شرايكم باللوك اليديد هالمره ضبطته لي من اكون من مجاميعه من الى :)

اول شي ..

في كلمه تقرقع بقلبي لازم اقولها ولا ارتكب جريمه :p

كلنا نعرف ان حرية الراي مكفوله << هذا بالدستور.. والاختلاف بالراي لايفسد للود قضيه >> هذا بالعقل ..

وانه النقد الهدام لمجرد الحره والواهي يعلكم بهالحاله واردى خخخ مو حلو :p>>هذا بالمنطق

و كلش ماتوقعت في يوم من الايام انه احد يدش بلوقي ويتنرفز ويعصب ويوصل الامر انه يسبني و يتطنز لمجرد انه عرضت تجربتي معاهم بكل مصداقيه وصراحه..

اهما الظاهر حسبالهم كل البلوقات تعرض لمشاريع ويطيرونهم للسما ويدهنون سيرهم بس عشان الهدايا >> وسيط البلوقات..

ونظامكم ياتمدحوني يااسفل فيكم >> اوكي طوفنا او بمعنى اخر قدرنا نجعمكم بالبلوق بس ما يوصل الموضوع الى انه تمسكون رفيجتي وتسفلون فيها لانها بس رفيجتي :\

مصيبه عقب 3 اسابيع مانسيتوا السالفه !! اللي اساسا ماتسوى هالبلبله ..

رفيجتي قالت لاتكتبين شي اخاف يرفعون عليج قضيه قلت لها بل حشى بغطي ع الجاسم عاد ماوصيكم طلعوني او كتبوا عن ببلوقاتكم خخخ..

وبعدين انا خابره انه الممنوعات واهي بالاعلام ومايعتبر البلوق من ضمنها (عدم المساس بالذات الالهيه ولا بالرسول عليه الصلاة والسلام تنكسر ايدي وينقص اللساني اذا سويتها ولا بحاكم البلاد مع اني امون صح بابا صباح اتغشمر خخ)

عجبتني اللوحه :)

وهني اختي قعدت لانها بتسوي منيكير بس..


اما انا اخترت هالنوع + تريتمنت للريل >> رد لي مسمار اللحم :(


واللي عجبني انه تقول عندهم جهاز للمسمار اللحم بس اهي ماعنده ليسن عساس تستخدمه لي << المقصد انه مو اي شخص يستخدم ع سوالف لازم مختص.. مكاني :)


ادواتي ..



مشروبي ..

اخترت صبغ اظافر الاحمر من مجموعة اليس جايونه شوقتني عليه :)

النتيجه :)

سويت نيولوك لاظافري :)




وخذيت منهم هالمنتج للمناطق الجافه خاصة مسمار اللحم استخدمه 3 مرات بالاسبوع واحط نقطه صغيرونه و وماطول فيه 5 دقايق واغسله ..

لقطات من الصالون :

هذا المكان اللي كان جبالي ..

وصاحبه الصالون نادين لما قالت لها بصور ماقصرت خذتني جوله بالصالون هذا صوب التان ..

وعندهم نوعين:

هالجهاز ويتم 3 اشهر التان وتختارين الدرجه اللي تناسبج سواء قلو او دارك ..

وهذا مؤقت سبري للحفلات والمناسبات ..

الفاتوره ..

رايي بالتجربه :

وايد حبيت النتيجه الخاصة بالبديكير خصوصا الترتمنت ماشاءالله خفف المسمار اللحم احسن من شهر علاج مع طبيب الجلديه :\

واقل شي عندهم الصبغ اهو مو ويع لا زين بس يبيلهم يتقنون اكثر ولامانه يعدلونه وبالهم وسيع:)..

واسعارهم وايد وايد وايد حلوه وعندهم عرض حبيته اهو الخاص بحفلة عيد ميلاد ب150 دينار شامله الكيكه و التفافيخ والمدعوات من 8 الى 10 بالكثير ومدتها ساعتين ..

واللي سوت لي البديكير اسمها غريس ..

اما المنيكر اسمها نوره ..

وكلهم حليوين ويشتغلون بذمه وضمير ..

عنوانهم :

ومكانهم مايضيع اشارة حديقة الشعب تاخذون الفرعي يمين تمشون سيده بتحصلونه << هذا ويهي اذا احد فهم شي خخخ ..

اهو بالعماره اللي يم صالون الاء بيوتي ..

f.b:link