شخبوطة كويتيه

Sunday, February 20, 2011

مورانو ..

9:30 PM

السبت اللي فات اختي الكبيره يابت لنا اكل من :

اصابع الجبن :

ملفوف :

صينة كبب :

رايي :

اهو زين بس عيبه اني كليته بارد وعقب رحت طبيب الاسنان ورديت باكل ماقدرت اهي اهي :\

واكثر شي حبيته الكبب ..

وبالنسبه الاسعاره زينه التوتل 8 وشي ..

والعنوان مكتوب ع الجيس فوق ..

Labels: اكل |

21 comments

Saturday, February 19, 2011

صبغ اظافر العيد الوطني & التحرير ..

2:39 PM

وايد تيلي ايميلات دعايات عن شركات وخدمات ومطاعم وصالونات بس مايهموني لانه مااحب حط اي شي ببلوقي ..

بس هالمره غير ..

اخيييييييييييييه دزولي غرامي الاول بالبيوتي :*

الاظافر لا وعلى علم الكويت ..

حبيت اللي اللي حاطينه باكثر من صوره ..

وهم في كذا صالون يسوي اظافر للعيد الوطني بس ماعجبوني هذا وايد ارقى ..

بجم ؟؟ مادري :\

بس عنوانهم :

الشعب البحري ق8 ش نافع بن الازرق - بناية لؤلؤة الرفاعي - رقم 12 الدور الأول - شقة 2

ت :	22655245

FB:LINK

Labels: beauty, wish list, اظافر, اعلان, الكويت, صالون, مناسبة |

8 comments

Friday, February 18, 2011

hair style

9:50 PM

امس كنت رايحة الطبيب وعلى مايصير دوري قعدت اتصفح مجله ولقيت فيها هالصور ..

اح احسه يعور :

خخ متعوب عليه ويضحك بس هم احس يعور بعد..

ياشين للي كشتها ضاربه شوط وتفل شعرها :\

خخ مو قادره تيمعه كله..

لاحظتوا شي كلهم ماكو حواجب الظاهر من تلت الشعور حتت الحواجب خخ..

راسي قام يعوري ذكروني بامي اول كانت لما (تمشط -تنسل - تكد) شعري تعذبتي قلت لكم عنها قبل (هني )

Labels: beauty, ذكريات |

18 comments

Thursday, February 17, 2011

بر تايم :)

11:43 PM

اليوم اختي الكبيره عزمتنا ع اسطبلهم بجبد ..

والحمدالله الجو كان زين والسما صافيه ..

اول شي سوينا جهزنا الدو وشبينا الفحم للشوي :)

عقب غيروا مكانها وبلشنا شوي همبرغر وكباب والصوب ال2 صينية دياي ..

وماصورت الا الهمبرغر عقب ماستوت وكانت لذيذه ..

وهذا دياي غير عن اللي بالصينيه ..

وعقب قعدنا بيت الشعر نتغدا ..

صمون ..

يريش ..

سلطة نشوق مو :)

شوربه عدس توني اتذكر اني ماذقتها :\

وفي بعد كباب وصينية الدياي وصواني حلو ماصورتهم :\

وهني اختي تشوي المارشيملو وهم لذيذ كيفنا عليه خخخ..

واخوي اجر بقي له سوالنا شو ومابقى احد ماركبه خخخ وضاع تلفون اختي بس شوه لقيناه ولا جان انتحرت خخخ ..

كنت بي طياره ورقيه وكنت ابي منطاد مارضوا :\ وكنت ابي اناجر حنطور وهم محد عبرني الا مرت اخوي و محد عطانا ويه خخخ..

بس عموما كان يوم حلو وخفيف..

شكرا اختي وشكرا ابو سمسم وشكرا لاهلي بعد :*

Labels: اكل, جولة مكوكية, مناسبة |

16 comments

Wednesday, February 16, 2011

نقشتي :)

3:56 PM

امس كان عندنا حفله مفاجئه مو مخططه لها كلش :\

بس شوه لوكي كان زين ..

وطبعا رحت الصالون وسويت نقشه لانه صايره احب اجرب كلشي فقلدت نقشة رفيجة Me Blogging

اللي اهي الدسوس او Gloves Henna

البنات مدحوها وحبوها بس وحده قالت زينه اللي مخربها انه الخطوط عريضه و جايونه تقول صوب الاصابع الطول غير بس لاحظت لي فرقت صابعي مافي فرق وايد..

بس الكل قال حلوه ووحده حسبالها لابسه دانتيل خخ..

الا انا ماحسيتها مضبوطة وايد مثل ماقلت رفيجتي عريضه كخطوط واحس حجمها كبير لو اصغر احسن ..

بس حبيت اني سويت شي عن خاطري والاحلى سعرها دينار بس خخ..

