

تونا مرينا دايسو اختي تبي شغله قعدت احوس صوب البيوتي ماافتريت فيه كله وصورت لكم جم صورة :

هذا لما شفتها استغربت توقعت انه لشي شكلها يوحي فيه !! بس طلعت نفس الشفاط للروس السودا

هالصوره دوختني قلت ايد ماسكه التلفون وال٢ ماسكة الفرش من وين طلعت لي ايد ٣ ماسكة الشفاط!!

المهم النتيجة مو ايدي ايد اختي توني اثبت انه نفس لون والاظافر بالصج اهي بيضه ..

وبالنسبه للشغله اهي فرش ذكرتني بفرش بسيفورا كانت تدورهم مدمد..

وهذي فرش لتنظيف الاظافر كنت باخذها بس اختي ماشجعتني

وتوني ادري انه عندهم مكياج ..

كريم اساس وبودره

حمر

ماسكرا وفي نوعين او ٣ غيرها ..

هذا شنو بالضبط مادري بس صوب المكياج

وهم توني ادري انه عندهم عطور

زووم

وكفرات للايبود والايفون والجلكسي اس..

وماكملت باجي المحل طلعت لا واحلى شي اللي خذيتهم غير عن اللي صورتهم 😁

- Posted using BlogPress from my iPhone

Labels: beauty, makeup, محل, مشتريات |

8 comments

Thursday, May 10, 2012

cherriez فرع يديد ونكهة يديده ..

11:38 PM

اليوم رحت اجرب النكهة اليديده ب شيريز, وهالمره تعتبر الزياره المصوره ال2 لي بس الاولى كانت بفرع اليرموك (هني)

واليوم زرت فرعه بالمباركيه وتحديد مجمع الصقران ..

وصلت هالفرع صغيرون مجكنم مقارنه بفرع اليرموك ..

ذوقوني ال4 نكهات المتوفره حاليا (شوكلا , باشن فروت ,الاصلي "الاورجنال" , كرز)
ملاحظة : كل النكهات صحية و 0 فات ..

والنكهة اليديده اهي الباشن فروت ...

اختياري كان ميكس بين النكهة اليديده والكرز والتوبينغز اكتفيت بالجيز كيك احببببببببببببه لذيذ جان زين يبيعونه بروحه , وذوقته ولد اختي هم حبه ..

واليوغرت منعش ..

اما الفرع اليديد موجود :

بجليعه منتزه صالح الشهاب أيام (الخميس- الجمعه - السبت)..

والافرع ال2 :

لديرة مجمع الصقران خلف بنك الخليج الرئيسى.

وجمعية اليرموك الرئيسية.

وجمعية جنوب السرة (الزهراء) الرئيسية.

وجمعية مشرف الرئيسية.

شكرا ع الدعوه اخ عبدالهادي ..

Labels: اكل, محل, هدية |

0 comments

ريوقنا من ( صاج وتنور)

2:14 AM

قبل جم يوم مالقيت مكان اطلب منه فسالت مدمد من وين يطلبون ؟؟

دزت لي عن هالمطعم موجود بانستغرام

(saj_n_tannor)

٢ يوم طلبت منه انا ورفيجتي وادارة يرانه يعني ٣ ادارات :) سويت له دعايه خخ تحسون فينا فقر مطاعم من يسالوني وين بتطلبين اقولهم عندي منيو يديد ع طول يقووولون وينه خخ (يونسون احب اللي يحبون يجربون)

المهم وايد طلبنا اكل ماشاءالله بس اللي جربته منهم:

بيتزا

صاج مرتديلا

ت:

24922262-32

رايي:

الطعم زين مو وااو ، عيبه بسرعه برد وانه في لمت معين لتوصيل جنه ٦ دك هذا لدوامنا يمكن الاقرب مايحددون..

شكرا مدمد..

- Posted using BlogPress from

my iPhone

Labels: اكل |

0 comments

Tuesday, May 8, 2012

من وين تطلبون ريوق الدوام؟

8:45 PM

اول كنت ميمعه شكثر منيوات بفايل ، فجأة اختفى ( حسبي الله ونعم الوكيل ع من قطته)

المهم هالايام كل مانتصل ع مطعم :
-يتاخر جريب الساعتين واخر شي الطلب ناقص.
-غالي الصمونه الوحده فوق الدينارين ، والطعم الله يزيد النعمه.
-المنيو متروس اطباق بس اتصل كلشي ماكو!!
-مايوصلون!
-يوصلون بس بسعر محدد.
-اكلهم مو حلو ، او بارد ميصص..

ماتعرفون مطاعم سنعه؟
- Posted using BlogPress from my iPhone

Labels: اكل, شخبوطة تساؤل |

9 comments

Sunday, May 6, 2012

مطعم يديد في ربوع المنتقه (زيتونه)

10:01 AM

قبل فتره شفته بس مادريت انه بطل الا امس..

هذا جزء منه ..

وهذا البرشور..

بعد اسبوع ان شاءالله بيبلشون توصيل ..(ناطره يوصلون واجربه(

موجود بمجمع اوتاد..

وافرعه ال٢: بالافنيوز ، والسالمية، كويت سيتي ..

- Posted using BlogPress from my iPhone

Labels: اكل |

0 comments

Saturday, May 5, 2012

عرض اون تايم (امسح واربح ..الكل يربح)

7:24 PM

اول امس شفت اعلان اون تايم بالنت ، واليوم مريتهم باخذ هدايا..

العرض اهو تحصل ع كابون امسح واربح ع كل ٢٥ دينار تدفعها من قيمة الفاتوره ..

والهدايا توصل لي ١٠٠دينار بس مو كاش لا للمره اليايه يخصمون لكم قيمة الفاتوره ..

خذيت بس طقم واحد وكان رخيص بس لقطه وطلع لي كابون ١..

بالنسبه لوقت العرض من ٢٦-٤ الى ٢٦- ٥ ، اما الكابون فصالح لي ٣٠-٦..

فلا يطوفكم حلو للهدايا وحلو لعشاق الساعات..

- Posted using BlogPress from my iPhone

Labels: fashion, عروض |

0 comments

Chocolate shots

3:15 PM

من زمان مو مجربه مولتن يديد و قبل جم يوم كان خاطري برد فلفت مولتن وسالت عن مكان يبيعها غير قاذرينج بتويتر وقالولي عن هذا :

خذيت مشكل ع قولت الفلبينية :

سعره :

١١ شامل التوصيل

رايي:

حبيت انه ميكس وب١٠ وانه يوصلون لي بيتنا العاده توصيل لي بيتنا يا المندوب ياخذ مبلغ مبالغ فيه او يتشرطون لازم تطلبون ٣ درازن!!

اما بالنسبه للطعم فموايد حبيته جربت كل الانواع تقريبا وماحبيته لانه الكيك وايد اكثر من الككاو السائل ، بس احلاهم ام نقطة بيضه لانه فيها ككاو سائل وايد مقارنة فيهم

ت::94960250

تويتر :@chocolateShots

- Posted using BlogPress from my iPhone

Labels: Molten, اكل |

0 comments