شخبوطة كويتيه

Tuesday, March 22, 2011

ذبحني البق اهي اهي ..

12:00 AM

البق يعني ناموس \ باعوض ..

ذبحني بالتقرص على قولت امي خلص دمج ..

كلنا يمج ماسولنا شي شمعنى انتي !!

قبل فتره قرصني على يبهتي اختي تقول كاك انتي ودوار البدع ع يبهتج خخخ..

وبنفس الوقت قرصني على ايدي اليمين واليسار وتم الاثر على اليمين :(

اليوم قرصني على رقبتي وكفي اليمين بمكانين :(

شسوي ؟؟

يابق اشوف فيك يوم :\

ابي حل يخليها ماتقرصني و بنفس الوقت بذبحها بشفي غليلي منها ..؟؟

لحقتها بالمرتين ماقدرت اذبحها :\

Labels: فضفضة |

15 comments

Monday, March 21, 2011

KINO S CAFE

10:55 PM

قبل فتره كتبت شانيل عنه (هني)

فشوقتني خخ ولما سافرت كنت مخططه اروحله والحمدالله تم هالشي ..

اهو موجود بالمكتبه وكنت مزهبه لستتي مجموعة روايات اماراتيه ..

بس ماحصلت ولا 1 فيهم اهي اهي,بس خذيت منها كتب لليهال ..

قبل لا انصدم رحت حليت فيها..

واهو كافيه ياباني ..

طاولتنا ..

المنظر حلو هني بس الشمس سدوحيه خخ..

وتسلفنا كرسي من هني ..

وفي مكان نفس غرفه زجاجيه الظهر للمدخنين :\

ويوفرون كتب مجانيه للقرءه ..

وهذا منيووهم متوفر بالانجليزي بس ..

الجرس ..

عصير اختي

كعكتي ..

زين مو واو بس احسن شي من اللي طلبناه ..

وحلاته مسخنينها والكاكاو ذايب يمي يمي ..

برد كاكاومال بنت عمي ام الاقترحات وامها كانت طالبه برد فانيليا << طعمهم جنه برد قلاص ..

الاسعار :

عصير البرتقال =18 درهم..

البرد= 12 درهم ..

كيكة لكاكاو =23 درهم ..

عنوانه:

دبي مول - الدور الـ3 ..

Labels: اكل, دبي, سفر, قراءه |

13 comments

DAY TO DAY

8:02 AM

هالجمعيه جبال فندقنا وبطريجنا اول يوم للسيتي سنتر شفناه بس لانه تعابه قلنا باجر نستكشفها..

وحبيته بدال المره رحنا له مرتين و رحنا مره 3بس كانت مسكره خخخ..

حبيتها لانه لقيت فيها شغلات من زمان ادورها مو لاقيته ..

مثل هالكريم دورته بكارفور ومركز السلطان وجنه باماكن 2 بعد :\ وحتى بالبنده اللي بفيستفال ماحصلته ..

بس عندهم لقيته :)

-لقيت دلاغات الفلات وجربتهم مريحين بس حسافه البيج كانوا مخلصين مالقيت الا 1 ..

-خمطت حلاو وككاو انواع واشكال غريبين ورخاص ..

-خذيت اكواب لاختي وفي سوفينرات دبي ..

-مرت عمي لقت جنطه حلوه ماشاءالله ماشفتها الا عقب وان شاءلله حصل مثلها بالكويت اهي تصير اكبر من الكف بشوي وهي مسفطة بس ذا فتحتيها اقدر ادش فيها من كبرها ماشاءالله ..

اللي صار انه جناطنا ماكفت اغراضنا فاستعنه فيها احنا ومرت اخوي حطينا قشنا فيها :)

-شريت صوغه للخدم ستريت اليوم وحده منهم جربته شعرها صير خوص ماشاءالله شوه طلع زين :)

-بس اللي استغربت منه ماعندهم بيبسي وهالسوالف !!

-وهدومهم ضيم خخ بس عندهم بجايم زوينه ..

باختصار احس جنه رامز او سوق شعبي مو جمعيه :\

Labels: beauty, دبي, سفر, محل, مشتريات |

14 comments

Sunday, March 20, 2011

Le petit

8:23 PM

قبل جم يوم مدمد نزلت عنه بوست (هني) فشوقتني اجربه ..

شكله زين وسعره رخيص فقلت مو خسرانه اجربه وطلبته امس كنقصه لبنات الدوام ..