اي صالون يسويها الحين بس وريهاالصوره :)

Labels: beauty, صالون |

27 comments

Tuesday, February 15, 2011

شلون اجفف الورد ؟؟

2:10 PM

من الهدايا الحلوه اللي يت لي بعيد ميلادي هالبوكيه الحلو من مدمد..

وايد حبيته ..

بس بلش يذبل :(

قلت بجففه اول كنت سامعه انه في محلات ورد تجفف صج ؟؟

ورفيجتي تقولي قلبي الورد بتجفف بس شلون هذا بوكيه بيخترب :(

وشكرا مدمد ..

خخ الناس حسبالهم الورد اللي وصلي من مدمد وجايونه هدايا فلنتاين !!

وهم مرسي جايونه ..

ملحوظه : هالبوست مو عن الهدايا , لانه كل وحده له قصه فيبيلها بوست بوقته يعني عقب شهر لما ستخدمها :)

Labels: شخبوطة تساؤل, هدية |

22 comments

Sunday, February 13, 2011

Carluccio's (عيد ميلادي ج2)

9:12 PM

نكمل بوستات عيد ميلادي :)

هذا اخر جزء بالاكل الباجي راح يكون خل الاشهر القادمه ا ن شاءالله تجارب بيوتي (سبا ومنتجات)

ومثل ماقلت لكم ببوست الاحتفال عقب ماخلصنا من جوكلت بار وافترينا قررنا نرد البيت وعقب هونا ورحنا نتعشى بهالمطعم علبو يديد فلازم اجربه خخخ..

هو فكرته مقاربه لدين & دلوكا << شي جذي اسمه توني مسويه فورمات لمخي خخخ فناسيه كلشي ..

مقارب له من ناحيه انه كثر من شي كافيه ومطعم ومتجر اغذيه بس بطابع ايطالي ..

في كثر من نوع طاولات احنا اخترنا هذي ..

وهذي الانواع الـ2 ..

المنيو :)

بس ترا وايد محدد (يعني صفحتين ونص تقريبا) وفي شغلات مو مذكوره فيه مثل البيتزا وصعب يبيله شرح بس القرسون ساعدنا ماقصر ..

وطبعا الاكل شروكه ..

معكرونيه بالكريما البيضا والدياي ..

لازانيا ..

شوربه فطر :

تبجي طاخت بجبدنا بجداره لا وطالبين 2 منهاا قلت لمدمد خلج معانا استحت حسبالها بتطلع حلوه وبنتذابح عليها خخخخ ..

يقدمون معاها خبز جنه كيكه ..

طلب مدمد مااعرف شسمه بس ذقته خخخ..

الاسعار..

رايي :

وقلته للقرسون واختي قالت لي فشلتيه !!

بعد اهو سالني لازم اقول الصج :\

انه عادي ماعرف اوصفه بكلمه لازم اصور لكم الحركة اللي سويتها خخخ .. هزيت ايدي بمعنى انه الاكل زووويـ ------ن الشرطات شد علي الكلمه مادري اذا فهمتوني ولا ارز ويهي الجميل بالبوست خخخخ ..

واحلى طبق الكريمه بصلصه البيضا والاسوء الشوربه..

اما الخدمة زينه ..

Labels: اكل, مناسبة |

21 comments

Saturday, February 12, 2011

نارنج (عيد ميلادي ج1)

9:08 PM

من الحين اقولكم بحط فوق 1000 بوست عن عيد ميلادي :)

مثل ماقلت لكم بالبوست اللي فات ..

اول شي سويته بعيد ميلادي رحت تغديت مع خواتي بهالمطعم ..

اول صدمه لما دشينا ولا اغلبه محجوز يعني اللي بيروح له الافضل خصوصا اللي ما يحبون الشيشه :\

خخ قالت تشيشون قلت لا وي جان تقول ماكو الا طاوله صوب المدخنين قلت اوكي خخ بس كان المكان فاضي عقب يو الناس ..

المنيو :

تصفحته ع طاير لاني عارفه طلبي من بوستات البنات وخصوصا جايونه قلدتها بجم طبق :)

المقبلات المجانيه ماذقتها ..

شوربه عدس ..

(زينه)

حمص باللحمه ..

(هم زين)

(بطاطس )

فتة داود باشا..

الذ شي جربته عندهم يمي يمي..

مشاوي مشكله ..

وهني لما وخرت الخبز ..

ماذقت الا تكه وشويه من الكباب هم زين ..

عرايس باللحمه والجبنه شي جذي اسمها ..

زينه ..

كبه باللبن ..

ذقت وحده حسيت جنها اللي سويتها برمضان وفشلت :\ مع انه قايلين لي انها لذيذه :(

معاها عيش ..

عادي ..

