Wednesday, July 13, 2016
كالعاده وللتذكير الصور من  vogue
 
حبيت انه الجاكيت مخصر ومفتوح وتحته تنوره طوله تقريبا ..
 
احب هالنقشه..
 
اسود + افويت = احبنك
 
الابيض كجاكيت حلو - البنطرون ستايل صروال ماري انطونيت خخخ
 
فخامه..
 حبيت
 عجبتني طريقة الربطه ...
 لون 2 منه و وشكله من صوب 2..
 
باجي الكولكشن تحصلون ب link

هالكولكشن مع انه شتوي بس طاغي عليه الوان الباستيل و فيه لون مخوضر ع مصوفر فاقع ..

غير الكاروهات والون المياتلك ..

بس ماعجبوني :\

لاحظوا كل اختياراتي غوامج :)

قبل لا ابلش بالصور كالعاده منقوله من سايت vogue











 
باجي الكولكشن تحصلون هون link
 
الصور من vogue


 جاكيت الbomber  من هبات هالسنه  ياحلوه بلوقو شانيل :)
 
حبيت السلاسل البنفسجيه ع الجاكيت ,,
 
  الابيض  والخامه ..
 
 
ماتوقعت اشوف الترنش كوت بشانيل احس مو ستايله !
 
 
ياحلو الابيض فخم ماشاءالله
 
 
هم حبيت هالموديل



باجي الكولكشن تحصلون هني link


الصور من vogue



 
شدعوه بس حبيت قطعتين خخ ..
 
باجي الكولكشن تحصلون هني link


 

هالكولكشن وايد في شغلات عجبتني ..
للتذكير الصور من سايت vogue
 
اكثر قطعه حبيتها هالجاكيت ..
 
 
 
بروشات الورد ..
 

 
 
هاالوك مع بنطلاون اوسع شوي حلو لنا المتحجبات ..
 
لايق مع هبة الذهب :p
 
باجي الكولكشن تحصلونه هني link
 
وهذا 2 كولكشن هم من سايت vogue
 
 



 
باجي الكولكشن تحصلونه هني link

بما اني من عشاق شانيل ..

حابه انزل سلسلة بوستات من سايت vogue

فيها مقتطفات لاكثر شغلات عجبتني من كولكشناتهم سواء كانت من الهوت كوتور او ردي و وير ..

كلنا نعرف شانيل ماتروح عليه القديم فنتج ونادر و اليدير اذا مو مينون اينن :)

بنبلش من سيزن 2002 لي 2017 ..

وهذا كولكشن Spring Summer 2002 Ready-To-Wear




هالكولكشن ماعجبني وايد بس اللي حابه تشوف تلقاه هني  link
 
Tuesday, May 10, 2016
السلام ..


اول امس بنهاية الدوام زميلتي تقرا جريده  الراي وشدها خبر بعنوان صبغ اظافر بنكهة الدجاج !!

قالت لنا عنه عاد انا كلش مااحب الاصباغ نطيت بشوف الخبر وصورته بسناب وبالليل نزلته بالانستغرام قلت  ل البوست مايكفي بسوي سيرج عنه ..

 ..
سويت ولقيت انه من كنتاكي فرع هونج كونج ..
 
فكرته مستوحاه من شعار كنتاكي :
 
(حتاكل صوبعك وراها !! )
 
متوفر بنكهتين كل نكهه لها لون مختلف :
 
1- نكهة السبايسي Hot & Spicy  ولونها برتقالي لون التاباسكو او الاحمر الفاقع  ..
2- نكهة الاصليه  Original Recipe كل مصدر حاطين لها لون مره بيج ومره يقولون اخضر زيتوني غامج مع بقع سودا ..
 
مكوناته :
 
 خالي من المواد الحافظة ومكوناته قابلة للأكل تشمل خليطا من البهار مخلوطا بالنشا مع إضافة صمغ نباتي عشان يلزق لون ويثبت ع اظافر  .
 
مدته :
صلاحيته  خمسة أيام فقط ويجب أن يحفظا في الثلاجة .
 
وال bbc  دزت مراسله تجربه وكانت هذي تجربتها ( مادري اروح اشتغل بالبي بي سي :)
 
 
طعمه :
 
بدا مذاق النكهة الحارة مماثلا لمعجون الطماطم المستخدم في دجاج كنتاكي الساخن والحار، واستمر مذاقه في اللسان بكل تأكيد، لكننا لم نكتشف أي نكهة للفراخ المقلية. << كلام مراسلة ال  BBC
 
لونه + قوامه :
 
البرتقالي كان : اللون كان شفافا للغاية ولا يقترب من لون الزجاجة، وحتى وضع طبقتين لم يحقق لي اللون القوي والمؤثر الذي أتطلع إليه.
اما الاخضر : استمر اللون  لفترة لا بأس بها، وبعد أن استقر اللون على الأظافر، بدأ اللون يتجمع ويفقد جاذبيته لإثارة الشهية. وهذا فشل كبير كطلاء للأظافر
 
موعد طرحه بالاسواق :
 
ماطرح بالاسواق حتى الان والاعلان عنه بوسائل الاعلام الاجتماعي (السوشل ميديا ) لقياس ردة فعل الجمهور .
 
