شخبوطة كويتيه

Wednesday, March 21, 2012

مثل الكسندر ماكوين

10:13 PM

اليوم مريت نيولوك وشفت هالسكارف ذكرني بماركة الكسندر ماكوين

سعره ب٤.٥د.ك

وحاليا مسوين عرض ع كل بضاعه ٢٥٪

وفي منه قطعتين بس غير اللي ملبسينها المليكان

بس ماخذيته لانه مو ستايلي الجماجم ��

- Posted using BlogPress from my iPhone

Labels: fashion |

0 comments

Monday, March 19, 2012

خاطري فيه :(

11:54 PM

مع انه مو ستايلي بس عاجبني , رحت باخذه ماحصلته مخلص وهم قالولي بفرع الافنيو مو موجود..

ب H&M ..

ورخييييييييييييص ب5,900 د.ك ..

ابيه :(

Labels: fashion, wish list |

9 comments

Sunday, March 18, 2012

" أثواب للصلاة " تنفع كهديه للام بعيدها ..

10:26 PM

>هم هالبوست عباره عن بي سي توه وصلني وعجبني ونقلته لكم لانه حبيته كهديه للام بيومها ..

الله يخليلنا امهاتنا يارب ..

في اطقم ٣ انواع :

(1)

طقم للعرائس ثوب و سجادة و مصحف
و بخور و عطر بخاخ
30 KD

(2)

طقم (ثوب، سجادة، قرآن، بخور، عطر بخاخ) في حقيبة

متوفر بألوان مختلفة

25 KD

(3)

أطقم مختلفة
ثوب و سجادة
تبدأ من 15-20 KD

وفي اثواب ..

ثوب دانتيل وردي

متوفر بألوان مختلفه

6 KD

ثوب دانتيل بصلي

متوفر بألوان مختلفة

6 KD

ثوب دانتيل فوشي

متوفر بألوان مختلفة

6 KD

ثوب دانتيل فاخر

بنفسجي فاتح

7

ثوب دانتيل فاخر

بنفسجي غامق

7

ثوب دانتيل أزرق سماوي

متوفر بألوان مختلفه

6

للطلبات و الاستفسار:

66784483

Labels: fashion, ديني, هدية |

1 comments

اغلبنا يعرف هالكبل اسيل عمران فنانه سعوديه (مغنيه والحين اتجهت للتمثيل بعد ) واعتقد بدايتها بنجم الخليج ع قناة دبي , اما خالد الشاعر فهو مذيع بحريني بدايته عتقد ببرنامج ع قناة وناسه وحاليا يقدم برنامج صباح الخير ياعرب ع شاشة الـ mbc وله محاولات تلحين ’ بالاضافه لاشتراكهم برنامج الواقع هو وهي جزء الاول اللي انعرض العام ع قناة mbc..

الاسبوع اللي فات شفت اعلان لعدد اليديد من مجلة زهرة الخليج وابرز العناوين عن طلاقهم وصورتهم ع الغلاف ..

توقعت كالعاده انه المانشيت يكون للفت الانتباه يعني مجرد اختيار اكثر عبارة تثيروتشد الانتباه (بحكم تخصصي سابقا) او كاغلب المقابلات تكون مقلب موصج ..

بالصدفه حصلت المجله عند رفيجتي بالدوام فقريت الخبر وصورت لكم مقتطفات منه شدت انتباهي (للامانه الفكريه وحقوق النشر مانشرته كله)..

قصدي عن سوال اسيل عن عبارات الحب والغزل ..

رد خالد عن سبب طلاقهم ..

تعليقي الطلاق لعبة !!!

يتحجى عن كلام ناس اذا كان متزوجين ومايتقابلونا اشهر فبيطلع عليهم كلام

اهني يسالونه عن الانجاب اذا كان سبب للطلاق..

وانصدمت من هالجمله اتخيل اسيل نجمه مو زوجه وام اطفال !!

رده اناني شنو البنيه لعبه !! مابيها اطلقها ابيها اردها !!

عجبتني اسالت الصحفي بالصميم لانه ردوده مو منطقيه ولا عقلانيه..

وهني يساله عن اذا السن وعدم نضج سبب للطلاق , وهم عن انه طلاقهم تمثليه ..

وانصدمت قلت مطلقين وصورهم جذي شايلها .. الخ ..

بس هالصوره من تقويم عرفت انها قديم لانه شالته ايام هي وهو وهم غيرت ستايلها مع جويل (توقعت ردت للقديم )

وعموما الصحفي سألهم اذا طلاق تمثليه وانه اهما صغار انا اتوقع اي لانه اهما من بداية زواجهم وكلشي ينشرونه بالاعلام عرسهم /اجهاضها/ برنامج واقع عن حياتهم عرضوا فيه تفاصيل مالها داعي !! , وبالسنه لسنه اتوقع بعدهم مانضجوا ع هالتصريحات :\

يمكن يكون كل هذا رغبه بالشهرة والتكسب الاعلامي بس مو جذي عاد !!

ملاحظة :التصوير ضيم ادري بس ع طاير صورت ولمشاهدة الصور بشكل اوضح اضغط عليها تتكبر..

Labels: tv, شخبوطة تساؤل |

3 comments

Saturday, March 17, 2012

Red velvet من B cake

1:12 PM

امس جربت كيكة الرد ڤلڤت من بي كيك

سعرها ب٨

رايي
ماحبيتها:(

موجود :

بيان , الجهرا , الاندلس ..... الخ وماعندي ارقامهم

Posted using BlogPress from my iPhone

Labels: اكل |

0 comments

Friday, March 16, 2012

Natural Shose

8:10 PM

توه رفيجتي دزت لي بي سي عن هالجوتي وانتوا بكرامة

ماذا يميزه عن غيره من الأحذية ؟

•حذاء صديق للبيئة مصنوع من مواد طبيعية قابلة للتحلل 100%.

•مصنوع من مواد مطاطة طبيعية يتكيف بسهولة مع حجم القدم .

•تصميم مريح.

•مصمم بطريقة يسمح للقدم بالتنفس( التهوية ) .

•غير زلق .

•مغلف بطريقة يسهل وضعه في اي مكان .

•قابل للطي , لطيف و مرن .

•يغسل بسهولة بالماء والصابون في حال اتساخه .

•سماكته حول القدم 1mm واسفل القدم 2mm .

•له و لها ( للجنسين ) وللأطفال أيضا .

•متوفر بسبعة الوان : أبيض , اسود , أحمر , وردي , أخضر , أزرق و أصفر .

•متعدد الاستخدامات : للبر , للبحر , للغوص , للنادي و للاستعمال اليومي .

( للحج و العمرة )

ومتوفر بعدة مقاسات

XXS, XS, S, M, L

للطلب :

55444755

إلسعر : 10 دينار

عجبني انه طبيعي وانه يقال انه مريح و الوانه حلوه بس شكله مو ذاك الزود.

مجربينه؟

- Posted using BlogPress from my iPhone

Labels: fashion |

3 comments

Mango Skirt

2:43 PM

من رمضان اللي فات خاطري بتنانير وسالتكم عنهم هني وماحصلت نفس اللي بالي ودخل الشتا هالسنه مبجر وطول فطخيت عنهم والحين رديت ادورهم ..

وطبعا احوس اون لاين واللي يعجبني اروح محله اشوفه والاحلى والارخص وتقريبا التشكيله الاكبر لقيتها بمانغو ..

هذا جزء اللي اخترته من كولكشنهم ..

(1)

في منها لون 2 اصفر..

بس رفيجتي تقول مو حلوين باللبس :(

سعرها :19

(2)

هذي متوفره ب3 الوان , وموديلها مثل اللي نزلوه زارا العام بس زارا احلى ..

سعرها : 14,5

(3)

ابي تنوره سوده وكحليه وبيج ..

لقيت 2 سود الاولى هذي ..

يبيله اذا خذيتها اسكر الفتحه واطول البطانه :\

سعرها : 14.5 د.ك ..

(4)

وهذي ال2 ..

بس خامتها ضيم :(

سعرها :19 ..

LINK

Labels: fashion, wish list |

3 comments

Wednesday, March 14, 2012

مذركير اون لاين

10:49 AM

توني شفت هالاعلان بيبله وعجبني فكرة توفير موقع الكتروني لمذركير حلو لوقت الازمات

- Posted using BlogPress from my iPhone

0 comments

Tuesday, March 13, 2012

تذكرونها؟؟

1:16 AM

من زمان ماكتبت هالنوع من البوستات ، بس لانه اليوم شفت شكثر شغلات قديم كنت احبها ايام طفولتي منها هاللعبة...

تذكرونها ؟؟مرت عليكم؟؟لعبتوافيها

هذي موديل ٢٠١٢ مكشخين حوض السمج:p

- Posted using BlogPress from my iPhone

Labels: ذكريات |

4 comments

Monday, March 12, 2012

جديد فازلين

10:16 PM

من زمان ماحست عدل صوب الكريمات اليوم مريت عندهم وشفت انه نزلوا منتجات يديده من فازلين عباره عن غسول للجسم وصابون اكثر من نوع بس صورت هذا لانه عندي مثله ماخذته من تايلند..

وحاليا استخدمه بس مو بانتظام واهو للتفتيح، وفي اصفر للترطيب و فوشي اعتقد بريحة الرمان و اخضر بالصبار للانتعاش و كحلي للرجال ..

- Posted using BlogPress from my iPhone

Labels: beauty, الكويت, تايلند, سفر |

3 comments

ريوقنا من مطعم شاي ونعنع

12:53 PM

الاسبوع اللي فات جربنا هالمطعم ،وخذيت وايد طلبات شيرينق مع رفيجتي ..

كلوب ساندويش

صاج اعتقد مرتديلا

سيزر

رايي :

طعم عادي الى اقل من عادي ، ماحبيته:/

التفاصيل (العنوان وتلفون موجودين بالصوره الاولى)

Posted using BlogPress from my iPhone

Labels: اكل |

4 comments

Saturday, March 10, 2012

مزااجي leopard

11:21 AM

توني قاعده من النوم وخاطري ب leopard (مزاج متوحش خخخ)يلد النمر - الفهد وحتى الحيه موخرا قمت احبهم احس ترندي ويليقون ع اغلب الالوان برتقالي , اخضر , اصفر , فوشي ,,,, الخ ..

فعلى طول لي عمو قوقل وسويت سيرج وهذا حصيلتي الاوليه كل صوره عجبني فيه شغله او اكثر ..

(اللي بالويش ليست جوتي وانتوا بكرامة و حزام رفيع و جنطة صغيرونه بس بطنها وسيع )