وعقب لما خلصنا قلنا نبي ناااخذ الاكل سفري اغلبه جنه مانجاس ع عداله :\ قال ماعندنا هالخدمه @@ ياااني تحلطمت عليه خخخ بالله شيبي التيك اوي !!

عقب عطونا ضيافتهم صينية حلو ..

اللي جنه كيك مادري بسبوسه ماحبيتها حسيتها مو فريش, اللقيمات و اللي مثله طواليه يابسين ماقدرت اكلهم ..

ااما اللي عجبني المعمول اللي حاطه عليه توقيعي ..

ميوه :)

ااالاسعار..

الخلاصه :

في شي ماحبيته غير انه ضيج والشيشه حاطينه داخل المفروض برااا بمكان مكشوف :\ وانه ماكو تيك اوي ..

القرسونات وايد يلزقون :\ حاولت اوخر كنت بقلب من الكرسي :\ تحلطمت نافخت وانتفخت الدخنه طلعت من خشمي واذوني وطنقرت ومديت بوزي ماكو محلك سر :\

في حل اخير ماقدرت اسويه خخخ..

اللي حبيته اكلهم عموما زين وضياافتهم تونس ومميزه ..

عنوانه ..

السالميه - مجمع اولمبيا - جبال المركز العلمي يعني بشارع الخليج او البلاجات ..

Labels: اكل, مناسبة |

20 comments

Friday, February 11, 2011

احتفالي بيوم ميلادي المجيد :)

10:47 PM

الحمدالله كان يوم حلو ومتروس مفاجات مع انه ولا شي من اللي خططت له صار خخخ ..

نسيت اقول امس انه التاريخ ميلادي هالسنه مميز خخ ..

11-2-2011 م ..

وانه دور السنه ان شاءالله بنصير انا وامي كبر بعض :p

نبلش باحتفالي باختصار لاني دايخه بعطيكم الموجز والتفاصيل في البوستات اليايه ان شاءالله ..

اول شي ونسني انه اختي الكبيره يتنا وطلعنا مع بعض :)

بما انه كنت حاجزه صالون بالسالميه واستحيت اكنسل كنت ابي مطعم حوله يعني بالبدع وصوبه :\

رحنا :

تغدينا فيه (عزيمة ااختي الوسطيه)..

وعقب رحت الصالون ولو مطنشتهم احسن اول مادشيت هفتنا ريحة زفر زين ماسدحتنا خخ و يصفر ماكو ال زبونه وعامله ورسبشن فاضي عقب لما أحد عبرنا طلعت لنا وحده ماتدري وين الله قاطها استغفرالله اقولها ابي جلسه شعر ؟ تنحت :\ قالت لي كريم قلت حمام زيت والخ.. ولا زالت الاخت متنحه قلت لخواتي خل نروح قالت فيه جرجير قلت مو اي شي تحطينه شوفي شعري اول شيحتاج ورتني ورقه تبيني اختار :\ رديت ورقتها وقلت لخواتي مشينا :\

وماسويت شي كنت ابي كورس بس هونت :)

ورحنا الافنيوز بداله مرينا السينما مافي افلام سنعه :\

وانا كنت احوس بماكس شفت منو ؟؟

مدمد جان اقولها طحت عليج خخخخ

(خيره ماسويت شي بالصالون ولا لقيت فيلم سنع :)

عاد شيشتني نروح مكان نحلي ويغنون لنا فاخترنا جوكلت بار :)

كيكتي وغنوا لي وصروعنا بعد خخخ ..

وصورنا صور عبط خخخ ..

هذا فرنش هوت جوكلت لمدمد لما شفناه انصدمنا وايد كبير خخخ ..

الكيكة من مدمد ..

وتمشينا وشريت كريمات وخرابيط وقلنا بنرد البيت :)

ودعنا مدمد عقب اختي قالت خل نتعشى جان اتصل ع مدمد مرتين ماكو جان ادرعم ع سبا واشوه حصلتها ورحنا تعشينا هني ..

عزيمة اختي الكبيره لنا :)

يوم خفيف منوعه الهدايا فيه بين عزايم و هدااااايا بيوتي ..

مشكورين ع الاحتفال مدمد وخواتي ..

مشكوره جايونه ع المفاجاءه ..

مشكوره سوسو ع الهديه..

ومشكورين اللي هنوني سواء هني او بايميلي :)

Labels: اكل, شخصي, مناسبة |

36 comments

مورانو ..

صبغ اظافر العيد الوطني & التحرير ..

hair style

بر تايم :)

نقشتي :)

شلون اجفف الورد ؟؟

Carluccio's (عيد ميلادي ج2)

نارنج (عيد ميلادي ج1)

احتفالي بيوم ميلادي المجيد :)

About Me

ايميل المدونة :)

Labels

Followers

Blog Archive

انستغرام المدونة (roroalk)

follow me

My Blog List

Ads