 
تعليقي :
 
كلش ماتوقعت احد يفكر بصبغ اظافر طعم ولون وريحة ونكهة الدياي ليش خلصت النكهات ، على فكره في ماركات نزلت قبل جم سنه اصباغ بروايح عطريه مثل رفلون مو روايح اكل !
 
المصادر :
 
 

جريدة الراي عدد 9-5 -2016
Sunday, April 3, 2016
السلام عليكم ..
 
من سنتين هبيت اتابع مسلسلات باليوتيوب من طيحتي ال2 بالمستشفى علبو اكسر الملل ..
 
وعقب رديت لحياتي الطبيعيه وبين فتره وال2 اتابع مسلسل شفت وحبيت حيل عشق النساء وشفت مسلسل لو ماكنت اقدر اشوفه بعرضه الاول لانه كان برمضان وكنت حييييل مريضه واهيا البطله مرضت قلت لا مو ناقصني ابي شي يطلعني من جو المرض  << هذول مسلسلات لبنانيه ..
 
شفت مسلسلات كويتيه اللي اذكره يامن كنت حبيبي و رصاصة رحمة هذا كل ب2014 ..
 
العام شفت مسلسل مصري وحبيته غريب احداثه مو متوقعه اهو حالة عشق ..
 
هذا اللي اذكرهم ..
 
وبما انه مزاجي اشخبط قلت انزل بوست عن اخر مسلسل تابعته او بالاحرى قبل الاخير وبما انه مسلسل يديد توه يعرض هالسنه 2016 والحين يحطونه ع mbc4  يسوى اكتب عنه بوست ..
 
شدعوه هالمقدمة خخخ معلقه صارت ..
 
نبلش عن المسلسل ..
 
ابطاله :
المسلسل احداثه في لبنان وقصته لبنانيه واغلب ابطاله هم لبنانين بس في مشاركة من نجوم مصريين و سوررين ..
-نادين نسيب نجيم (سمرا)
 
 -أحمد فهمي ( الحكيم - د . تامر "مصري")
 
-طوني عيسى (سيف ولد عم سمر اهو الريس مادري المعلم ويحب سمرا يحبها ومتزوج 2 وعليه مجابلها يسوطرها خخ ) تمثيله ماشاءالله اهو من عشق النساء وانا احب ادواره وهني متكن ماشاءالله  حتى بنظراته وحركة راسه ..
 
-باميلا الكك ( ريم وصج تقنع بالدور ماشاءالله وايد في مشاهد تصكني العبره من سبتها )
 
-وسام حنّا ( نسيت اسمه !  جنه وائل المهم هم هذا مثل بعشق النساء وبالتمثليتين يبط الجبد دوره يعني اجاده ماشاءالله من الغجر وكل مشاهده بصوب ولما صرخ امييييييييييييييييي يبي يعرف امه منو بصوب كنت بقوله انا امك بس كسرت خاطري بروحي مشاعر الامومه فايضه عندي)
 
-غريتا عون ( ام رامي ومرت ابو سمرا  جنه اسمها هنيه)
 
  -تانيانا مرعب ( مرتوه لسيف اللي كله يطقها ويزفها مسكينه )
 
 -جنيد زين الدين ( الغثيث ليس ع قولتهم يعني ليث اخو سيف ولد عم سمرا )
 
 -خالد السيّد ( ابو سمرا مايحتاج امدح تمثيله لانه من كثر ماضبط الدور ماشاءالله بط جبدي خخخ )
 
-ختام اللحام ( ام سيف - مرت عم سمرا )
 
-سمر سامي (صبحية  مره ربيتها قاصره كلمة بالكويتي يعني مخديه لا هم بالكويتي يعني بالعربي فيها تخلف عقلي وتعرضت لاغتصاب )
 
-محمد حداقي ( دكتور سوري هاجر الى لبنان بعد حرب الشام و اهو صديق د. تامر )
 
  -منى واصف ( المفروض اهيا اسمها بعد نادين اهيا البصاره راويه اي احبها وحابه دورها من جذي برزها فوق خخ )
 
 -حنان سليمان ( ام الدكتور تامر " مصرية ")
 
-ناصر سيف  ( ابو الدكتور تامر " مصري ")
 
وفي وايد شخصيات ماعرف اساميهم بالصج بس لهم دور فعال مثل جميل صديق سمرا و خالة سمرا وميمو بنت عم سمرا واحمد وسحر هذول من الغجر وهم سامر اخو الدكتور السوري له قصه صج دور بسيط بس يمثل بحث مهم ... الخ ..
 
