شخبوطة كويتيه

Monday, March 22, 2010

bubbles nail spa 2

8:22 PM

السلام عليكم ..

اليوم رحت مره 2 ل bubbles nail spa (اللي حابه تشوف رحلتي الاول له تضغط ع اسمه)عندي موعد المهم سويت شغلي ..

وعقب قالت فنش :\

قلت لها عندي صبغ اظافر ببلاش يمكن من دشيت ليما سولي 9000 مره قلت يالله استوعبوا عاد اخترت هاللون dita..

واهو من مجموعةLA DI DA ..

وكاهو بايدي باكثر من للقطة :

اللون كل مره غير :\

وهذا لون بالقرشه :)

حبيته :)

ع الطاري نسيت اقول ترا يبيلهم مجابل انا ادفع مثل رفيجتي بس اخذ مميزات وخدمات اكثر مثل التفتيح اهي بس كفوفها انا لي الكوع عقب الصبغ حطولي شغله ع اطراف اظافري اللي صوب اللحم اهي لا :\

هالمره عرفت اسم اللي سوت لي اسمها سالي وكانت زينه اللي قبلها ماعرف اسمها بس هم زينه احسن من اللي سوت لرفيجتي..

ونسيت اقول كنت بسوي نقشه بس قالت مايسون الحين :(

وبس سلامتكم :)

Labels: beauty, spa, اظافر |

28 comments

Sunday, March 21, 2010

Gorgeous Feet

11:23 PM

السلام عليكم ..

ياحلات الدلع اخيييييييييييييييه بسوي سبا منزلي خخخ انا من رحت سبا تايم وانا ابي اطبق اللي شفته قلت لاختي الكبيره تعالي اسويلج فيشل ماتبي تقول الجو هناك غير قلت لها امشي نسوي مساج تقول صج فاضيه :\

الحين في 3 مستلمتهم الا وحده منهم تروح معاي :)

ولا بتهور وروح بروحي :p

*وناسه

قبل جم يوم قريت انه المسمار لحم يروح اذا نقعتي ريولج بماي حار وملح لمدة 3 ايام كل يوم ساعه قلت بيه انا وين اتم ساعه بدون لاتحرك ماكو الا وانا نايمه :\ وماكو طشت سدوحي والحل ال2 بالطريج للدوام بس لويه ع ماوصل الدوام الا انا متسبحه فيه خخخ لا وحلات شكلي اول ماوصل اكت الماي جدام باب الدوام وارد الطشت ..

س:ماتعرفون حل له غير الكوي ؟

فاصل اعلاني ..

هذا البوست برعاية مو مبين اسم الكريم خخ ..

واخيرا وصلنا لبوست اليوم :)

شكنت بقول :\

اي في ناس خبيره بشره وناس خبيرة مكياج او شعر انا خبيرة قاعة ريل خخخ..

هالتجربه اهي ال3 ..

وهذي ال1:
عنايتي بقاعة ريلي :)

وهذي ال2:

the perfect pedicure kit

وهذي تجربتنا اليوم ..

عباره عن منتجين من بوتس اهما سنفره وكريم .. سمعت عنهم من المنتدى مادحينهم وانه كانوا مسوين عليهم عرض بكورنر بو نص فخذيتهم قلت شوراي اجرب ..

الخطوة الاول :

السنفره واسمها :Boots Gorgeous Feet Seriously Smooth Foot Scrub

تقدرون تستخدمونها بشكل يومي او اسبوعي ..

انا استخدمتها بشكل يومي ليما لفظت انفاسها الاخيره ..

حبيت فيها:

1- ملمسها ناعم حبيبات السنفره نفسها مو كبار فتصير خشنه تعور ..

2- ريحته حلوه ..

3- مدة صلاحيته تقريبا سنتين ..

الخطوة ال2..

الكريم واسمه Gorgeous Feet cracked heel repair

الحلو فيه :

1- انه مو دبغ ..

2- نتايجه تبين من جم مره مثل ماهو مكتوب عليه تبين من 3 ايام ..

3- مثل السنفره بخصوص مدة الصلاحيه ..

اما استخدامه طلع مرتين باليوم (الصبح \بالليل)توني اقرا خخخ انا كنت استخدمه بس مره كل يوم بالليل وكان زين..

وهم مرات استخدم معاهم نفس الصخره السودا امتطوره بدور شكلها وبحطها لكم قريب ان شاءالله ..

خلص البوست :)

Labels: beauty |

30 comments

Saturday, March 20, 2010

الككاو :)

8:29 PM

السلام عليكم..

من زمان مو حاطه شي عن الاكل انياهاها خخ ..

بس هالموضوع بناء ع طلب اخوي عين بغزي ميمعه المعلومات صارلي شهر :\ بس توني افضي للموضوع ..

لقيت وايد دراسات وهذي نتايجهم :

-الشوكولاته الداكنه له الفائدة التي تعمل على تخفيف حالات الشعور بالاكتئاب والخمول الذهني المُصاحبة للإصابات بمتلازمة الإجهاد المزمن.

-الكاكاو الطبيعي في الشوكولاته الداكنة مفيد لتنشيط القلب ورفع المزاج ولذا يجب على الإنسان استهلاكها بتلك الكيفية المفيدة، لا بكيفية ضارة.

-تناول الشوكولاته الداكنة ربما يصبح وسيلة فعالة لتخفيف الوزن لانه فقد ظهر أن الشوكولاته الداكنة هي أيضاً أفضل من أنواع الشوكولاته الأخرى المطعمة بالحليب، في إحداث شعور لدى الإنسان بالامتلاء والشبع والاكتفاء، إضافة إلى تقليل التوق الشديد لديه لتناول الحلويات، أو حتى المواد المالحة أو الدهنية!

- الشوكلاته الداكنة تناولها يساعد في تخفيض ضغط الدم العالي فتحافظ على سلامة القلب وتجعله قويا معافيا.

-أن الشوكولاته الداكنه تحتوي على كميات ضئيلة جدا من الكافيين لذا فهي غير ضارة كما أنها لا تسبب تسوس الأسنان أو بثور الشباب ولا تعرض من يكثر منها للإدمان.

-أظهرت دراسة فنلندية نشرت مؤخرا، أن تناول الشوكولاته أثناء الحمل قد يساعد في إنجاب أطفال أكثر سعادة ونشاطا وحيوية.<< اتوقع عموما مو الغامجه بس..

روابط الدراسات.

http://www.love-m.com/vb/t109556.html

http://www.kalemasawaa.com/vb/t3640.html

http://74.125.77.132/search?q=cache:3L5Wx9CzaGQJ:www.7asawi.com/vb/showthread.php%3Ft%3D3549+%D8%A7%D9%84%D9%81%D8%B1%D9%82+%D8%A8%D9%8A%D9%86+%D8%A7%D9%84%D8%B4%D9%88%D9%83%D9%88%D9%84%D8%A7%D8%AA%D9%87+%D8%A7%D9%84%D8%AF%D8%A7%D9%83%D9%86%D8%A9+%D8%A7%D9%84%D8%B4%D9%88%D9%83%D9%88%D9%84%D8%A7%D8%AA%D9%87+%D8%A8%D8%A7%D9%84%D8%AD%D9%84%D9%8A%D8%A8&cd=8&hl=ar&ct=clnk

رغم هالشي العاديه الذ الغامج جربتها وايد مره :\

organic

وككاو نوع يدي علي انا شخصيا عرفته بمعرض الككاو ذقته قلت ابي جان تقول مو للبيع بس نذوقكم اياه اهي اهي ومانتبهت للنوع بس اعتقد هذا اهو لقيته بجيان جربت نوعين منهم زينين بس مو مثل اللي ذقته بالمعرض:\

وسمعت انه من فوايده الجسم يحرقه اسرع ,,

http://www.greenandblacks.com/us/

انواعي المفضله :

سناك هبيت فيه قبل فتره ..

الارو ماحبه اول بس ذقته قبل فتره صاير الذ واخف ..

واحب كندر اللي جنه حلاو بس مالقيت صوره :\

Labels: اكل |

34 comments

Friday, March 19, 2010

سايتات حبيتها (kuwait agenda-.kuwait moda)

10:27 AM

السلام عليكم ..

بما انه ملل وماكو شغل و لاني احب احوس واسوي سيرج فمجابله اونكل قوقل وادور ع اي شي ابيه..

وموخرا لقيت سايتات كويتيه حلوه ..

الاول :

سجلت فيه وايد حبيته متنوع حصلت فيه اغلب الاحداث اللي تصير بالكويت وهي بمختلف المجالات :

مثل المطاعم , الرياضه ,تسوق ,تكنولوجيا ,ترفيه , فنون وثقافه,لايف ستايل ,سياحة وسفر ,ومجتمع , والطفل ..الخ وكل مجال يندرج تحته عدة اقسام ..

http://www.kuwaitagenda.com/

*********

السايت ال2

kuwaitmoda.com

عباره عن دليل للمواقع الكترونيه اللي مقسمه حسب نوعها :

-مواقع بيع سواء شخصيه او محلات ومولات(سيارت - ملابس -زهور-افلام.. الخ).

-مواقع تعليميه (جامعات ومعاهد).

-اعلاميه (تلفزيون \مجلات\صحف).

-للعناية الشخصيه(انديه\صالونات ومساج).

-اقتصاديه (بنوك\اسهم وبورصة) .

الخ ..

وان شاءالله تستفيدون منها ..

Labels: سايت |

26 comments

Wednesday, March 17, 2010

بطاقتي :)

8:02 PM

السلام عليكم ..

اول امس اتصلوا علي لما رديت ولا تقولي كلية الاداب انا صرت جذي @@ ,بسقلت لها متخرجه من زمان قالت اي واهي تتحجى وانا ماسمع شي الله يهداها وايد تسترسل وانا صمخه ومو مركزه معاها ماأحب اتحجى بالتلفون :\ واهما متصلين جريب ال2 مو خوش وقت الزبده عجبتني سالفه ويابولي البطاقه ..

امس وصلت اهي قالت لي من 2 لي الى4 ييج المندوب قلت اوكي خليها 3 لي ال4 عساس اكون موجوده بالبيت , بس اهو ياه وقت العشا يعني ع ال7 او بالكثير 8 ..

والعده كانت :

*كتيب اعلانات في الجهات اللي مقدمه العروض :

مثل مطاعم - محلات حلو -محلات ذهب - هدوم - ورد - فندق- دي جي- نظارات -صالونات -مصورين ..... الخ وكل شي..

محتويات الظرف..

من الشغلات اللي شدتني وودي اجربها المختبر الالماني عندهم :

التحليل اللي تعرفين الاكل اللي يناسبج \ وعن تساقط الشعر واسبابه والحل ؟؟

صالون جاسمين ارت ماحب الصالونات بس هالشهر مايبت ملوت الخدمه المنازل قلت اجرب هالصالون ..

هالكوبون فيه جلسة حمام زيت بالفواكهة الطبيعه ..

جربتوه ؟؟

وغرامي اني ادلع نفسي وماكو احلى من السبا ..

اللي موجود بوبل سبا\ كاندل لايت سبا\ لافندر\ وولد سبا\مد سبا ..

في واحد منه سويت سيرج واخترعت لانه مره سكروه لقوا فيه كاميرات :\

بالنسبه لي شكلي بجرب كاندل لايت سبا مسوي عروض حلوه ..

من عروضه خصم 40% ع مساج سويدي ..

تاخذين جلسة علاج ايد يعطونج جلسة علاج القدميين ..

اشتري مجموعة التخسيس واحصلي ع مساج الصخوور الناريه مجانا ..

والخ ..

هم هالصالون ودي اجربه بس لسوالف الاظافر بس مو الحين طبعا وهم في محل اسمه اظافر بالرايه جربتوه؟؟

من المطاعم :

هذا ..

وهذا مادحينه لي ..

وهم في ناندوز وغيرهم ..

وفي المحل اللي احبه اهو رخيص بس زياده الخير خيرين خخ ..

ووايد شغلات بس ..

وهذا سايتهم في تفاصيل اكثر ..

http://www.betaqati.com/Adefault.asp

س : جربتوا الصالونات او ملوت السبا اللي فوق ورايكم فيهم بليز تفاصيل تفاصيل؟؟

Labels: عروض |

22 comments

Tuesday, March 16, 2010

bubbles nail spa

6:39 PM

السلام عليكم ..

امس رحت لـ bubbles nail spa من زمان كان ودي اروح له بس اتكيسل هالمره بدون تخطيط كنت اسولف مع رفيجتي واهي مهوسة خلطات وكريمات وهالخرابيط مثل حالتي جان تقولي خل نروح له ..

لوحاته منتشره بالمجمع ..

وصلنا له

وطلع لازم موعد جان اقوله انزين متى فاضين قالت 12 ونص قالت اوكي قعدنا نحوس لي ال12 الا ربع ورحنا لهم تقريبا نص ساعه وردينا لهم ماكو مكان نقعد فيه :\

دقايق وقالت تعالوا نسوي لكم حتى 12 ماصارت ..

اول شي قالت لنا نختار لون وألوان تشوق ماشاءالله كا مقتطفات منهم ..

وهم في عندهم كريمات وهالسوالف ..

واخترت هالنوع ..

مع خدمات اضافيه :
-فرنش عادي ..
- علاج تفتيح اليد ..

وهذا مكاني :)

وحطولي هالمخدتين ..

وهذي عطوها رفيجتي جان يشتغل النغر وقلت ابي عقب يابولي مثلها جان يبتلشون كلمالها طايحه ويردونها خخ ..

وعقب قالت لي شنو تشربين ؟فشفت منيو المشروبات في جاي اخضر نعنان – جاسمين تي- هوت جوكلت-كوفي-ماي وجنه كابتشينو..

اخترت هوت جوكلت ..

وهذي العده اللي باستخدمها ..

اول شي حطتلي سنفره وعقب ماسك وحطتلي نايلون ..

وفوق فوطه جنه تسوس..

وعقبها هذا ..(ولبسوني اياه مرتين )

وصلنا للصبغ خيرتني بين 3 الوان من الفرنش وقلت لها ابي التوب فيهم و حطتلي هذا ..

اسمه Madison

ولما خلصت يابولي هالجهاز ينشف الصبغ اسرع بس مليت لانه شغلته مرتين :\

واول شي الهوا باردد والاهم انا ماحب اثبت ع وضعيه معينه ماقدر احس جسمي يخدر جنه متكسره :\

دزيتها لما وقفت قلت خلصت و شاق الويه الضحك جان ترد الجهاز مره 2 تقولي بعد مره اهي اهي ..