كلمته ع ال7 قالولي الصبح مضغوطين ماشاءالله ماكو الا 11 :(

قلت اوكي ..

* صوره الجيس منقوله من مدونة مدمد بعد الاستئذان :)

طلبت للداوم :

درزنين فطاير مشكل + درزنين جيز كيك مشكل :

ولبيتنا مثل الطلب بس درزن من كلشي ..

*الفطاير ..

الكيك :

رايي :

تعاملهم زين وتقريبا على الموعد مع انه قلت حاولوا تبجرون بس حقروني خخخخ..

الطعم زين مو وااو بالنسبه لي بس اهم شي البنات حبوه وخذوا رقمه مني :)

مثل ماقلت اول شي حلو انه رخيص وشكله زين ..

الاسعار :

الفطاير الدرزن =2 د.ك ..

والكيك الدرزن =1.500 د.ك

التوصيل = 500 فلس..

التفاصيل :

سايتهم:(هني)

FB (هناك)

ت: 99335499

Labels: اكل |

10 comments

جوله في ربوع اتلانتس :)

1:41 AM

مثل ماقلت لكم قبل 2 يوم رحنا اتلانتس ..

وهالاقتراح من بنت عمي لانه اهي ريحة له قبل ..

وانا خاطري اشوفه ..

المهم رحنا له ..

ماحبيته مافي شي يسوى :\

اتحجى كمرفق سياحي بس في كواريوم و مدينه مائية والدلافين ..

لا والاكواريم نوعين تجربه يعني تشفونه من برا وبفلوس خخخخخخخخ جنه 25 درهم:\ او تدخلونه عادي وطبعا بفلوس ..

ومااحب الاكواريم فمادشينه ..

قالت بنت عمي جربوا القطار ..

قصينا التذكر ..

الشخص روحه ورده 25 ..

ون وي 15 جنه :\

طريجه ..

لقطات :)

حده مايسوى بنت عمي شبعت زف خخخخ ..

انا حسبالي الوجهة ل2 فيها شي يسوى طلع لا :\ فخذينا فوق تحت وردينا :\

واهي ترقعها جربتوا القطار شفتوا مناظر :\

قلت لها جان قلتي ماكو شي جان خذيناه ون وي و عقب نركب تاكسي للسوق :\ اسمنا جربناه ووفرنا درب ..

وخذيت كوكيز اللي قلت لكم (هني)وطلعنا منه..

خاطري المره اليايه اجربه اسكن فيه وادش القريه المائية وطبعا اجرب السبا :)ان شاءالله

Labels: جولة مكوكية, دبي, سفر, فندق |

18 comments

Saturday, March 19, 2011

VINCCI

12:10 PM

هالمحل فصلت عليه خخ تقريبا كل يوم امره بس كل مره مجمع غير :)

اهو متخصص بالاحذيه انتوا بكرامه والجناط ..

ويعتبر ماركة ماليزية ..

حتى كتالوجهم حبيته تصويرهم حلو وعيزت يالله لقيته بالنت ..

هذي اكثر صفحات حبيتها ..

الجنطة تونس بلصجبس ماشفت منها الا لون الاسود ..

حبيته يونس باللبس حسافه ماخذيت لي 1:(

هذا لفلات عجب اختي ستايلها نااااعم حيل وماخذته خخ ومتحسفه هالصوره اهداء خاص لها خخخ..

اللي شريتهم مو معروضين بالكتالوج ..

اسعاره :

رخيصه يعني خذيت خذيت نعال ب3 وصندل ب6 ..

وحبيت الصنادل اكثر من الجواتي وانتوا بكرامه ..

وين موجود ؟؟

كالعادة مو موجود بالكويت :(

بس موجود بقطر والبحرين والامارت ..

بدبي :

بدبي مول و مردف و ستي سنتر << رحت لهم وباجي بس اللي بالبرجمان :)

(مصدر )

هذا اللي قلتي لي عنه جايونه ؟؟

Labels: fashion, دبي, سفر, محل, مشتريات |

10 comments

Friday, March 18, 2011

جديد "كولدستون" كوكيز ساندويش

2:17 PM

2 يوم بسفرتنا رحنا اتلانتس بنزلكم صوره عقب ان شاءالله..

وبطلعتنا رحنا انا واختي كولدستون ابي اجرب الكوكيز من اول يوم وخاطري فيها ..