القصه :
تدور احداث المسلسل وسط مجتمع مهمش يسمى بالغجر او النّور او الرحالة ( ماكنت اعتقد انه في عرب من هالفئة توقعتهم لاتنين ومكسيك ربع كساندرا  ) ..
 
ومهمش لانه محروم من ابسط حقوقه اهما ببساطه مجموعة عوايل تسكن في خيم وعشيش ماعندهم هويه " جنسية " ولا اواق ثبوتيه الا ورقه من المختار هالشي يمنعهم من حقهم بالتعليم و العلاج وغيره من حقوق اساسيه لكل انسان ..
فيهم اميين وفيهم ناس متعلمه بس مايكملون حدهم 4 ثانوي ومايدشون امتحانات النهائية !!
 
حرمانهم من ابسط حقوقهم واهمها وتهميشهم خل الجريمه تنتشر بينهم من قتل ! تهريب اسلحة وتجارة مخدرات وسوري ع لفظ هم دعارة !! اغتصاب و سرقة  وخطف...
 
والى اخره من جرايم ..
 
ونتيجة تعرض اطفال المخيم " الغجر" لمرض مفاجئ وغريب تم الاستعانه بطاقم طبي او وفد طبي عربي "خيري\ تطوعي" اسمه اطباء حول العالم لكشف وعلاج هالحالات كان احد هالاطباء الدكتور المصري تامر هناك تلاقى مع سمرا لانه اختها ايه كانت احد ضحايا المرض  وعقب حبوا بعض ( مابي احرق عليكم القصه ) شصار ع حبهم وشنو ردة فعل اهل سمرا خصوصا انا ولد عمها يحبها ويبيها و شنو ردة فعل اهل د. تامر واهو اساس متزوج ومرته تعاني من مرض نفسي اثر ع الانجاب عنده ؟ واهو من عايله غنيه اب عن جد كلهم دكاتره !
 
هذي القصه او الحدث الاساسي ..
 
وفي احداث ثانيه تطرقوا فيها لقضايا مهمه مثل الارهاب والتطرف ..
 
عدد الحلقات :
 
60 حلقه ..
 
موجوده بهالسايت ( هني ) بس ناقصه حلقتين اهما 48 و 52 ..
 
 
ومثل ماقلت فوق حاليا يعرض ب mbc4 
 
 
مواعيد عرضه :
 
الأحد - الخميس الساعه 6 مساءا بتوقيت السعوديه ..
هذا اكاونت بتويتر للمسلسل اسمه @samra_series
 
*اهو اللي خذيت منه الصوره اللي بالبوست ..
Thursday, March 17, 2016
 
انا قايله مابي بوستات اكل ..
 
بس هالكافيه وايد احبه واهو اكثر كافيه  رحت له ب2015 م ..
 
هبيت فيه من شهر 10 اذا رحت له 5 مرات شويه وكل اللي احبه وديتهم له  وهم رحت احتفلت بعيد ميلادي فيه من كثر ماحبه ..
 
*عنوانه *
 
كافيه صغيرون ومحفوف موجود بالصالحيه فوق بدور المطاعم بس شوي بعيد عنه يم محل الاكسسورات وجبال الدري تقريبا جنه محل ..
 
انا اللي يشوفني وانا مرتزه فيه يقول بيتنا ارحب بالناس بعد خخخ..
 
قبل لا تروحون تاكدوا انه محجوز او لا وتعرفون هالشي من اكاونتهم بالانستغرام هذا اهو @madamesucre 
 
هذي الصوره من اول مره صورت كل ربعه فيه بسناب بس نسيت اسيفهم :\
 
*الاكل *
وجربت وايد اطباق  مثل الريزتو وشوربة المشروم عاديين والبطاط بالجبن ماحبيته  بس اكثر طبقين حبيتهم  اهما هذول ع طول اطلبهم ..
 
هالطبق تقدرون تقولون شامل ..
 
 
فوق فيه مخلل + زيتون و شغل 3 ماذكر شنو ..
 
عقب كرواسان ساده + ماكرون + كيك مغلف بككاو بانواع مختلفه وصلصات نوتيلا وصلصله 2 خضرا ..
 
واخر شي الذ شي صمون بحشوات مختلفه مثل تيركي او حلوم .. الخ ..
 
 
وهذا الطبق ال2 ..
 