هذي الانواع :

اهما 4 نكهات من الايسكريم محكوره بكوكيز :)

طبعا اخترت كاكاو :

اسمه (شوكلاته كيس اند تيل)

واختي خذت بروني توني ادري انه عندهم حسبالي بس يبعون برد..

فخذيت لي معاها قطعه ..

سعر كوكيز ساندويش :

الحبه : 14 درهم

علبه في 4 حبات من اصناف مختلفه ب49 درهم ..

رايي :

اممم احب الكوكيز بس حلاته اسخنه ويذوب يمي يمي , وماحب برد الا وهو ذايب :\ ماكان في مجال اسخنها جان تهورت خخخ ..

ماذقت الا نتفه فمااقدر احكم عليها :\

ومادري اذا متوفر بالكويت ولا لا ؟؟

Labels: اكل, دبي, سفر |

18 comments

Thursday, March 17, 2011

لاوبرج

7:35 PM

ماشاءالله حللنا اول يوم عدل وعشانا كان بمجمع ستي سنتر بهالمطعم..

اخترنا كبينه ..

المنيو..

ولفت انتباهي جم نوع عصير من اللي يقدمونهم :\

كوكتيل بنت عمي:

شوربه عدس ..

وكانت ثقييييييييييييييييييله..

فته لحمه ..

حبيتها شطبنا عليها خخ..

فطاير مشكله (لحم -جبن-سبانخ)

كبة برغل ..

وانا حطيت عليه اشويه من لبن الفته وصارت كبه باللبن خخخ..

خبز..

الفاتوره..

Labels: اكل, دبي, سفر |

10 comments

بسنا فتن :( ومحد يفرقنا ..

12:49 AM

طول عمرنا على قلب واحد ربع واهل ..

نساعد ونحب بعض وناكل ونشرب مع بعض وندفع عن بعض ..

بيوم وليله تنقلب الايه والبي بي والواتس اب والفيس بوك كل واحد يحط على ال2 :\

لازم كلنا نحط حد له المهزله ..

عن نفسي :

لن اشارك في نقل خبر او تعليق يساهم في ابراز الطائفية .. كنا معاً في أسوء الظروف ولا زلنا نسند ظهور بعض و الى الابد

الاسلام يجمعنا ..

والشرع ينهينا عن اثارة الفتن:

"الفتنة نائمة لعن الله من أيقظها"<< طلع حديث ضعيف !!

كلش كلش عشان الكويت ..

والكويت فوق كل اعتبار..

الله يحفظ الكويت والخليج يارب ويفك عوق البحرين عاجلا ليس اجلا اميييييين ..

Labels: الكويت |

26 comments

Wednesday, March 16, 2011

استرجعت طفولتي :)

3:54 PM

حدي متكسره :\ سفره 3 ايام كسرتني لو شهر شسوي :\

ومالي خلق اطلع عطيت نفسي اوف لباجي الاسبوع :\

اكملكم شنو سوينا باول يوم ..

عقب ماطلعنا من المردف رحنا فيستفال وهناك رحنا لعبنا..

نظامهم فيش مو تذاكر مادري ليش؟؟

احس الفيش ماتنفع لهالالعاب ..

الحين بعد التذاكر انقرضت صارت الالعاب بكروت تعبئة..

لعبنا القليليبه ولما عجبتنا كملنا ..

اختي صورت جم لقطة من فوق ..

ولازم نستعبط :p

مطقمين الصبغ :)

وعقب ركبنا الدوده لفيتين ونزلونا خخخ..

ذكرتني بشوبيز :\ اخيييييييييييييه ايام ..

وختمناها بهالعبه ..

وصار الغروب وصلوح ملوح اللي يدل فندقهم يروح :p

اسعار التذكر :

لعبتين كانوا بعشرين درهم يعني 4 فيش ..

ولعبه ب15 يعني3 فيش..

الجو كان حرررررررررررررر خيسه :(

ومكان لالعاب مثل ماقلتلكم فوق بمجمع فستفال..

Labels: دبي, سفر |

12 comments

ذبحني البق اهي اهي ..

KINO S CAFE

DAY TO DAY

Le petit

جوله في ربوع اتلانتس :)

VINCCI

جديد "كولدستون" كوكيز ساندويش

لاوبرج

بسنا فتن :( ومحد يفرقنا ..

استرجعت طفولتي :)

About Me

ايميل المدونة :)

Labels

Followers

Blog Archive

انستغرام المدونة (roroalk)

follow me

My Blog List

Ads