بيض حااااامض وتحته تيركي ع صمونه  << احبنه
 
 
وع طاري الحموضه جربت بعد سلطة اعتقد اسمه فتوش كانت مع الجبنه العوده ماثبت ع اسامي :\ المهم حبيت انه صلصة السلطة حامضه ..
 
ومن المشروبات ماجربت الا شراب الورد او بالاحرى عصير الورد ..
 
اللي جربته قالت حلو لما جربته ماعجبني لانه فيه سفن ! انا مااحب السفن ..
 
 
ومن السويت ..
 
غير اللي بالطبق الشامل جربت كيكه بعيد ميلاري وجربت الفوندوو كان زوين بس طعم الحليب المحلى طاغي ع ككاو << توني اذكر مادري وين صوره ..
 
وهذا عجبني ..
حبيت هاللولي بوب ع شكل برواز او منظره وداخلها الحرف اللي تبونه ..الحبه بدينار ونص ..حلو لسوفنير ولاده - زواج - او حتى نقصه بس حلاته يكون مغلف بشكل بوكيه اهما يوفرونه بعلبه هدايا ..
 
اما عيد ميلادي ..
 
رحت احلي فيه وكان احتفال بسيط وحلو لما قلت لهم اسمي نونه رحت اصلي ورديت لقيت القرسون ينطرني مع الشيف لما دشيت شغلولي اغنية نانسي خخ موجود الفيديو بانستغرامي اللي حابه تشوفه تكتب #nona29birthday
 
احاولت اذكر اغلب تجاربي له ..
 
 
 

Wednesday, March 16, 2016
 
هاللللللو ..
 
اتز مي ..
 
ولهت ع التدوييييييييييييييييييييييييييييين ..
 
قلت ارد بتجربة تسوى بعيد عن المطاعم  وخرابيط البيوتي ..
 
اخر سنتين التوجه طبي بحت :\ الحمدالله ع كل حال ..
 
طبعا انا قايله مستشفى مادش الا عقب 7 سنين عقب دهر معابل فيها احاول كثر ماقدر ماروح :\
 
المهم مسماري اللحم مو شي يديد من عمر موجود بقاعة ريلي وبلش هالفتره حييييييييييل يتعبني ..
 
فاحترمت نفسي ورحت اعالجه اول محطة كانت عايدة بوشهري حجزت موعد قبله باسبوع بس وصلت متاخر ربع ساعه جنه مارضى يستقبلوني او حتى يكشفون عليه ! وشغلهم الظاهر ع سستر مو الدكتور لانه اهيا اللي مارضت ! المهم موعدي ع 11 ص الرسبشن تقولي اذا تبين الساعه 7 مادري 8 فاضي ! بالله شينطرني ..
 
وانا اساسا مابي سستر ابي دكتور ,,
 
نسيت اقولكم او بالاحرى اذكركم انا ب2010 قبل لا اتعب من مريء كنت رايحه اعالج كا البوست  لقيته هني  بالجلديه التخصصي بالجهرا وكان الدكتور اهو اللي مسويلي كي مو السستر ..
 
انرد ليوم اللي رحت فيه بوشهري كلينك طلعت منه وبطلعتي شفت كومفيت اهو بالعماره اللي يمه ..
 
دشيت اجرب اذا اقدر ادش ويسولي ,,
 
 
والحمدالله ضبطت ..
 
سويت ريلي وشالت المسمار كبير كان !
 
وهذي العده غير الاجهزة ..
 
 
 
قالت لي من الجواتي ضيجه جان قالولها هذا اكبر مني بسايزين :/
قالت لانه ريلج مقوسه حيييل من جذي الضغط ع اللي جدام ..
 
عطتني هذا قالت لبسيه ع طول نفس ضباب وداخله من تحت جل لبسته يوم ومليت  لازم جوتي كبير وانتي بكرامه ولا ماتدش ريولي..
 
 
شريته منهم ب5 دك ..
 
 
والشغل للريل زين فخليتها تسوي اظافر ايدي بس ماعجبني :\
 
وقالت لي يبيلي بعد جلستين او 3 بس موعدي ال2 ماقدرت اروح كان عندي دوام السبت :\ واستثقل روحت السالميه الحين حولت ع مكان 2 اذا فادني اقولكم  ، رد عقب 3 اسابيع تقريبا المسمار كشكل بس العوار ماراح اساس موجود حتى عقب ماشالوه ..
 
سعر شغل الريل :
 
اهو نفس البديكير شامل مسمار اللحم يعني اظافر وتفرك ريل = 15 دك ..
 
اظافر الايد = 5 دك ..
 
 
وهذي صوره فوق البيعه :)
 
هذا اكاونتهم بالانستغرام :
 
مركز طبي للعناية بالقدم Medical Foot Care Center
  Phone +965-96009228
 
هذا بوست ع طاير وان شاءالله استمر ..
 
 
 

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads